Адора инженеринг одбележува 22 години успешно постоење, како компанија предводник во високата градба, цврсто етаблирана и во други стратешки бизниси.

На 28 август 2002, на празникот Голема Богородица и на Денот на рударите, проф. д-р Ванчо Чифлиганец, потврден стопанственик и врвен менаџер во компании со државна и приватна сопственост, ја основа Адора инженеринг, со примарна дејност градежништво, висока градба. Брендот прерасна во синоним за изградба на докажано стабилни, висококвалитетни, иновативни недвижности, со импозантен биланс од над 400.000 m² изградена површина резиденцијални и деловни објекти. Со диверзификација на бизнисот, компанијата сериозно навлезе во финансискиот сектор и енергетиката. За успешноста и високите резултати на оваа компанија сведочат и добиените 100-тина признанија и награди во Македонија и на интернационално ниво.

Круна на незапирливиот развој на овој реномиран бренд е изградбата на современата установа за социјална заштита на 150 корисници, возрасни лица, „Оаза Адора Илинден Скопје“, што треба да биде отворена до крајот на годинава и се надоврзува на хуманата димензија на компанијата. Адора инженеринг и Фондацијата проф. д-р Ванчо Чифлиганец се познати по филантропската традиција, преку изобилството позитивни практики за поддршка на заедницата. Одбележувањето на 22 годишнината на овој пред сè градежен бренд, е и во духот на најновиот урбан симбол, станбено-деловниот комплекс „Порта Скопје Адора“, што наскоро ќе почне со изградба во строгиот центар на македонската метропола. Покрај Македонија, Адора инженеринг успешно делува и во соседните држави Србија и Грција.

„Генералниот директор проф. д-р Ванчо Чифлиганец, кој во посветената работа изминатите 22 години, со многу непроспиени ноќи, нема користено ниту еден ден годишен одмор, изразува голема благодарност на неговото семејство, поранешните и сегашни вработени, на респектабилните институции, деловните партнери и сите добронамерници, без кои Адора инженеринг немаше да биде тоа што е денес и да одбележува 22 години успешна македонска градителска приказна“, соопшти компанијата.

The post АДОРА ИНЖЕНЕРИНГ ОДБЕЛЕЖУВА 22 ГОДИНИ РАЗВОЈ Брендот прерасна во синоним за висококвалитетни недвижности appeared first on plusinfo.mk.

„Во овие моменти најважна е солидарноста, а македонскиот народ сочувствува со нашите пријатели од Турција и погодениот регион. Адора изразува длабоко сочувство до семејствата на настраданите во земјотресите, а средствата уплатени преку Халк банка – Скопје се со цел барем малку да се помогне и да се обезбедат неопходните намирници и средства за преживеаните, иако загубата на човечките животи е ненадоместлива“, соопшти компанијата.

– Сега е најважно секој од нас, согласно своите можности, да покажеме хуманост, солидарност и човечност на дело – порача генералниот директор на „Адора инженеринг“, проф. д-р Ванчо Чифлиганец.

The post „АДОРА ИНЖЕНЕРИНГ“ ДОНИРАШЕ ПАРИ ЗА ТУРКИЈЕ И ЗА СИРИЈА Сега е најважно да се покаже човечност appeared first on plusinfo.mk.

„Мојот македонски код – Живеам за да работам – Ако си борец ќе бидеш и творец“, е најновото авторско дело на проф. д-р Ванчо Чифлиганец, животна и професионална автобиографија на потврдениот стопанственик, менаџер, професор, спортски активист и филантроп, која беше промовирана синоќа на корпоративната прослава на Адора во Скопје.

Низ 12 поглавја, Чифлиганец им се обраќа, пред сѐ, на помладите, но и на сите други им ги открива основните тајни и личниот рецепт како се доаѓа до успех и како се стигнува на врвот. Овој наративен и фотографски времеплов низ животните предизвици на Чифлиганец, базиран на негови сведоштва и документи, е фокусиран на образовните дострели, професионалната и општествено-политичка кариера, филантропијата и неговиот неимарски македонски код, успешната македонска градителска приказна „Адора инженеринг“. Чифлиганец во оваа книга, несебично, како филантроп, пишува за клучот и ја дешифрира формулата како се доаѓа до успехот, преку конкретни примери и карактерни особини, враќајќи се 150 години назад, бидејќи како што самиот истакнува, ако тоа не било вградено кај секој Македонец, сигурно денес не би имале своја самостојна држава, Македонија.

„Мојот македонски код“ пренесува и дел за менаџерството, животен, автентичен лексикон и поглед кон иднината за нашата благородна Македонија, со што авторот сака да ја врати вербата во смислата на животот, да го врати оптимизмот дека Македонија може да биде одлично место за живот, порачувајќи дека не е само туѓата земја-ветена, туку дека и во Македонија може секој да си го исполни својот сон.

Дел од тимот на Адора инженеринг 

Реномираниот писател, проф. д-р Венко Андоновски, дописен член на МАНУ, Чифлиганец го оцени како егзистенцијалистички феномен од македонската лоза, кој верува и докажува дека човекот и неговиот живот имаат смисла, дека таа смисла се работата и подвигот за еден подобар свет. Книгата не го отсликува само главниот лик, авторот Чифлиганец, туку таа се однесува на многу генерации Македонци, отсликувајќи го битието на Македонецот во временска дистанца од 150 години наназад и македонскиот код, со кој многумина ќе се идентификуваат.

– Драго ми е што во нашата Македонија ги подигнавме стандарите за висока градба. Не чекавме да дојде енергетска криза за да ги поставаме првите фотоволаици пред 13 години, да ги воведеме енергетски ефикасните домови пред 16 години и од квалитетот по кој сме препознатливи, продобивки да има целото општество – порача д-р Драгана Д. Чифлиганец, извршен потпретседател на Адора Бизнис Групацијата, која има диверзифицирани бизниси во различни сфери и географски подрачја.

Драгана Д. Чифлиганец, извршен потпретседател на Адора Бизнис Групацијата

На прославата, со која се одбележаа 20 години јубилеј на интернационалниот бренд Адора, 45 години работен стаж, 35 години од докторирањето и 30 години успешно менаџирање на неговиот основач проф. д-р Ванчо Чифлиганец и 30 години самостојна Македонија, им беше изразена благодарност за заедничките успеси и поддршката на тимот на компанијата, институциите, соработниците и сите пријатели на големото семејство Адора инженеринг.

The post „МОЈОТ МАКЕДОНСКИ КОД“ Автобиографската книга на Ванчо Чифлиганец порачува дека Македонија е ветена земја appeared first on plusinfo.mk.

Од компанијата дополнително информираат и дека немаат финансиски можности да продолжат да ја вршат дејноста.

Како што соопшти компанијата согласно член 51 од Законот за енергетика БЕГ имал рок само 90 дена да продолжи да ја извршува обврската,а овој рок истекол

„Во овој период БЕГ Производство продолжи да ја врши дејноста и ги заврши сите неопходни ремонтни активности во топланите се со цел новиот носител на лиценца да може непречено да ја започне новата грејна сезона“, се наведува во соопштението.

Од компанијата информираат и дека БЕГ Производство нема правна основа за користење на топланите, бидејќи Договорот за закуп е раскинат и новиот сопственик на топланите побара примопредавање на истите.

„Дополнително, компанијата е финансиски неспособна за вршење на дејноста, поради големите загуби остварени во претходната грејна сезона како резултат на неколкукратно зголемените трошоци за набавка на енергенси и електрична енергија кои не беа покриени со одобрените тарифи од Регулаторна комисија за енергетика. Поради овие причини на 09.06.2022 год. БЕГ – Производство до РКЕ поднесе барање за престанок на лиценцата се со цел навремено и непречено да се избере нов носител на лиценца за вршење на дејноста производство на топлинска енергија за новата грејна сезона. На 20.06.2022 год. РКЕ донесе решение за престанок на лиценцата на БЕГ – Производство“, се појаснува во соопштението.

Во врска со договорот за деловно – техничка соработка помеѓу БЕГ – Производство и АД ЕСМ од БЕГ производство информираат дека овој договор бил со важност до 31.03.2022 год., односно истиот е истечен.

„Од погоре наведеното очигледно е дека БЕГ – Производство нема правен основ да располага со топланите, нема обврска да продолжи со вршење на дејноста во новата грејна сезона, ниту пак има финансиска можност и кредитна способност за набавка на гориво за производство на топлинска енергија“, се наведува во соопштението.

The post СИТЕ РОКОВИ ИСТЕКОА, НЕМАМЕ ТОПЛАНИ, НИТУ ДОГОВОР СО ЕСМ Балкан енерџи груп информира дека нема правна основа да управува со парното appeared first on plusinfo.mk.

Во соопштението упатено до јавноста компанијата информира дека и покрај тоа што очекувала инвестицијата во топланите да ѝ се исплати, досега има само загуби и неплатен долг од БЕГ за користењето на топланите во изминатата грејна сезона.

Го пренесуваме соопштението во целост:

„Адора инженеринг“ на ден 01.09.2021 година, односно пред повеќе од една година, на транспарента јавна лицитација за сума од 9,26 милиони евра со вклучени даноци, ги купи имотите топлана Исток и топлана Запад, кои што претставуваат основни средства за регулирано производство на топлинска енергија во градот Скопје, а кои беа во стечајна постапка. Во тој момент, свесни за минималната економска оправданост на инвестицијата, нашата мотивација беше оваа стратешка дејност да се врати во домашни раце и про-активно да ја развиваме и унапредуваме сo сите последни трендови поврзани со дејноста.

Меѓутоа, од тогаш до денес, „Адора инженеринг“ нема добиено ниту владение врз купениот имот од страна на „Топлификација“ АД во стечај и БЕГ, ниту апсолутно никаков надомест за користење на имотот од страна на БЕГ, поради што се нанесува огромна штета врз работењето на „Адора инженеринг“.

БЕГ одби регулирање на меѓусебните односи за користење на топланите, односно ги користи топланите бесправно. Оваа проблематика не беше, а можеше да биде регулирана преку деловно-техничката соработка помеѓу ЕСМ и БЕГ која беше направена во јануари оваа година.

Дополнително, топланите во изминатите неколку години се драстично обезвреднети поради фактот што износот за амортизација на опремата кој е определен и контролиран од РКЕ, и граѓаните го плаќаат со цел одржување на топланите во добра кондиција, речиси целосно не бил вложуван во изминатите неколку години, што нанесува директна штета, пред сè, на квалитетот на дејноста и економската исплатливост во истата.

Дополнително, поради обезвреднувањето на топланите и останати системски недоследности, приносот на капитал, односно единствениот приход за сопственикот на топланите во оваа дејност од 960 000 евра во 2010-та година, во услови на огромна акумулирана инфлација низ годините, денес е доведен на рекордно ниски ниво од 365 000 евра годишно. Сето ова доведува до ситуација каде што според моменталните параметри во бизнисот не може да се најде апсолутно никаква економска издржаност. За илустрација, годишниот ануитет кој што „Адора инженеринг“ треба да го сервисира кон домашната банка за отплата на кредитот наменет за купување на топланите изнесува околу 900 000 евра, што значи дека директно Адора инженеринг е во загуба од над 550 000 евра годишно. Доколку овде се засметаат и сопствените средства дадени како учество и дополнително обезбедување кон кредитот загубата станува уште позначителна.

Со ЕСМ веруваме дека во наредниот период ќе изнајдеме заедничко прифатливо решение сè со цел општото добро и интересот на граѓаните. За „Адора инженеринг“ е потребно регулирање на досегашните долгови настанати во изминатата година по основ на принос на капитал и невложена амортизација со цел да пристапиме кон регулирање на идните односи.

Според моменталните регулирани параметри во дејноста сметаме дека единствено решение во интерес на граѓаните е ЕСМ да пристапи кон купување на топланите Исток и Запад, за што на 18.08.2022 година, ЕСМ до „Адора инженеринг“ испрати Барање за доставување на понуда за продажба на имотот, топланите Исток и Запад, со цел оваа енергетска дејност да биде обединета под државна контрола.

Во најдобар интерес на дејноста и граѓаните, „Адора инженеринг“ одговори дека е согласна со ова барање и сме спремни доколку ги наплатиме побарувањата од изминатиот период кој што законски ни следуваат, да го продадеме имотот по истата цена по која што го купивме.

The post „АДОРА ИНЖЕНЕРИНГ“ ГИ ПРОДАВА ТОПЛАНИТЕ Ги нуди на ЕСМ по цена од 9,26 милиони евра колку што ги купи appeared first on plusinfo.mk.

„По реакциите на граѓаните за квалитетот при испораката на топлинска енергија во Скопје, сакаме да ја информираме јавноста дека ‘Адора инженеринг’ нема никакви ингеренции и улога во производството и испораката на топлинска енергија, а со тоа и во настанатата ситуација. Впрочем, иако ‘Адора инженеринг’ на јавна лицитација ги купи топланите Исток и Запад, во моментов лиценциран производител на топлинска енергија во главниот град е Производство на топлина – Балкан Енерџи ДООЕЛ Скопје (БЕГ)“, соопшти „Адора инженеринг“.

Оттаму додаваат дека Групацијата „БЕГ АД Скопје“ ги оперира и е одговорна за квалитетно производство и испорака на топлинска енергија во Скопје. Лиценцирани компании кои го снабдуваат градот со топлинска енергија се компаниите од групацијата „БЕГ АД Скопје“, која е единствен правен субјект кој го менаџира производството, дистрибуцијата и снабдувањето со топлинска енергија во главниот град.

„Сакаме да потенцираме дека во овој момент, ‘Адора инженеринг’ и БЕГ немаат воспоставено никаков партнерски однос. ‘Адора инженеринг’ во септември 2021 година ги купи од ‘Топлификација АД во стечај’“, топланите Исток и Запад и основните средства за производство на топлинска енергија. До денешен ден, овие основни средства не се предадени на ‘Адора инженеринг’ и со нив управува ‘Производство на топлина Балкан Енерџи ДООЕЛ’, фирма ќерка на групација БЕГ АД Скопје“, соопшти „Адора инженеринг“.

Од компанијата додаваат дека до овој момент БЕГ нема партнерски однос за топланите со „Адора инженеринг“, иако законот е дециден дека купувањето на имот во стечај наметнува нови партнерски договори со новиот сопственик, „Адора инженеринг“.

Производството на топлинска енергија е регулирана дејност за јавно добро на граѓаните, каде што еден од основните услови за добивање лиценца за производство на топлинска енергија е да си сопственик на топланите и основните средства за производство на топлинска енергија или да имаш договор за нивен закуп.

„Адора инженеринг“ од институциите на државата очекува правна заштита во насока на разрешување на моменталните и идни партнерски односи со корисникот на топланите и компетентните институции на државата, под чија надлежност е оваа регулирана дејност, при тоа почитувајќи ги сите законски прописи со што ќе се овозможи заштита на вложениот домашен капитал, зачувување на јавниот интерес и подобрување на условите кон корисниците.

„Адора инженеринг“ се надева дека настанатата ситуација ќе има благовремена разрешница, а сè во интерес на јавното добро и на граѓаните.

The post ОБВРСКАТА ЗА ГРЕЕЊЕ СЀ УШТЕ Е НА БЕГ „Адора инженеринг“ не е вклучена во производството и испораката на топлина appeared first on plusinfo.mk.

Српскиот претседател Вучиќ веднаш реагираше и побара од српските и македонските служби да најдат решение и ова прашање што поскоро да се затвори за македонските граѓани слободно да можат да купуваат недвижен имот во Србија и обратно, српските граѓани во Македонија. Тој очекува прашањата кои што денеска беа отворени во Белград, да се затворат во најбрз можен рок во интерес на бизнисмените и на граѓаните, соопшти компанијата „Адора инженеринг“.

Генералниот директор на „Адора инженеринг“, проф. д-р Ванчо Чифлиганец и директорот на Adora Living Solutions –бБелград, Душко Чифлиганец, кои беа дел од претставниците на македонската бизнис делегација на средбата со претседателот на Србија, Александар Вучиќ, албанскиот премиер Еди Рама, македонскиот потпретседател на Влада, Никола Димитров, претставници на стопанските комори и бизнисмените од сите три земји, ја поздравија иницијативата „Отворен Балкан“ и потенцираа дека само на овој начин можат да се градат мостови меѓу народите и државите од Западен Балкан, а не ѕидови како што прават некои политичари во светот. Бизнисмените веруваат дека иницијативата „Отворен Балкан“ ќе овозможи и ќе го подобри слободното движење на стоки, на човечки ресурси, обезбедување услуги, а пред сѐ, слободата на проток на капитал, основните европски и светски постулати за остварување подобри бизнис релации.

– Со иницијативата „Отворен Балкан“ заедно политичарите и бизнисмените ќе ги урнеме бариерите кои се поставени пред бизнисот на балканските земји. А нашите народи ќе станат уште поблиски. Драго ми е што бизнисмените од Србија, Албанија, Бугарија, Грција и од другите земји во регионот рамноправно се прифатени во мојата земја. Лично како македонски бизнисмен, пред две години започнав бизнис во градежниот сектор високоградба во Србија, како директна инвестиција на компанијата Adora Living Solutions – Белград, инвестирајќи околу 15 милиони евра во двете насоки. Инвестирам во Србија, а сум прифатен како дома, имам третман како да сум домашен инвеститор или поточно како да сум посакуван странски инвеститор. Тоа е иницијативата „Отворен Балкан“ на дело, не декларативно, туку практично и верувам дека преку оваа иницијатива нашата соработка ќе продолжи да се подобрува. Наша заедничка цел е економски бенефит на нашите народи на Балканот – потенцира Чифлиганец денеска на средбата во Палата Србија во Белград.

The post ЧИФЛИГАНЕЦ ПРЕДЛОЖИ, ВУЧИЌ ПРИФАТИ Македонците и Србите ќе купуваат недвижен имот во двете земји appeared first on plusinfo.mk.

„Пред сѐ, би се осврнал кон реакциите на Здружението на граѓани акционери во Топлификација – Скопје. Во врска со информацијата која што како допис ја споделија во јавноста, би кажал дека воопшто не би сакал да навлегувам во дискусија за истата. Ниту кажувам дека се во право, ниту спорам дека не се во право. ‘Адора инженеринг’ не е запознаена со историјата и случувањата со Топлификација АД низ годините и навистина не би зазеле став околу истите. Она што за нас како компанија е познато е дека за Топлификација АД беше отпочната стечајна постапка и имотот кој што веќе години наназад е стопанисуван од БЕГ без да има сопственост за истиот, односно го користи под наем, беше предмет на продажба од стечајната постапка. Идејата и интенцијата на ‘Адора инженеринг’ беше најдобронамерна и позитивно стратешка за градот Скопје, односно оценивме дека Топланите Исток и Запад, кој што впрочем се од највисок јавен интерес заслужуваат да станат во сопственост и владение на домашна компанија, како не би биле предмет на изнајмување од страна на странски компании.

Понатаму, за самиот купопродажен процес. ‘Адора инженеринг’ се пријави на транспарентна јавна лицитација за купување на пакет број 1 од лицитацијата, односно само имотот на Топланите Исток и Запад. За да биде јасно, ние не го купивме целиот имот на Топлификација проценет на 30 милиони евра, не купивме никакви идни побарувања, сопственички удели во ТЕ-ТО, ниту ништо друго освен Топланите Исток и Запад. Исто така, исклучително важно да се знае е тоа што иако имотот на Топланите Исток и Запад, кои што всушност се делот кој влегува во регулираниот бизнис со топлинска енергија е проценет на 17 милиони евра, во Регулаторната комисија за енергетика, тие се со запишана сметководствена вредност од околу 8 милиони евра, на кој износ се пресметува одреден регулиран принос на капитал. На јавната лицитација можеше да се пријави било кое лице или субјект. Лицитацијата беше организирана од страна на стечаен управител и ‘Адора инженеринг’ немаше апсолутно никакви ингеренции ниту улога во истата, освен како заинтересирана странка. Лицитацијата беше без почетна цена со единечен праг на наддавање од 165.000 евра, односно некој можеше да понуди 165.000 евра и лицитацијата да заврши. ‘Адора инженеринг’ понуди највисока цена, односно 9,27 милиони евра со сите вклучени даноци, по што немаше понатамошни понуди.

За самиот бизнис со производство на топлинската енергија. Би сакал јавно да ги информирам граѓаните дека овој бизнис, во овој момент има многу мала или, кога од одобрениот принос на капитал таканеречен WACC ќе се одземат банкарските камати, речиси и да нема економска исплатливост. Моменталниот одоборен принос на капитал WACC, односно регулираната определена заработувачка од бизнисот е на историско најниско ниво, односно двојно помала во споредба со неколку години наназад. Во исто време, предизвиците за оперирање на истиот, поради глобалните неприлики, неизвесност и инфлација се поголеми од кога било. Транспарентно изјавуваме дека ‘Адора инженеринг’ ќе стопанисува со овој бизнис со цел да најде економска логика за повратот на оваа инвестиција. За ние да сме во можност и да имаме оправданост да ја развиваме оваа гранка на про-активен начин, круцијално е за нас како инвеститори, да се има економска логика во работењето. Тоа не значи задолжително зголемување на цената за греење, бидејќи во целиот процес веруваме дека постојат начини да се направат заштеди, оптимизации и модернизации во работењето, со што финално би можело да се добие и поголема економска исплатливост во работењето и реални сметки за граѓаните. Исто така, би сакале транспарентно да соопштиме дека цената на гасот е најголемиот фактор во крајната цена на топлинската енергија, а денес цената на гасот е на рекордно високо ниво, што не значи дека задолжително ќе остане така, односно во иднина, овој ценовен шок би требало да се стабилизира.

Како сублимација би сакал да го кажам следното. Би сакал да ја повикам јавноста да се воздржи од обвинувања спрема мојата компанија, односно моето семејство. Во минатото овој бизнис пропаднал, за што како што кажав на почетокот, не би сакал да давам коментари околу истото. Нашата идеја беше исклучиво мотивирана од желбата овој бизнис да биде во домашни раце. ‘Адора инженеринг’ е прв правен субјект досега што реално платил за овој бизнис. Односно топланите во градот Скопје се изградени во 60-тите години со тогашни државни пари. Околу 2000-та година, Топлификација АД се приватизира од страна на вработените. Од 2013-та година, друштвото БЕГ производство ги стопанисува топланите без да има сопственост врз нив, односно ги има под наем. Ние денес, за прв пат од кога постојат, плаќаме 9,3 милиони евра за истите. ‘Адора инженеринг’ ќе го употреби целото наше менаџерско знаење, искуство и визија да оствари оптимизација, модернизација и заштеди во процесот, што како резултат ќе обезбеди заштеди за граѓаните, а за нас како инвеститори, транспарентна економска исплатливост од бизнисот. За ‘Адора инженеринг’, износот на оваа инвестиција не е воопшто занемарувачки, односно успешноста или неуспешноста на истата може да биде од егзистинцијален карактер за компанијата. Овие средства исто така имаат опуртунитетен трошок и постојат многу можности за нивно вложување во останати деловни гранки.

Така што, го повикувам Собранието на доверители кое што ќе се одржи на 8 октомври, каде што впрочем треба да се одлучува за оваа наша купопродажна понуда, внимателно да ги согледа сите аспекти, прилики и неприлики и по истото да се произнесе. Доколку Собранието на доверители одлучи дека не е задоволно со понудата, ‘Адора инженеринг’ е подготвена да ја прифати одлуката на Собранието на доверители, без разлика дали е позитивна или е негативна за најповолниот понудувач, ‘Адора инженеринг’.“

The post ЖЕЛБА НИ БЕШЕ ОВОЈ БИЗНИС ДА БИДЕ ВО ДОМАШНИ РАЦЕ Чифлиганец за купувањето на Топлификација appeared first on plusinfo.mk.

Познавачите велат дека позитивен аспект од оваа зделка што ја одлучил судбината на досегашниот загубар Топлификација АД, е што регулираниот бизнис со производството на топлинска енергија ќе биде во рацете на сигурна компанија со целосно домашен капитал и менаџмент.

– После студиозна физибилити студија сработена од врвни домашни експерти од полето на енергетиката и повеќегодишни длабоки опсервации и согледувања на приликите во регулираниот бизнис со производство на топлинска енергија, се одлучивме на овој храбар потег во времиња исполнети со огромна неизвесност и предизвици. Цената на природниот гас, кој што е главен влезен параметар во работењето секојдневно руши нови рекорди, а регулираниот одреден принос на капитал од работењето е на историски најниско ниво. Меѓутоа, во „Адора“, имаме афинитет на прифаќање на деловни предизвици и донесовме одлука дека овој бизнис од државно значење заслужува да биде во рацете на домашна компанија. Нашата држава поседува исклучително квалитетен кадар од областа на топлинската енергија и енергетика генерално. Во соработка со домашната стручна фела, имаме јасна визија како да го поставиме работењето на правилен начини и да го оптимизираме и модернизираме процесот на производство во согласност со сите последни технологии. Постојат многу сфери во работењето на кои што ќе треба да се посвети интензивно внимание, труд и работа со цел да се најде економска оправданост, меѓутоа, во „Адора“ веруваме дека со поддршка од Регулаторната комисија за енергетика, од досегашниот, за жал загубар Топлификација АД, ќе изградиме успешна домашна приказна во бизнисот со топлинската енергија – рече Душко Чифлиганец, заменик генерален директор на „Адора“ и одговорен за деловниот развој на компанијата.

Овој бизнис аспект ќе функционира како посебен правен ентитет под името Adora Energy Solutions и менаџментот и раководството ќе биде целосно составено од домашни човечки ресурси.

– Во сите бизнис полиња и аспекти каде што „Адора“ е деловно присутна, работиме со примарна цел да ги унапредиме, да внесеме иновативност, проактивност и прогресија. Во сите наши деловни активности, работиме според сите последни глобални методи, трендови и стандарди и наша примарна цел е да бидеме позитивен економски пример во гранките во кои делуваме. Сметаме дека вистинскиот успех на компаниите се мери според квалитетот на општеството, кои умеат да го создадат во средините во кои делуваат. Пред 20 години, нашиот директор проф. д–р. Ванчо Чифлиганец ја основа „Адора инженеринг“, која што за кратко време ја демонстрираше нашата посветеност како луѓе кон деловниот квалитет. Во изминатите неколку години, успешно го диверзифициравме работењето во неколку деловни сфери, кои исто така се покажаа исклучително успешни – додаде Чифлиганец.

The post „АДОРА ИНЖЕНЕРИНГ“ ЈА КУПИ ТОПЛИФИКАЦИЈА ЗА 9,3 МИЛИОНИ ЕВРА Новиот субјект ќе се вика „Adora Energy Solutions“ appeared first on plusinfo.mk.

„Со ова, Здравствен дом Радовиш е шестиот здравствен дом во државата од вкупно 36, во кој ќе биде инсталиран автоматски хематолошки анализатор со петделна диференцијација на леукоцити од светски познатиот производител Mindray. Со инсталацијата на овој анализатор, хематологијата ќе биде издигната на највисоко ниво, на докторите ќе им се овозможи подетален увид во клиничката состојба на пациентите, полесно поставување на дијагноза, лекување и превентива, а на пациентите ќе им биде овозможена услуга која досега единствено можеле да ја добијат во Клиничкиот центар во Скопје и во Клиничките болници од јавниот и приватниот сектор. Со инсталацијата на овој анализатор со потполно нова технологија, се подобрува квалитетот на здравствените услуги, се зголемува довербата на пациентите во здравствениот систем, се олеснува нивниот живот поради скратување на времето за патување и намалување на трошоците. Адора инженеринг како растеше во изминатите години, постојано инвестираше во градењето на подобро општество за сите, вложувајќи повеќе од 5 милиони евра во спортот, здравството, културата, образованието. Филантропската мисија на Адора, не само во Македонија, продолжи и во Србија, Златибор, каде што Адора Бизнис Групацијата и нејзината новоформирана компанија, претставник на српскиот пазар, Adora Living Solutions го градат станбено-деловниот комплекс  ’21^st Century Zlatibor Residence, Spa & Wellness by Adora‘. Фондациите ‘Новак Ѓоковиќ‘ и проф.д-р Ванчо Чифлиганец во заедничка хумана мисија, пролетва, отворија нова градинка во село Љубиш, во близина на Златибор и покажаа дека хуманоста нема граници“, се вели во соопштението на компанијата.

Општествено-корпоративната традиција на Адора инженеринг стана препознатлив белег на компанијата, секогаш да враќа нешто назад во средините во кои има деловни активности.

„Адора инженеринг на денешен Ден 28-август, големиот христијански празник Успение на Пресвета Богородица, одбележува 19-години успешно работење. На 28 август 2002 година, успешниот директор на рудникот Бучим, кој сите во Радовиш и во Македонија го паметат како предводник на златното време и за рудникот и за радовишани, и пратеник во два мандата во парламентот, проф.д-р Ванчо Чифлиганец ја основа градежната компанија Адора инженеринг. Компанија која во изминатите 19 години стана една од најуспешните компании во високоградбата, поставувајќи нови стандарди за сигурно урбано домување. Адора има изградено 40 станбено-деловни објекти, со 400 илјади метри квадратни нето развиена површина, реализирани се инвестиции со економски обрт од околу 350 милиони евра, изградени се околу 3.000 висококвалитетни домови, во кои живеат над 12 илјади граѓани. Адора континуирано е меѓу 100 најуспешни и најголеми компании во Македонија. На 26 јули 2013 година на свој станбен објект во Скопје, на 50 годишнината од скопскиот земјотрес, во соработка со ИЗИИС, го реализира првиот вештачки земјотрес  со цел да ја докаже стабилноста на новоизградените домови. Адора прва почна со изградба на енергетски ефикасни домови, 10 години пред тоа да стане законска обврска за компаниите“, наведено е во соопштението.

Во 2018 година, Адора инженеринг влегува во финансискиот сектор, станува најголем поединечен акционер во Комерцијална банка АД Скопје, најголемата банка со доминантно македонски капитал. Чифлиганец е член на Надзорниот Одбор, а со тоа се потврдува дека може да биде успешен бизнисмен, не само во рударството и градежништвото, туку и во сферата на финансиите.

Чифлиганец, со неговото семејство, е основач и на „Фондацијата проф д-р. Ванчо Чифлиганец“, со чија донација се изградени, православниот храм „Св.Јован Крстител“ во општина Аеродром, обележјето Фаќач на крст, за Богојавление-Водици во Охрид, саат кули во Струмица и Ѓорче Петров, фонтана во паркот во Кисела Вода, поделени се илјадници топли оброци на бездомниците и социјалните случаи, дадена е помош на настрадани во елементарни непогоди, пожари и поплави, реализирани се донации во здравствени и образовни институции, доделени се голем број стипендии и донации.

Меѓу позначајните донаторски проекти ги издвојуваме, обнова на опожарената куќа во село Дедино на семејството Трајкови, кое доби  клуч на рака од новиот дом, таблети и компјутери за учениците за ублажување на последиците од пандемијата Ковид 19, поддршка на голем број спортски клубови во борење, ракомет, кошарка, кик бокс, спонзорства на повеќе физички лица кои се занимаваат со музика, издавање на книги, поддршка за повеќе медиуми.

Адора е една од најнаградуваните македонски компании со освоени над 60 признанија, од кои 10 се интернационални награди доделени во Амстердам, Дубровник, Монте Карло, Париз, Мадрид, Виена и 50 национални признанија, за македонски квалитет, за одржлив развој, инвеститор на годината, прв градежен супербренд, најеколошка компанија, 16 признанија за најдобри општествено- одговорни практики, 8 награди за изградба на еко домови, 5 за вложување во заедницата, за животно дело, индивидална и корпоративна филантропија, Свети Климентов орден од прв ред.

– Голема благодарност кон сите луѓе, деловни партнери и институции во Македонија, кои за целиот 19 годишен период ме поддржуваа, од кои црпев енергија да направиме една успешна македонска градителска приказна, како што е Адора инженеринг. Му се заблагодарувам на моето семејство, на мојот менаџерски тим и на моите вработени, бидејќи без нивната поддршка, немаше да бидеме ова што сме денес. Покажавме дека кога сме сите заедно обединети, може Македонија да биде плодна почва за успешен бизнис. Ве поздравувам сите со рударскиот поздрав СРЕЌНО! – порача Ванчо Чифлиганец, генерален директор на „Адора инженеринг“.

The post ТРАДИЦИЈАТА ПРОДОЛЖУВА „Адора инженеринг“ прославува 19 години постоење и донираше автоматски хематолошки анализатор во Здравствениот дом во Радовиш appeared first on plusinfo.mk.