Познатиот британски готвач Гордон Ремзи и неговата сопруга Тана Ремзи го прекинаа молкот за семејната расправија на нивниот зет, пливачот Адам Пити – и тврдат дека тие немаат ништо со тоа и дека „лошата крв е самонаметната од НИВНА страна“, пишува The Sun.

Тие двајца инсистираат дека „не направиле ништо лошо“ во врска со семејната драма по венчавката на Холи и Адам во декември.

Лошите односи меѓу Адам и неговото семејство го натераа олимпискиот пливач (31), да ја повлече поканата за своите родители на неговиот голем ден.

Адам, му рекол на својот татко дека може да присуствува, но да гледа од задната страна на црквата – покана што тој, разбирливо, ја одби.

Во меѓувреме, суперготвачот Гордон, се појави и како уште повеќе да ја разбранува состојбата со својот говор на церемонијата, велејќи дека неговата сопруга Тана „ќе биде добра мајка за двајцата“ – монолог кој Холи потоа го бранеше.

Додека младенците уживаат на нивниот меден месец, готвачот во разговор за MailOnline, рекол: „Едноставно е вознемирувачки.

– Сè е самонаметнато од нивна страна, бидејќи ние не направивме ништо – ништо од она што го прочитавте: никаква грубост, никакво игнорирање – ги пречекавме.

Испративме автомобил со шофер за да дојдат на свршувачката и се однесувавме кон нив како кон кралско семејство. Тоа што пишуваа потоа медиумите беше многу болно. Тана го сфати многу сериозно. Би сакал да одиме во Нотингем со Тана, да ги видиме и да повлечеме линија во песокот. Желбата на Адам и Холи беше тие да не присуствуваат и затоа моравме да го почитуваме тоа. Има работи што треба да ги средат тие како родители. Тоа нема никаква врска со Тана и мене. Но, ние сме многу свесни дека сакаме да продолжиме понатаму и да им дозволиме на Холи и Адам да го продолжат нивниот заеднички живот.

Потоа и мајката на Холи, Тана, го дала својот став во емотивниот разговор.

Таа алудирала на проблеми во нејзиното семејство и рекла: „Имавме проблеми во моето семејство, нема победници. Многу сум благодарна што ги пребродивме моите и повторно имаме среќни врски. Не мора да бидете најдобри пријатели, но бидете учтиви. Не можете да бидете среќни кога има последици. Тоа е навистина негативно и никој не го сака тоа.

Кавгата на Адам со неговата мајка Каролина (60) експлодираше во ноември откако таа не беше поканета на свадбената церемонија на Холи.

Потоа беше откриено дека Каролина била „навредена и повредена“ од „суровите“ навреди на Гордон кон нејзиното семејство за време на свадбената церемонија – нешто што тој го негираше во новото интервју.

Извор близок до родителите на Адам рекол дека ова било навистина емотивен период за нив како семејство.

– Тие се справуваат со она што се случи и што Адам ја избрал својата страна. Тоа ја уништи секоја надеж за помирување во блиска иднина. Тие ги држат главите спуштени и се обидуваат тивко да продолжат понатаму. Јасно е дека Адам го направи својот избор.

По церемонијата, пливачот Адам откри дека го сменил презимето во Ремзи Пити.

Тоа беше потег кој брзо беше критикуван и од неговата поранешна девојка.

The post ДАЛИ ИМА ЕПИДЕМИЈА НА КАВГИ ВО СЛАВНИТЕ СЕМЕЈСТВА? Гордон Ремзи проговори за отсуството на родителите на неговиот зет од свадбата appeared first on plusinfo.mk.

Свадбата на Холи Ремзи, ќерката на славниот готвач Гордон Ремзи, и олимпискиот пливач Адам Пити, која се одржа во саботата во величествената опатија Бат, собра крем од британската јавна сцена. Меѓу бројните познати гости, вниманието особено го привлече семејството Бекам, а најмногу – нивната 14-годишна ќерка Харпер, која беше прогласена за една од најдобро облечените гости на настанот.

Холи до олтарот ја придружуваше нејзиниот татко Гордон Ремзи, а церемонијата помина во знакот на класична елеганција и дискретен луксуз. Но, модниот момент што се прераскажува и денот потоа беше појавувањето на Харпер Бекам, која на свадбата пристигна со родителите Викторија и Дејвид, како и со браќата Ромео и Круз.

Харпер беше облечена во елегантен темно син сатенски фустан од модната колекција на нејзината мајка. Се заштити од студот со гламурозна црна пердувеста наметка која на целиот изглед му даде романтичен шмек. Комбинацијата ја заокружи со популарна чанта од брендот Bottega Veneta.

 

View this post on Instagram

 

A post shared by HELLO! Magazine (@hellomag)

Многу модни критичари се согласија дека изборот на Харпер е совршен спој – луксузен, но не претеран и соодветен за пригодата, што исто така покажуваше почит кон невестата.

Овој фустан не избега од вниманието на следбениците на стилот на семејството Бекам. Всушност, Харпер ја носеше истата полноќно сина креација во јули оваа година на прославата на 50-тиот роденден на нејзиниот татко Дејвид, која се одржа на нивниот семеен имот во Котсволдс.

Викторија Бекам исто така ја следеше својата ќерка, избирајќи сатенски фустан, уште еднаш покажувајќи ја хармонијата и префинетиот вкус што го делат мајката и ќерката.

И покрај гламурот, раскошната свадба беше засенета од семејна драма. Овојпат, драмата не се однесува на семејството Бекам чии односи со најстариот син ги полнат насловните веќе подолго време, туку за семејната драма на младоженецот чии родители не биле поканети на церемонијата, а целиот настан бил опкружен со невидени безбедносни мерки.

The post 🎥 ГЛАМУР, МОДА И МАЛА СЕМЕЈНА ДРАМА НА БРИТАНСКАТА ЕЛИТНА СВАДБА Ќерката на Гордон Рeмзи се омажи без семејството на младоженецот, а 14-годишната Харпер Бекам го украде шоуто appeared first on plusinfo.mk.