– Со новите протоколи, во моментот, ако има дојава, без да се прави паника, се врти на дежурниот број што ни го има дадено полицијата и се соопштува веднаш. Должни се во рок од 5 минути да дојдат, да го пребараат училиштето со претставникот од соодветното училиште. Нема да има соопштение за да им се соопшти на наставниците, туку само на полицијата. Остануваат сите во училиштето и смирено се пребарува. Наводно, дојавите имаат три фази: зелена, жолта и црвена. Зелената значи дека е лажна дојавата и по првата проверка, без паника, наставата продолжува. Жолтата е доколку се пронајде сомнителен предмет. За секое училиште има веќе назначено претставник од полицијата да биде во близина. Од училиштето и Министерството за образование се преземени сите можни дејства – од промена на електронски адреси, службени соопштенија, но, во секој случај, главна улога имаат упатствата на МВР – објаснува Ахил Јаков, директор на прилепското основно училиште „Климент Охридски“.

Училиштето уште за време на пандемијата има приватно обезбедување и сметаат дека е поголемо чувството на безбедност.

Христина Трпческа, директорка на градинките „Наша иднина“ од Прилеп, потврдува дека ги спроведуваат упатствата од МВР, а и од Министерството за труд и социјална политика. Укажува на тоа дека на вчерашниот состанок имало реакции од присутните дека дел упатства се малку нелогични.

– Ги применуваме упатствата, деновиве чекаме и написмено да ги добиеме. Од Министерството за труд и социјална политика спроведуваме повеќе укажувања, меѓу кои и промената на електронските адреси. На вчерашниот состанок од присутните имаше реакции дека е нелогично и се чувствуваат несигурни да останат во објектот додека е проверката и потоа да продолжат понатаму. Ова го велам и како директорка и како родител – изјави Трпческа.

Досега во пет прилепски основни училишта имаше, како што се констатира, лажни дојави за поставени бомби.

Наставата во прилепските основни и средни училишта се одвива непречено.

The post АКО ИМА ДОЈАВА ЗА БОМБА, НАСТАВАТА ПРОДОЛЖУВА Училишта и градинки во Прилеп ги спроведуваат протоколите на МВР appeared first on plusinfo.mk.

Дојави за поставени бомби утрово пристигнале на електронските адреси на 18 училишта во Скопје, каде во тек се антитерористички проверки, соопшти МВР.

„Денеска (02.03.2023) до 08.20 часот во МВР e пријавено дека на електронските адреси на 18 училиштe во Скопје е упатена закана за поставена експлозивна направа. Веднаш по добиените пријави, од полициски службеници се преземени мерки за безбедно евакуирање на објектите и во тек се антитерористички проверки и се преземаат мерки за расчистување на случаите“, наведуваат од МВР.

Вчера пристигнаа пријави за наводно поставена експлозивна направа во 120 училишта во Скопје, а по сите направени проверки од страна на МВР беше утврдено дека станува збор за лажни дојави.

Изминативе денови на електронските адреси на повеќе основни и средни училишта во Скопје и во Прилеп пристигнаа закани за поставени експлозивни направи, поради што Министерството за образование и наука предложи во оние училишта каде има дојави за бомби наставата да се спроведува онлајн.

The post САМО ШТО ПОЧНА НАСТАВАТА ВЕДНАШ ПРЕКИНАТА Нов ден, нови дојави за поставени бомби во 18 училишта во Скопје appeared first on plusinfo.mk.

– Ние ги започнавме опсежно сите истраги во овој дел, вклучени се сите институции коишто се грижат за националната безбедност и, секако, нашите меѓународни партнери. Во неколку правци одат истрагите. Имаме веќе добри сознанија од каде доаѓаат мејловите, на кој начин се испраќаат итн. Секако дека ќе ни треба и меѓународна правна помош за да можеме да ги потврдиме доказите и тоа е клучно кај вакви хибридни напади, да се обезбедат доказите – истакна министерот Спасовски.

Тој потенцираше дека полицијата мора да постапува по строго утврдени протоколи, да ги следи сите можни насоки кон кои води истрагата и во таа насока досега имаше приведени и две лица за кои се утврди дека нивните податоци и адреси биле злоупотребени, по што беа ослободени”, рече Спасовски, додавајќи: „Кога имате индиции тие мора да се испитаат, без разлика која е таа личност, на каква позиција се наоѓа, какви политички, верски и други убедувања има. Тоа е ирелевантно кога станува збор за истрага и кога се работи за безбедноста”.

За справување со хибридните закани и сајбер криминалот којшто зема замав и на глобално ниво, министерот Спасовски образложи дека веќе со години преку донесување на Стратегијата за борба со сајбер криминалот, која е во процес и на усогласување со НАТО стандардите, веќе имаме силна основа за ефикасна борба со овој вид криминал кој постојано се усовршува со развојот на информациските технологии.

– Веќе имаше неколку напади на информациски системи на разни министерства, Заводот за статистика и други од кои сите беа одбиени и немаше предизвикано штета по губење на информациските податоци. Во таа насока со средства на ИПА, МВР го изгради информатичкиот Центар за заштита на податоците, кој што во суштина е тврдина за заштита на информациските системи и дигиталните податоци на институциите, а освен МВР го користат и можат да го користат сите институции – посочи министерот Спасовски.

The post ПОТРЕБЕН Е БРЗ И ЕФИКАСЕН ОДГОВОР Спасовски повтори дека „лажните бомби“ се класичен хибриден напад appeared first on plusinfo.mk.

На речиси десет дена пред почетокот на пописот граѓаните честопати се прашуваат што треба да направат доколку попишувачот не ги најде дома или доколку едно семејство има два или повеќе станови и куќи, па дали треба и на тие адреси да се попишуваат.

За овие прашања побаравме одговор од директорот на Државниот завод за статистика, Апостол Симовски, кој за Плусинфо објасни какви се точно обврските во вакви или во слични ситуации.

– Доколку попишувачот на точната адреса не најде никој од семејството дома, тој има обврска да остави белешка, кога точно повторно ќе дојде на таа адреса, а тоа може да се случи и три или четири пати. Бидејќи работното време на попишувачите е од 08 до 20 часот, поради тоа препорачуваме лицата кои треба да бидат попишани на истата белешка да остават точна саатница кога ќе бидат дома за попишувачот да дојде. Во минатото во ваква ситуација, попишувачот оставаше белешка по што попишуваните лица требаше да јават во локалната канцеларија за попис, но овој пат не е така – ни изјави Симовски.

Директорот на ДЗС потенцираше дека речиси 30 проценти од граѓаните не живеат на адресите кои им се во личната карта, поради нивни лични причини. Но, сепак попишувачите ќе имаат обврска да ги лоцираат и да го спроведат пописот на адресата каде што можат да ги најдат или тоа ќе го стори некој друг попишувач.

– Како што повеќе пати информиравме, ќе спроведеме комбиниран начин на попис со користење на податоци од неколку регистри, па така попишувачите според матичниот број ќе имаат увид кое лице каде има адреса на живеење. Доколку на таа адреса не живее никој, тогаш попишувачите ќе ги лоцираат и ќе го извршат пописот – вели Симовски.

Тој преку пример ни објасни зошто оваа статитичка операција е важно да се спроведе. Доколку едно семејство има стан во Општина Центар и во Општина Кисела Вода, а тоа живее во едниот од нив, тоа ќе биде од големо значење за креирањето на развојната политика на општината во која што живеат, така што локалните власти ќе имаат точен увид во бројот на жители во таа општина.

Според последните информации, преку апликцијата за самопопишување заклучно со 08.30 часот утрово (22.03.2021) се евидентирани вкупно 121.520 лица.

Процесот на самопишување почна на 1 март и ќе трае до 21 април, а преку апликацијата се попишуваат македонските државјани кои престојуваат во странство, поради работа или други лични причини, до и подолго од 12 месеци.

Од 1 март се попишуваат и дипломатите и нивните семејства, а од 1 до 15 март се попишуваа лицата кои се наоѓаат во служба на Армијата на РСМ, во државата или во странство, лицата во притвор или на издржување казна затвор во затворите, казнено-поправните установи и воспитно-поправните домови, како и бездомниците.

Пописот на населението, домаќинствата и становите, пак, треба да се спроведе од 1 до 21 април.

The post Попишувачот ќе ве бара сѐ додека не ве начека дома appeared first on plusinfo.mk.

Регулаторното тело на поштенскиот пазар констатира дека граѓаните се уште многу често нарачуваат и купуваат разни добра преку интернет од непроверени продавачи. Во зголемениот обем на поштенски услуги од on-line нарачки од почетокот на рестрикциите, значителен е уделот на пратки со откупнина, кои потекнуваат од нерегистрирани трговци, од продажба преку социјалните мрежи (фејсбук и инстаграм) и од друг вид нелегална трговија. Притоа, укажува Агенцијата, се поприсутен е притисокот на испраќачите-трговци врз давателите на поштенски услуги, доставувачите да ја наплаќаат цената од примачите, во готови пари (т.н. откупнина за поштенските пратки ) и наплатениот износ, исто така во готовина, да го предадат на испраќачите.

Како што оценува Агенцијата за пошти, отсуството на запис со целосни адресни податоци (име и презиме/назив за физички и правни лица и нивни полни адреси) за идентификација на секој испраќач-трговец, во евиденцијата за извршени поштенски услуги на давателите на поштенски услуги, е неисполнување на правата и обврските од издадената дозвола за работа. Таквото деловно работење и пракса на давателите на поштенските услуги, укажува агенцијата, би можело да значи и свесно помагање на нелегалната трговија, сивата економија и недозволените активности воопшто, однесување кое што го санкционираат други надлежни инспекциски органи

– Од тука, во духот на добра деловна практика и професионалната соработка, укажуваме на потребата од зголемена свесност за одговорноста на секое правно лице -лиценциран давател на поштенски услуги и на одговорното лице во тоа правното лице, за доследно спроведување на дадените обврски од Агенцијата по однос на поштенската евиденција, документирање и чување на записите. Секое спротивно постапување кое не е во согласност со пропишаните обврски на давателите на поштенски услуги, подлежи на санкции – предупредува Агенцијата за пошти.

The post За пратки со откупнина задолжителни се адресните податоци, предупредува Агенцијата за пошти appeared first on plusinfo.mk.