– Да прифатиме ли сега дека се администратори? – рече Мицкоски на пресот по средбата со Фон дер Лајен.

Тој раскажа што зборувал со Фон дер Лајен и дека ѝ биле презентирани три позиции на ВМРО-ДПМНЕ.

– Бидејќи од говорот на претседателката на ЕК, Урсула фон дер Лајен во македонскиот Парламент слушнавме дека практично ако помине ова кое што го промовира Владата на СДСМ и ДУИ ќе имаме одржување на меѓувладина конференција, дилемата која што ја има ВМРО-ДПМНЕ, македонската јавност и граѓаните е следна: во членот 11 од документот наречен EU Common Position или заеднички став на ЕУ јасно стои дека Македонија нема да ги почне преговорите сѐ додека, повторувам, сѐ додека не биде променет Уставот. Дали е тоа точно или не е точно оставам јавноста експертска и луѓето кои што се занимаваат со оваа проблематика да дадат одговор. Повторувам првата дилема и првиот став кој што ВМРО-ДПМНЕ го изнесе на таа средба е дали според документот EU Common Position односно европски став на ЕУ членот 11 ги започнуваме преговорите сега веднаш или пак кога ќе дојде до промена на Уставот. Бидејќи ние според овој документ читаме дека почетокот на преговорите ќе биде откако ќе биде променет Уставот или да бидам попрецизен мал дел од бугарскиот народ 750 семејства според последниот каков-таков попис бидат дел од Преамбулата и нормативниот дел на македонскиот Устав – рече Мицкоски.

Втората дилема на ВМРО-ДПМНЕ која ѝ била презентирана на претседателката е бидејќи таа споменала во говорот дека нема да се зборува за историјата, а членот 14 од истиот документ тоа не го говори.

– Членот 14 вели сосема спротивно, а тоа е дека деновиве ќе биде потпишан документ којшто се нарекува Протокол, а во тој документ ќе се зборува за сѐ, само нема да се зборува за владеење на право, борба против криминал и корупција, подобра економија, поквалитетно здравство, покомпетитивно образование. Туку ќе се зборуваме за средниот век, за 18 или 19 век, чиј бил Гоце, чиј бил Даме, чие било Илинденско востание. Што значи дека според членот 14 и Протоколот кој за волја на вистината никој во македонската јавност не го видел ниту ја прочитал неговата содржина, ние ќе зборуваме за сѐ, само нема да зборуваме за иднина. Ќе зборуваме за проблеми од минатото. Односно ќе зборуваме како во 21 век да се асимилира македонскиот народ и да се уништи македонскиот идентитет. Овој член 14, од документот наречен Заеднички став на ЕУ е поврзан со генералните позиции на ЕУ, членот 5 каде што покрај Копенхагеншките критериуми и критериумите дефинирани со договорот за стабилизација и асоцијација, само за Македонија, за ниту една земја членка од овие 27, ниту пак за Албанија не се поставуваат билатералните прашања како критериум. Тука јасно стои дека се потребни годишни извештаи и мерки за ефективна имплементација на договореното според член 12 од Договорот за добрососедство, а поврзани со Протоколот кој никој жив во Македонија не го видел што значи дека не е точно дека нема да зборуваме за историја. Ние ќе зборуваме за сѐ, само нема да зборуваме за тоа кое што е важно за граѓаните, а тоа е поквалитетен живот. Да бидам попрецизен ќе бидеме фокусирани само на историја – рече Мицкоски.

Третото прашање на ВМРО-ДПМНЕ е воведната изјава, членот 3 каде што јасно стои дека преговарачката рамка ќе биде преведена на македонски јазик, но бугарската страна ќе даде еднострана изјава со тоа како таа го гледа македонскиот јазик.

– Така што дека ние имаме чист македонски јазик, односно дека имаме јазик чист кој што буквално ќе биде дел од преговарачката рамка и од документите на Европската унија, е голема лага. Еве го членот 3 јасно стои дека ќе имаме практично унилатерална изјава од страна на нашиот источен сосед дека македонскиот јазик е најверојатно некоја верзија на бугарскиот јазик. Зошто е ова важно? Ова пред мене е документ од третата конференција на Обединетите Нации од 1977 година и се однесува на стандардизација на светските јазици, одржана во Атина пред точно 45 години, каде што јасно стои разликата помеѓу бугарскиот јазик и македонскиот јазик со македонското кирилско писмо. И ова го покажав на средбата. Ова се документи од гробовите на децата од Ваташа, на младинците од Ваташа, ова ли го прават администратори? Ова се тие луѓе, ова ли е дело на администратори? Ова ли е дело на луѓето кои што велат дека ја администрирале Македонија? А ова се вагоните на бугарската национална железница каде што депортираат точно 7114 Евреи од Македонија и ги носат директно во концентрациониот логор во Треблинка. Ова ли е дело на администратори? Ова ли се тие администратори кои што треба ние да ги вклучиме во нашите учебници? А ова е Вера Циривири Трена која што овие администратори ја утепаа затоа што се бореше против фашистите во Втората светска војна. Некој сака да избрише дека македонскиот народ бил секогаш на вистинската страна на историјата и се борел против тие кои што биле на погрешната страна на историјата – рече Мицкоски.

The post МИЦКОСКИ Ѝ ПОКАЖАЛ НА УРСУЛА СЛИКИ Да прифатиме ли сега дека се администратори? appeared first on plusinfo.mk.

Вака гласи Фејсбук статусот на митрополитот европски г. Пимен посветен на нашиот источен сосед.

„Мешање во јазик, во образование, менување табли на историски споменици, мешање во Устав, издавање пасоши, одлучување на наша иднина… Во Втора светска војна биле окупатори, што е нопобитен факт во светската историја, но денес, за жал, навистина стануваат наши администратори. Тоа што не успеале со оружје, успеваат со вето. Ако е и од ЕУ, многу е“, напиша Отец Пимен на Фејсбук.

The post ТОА ШТО НЕ УСПЕАЛЕ СО ОРУЖЈЕ, УСПЕВААТ СО ВЕТО Отец Пимен ги пречкрта Бугарите (ФОТО) appeared first on plusinfo.mk.

На транспарентот поставен на влезот на главниот град пишува: „Добредојдовте, администратори на Цар Борис“, а под објавената фотографија Апасиев напиша:

„Соодветен герила-пречек на новиот бугарски премиер, од страна на специјалните единици на Црвената младина на Левица“.

Инаку, бугарскиот премиер Кирил Петков пристигна во Скопје и во предворјето на Владата беше пречекан со сите почести.

The post ДОБРЕДОЈДОВТЕ, АДМИНИСТРАТОРИ НА ЦАР БОРИС! Левица му подготви герила-пречек на бугарскиот премиер (ФОТО) appeared first on plusinfo.mk.

„Ние како дел од оваа болница, која веќе 9 месеци е ковид центар и ги прифаќа и работи со сите ковид-19 суспектни и позитивни случаи во државата, а сме први во контакт со тие пациенти, сметаме дека заслужуваме и треба да добиеме еднократна помош како и сите останати во болницата. Голем дел од нас се заразија на работното место, а нашата работа беше извршувана без застој и со ограничен број на луѓе, без можност да користиме годишен одмор и боледување“, наведуваат администраторите во обраќањето до Филипче.

Тие ја објавија и Наредбата од нивниот директор за вклученоста во работата во која се вели:
„Административните работници во болницата да се вклучат и да учествуваат во извршувањето на посебните и редовните задачи во врска со давање на административни услуги за овозможување и давање на здравствени услуги на пациентите болни од заразната болест COVID-19“, а потоа и „Секое непостапување по оваа наредба и одбивање за извршување на работна задача ќе претставува дисциплински престап и истото ќе биде соодветно санкционирано“.

Администраторите го замолуваат министерот да го разгледа нивното барање и се надеваат на позитивен одговор.

The post Администраторите од ГОБ „8 Септември“ побараа од Филипче еднократна помош appeared first on plusinfo.mk.