Од викендов стапува  на сила зимскиот распоред на летање, информира Агенцијата за цивилно воздухопловство.

Од Меѓународниот Аеродром Скопјe ќе има поврзување до 49 редовни дестинации што ќе ги опслужуваат 17 авиокомпании, како и 13 чартер дестинации на кои ќе сообраќа една авиокомпанија. Од Аеродромот Св. Апостол Павле во Охрид, пак, се предвидени 5 дестинации, на кои ќе сообраќаат три авиокомпании.

„Во зимската сезона од 26 октомври до 28 март следната година од Скопје ќе се лета до Виена, Белград, Атина, Загреб, Варшава, Франкфурт, Сандефјорд, Гетеборг, Малме, Ајндховен, Брисел, Париз, Дортмунд, Фридрихсхафен, Меминген, Франкфурт Хан, Базел, Нирнберг, Берлин, Милано, Хамбург, Венеција, Братислава, Рим, Баден-Баден, Малта, Болоња, Љубљана, Лондон, Стокхолм, Прага, Штутгард, Ларнака, Келн, Лион, Бари, Мадрид, Женева, Истанбул, Измир, Анталија, Цирих. Дестинациите од Охрид се: Цирих, Базел, Дортмунд, Виена, Меминген“, се вели во соопштението од АЦВ.

Двата македонски аеродрома ќе бидат поврзани со 10 нови дестинации во зимската сезона. Девет од нив ќе бидат управувани од авиокомпанијата Виз Ер, со субвенции од Владата. Тоа се летовите од Скопје до Бари и Стокхолм, што ќе започнат на 27-ми овој месец, а на истиот датум ќе започне и воздушната линија од Охрид до Базел. На 28-ми октомври, главниот град првпат ќе се поврзе со Мадрид, која е една од најпосакуваните дестинации од страна на нашите патници. Истиот ден на распоредот за летање се враќа и линијата до Ларнака. Од 15 декември, Скопје ќе се поврзе првпат со Прага, а се враќа и линијата до Келн.

Од 30 март 2026 година двата аеродрома ќе бидат поврзани со уште 3 дестинации.

Од Меѓународниот аеродром во Скопје, Виз ер ја враќа редовната линија до Будимпешта, а истиот ден авиокомпанијата отвора нова дестинација за одмор во Италија – Неапол, дестинација за која очекуваме многу голема побарувачка. На 30 март 2026 година, Аеродромот Св. Апостол Павле од Охрид ќе биде поврзан со Милано. Десеттата нова дестинација е линијата од Скопјe до Женева, која ИзиЏет ќе ја врати на 3 ноември.

Од ТАВ Македонија велат дека нивниот тим за развој на мрежата на рути преговара со авиокомпании за воспоставување директни воздушни врски со Данска, Финска и Блискиот Исток.

Можности за воспоставување нови директни авиолинии се отвораат и со Договорот за редовен воздушен сообраќај со Велика Британија, што го потпишаа вицепремеирот и министер за транспорт Александар Николоски и англискиот министер за воздухопловство, поморство и декарбонизација Киер Метер на 23. месецов во Лондон.

– Овој Договор се потпиша на иницијатива на Велика Британија и претставува нова правна рамка со која се уредуваат односите во делот на редовниот воздушен сообраќај помеѓу двете земји. Преку Договорот се овозможува поголема слобода и флексибилност на авиокомпаниите, ефикасно работење и нови услуги, додека за патниците се овозможуваат подобри конекции, нови дестинации и конкуретни цени, информираше Министерството за транспорт.

Меѓународниот Аеродром Скопје и Аеродромот Св. Апостол Павле Охрид од јануари до септември опслужиле 2.585.096 патници во првите девет месеци од годинава што е зголемување од шест проценти во споредба со истиот период минатата година.  Во истиот период има зголемување и на бројот на летови – за три проценти во споредба со минатата година, односно на двата аеродрома се опслужени 20.141 лет од почетокот на годината до септември.

The post ОД 26 ОКТОМВРИ ПОЧНУВА ЗИМСКИОТ РАСПОРЕД НА ЛЕТАЊЕ ОД АЕРОДРОМИТЕ Од Скопје ќе се лета кон 49, а од Охрид кон 5 дестинации appeared first on plusinfo.mk.

Агенцијата за цивилно воздухопловство (АЦВ) ќе покрие половина од потребните пари за обуки на кандидати за стекнување на дозволи од областа на летачки операции, соопшти денеска директорот Драги Стојаноски.

Јавниот повик за кофинансирање на овие обуки е објавен денеска.

Станува збор за обука на вкупно 27 кандидати за стекнување на дозвола и тоа: 7 за пилоти на авион PPL(A), 3 за пилоти на едрилица, 5 за пилоти на ултра лесни авиони, 10 за пилот на параглајдер и 2 дозволи за падобранец.

– Со ова се потрудивме да опфатиме поширок спектар на воздухопловен персонал, дел – обуки кои се основа за понатамошен професионален развој и градење на професионална пилотска кариера и дел на обуки од областа на воздухопловно спортски активности како стимул за досегашните високи резултати постигнати од поединци, тимови и репрезентацијата на европски и светски натпревари – вели Стојаноски.

Како што соопштија од АЦВ, покрај тоа што ќе создадеме минимум 27 нови воздухопловци, целта на овој проект е да ги раздвижи и обнови активностите во аеро клубовите и спортските аеродроми кои соочувајќи се со финансиски проблеми, нерешени имотно правни односи, без помош од државата – полека замираат, а кои во минатото беа основата за создавање на персонал кој подоцна го користеле и МО, воздухопловните единици на МВР, СОЗР, ДЗС – пилоти на АТ 802А Fire Boss, како и Агенцијата за цивилно воздухопловство.

Според повикот може да се пријават кандидати на возраст од 18 до 30 години, со средно образование, кои треба да познаваат англиски јазик на Б2 ниво, да се психофизички способни, а ќе се полагаат и тестови по физика и математика.

На повикот немаат право да се пријават лица кои се во сродство со вработени во Агенцијата за цивилно воздухопловство.

Конкурсот трае 15 дена и може да се продолжи, ако нема доволен број пријавени.

The post АЦВ ЌЕ ПОКРИЕ 50% ОД ОБУКИТЕ ЗА ПИЛОТИ И ДРУГ ЛЕТЕЧКИ ПЕРСОНАЛ Објавен повик за финансирање на 27 кандидати appeared first on plusinfo.mk.

При првичниот увид констатирано е дека, аеродромските служби надлежни за безбедносни проверки, во рамки на своите работни обврски постапувале професионално и придржувајќи се до правилата кои се наметнати согласно имплементираната меѓународна регулативата, не дозволувајќи заобиколување на стандардите и процедурите дури и под притисок на лицата кои биле во придружба на патникот.

„Одбивање на спроведување на стандардните безбедносни проверки со истите патници согласно евиденцијата се случиле и во 2022г. и 2023г. кога безбедносни проверки се прифатени дури откако водачот на воздухопловот одбил да ги прими патниците во воздухопловот без спроведена безбедносна проверка.
Доколку службениците во ТАВ Македонија постапиле различно од пропишаните правила и дозволиле пропусти и заобиколување на пропишаните процедури истите ќе се соочеле со сериозни санкции од Агенцијата за цивилно воздухопловство како тело надлежно за нивна регулација.

Со оглед на тоа што се работи за општо прифатени меѓународни стандарди, доколку било кој се сомнева во нивната веродостојност, препорачуваме истата пракса да ја примени на некој од европските меѓународни аеродроми како би можеле да се уверат во нивната примена“, велат од Агенцијата.

Од АЦВ истакнуваат дека како независно регулаторно тело би сакале да останат надвор од политичките превирања за овој немил настан и жалат што наместо професионална разрешница на овој настан од каде би се извлекле поуки и би се преземале соодветни мерки за нивно ублажување и избегнување во иднина, „сведоци сме на обиди за политичко поентирање и извртување на вистинската причина за неговото настанување“.

Во случајов, истакнуваат оттаму, извинување заслужуваат само аеродромските служби кои обидувајќи се доследно да ја извршуваат својата работа согласно прифатените меѓународни правила и практики, претрпеа непотребни притисоци закани и омаловажувања.

„Со оглед на тоа што ваквите настани не се случуваат првпат, ние како Агенција за цивилно воздухопловство ќе направиме се што е во наша моќ ова да биде последен пат. Случувањата кои следеле подоцна, а кои се надвор од безбедносната зона ги оставаме на разрешување на другите институции со оглед на тоа што истите излегуваат од надлежноста на Агенцијата за цивилно воздухопловство“, се наведува во соопштението.

The post АЕРОДРОМСКИТЕ БЕЗБЕДНОСНИ СЛУЖБИ ПОСТАПИЛЕ ПРОФЕСИОНАЛНО Се следеле меѓународните правила во случајот со Вјоса Османи, вели АЦВ appeared first on plusinfo.mk.

По инцидентот, постапувајќи по насоки на Владата Надзорниот одбор на М-НАВ ги разреши претседателот на Управниот одбор Фахрудин Хамиди и секторскиот извршен директор. Владата тогаш даде насоки нов претседател на УО да биде Хекуран Асани, а Милан Кораќ секторски директор.

По владината одлука за промени во раководството на М-НАВ, Струковиот синдикат на контролори на летање (ССКЛ), кој во изминатиот период реагираше за работењето на актуелното раководство на М-НАВ и спроведувањето на огласите за вработување, ја стави во мирување одлуката за генерален штрајк.

За упадот во М-НАВ, Основното јавно обвинителство Скопје отвори истражна постапка против осум лица за кои постои основано сомнение дека како соизвршители сториле кривично дело – Загрозување на безбедноста на воздушниот сообраќај според член 303 став 2 во врска со член 22 од Кривичниот законик.

Агенцијата за цивилно воздухопловство веќе го подготви прелиминалниот извештај од вонредниот надзор по инцидентот во националниот оператор за воздухопловна навигација во делот на обезбедувањето. Изготвен е конечен записник, врз основа на кој од 14 утврдени наоди изготвено е решение со наредба за преземање 11 задолжителни мерки и активности со различен рок на реализација, што ќе биде дефиниран во корективен план што заедно ќе го изготват овластените инспектори во АЦВ со одговорните во М-НАВ. Има и прекршочни платни налози заради утврдена конкретна одговорност, со санкции кон фирма и лица.

Надзор во М-НАВ врши и Државниот инспекторат за труд (ДИТ), исто така по препорака на Владата. Првичниот надзор е проширен по претставки на кандидати кои се јавиле на последните огласи за вработување и имаат и анонимна претставка за синдикатот.

The post МАКЕДОНСКА НАВИГАЦИЈА ДОБИ НОВ УПРАВЕН ОДБОР Освен смените продолжуваат и контролите appeared first on plusinfo.mk.

– Тоа довело до неовластено или незаконско влегување на лица во службени простории, но не во оперативната сала каде се остварува комуникација помеѓу авионите и контролорите. И поаради низа други пропусти кои веројатно се толерирале подолг период во самиот објект, како на пример да не се држи затворена одредена врата што требало да им биде затворена за да им биде покомотно. Еден сплет на околности кои довеле до  повреда на безбедносните процедури од аспект на физичко обезбедување  на објектот – вели  Тунтев.

Тунтев информира дека Агенцијата за цивилно воздухопловство (АЦВ) го подготви прелиминалниот извештај од вонредниот надзор по инцидентот во националниот оператор за воздухопловна навигација во делот на обезбедувањето. Изготвен е конечен записник, врз основа на кој од 14 утврдени наоди изготвено е решение со наредба за преземање 11 задолжителни  мерки и активности со различен рок на реализација, што ќе биде дефиниран во корективен план што заедно ќе го изготват овластените инспектори во АЦВ со одговорните во М-НАВ. Има и прекршочни платни налози затоа што на утврдена конкретна одговорност изрекле и санкции кон фирма и лица.

Тунтев вели дека недостатоците што ги утврдиле  овластените инспектори во делот на обезбедувањето се резултат на континуирано непридржување  кон пропишани процедури за обезбедување.

– Врз основа на записникот овластениот инспектор издаде решение со наредба, утврдени се 14 наоди и од нив изречени се 11 задолжителни мерки кои ќе бидат предмет на корективен план на активности. Корективниот акциски план се подготвува во соработка со М-НАВ затоа што тие треба да се изјаснат во однос на 11. задолжителни мерки кога и на кој начин можат да бидат реализирани. Дел од нив се со рок веднаш, некои со 15 дена, некои 90 дена, некои според рок кој дополнително ќе биде утврден во заедничка комуникација. Освен 11. задолжителни мерки ќе има три препораки до кои инсистираме да се држат, а ќе има и оперативна директива за одредени активности што сега не се дел ниту од Националната програма за обезбедување, ниту од законот, а не можеме да чекаме да ги смениме – вели Тунтев.

Целта на овие мерки, истакнува, е е да се спречи, односно да се превенира повторување на ваков настан.

Една од опциите, како што вели, е во догледно време да набават металдетекторска врата и рендген уред за да има контрола на сите кои влегуваат. Интенцијата е нивото на обезбедување при влегување во објектот  на М-НАВ да се подигне приближно до нивото  на обезбедување што го има аеродромскиот оператор за сите кои влегуваат во внатрешноста на аеродромот.

АЦВ предложила и мерки за дополнителна обука на персоналот од аутсорсинг агенцијата кој работи на физичкото обезбедување.

– Исто така и да си ја повратат сопствената служба, да си ангажираат нови луѓе, да ги обучат, ние ќе ги сертифицираме затоа што обезбедувањето од акти на незаконски дејства во М-НАВ е дел од процесот на сертификација што го спроведуваме кај нив. Доколку М-НАВ покаже волја, способност да ги реализира  тие активности и во догледен период  дефиниран со  корективен план на активности ги преземе и ни докаже дека се спроведуваат, тогаш сме ја постигнале целта. Доколку се покажаме дека не е така, крајно е дека можеме да го одземеме сертификатот што се однесува на дејноста обезбедување, да прогласиме дека М-НАВ со сите инсталации  и уреди и во Скопје и во Охрид се наоѓа во „ерсајд“  и дека секој кој  сака да влезе во тие објекти ќе си помине на службен влез преку обезбедувањето на  аеродромскиот оператор. Не верувам дека ќе дојде до тоа – истакнува директорот на АЦВ.

Тој посочува дека досега М-НАВ секогаш ги прифаќале нивните сугестии, а мерките кои се од задолжителен карактер мора да ги извршат бидејќи, како што истакнува, има и прекршочни платни налози затоа што на утврдена конкретна одговорност изрекле и санкции кон фирма и лица.

Директорот на АЦВ посочува дека е жално е што службата за обезбедување во М-НАВ имала трансформација и е ангажиран аутсорсинг,  кој вели дека е по пропис.

– Ги доставија сите неопходни документи дека имаат неопходна обука, важечки договор меѓу себе, дека ќе вршат физичко обезбедување на првата рампа каде што влегуваат возилата а дека на втората вечер си стои обезбедување од самата фирма. Но од 15-16 луѓе таа служба се свела на двајца или тројца,  но ние не можеме да решаваме меѓучовечки односи и интереси во М-НАВ туку надзор во наши надлежности – вели директорот на АЦВ.

Го повтори ставот дека последици по безбедноста во случајот нема и биле повредени процедури во делот на физичкото обезбедување кои можеле да предизвикаат сериозни последици и затоа треба да се работи во иднина да не се случат.

Во 16 –те минути додека траел инцидентот, од 14.53 до 16.09 часот, посочува, не е евидентиран ниту една пријава на настан ниту од страна на пилот, контролор, аеродромски персонал или кој било воздухопловен персонал. Ниту еден од воздухопловите без оглед каде се наоѓа, ниту за време на случувањето на инцидентот, ниту после тоа не останале без стандардната навигациска услуга што ги дава М-НАВ на авионите во лет.

Постоела, како што дополнува, опасност да се случи нешто бидејќи секое прекршување на процедурите од аспект на обезбедување сигурно дека го зголемува ризикот од настанување на несакани безбедносни последици, но фактите велат дека во овој случај при овој настан немало такви последици.

– Го осудувам овој настан и до него не смеело да дојде, порачува Тунтев.

Тој ги оценува како многу неодговорни изјавите во изминатиот период дека била загрозена безбедноста и ги препишува на предизборниот период и тврди дека

-Немаме цел и задача некого да криеме или да прогласиме за виновен или не, за тоа има други  органи. Ние констатираме ситуација, гледаме што се случило од аспект на меѓународната и домашната легислатива, кои се причините и последиците и врз основа на тоа издаваме наши решенија, препораки, санкции.., укажува директорот на АЦВ.

Инцидентот во М-НАВ со упад во објектот и напад на вработени на 4 јануари, повлече промени во раководството. Надзорниот одбор на М-НАВ  го прифати предлогот на Владата за именување на Хекуран Асани и Милан Кораќ за директори во компанијата на местото на досегашните директори Фахрудин Хамиди и Љубе Стаменковски и промената треба да се официјализира со впишување од Централниот регистар.

По владината одлука за промени во раководството на М-НАВ, Струковиот синдикат на контролори на летање (ССКЛ), кој во изминатиот период реагираше за работењето на актуелното раководство на М-НАВ и спроведувањето на огласите за  вработување, ја стави во мирување одлуката за генерален штрајк.

За упадот во М-НАВ, Основното јавно обвинителство Скопје отвори истражна постапка против осум лица за кои постои основано сомнение дека како соизвршители сториле кривично дело – Загрозување на безбедноста на воздушниот сообраќај според член 303 став 2 во врска со член 22 од Кривичниот законик.

Надзор во М-НАВ врши и Државниот инспекторат за труд (ДИТ), исто така по препорака на Владата. Првичниот надзор е проширен по претставки на кандидати кои се јавиле на последните огласи за вработување и имаат и анонимна претставка за синдикатот.

The post НЕКОЈ СВОЕВОЛНО СИ ЗЕЛ ПРАВО ДА НЕ ГИ ПОЧИТУВА ПРОЦЕДУРИТЕ Инспекторите на АЦВ утврдиле 14 прекршувања во М-НАВ appeared first on plusinfo.mk.

Според најавите, ќе се испитува целокупното финансиско работење, работата на менаџментoт, јавните набавки, работењето на синдикатот, како и последните вработувања.

Ова следува по нападот врз вработените во контрола на летање, што се случи вчера по прес-конференцијата на Синдикатот на М-НАВ, на која беше објавен ставот на членството дека не прифаќаат вработувања на несоодветни кадри под притисок на раководството.

И директорот на Агенцијата за цивилно воздухопловство Томислав Тунтев денеска соопшти дека Агенцијата наложила вонреден инспекциски надзор од областа на безбедноста и од областа на обезбедувањето на воздушниот сообраќај.

– Целта на ваквиот надзор е да се дојде до неопходни сознанија за евентуални недостатоци во системите за безбедност и обезбедување, кои би можеле да имаат евентуални последици врз сообраќајот и таквите последици да се отстранат – изјави Тунтев за МИА.

Тој додаде дека по завршување на надзорот ќе бидат преземени сите неопходни корективни мерки и ќе биде утврдена евентуална конкретна одговорност.

Владата синоќа најави дека на следната седница закажана за во вторник, 9 јануари, ќе донесе одлуки поврзани со состојбата во М-НАВ, меѓу кои и разрешување на целото раководство и ревизија за досегашното работење.

The post РАЗНИ ИНСПЕКЦИИ ЌЕ ГО СКЕНИРААТ РАБОТЕЊЕТО НА М-НАВ Под лупа финансиите, јавните набавки, безбедноста, вработувањата… appeared first on plusinfo.mk.