Шефот на дипломатијата на Иран Абас Арагчи го нарече премиерот на Израел Бенјамин Нетанјаху „змија“. Повод беше снимка на која израелскиот премиер зборува за своето долгогодишно убедување на Вашингтон да се спротивстави на Иран. Нетанјаху тврди дека поминал речиси 1.000 часа на американските телевизии.

Арагчи ја објави снимката на платформата Икс. Тој го обвини Нетанјаху дека се фали со влијанието врз американската политика кон Техеран.

„На хебрејски, Нетанјаху отворено се фали дека ја вовлекол американската администрација во војната против Иран на сметка на Израел. Тој експлицитно се смее на тоа како ‘влијаел’ врз Америка преку илјада часа настап на американските канали. На англиски, тој го фали лидерството на американскиот претседател (Доналд Трамп). Змија“, напиша Арагчи.

Иранскиот министер реагираше на настап на Нетанјаху на израелска телевизија. Израелскиот премиер во настапот рече дека со Иран се справува речиси 4 децении.

Arakçi, Netanyahu’nun ikiyüzlülüğünü ifşa etti: “Engerek”

İsrail Başbakanı Netanyahu’nun ABD’yi nasıl Tahran’la savaşa sürüklediğini anlattığı bir videoyu paylaşan İran Dışişleri Bakanı Arakçi:

“İbranice konuştuğunda, ABD Yönetiminin İsrail adına İran’a karşı bir savaşa… pic.twitter.com/6wL7kPBtOd

— The Cradle Turkiye (@cradleturkiye) August 31, 2026

Нетанјаху зборуваше и за напорите да го убеди израелскиот безбедносен естаблишмент. Потоа се осврна на убедувањето на САД.

– Ми требаше долго време да го убедам нашиот безбедносен естаблишмент дека треба да се справиме со Иран. Исто така, ми требаше долго време да ги натерам САД да разберат – рече Нетанјаху.

Потоа ја наведе бројката што ја предизвика реакцијата на Арагчи.

– Успеав да го направам тоа бидејќи се појавував на американската телевизија речиси илјада часа – рече Нетанјаху.

The post АРАГЧИ ГО НАРЕЧЕ НЕТАНЈАХУ „ЗМИЈА“ Израелскиот премиер 1.000 часа ја убедувал Америка за Иран appeared first on plusinfo.mk.

Иран и Оман се приближуваат до конечен договор за воспоставување безбедна рута за бродовите низ Ормускиот Теснец. Техеран потврди дека преговорите продолжуваат, додека сообраќајот низ стратешкиот премин останува драстично намален.

Иранскиот министер за надворешни работи Сејед Абас Арагчи ја потврдил решеноста на Иран да го финализира договорот со Оман. Тој за ова разговарал телефонски со турскиот министер за надворешни работи Хакан Фидан.

Има согласност, за договор ќе се почека

Двајцата министри разговарале и за регионалните случувања и за дипломатските напори за спречување нова ескалација. Техеран и Мускат претходно постигнале согласност за географските координати на предложената рута. Заедничкиот документ е во завршна фаза.

Сепак, тоа не значи дека Ормускиот Теснец веднаш ќе се врати во нормала.

Иран го поврзува целосното нормализирање на пловидбата со пошироките преговори и со американската блокада на иранските пристаништа.

Бродовите се бројат на прсти

Размерите на кризата се гледаат и во бројот на бродови. Само шест товарни бродови поминале низ Ормускиот Теснец во понеделникот, покажуваат прелиминарните податоци за пловидбата. За споредба, десетдневниот просек бил 11.

Ниту еден голем танкер за сурова нафта или за течен природен гас не бил регистриран меѓу шесте бродови. Можно е дел од пловилата да минувале со исклучени транспондери.

Од 130 на само 5 бродови

Само неколку дена претходно ситуацијата била уште подраматична. Во саботата биле регистрирани 5 товарни бродови, а во неделата ниту еден. Пред почетокот на војната во февруари, низ теснецот дневно минувале повеќе од 130 бродови.

Ормускиот Теснец е една од најважните енергетски артерии во светот. Пред кризата, низ него минуваше приближно петтина од глобалната трговија со нафта и течен природен гас.

The post ИРАН И ОМАН БЛИСКУ ДО ДОГОВОР ЗА КЛУЧНИОТ ТЕСНЕЦ Се црта рута за Ормуз, но бродовите уште се бројат на прсти appeared first on plusinfo.mk.

Иран сè уште нема донесено одлука за продолжување на разговорите со САД, изјави иранскиот министер за надворешни работи Абас Арагчи.

Во интервју за иранскиот медиум „Шахара њуз“, Арагчи нагласи дека пораките што меѓу двете страни се разменуваат преку Катар и Пакистан не претставуваат директни преговори.

Според него, Техеран преку посредници ги прима и испраќа пораките, но тоа не значи дека е донесена одлука за повторно отворање на преговорите со Вашингтон.

Арагчи истовремено информираше дека Иран води одделни консултации со Оман во врска со пловидбата низ Ормускиот Теснец.

Целта е да се утврди рута низ тесниот морски премин која би се користела сè додека, како што наведе иранскиот министер, САД не ги исполнат условите на Техеран за продолжување на комерцијалниот поморски сообраќај.

Ормускиот Теснец е еден од најважните поморски премини во светот и има клучно значење за транспортот на нафта и други енергетски производи од Персискиот Залив.

Иранските изјави доаѓаат во период на зголемени тензии меѓу Техеран и Вашингтон, при што посредниците од регионот се обидуваат да одржат комуникациски канали меѓу двете страни.

The post ИРАН НЕМА ОДЛУКА ЗА НОВИ ПРЕГОВОРИ СО САД Арагчи откри што се случува со пораките преку Катар и Пакистан appeared first on plusinfo.mk.

Сегашните околности се најдобра можност за постигнување договор со другата страна и решавање на отворените прашања преку преговори, изјави денеска иранскиот претседател Масуд Пезешкијан.

Тој додаде дека Техеран нема да ги прифати барањата на другата страна доколку нема напредок во преговорите.

– Верувам дека сега е најдобро време за постигнување договор, бидејќи во земјата има кохезија, сила и единство – рече Пезешкијан.

Тој оцени дека сегашните околности можат да претставуваат можност за продолжување на процесот за постигнување договор и решавање на прашањата преку разговори.

Техеран денеска соопшти дека договорот меѓу Иран и Оман за нов механизам за регулирање на пловидбата низ Ормускиот Теснец нема нужно да доведе до повторно отворање на овој клучен морски пат.

„Пред теснецот да биде отворен повторно, САД мора да ги исполнат барањата на Иран“, изјави портпарол на Корпусот на Исламската револуционерна гарда.

Тој го повика Вашингтон да не се меша во преговорите меѓу Иран и Оман. Двете земји што имаат пристап до Ормус веќе цела недела водат преговори за тоа како да го регулираат преминувањето на бродовите низ неа.

Пред САД и Израел да ги почнат нападите врз Иран на 28 февруари, околу една петтина од светската трговија со нафта минуваше низ Ормускиот Теснец.

Иранскиот министер за надворешни работи Абас Арагчи, изјави дека Техеран и Мускат се блиску до постигнување договор. Според него, отворањето на Ормус до одреден степен зависи од фактот дека САД ќе компензираат за прекршувањата на рамковниот договор склучен во јуни. Арагчи не кажа повеќе детали за конкретните барања на Техеран.

Министерот додаде дека механизмот што се дискутира со Оман предвидува создавање нова привремена рута за минување низ теснината.

Американскиот потпретседател Џеј Ди Венс денеска изјави дека Техеран го информирал Вашингтон дека не планира да воведува такса за поминување низ Ормускиот Теснец и дека ќе овозможи проток на нафта и на гас од Персискиот Залив во обем кој постоеше пред војната. Тој нагласи дека САД ќе го проценуваат Иран според постапките, а не според ветувањата.

– Нашето очекување е дека ќе видиме иста количина нафта и гас што излегува од Заливот како пред почетокот на конфликтот. Тоа е она што Иранците ни кажаа дека ќе го направат – рече Венс во интервју за Фокс њуз.

Тој наведе дека Иран и земјите од Заливот, особено Оман, разговараат за начини за обезбедување безбеден премин низ теснецот, вклучително и отстранување на мините, како и обврска на Техеран да не отвора оган врз комерцијалните бродови.

The post ТЕХЕРАН НЕ ПОПУШТА ЗА ОРМУСКИОТ ТЕСНЕЦ Преговорите со Оман се во тек, ама договорот зависи од САД appeared first on plusinfo.mk.

Иранските вооружени сили покажаа подготвеност и сила во соочувањето со најскапата армија во светот, објави синоќа шефот на иранската дипломатија, Абас Арагчи.

Тој ги повика муслиманските земји да се обединат и да се потпрат на сопствените капацитети пред „лицето на непријателските странци“.

Неговото соопштение на Икс дојде само неколку часа откако Саудиска Арабија, Пакистан и Турција го потпишаа заедничкиот одбранбен пакт во Мека, со што ги здружија трите сунитски муслимански земји, партнери на САД, во време на регионалниот конфликт, во кој иранските ракети беа насочени кон извозниците на нафта во Персискиот Залив, објавија британските меидуми.

Во заедничката изјава на трите земји беше истакнато дека договорот има цел да го зајакне колективното одвраќање од каква било форма на агресија.

Спогодбата предвидува дека секој вооружен напад врз една од трите држави ќе се смета за напад врз сите потписнички, како и подобрување на сите аспекти на одбранбената соработка меѓу Саудиска Арабија, Турција и Пакистан.

The post АРАГЧИ ЈА ПОФАЛИ СИЛАТА НА ИРАН Повика муслиманските земји да се обединат appeared first on plusinfo.mk.

Иран остро ја предупреди Бугарија дека ќе сноси одговорност доколку дозволи нејзина територија да се користи за американски воени операции против Техеран. Предупредувањето уследи откако бугарската влада соопшти дека ќе побара од парламентот одобрување за привремено распоредување американски авиони-цистерни во воздухопловната база Безмер, во рамките на логистичката поддршка за операциите на САД на Блискиот Исток.

Портпаролот на иранското Министерство за надворешни работи Есмаил Багаеи, во изјава за државната агенција ИРНА, порача дека секоја држава која ќе ја стави својата територија или воена инфраструктура на располагање за напади врз Иран ќе биде сметана за „соучесник во агресија и воени злосторства“. Тој оцени дека таквата одлука би била спротивна на принципите на меѓународното право и би имала последици врз односите меѓу Техеран и Софија.

Во Софија, владата објасни дека станува збор за барање на Соединетите Американски Држави за привремено распоредување до осум авиони-цистерни КЦ-135, околу 250 припадници на американските вооружени сили и придружна опрема во базата Безмер. Според бугарските власти, авионот и персоналот ќе бидат ангажирани за операции на воздушно дополнување со гориво, а не за борбени мисии што би полетувале од бугарска територија.

Само ден по иранското предупредување, бугарскиот парламент го одобри распоредувањето со убедливо мнозинство. Одлуката се темели на договорот за одбранбена соработка меѓу Бугарија и САД, кој овозможува заедничко користење на неколку бугарски воени објекти, меѓу кои и воздухопловната база Безмер.

Бугарскиот министер за одбрана Димитар Стојанов нагласи дека земјата не станува дел од офанзивни операции против Иран и дека американската страна дала гаранции оти нема да бидат распоредени офанзивни системи за вооружување. Според него, мерката е насочена кон исполнување на сојузничките обврски во рамките на НАТО и не претставува промена на безбедносната политика на Бугарија.

Иран, сепак, во изминатите денови ја засили реториката кон земјите кои, според Техеран, им овозможуваат логистичка поддршка на американските операции. Иранскиот министер за надворешни работи Абас Арагчи повторно разговараше со бугарските власти и побара Софија да ја преиспита својата одлука, предупредувајќи дека користењето на бугарски бази за американски воени активности дополнително ќе ги влоши билатералните односи.

Одлуката на Бугарија беше донесена во време на силно заострување на конфликтот меѓу Соединетите Држави и Иран. По американските напади врз ирански цели и последователните ирански ракетни и беспилотни напади врз американски објекти во регионот, повеќе европски земји се најдоа под дипломатски притисок поради нивната улога во обезбедувањето логистичка и воена поддршка на Вашингтон.

Иако Софија инсистира дека нејзината територија нема да се користи за директни борбени дејства, предупредувањата од Техеран покажуваат дека Иран ги смета и логистичките операции како дел од воената инфраструктура на САД. Со тоа, распоредувањето на американските авиони во Безмер прераснува од техничко-воено прашање во нова точка на дипломатска конфронтација меѓу Иран и една земја-членка на НАТО и на Европската Унија.

The post ИРАН ОПАСНО Ѝ СЕ ЗАКАНИ НА БУГАРИЈА Американските авиони во Безмер ќе ја направат соучесник во агресија?! appeared first on plusinfo.mk.

Иранскиот министер за надворешни работи, Абас Арагчи оцени дека е „опасен преседан“ намерата на американскиот претседател Доналд Трамп да ги искористи замрзнатите ирански пари за покривање на штетите на бродовите погодени во напади на иранските сили во Персискиот Залив.

„Запленувањето средства на друга држава за подмирување идни побарувања претставува опасен преседан“, напиша Арагчи на социјалната мрежа Икс.

Претходно синоќа Трамп изјави дека Иран ќе биде „финансиски одговорен за каква било штета на бродови или товар“ во контекст на спорот околу Ормускиот Теснец.

„Од овој момент, секоја штета нанесена на бродови, товар или на што било поврзано со нив ќе биде покриена со ирански средства што САД ги поседуваат и ги контролираат“, напиша Трамп на својата социјална мрежа Трут соушл.

Американските вооружени сили, пак, соопштија дека и синоќа, 13-та ноќ по ред, извршиле напади врз Иран.

Иранските медиуми изутринава објавија дека се регистрирани неколку експлозии низ државата. Погодени се цели во близина на градовите Ахваз, Андимешк и Омидије во југозападната провинција Хузестан.

Експлозии биле слушнати и во близина на островот Кешм што се наоѓа кај Ормускот Теснец, како и во околината на пристанишниот град Бандар Абас.

Централната команда на вооружените сили на САД соопшти дека нападите имаат цел „да го повикаат Иран на одговорност и да ги намалат заканите што ги претставува Исламската револуционерна гарда за цивилниот поморски сообраќај“.

Конфликтот повторно ескалираше претходно овој месец, откако иранските сили отворија оган врз трговски бродови во Ормус.

Вчера јеменските бунтовници Хути, кои ги поддржува Иран, соопштија дека нападнале два саудиски танкери за нафта во Црвеното Море, што дополнително ја зголеми загриженоста од проширување на конфликтот, во момент кога цената на нафтата на светските пазари надмина 100 долари за барел.

The post ТРАМП НАЈАВИ ОПАСЕН ПРЕСЕДАН, РЕАГИРА АРАГЧИ Американската војска 13-та ноќ по ред гаѓа цели во Иран appeared first on plusinfo.mk.

Иран и САД втора ноќ по ред разменија удари, дополнително зголемувајќи ги стравувањата дека кревкото примирје би можело целосно да пропадне. Техеран тврди дека погодил американски воени цели во Кувајт, Катар, Бахреин и во Јордан, додека Вашингтон соопшти дека претходно нападнал околу 90 ирански воени цели.

Во исто време, иранските медиуми објавија дека имало нови експлозии во Бушер, Бандар Абас и во други делови на јужен Иран. Според локални власти, еден американски проектил погодил и дел од периметарот на нуклеарната централа Бушер.

Американскиот претседател Доналд Трамп синоќа објави 19 пораки и видеа на својата социјална мрежа Truth Social, претежно поврзани со американските напади врз Иран. Во една од објавите, Трамп рече дека американските напади се одговор на иранските напади врз бродови.

Heavy plumes of smoke rising from the US Navy 5th fleet Headquarters in Bahrain after Iranian strikes.

It’ll be completely wiped out… pic.twitter.com/1VGkIxY3x1

— IRAN ARMY ☫ (@IranArmySpoofX) July 9, 2026

Иранските власти соопштија дека во последните два дена загинале 14 лица, а 78 биле повредени.

U.S airbase in kuwait burning after Iranian missiles

This is what the US officials called minor damages pic.twitter.com/4PhZRaCWMN

— IRAN ARMY ☫ (@IranArmySpoofX) July 9, 2026

Ескалацијата се случуваше додека Иран го испраќаше во вечниот дом ајатолахот Али Хамнеи, убиен на почетокот на војната во американски воздушен напад.

Илјадници луѓе се собраа во Машхад на кулминацијата од повеќедневните погребни церемонии. Дел од присутните носеле транспаренти со пораки против САД и американскиот претседател Доналд Трамп.

Паралелно со воените операции, драматично е намален бројот на бродови што минуваат низ Ормутскиот Теснец, една од најважните поморски рути за светската трговија со нафта.

The post 📽️ ИРАН ТВРДИ ДЕКА ГАЃА АМЕРИКАНСКИ БАЗИ ВО ЗАЛИВОТ Во сенка на погребот на Хамнеи, повторно се тресе Блискиот Исток appeared first on plusinfo.mk.

Блискиот Исток останува на работ на нова ескалација откако САД и Иран втора ноќ по ред разменија напади, а израелскиот државен и воен врв порача дека конфликтот е далеку од завршен. Во центарот на вниманието денеска беше пораката од Тел Авив дека Иран нема да добие нуклеарно оружје и дека израелската армија се подготвува за нови операции.

„Војната не е завршена“

Израелскиот премиер Бенјамин Нетанјаху порача дека кампањата против Иран продолжува и дека Тел Авив нема да дозволи Техеран да дојде до нуклеарно оружје.

– Со или без договор, Иран нема да има нуклеарно оружје – изјави Нетанјаху.

Тој истовремено најави дека израелските сили ќе останат во јужен Либан колку што е потребно и дека Израел ќе ја зачува својата воздушна супериорност во регионот.

Втора ноќ напади, 14 загинати

Според ирански извори, во последните два дена загинале најмалку 14 лица. Вашингтон соопшти дека погодил околу 90 воени цели, дел од нив во близина на Ормускиот Теснец, додека Техеран возврати со напади врз американски цели во Кувајт, Бахреин и Катар, а подоцна беа пријавени удари и во Јордан и во Ирак.

Паралелно со воените дејства, набљудувачите предупредуваат на драматично намален сообраќај низ Ормускиот Теснец, еден од најважните енергетски коридори во светот.

„На маса се нови големи планови“

Уште подиректна порака испрати началникот на Генералштабот на израелската армија, генерал-потполковник Ејал Замир.

– На маса се нови планови. Сè уште има големи операции пред нас. Бидете подготвени – рече Замир пред новата генерација пилоти на израелските воздухопловни сили.

Тој откри дека армијата и понатаму е во состојба на висока борбена готовност и внимателно ги следи случувањата во Иран и во Либан.

Арагчи ги предупреди САД

Од иранска страна, министерот за надворешни работи Абас Арагчи побара Вашингтон да се воздржи од нови воени „авантури“. Во разговори со претставници на Пакистан, Оман и Турција, Арагчи ги осуди американските напади и повика на дипломатско решение за кризата.

Иранското Министерство за надворешни работи соопшти дека сите соговорници ја нагласиле потребата од користење дипломатски канали за да се спречи понатамошна ескалација.

Ормускиот Теснец пак главна тема

Додека политичарите разменуваат закани и предупредувања, загриженоста расте и поради состојбата во Ормускиот Теснец. Според поморски набљудувачи, бројот на бродови што минуваат низ теснецот нагло се намалил по последните напади.

Токму овој воден пат е клучен за глобалната трговија со нафта и течен природен гас, па секое ново влошување на безбедносната состојба може да има последици далеку надвор од Блискиот Исток.

The post ЗА ИЗРАЕЛ ВОЈНАТА НЕ Е ЗАВРШЕНА Додека САД и Иран разменуваат напади, генерал најави „големи операции“ appeared first on plusinfo.mk.

Американски претставници преку посредници испратиле порака до Техеран дека Абас Арагчи и Мохамед Багер Калибаф би можеле да бидат цел на израелски напад. Според „Њујорк тајмс“, стравувањата се појавиле во момент кога двајцата добиле клучна улога во преговорите за прекин на војната.

Весникот се повикува на американски функционери запознаени со разговорите.

Дипломатијата под сенка на атентат

Според информациите, предупредувањето се однесувало на шефот на иранската дипломатија, Абас Арагчи, и на претседателот на иранскиот Парламент, Мохамед Багер Калибаф.

Двајцата беа избрани да го претставуваат Иран во разговорите што следувале по примирјето од 8 април. Американските претставници наводно процениле дека евентуален напад врз нив речиси сигурно би ги урнал преговорите и би го разгорел конфликтот.

Преговори меѓу нишаните

„Њујорк тајмс“ наведува дека сомнежите се појавиле по серијата израелски операции во кои беа ликвидирани високи ирански воени и политички фигури.

Во таква атмосфера, Арагчи и Калибаф биле сметани за потенцијални цели.

Поради тоа, американските претставници преку партнери во регионот испратиле порака до Техеран да биде внимателен.

Весникот не наведува дека Израел официјално потврдил постоење на таков план.

Принудно слетување во Машхад

Најдраматичниот момент, според извештајот, се случил по посетата на Калибаф на Пакистан. Додека се враќал од Исламабад, каде разговарал со американскиот потпретседател Џеј Ди Венс, иранските служби наводно добиле информации за можна закана.

Според двајца американски претставници, екипажот бил известен дека постојат разузнавачки податоци за можен напад врз авионот.

Во исто време, наводно биле забележани два израелски борбени авиони кои влегле во иранскиот воздушен простор од правец на Ирак.

Авионот итно слетал во Машхад.

Калибаф и членовите на делегацијата патувањето кон Техеран го продолжиле по копно.

Пакистан барал да не бидат цел

Слични информации се појавија и во текот на војната. „Ројтерс“ во март објави дека пакистански функционер тврдел оти Исламабад побарал од Вашингтон да не дозволи Арагчи и Калибаф да бидат цел на напади.

Причината била едноставна.

Доколку двајцата бидат убиени, преговорите за прекин на огнот би останале без соговорници од иранска страна.

– Затоа САД го замолија Израел да се откаже – изјавил тогаш пакистански функционер.

Мирот зависел од двајца луѓе

Според американските проценки цитирани од весникот, улогата на Арагчи и Калибаф станала уште поважна по воспоставувањето на примирјето.

Токму тие требало да обезбедат политички канал меѓу Техеран и Вашингтон во чувствителниот период по завршувањето на борбите.

Затоа секоја закана против нив не била само безбедносно прашање, туку и ризик за кревкиот мировен процес.

The post ГЛАВНИТЕ ПРЕГОВАРАЧИ НА ИРАН БИЛЕ ЦЕЛ НА ИЗРАЕЛ? „Њујорк тајмс“ открива зошто САД испратиле предупредување appeared first on plusinfo.mk.