Претседателката на Младинскиот форум на Алијансата за Албанците (ФРАШ), Илка Нуредини, на својот статус на социјалната мрежа Фејсбук објави дека ФРАШ избрал да застане и да дејствува на страната на Арбен Фетаи, бидејќи, како што се наведува, го смета за пример за тоа како доверливата позиција се носи со целосно достоинство и со непоколеблива посветеност на сите оние кои донесоа и сè уште веруваат дека промената вреди.

„Не е секогаш лесно да се бранат принципите, но секогаш е неопходно, дури и кога тоа значи да се остане надвор од структурите. Поминав низ тежок период соочувајќи се со чувствителна дилема. Едната страна бараше моја лојалност, другата го бараше мојот глас. Го избрав гласот без да ја негирам мојата благодарност кон оние што ме формираа и ме водеа. Го сакам мојот водач. Сите го сакаме, но љубовта не треба да нè заслепува за причината што нè направила дел од оваа партија. Избирам да не се повлекувам кога е најтешко. Младински форум на Алијансата за Албанците избира да застане, да зборува и да дејствува на страната на Арбен Фетаи, знаејќи дека тој е најзначајниот пример за тоа како доверливата позиција се носи со целосно достоинство и со непоколеблива посветеност на сите оние кои веруваа, донесоа и сè уште веруваат дека промената вреди“, рече Нуредини.

Заменик-претседателот на Владата, Арбен Фетаи, преку соопштение ја поздрави поддршката од младинските структури на Алијансата за Албанците за останување во коалицијата Вреди, нагласувајќи ја нивната клучна улога во политичките и во општествените процеси.

„Младински форум на Алијансата за Албанците (ФРАШ) – Срцето што силно чука во рамките на Алијансата за Албанците, продолжува со нас во Вреди! Младите на Алијансата за Албанците отсекогаш биле и остануваат најчистиот глас на идеализмот, непокорната сила на промената и на искрената совест на нашето движење“, се вели во соопштението од Фетаи.

Под водство со визија и со решителност од страна на Илка Нуредини, младинските структури на ФРАШ, се наведува, денес цврсто стојат на страната на довербата „што ни ја дадоа 107.000 граѓани – на страната на вистинската промена. Зашто промената не е само слоган: таа бара работа, посветеност и непоколеблива истрајност“.

„Оваа нова генерација, со јасен глас и со непокорлив став, не се продава и не е дел од пазарите на оние кои повеќе од 2 децении ги празнеа албанските домови, протерувајќи ја младината. Во една политичка реалност, што честопати е затворена и потрошена, ФРАШ избира да биде поинаков: храбар, гласен и достоинствен. Младите не се само иднината – тие се сегашноста, тие се силата што ја предводи промената. Тие не чекаат некој да им го отвори патот – тие сами го отвораат!“, соопшти Кабинетот на вицепремиерот Арбен Фетаи во врска со одлуката на ФРАШ.

The post МЛАДИНАТА НА АЛИЈАНСА ЗА АЛБАНЦИТЕ ОСТАНУВА ВО ВРЕДИ Претседателката на Младинскиот форум била растргната меѓу две страни appeared first on plusinfo.mk.

Алијансата за Албанците (АА) продолжува да биде дел од Владата, бидејќи огромното мнозинство функционери продолжуваат да одат на работа. Ова го изјави вицепремиерот Арбен Фетаи во емисијата „Клик Плус“ на ТВ 21, според кого оставката на само неколку поединци од нивните должности и на Арбен Таравари од Министерството за здравство не ја води АА во опозиција.

– Делот на AА во Владата го сочинуваат околу 50 државни функционери кои се назначени на одредени позиции, најмалку 50, а можеби и повеќе. Гледам дека од нив, само тројца досега поднеле оставки, за тројца се знае дека јавно се изјасниле, за останатите не знам никого што ја напуштил Владата. Знам дека сите други продолжуваат да одат на своите работни места – вели Фетаи.

Вицепремиерот Фетаи, кој е претседател на Собранието на Алијанса за Албанците, состанокот на претседателството на партијата што се одржал токму за ова прашање го нарече циркус. Тој посочува дека не му рекол „не“ на Арбен Таравари, туку рекол „не“ на план кој, според него, не е план на Алијансата за Албанците.

– Реков „не“ на одлука што не е одлука, бидејќи не добила форма на одлука во партиските тела. Како прва точка, тоа не беше состанок на раководството, туку измислен формат на кој присуствуваа членови на партиското раководство, функционери и раководители на ограноци. Овој формат не постои никаде во статутот на партијата. Партиското собрание е единственото тело одговорно за донесување такви одлуки во АА. Па затоа решив да не легитимирам циркус – изјави Арбен Фетаи.

Вели дека не тргнале по Таравари, бидејќи како што наведе, тој одлучил оди во ДУИ.

The post „НЕ ЛЕГИТИМИРАМ ЦИРКУС ОДЛУКА“ Фетаи тврди дека Алијанса за Албанците останува во влада appeared first on plusinfo.mk.

– Низ партиските тела ќе ги анализираме сите околности како е најдобро за нашата партија – рече Таравари во интевју за Сител.

На прашањето дали е во игра заеднички настап со актуелната владината коалиција, рече дека не исклучува ништо. Меѓутоа, смета дека АА би било најдобро да излезе сама на избори.

-Ние секој месец правиме анкети и ги земаме оние што ги прават СДСМ и ВМРО-ДПМНЕ. И релативно добро стоиме. Мислам дека првата опција, според мене, меѓутоа одлуката не зависи само од мене, најдобро би било сами да одиме, но не исклучувам сите можни опшции за комбинации – рече Таравари.

Алијанса за Албанците, како што вели, со сите политички партии има коректни односи.

-Јас не исклучувам соработка со ниту една политичка партија особено во македонскиот блок. Имаме коректни односи и со СДСМ и со ВМРО-ДПМНЕ – рече Таравари.

За функционирањето со ДУИ во владината коалиција вели дека е „нужно зло“.

– Мора да се функционира и сега некако функционираме овој период до следните збори заедно со ДУИ и СДСМ. Меѓутоа, морам да кажам дека кога ние кажувавме дека ДУИ е метастазирано и инфилтрирано низ сите институции во Македонија и е сериозен проблем за државата, тогаш тоа беше некако маргинализирано како никој да не не сваќаше сериозно. И сега кога слушам дебатни емисии низ сите телевизии одредени аналитичари го повторуваат тоа –  рече Таравари.

Потврди дека е се уште на истиот став за ДУИ.

-И да било перфектно многу е 20 години. Албанскиот политички блок има потреба за промени. Да и дадеме шанса на една друга партија барем еден мандат, а здраво е и за ДУИ да излезе во опозиција – рече тој.

Таравари истакна дека е задоволен од работата на министрите на Алијансата на Албанците. Поинакви сме и чисти, додава тој.

Потенцира дека министерот за правда Кренар Лога, според него, прави револуција во правниот систем, а тоа го гледа во повеќе настани што порано биле цензурирани, а, како што вели, сега веќе е отворен правниот систем и транспарентен.

– Ако имало некогаш нешто да се случува во фелата на правото, тоа е сега во овие четири месеци. Законот за избори, меѓународна конференција за ветинг, отворање на повеќе проблеми кои што беа под тепих, едно од тоа е и изводот на родени во кое ќе стои графата за националност. Јас мислам дека не е ништо трагично. Ако се вратиме назад тоа е зкаон кој што уште функционира – рече Таравари.

Според претседателот на Алијанса на Албанците не се отвора проблем, туку се превенира проблем со изводот за матична евиденција.

– Ова што го работи Кренар е превенција. Што има лошо во изводот да стои Македонец или Албанец. Многу Македонци ќе бидат внимателни и нема да се запишат како Бугари – вели Таравари.

Тој укажа на злоупотреби што се прават со балансерот за вработување.

– Оваа драма што се прави сега дека ќе се злоупотреби од Бугарите мислам дека нема врска, дури може да се превенира. Освен ако законските норми предвидуваат дека ова треба да запре ние не сме против тоа, но ако е во склоп на зкаонот зошто да не – вели Таравари.

За состојбите во градот Скопје, каде деновиве се соочуваме со штајк на вработените во Комунална хигиена, вели дека околу една година немаат комуникација со градоначалничката Арсовска.

– Најголема грешка што сме ја направиле последните години како политичка партија е што сме ја поддржавме Данела Арсовска – изјави Таравари.

The post АЛИЈАНСА ЗА АЛБАНЦИТЕ МОЖЕ ДА ОДИ САМА НА ИЗБОРИ Таравари не ги исклучува и опциите за изборни коалиции appeared first on plusinfo.mk.

Оваа Декларација, како што соопшти АА,  е договорена  меѓу претседателот на АА Арбен Таравари и премиерот Димитар Ковачевски. Премиерот Декларацијата теба да ја потврди пред народните избраници и граѓаните.

– Оваа декларација е камен-темелник на нашата идна работа во рамките на владината коалиција. Дефиниравме 5 приоритети поделени во 22 конкретни заложби, за кои со сета енергија ќе се ангажираме до крајот на мандатот- велат од АА.

Според АА, нејзиното приклучување во Владата се заснова на принципите на внатрешна демократија и демократизација на општеството.

-Во време кога Северна Македонија се соочува со голем број на кризи, кои што сите ја одредуваат прозападната ориентација на земјата. Алијанса за Албанците ја презема одговорноста како државотворна партија, убедена дека со искреност и чистота, со транспарентност и демократија ќе произведеме вредности и резултати, за доброто на граѓаните и за доброто на економијата, демократијата и правдата во Северна Македонија – велат од партијата.

Од партијата велат дека со цел да ги имплементира овие обврски ги избра најдобрите во своите редови да ги предводат своите сектори во владината коалиција:Кренар Лога, министер за правда, Фатмир Меџити, министер за здравство, Азир Алиу, министер за информатичко општество и јавна администрација, Вјолца Бериша, заменик министер за земјоделство, шумарство и водостопанство иТирон Јајага, заменик министер за одбрана.

– Овој тим ќе биде поддржан од голем број функционери распоредени низ многу дирекции и агенции во сите области од јавниот живот- велат од АА..

The post 5 ПРИОРИТЕТИ И 22 ЗАЛОЖБИ Што содржи декларацијата на Алијанса за учество во владата? appeared first on plusinfo.mk.

– Ќе видите полицајци кои стојат и не реагираат, а плус има и луѓе блиски од ДУИ облечени во цивилна облека – рече Таравари на гостувањето во „Студио 10“ на телевизија 24.

Негов личен став е дека по вчерашното разрешување на в.д. директорот на „Комунална хигиена“ – Скопје, чиј брат употреби пиштол во вчерашниот инцидент, Алијанса за Албанците треба да размисли за прекин на соработката со градоначалничката на Град Скопје, Данела Арсовска.

– Не оправдувам употреба на оружје, но да се провоцира? Луѓе сме, реагираме афективно. Лично мислам, а не во име на партијата, бидејќи има партиски тела кои ќе го кажат последниот збор, дека ваквиот начин на функционирање не вреди да се одржува повеќе. Треба сериозно да разгледаме и лично сум за повлекување на соработката со Арсовска – изјави Таравари.

The post РАЗМИСЛУВАМ ДА ЈА ПРЕКИНЕМЕ СОРАБОТКАТА СО АРСОВСКА Таравари ги осуди пиштолџиите, но и провокаторите appeared first on plusinfo.mk.

На овој скандал претходеа низа нерегуларности почнувајќи од самиот момент кога училишниот совет од ООУ „26 јули” носи одлука за јавен оглас за избор на директор, велат од АА.

Последното решение на министерот за образование и наука Јетон Шаќири, за одземање на надлежностите на градоначалникот на Општина Шуто Оризари е скандалозно и грубо политичко интервенирање без никаква правна основа и директно мешање во функционирањето на локалната власт, истакна на денешната прес-конференција Наим Бајрами од Алијансата за Албанците.

– На овој скандал претходеа низа нерегуларности почнувајќи од самиот момент кога училишниот совет од ООУ „26 јули” носи одлука за јавен оглас за избор на директор, а притоа на таа одлука гласа член на Советот со иницијали Н.О. на кого претходно му бил завршен мандатот – нагласи Бајрами.

Тој додаде дека директорот и единствениот кандидат на тој јавен оглас, како што посочи, иако знаел дека уверението за положен испит треба да го обнови до 1 септември 2020 година, тој тоа не го сторил, и во документацијата го приложил старото уверение.

– Фактички директорот, имено брат на градоначалникот на Чаир, Висар Ганиу, Дритон Ганиу цели две години незаконски бил на директорското место. Ги повикуваме надлежните од Општина Шуто Оризари да не подлегнат на политички притисоци и да ги искористат сите правни процедури се до конечно правно решение – рече Бајрами.

The post АА ГО ОБВИНИ ЈЕТОН ШАЌИРИ Братот на чаирскиот градоначалник 2 години незаконски е директор appeared first on plusinfo.mk.

Алијансата на Албанците реагира на резултатите од Пописот и апелира под итно да се отстранат „импутираните“ 132.000 лица, бидејќи тие не биле попишани на терен, им недостигаат етничката припадност, куќите или становите каде што живеат, професијата, нивото на образование, работното место и многу други податоци.

Партијата нагласува дека опфаќањето на лицата без етничка припадност од една страна и необјавувањето на живеалиштето на лицата од дијаспората, имаат негативно влијание во прикажувањето на реалниот процент на етничките заедници во земјата и со тоа се ставаат во опасност колективните права коишто ги уживавме до сега.

„Конкретно, процентот на Албанците во Кичево опадна под 50 отсто и со тоа се загрозува правото на употребата на националното знаме. Резултатите на пописот се изманипулирани и ова го потврдува еден неспорен факт за којшто надлежните ќе треба да дадат објаснување. Од објавените резултати имаме околу 400.000 лица до 18 годишна возраст, додека на гласачките листи од истата година, 2021, имаме 1.8 милиони гласачи. Ако направиме збир на гласачите и лицата под 18 години ќе добиеме резултат најмалку 2 милиони и 200 илјади жители, додека од пописот се објави дека резидентното население и нерезидентното вкупно се 2 милиони и 90.000. Само според официјалните податоци, недостигаат најмалку 100.000 жители“, велат од АА.

Партијата додава дека Законот за попис на населението предвидува граѓаните да се попишат според местото каде што живеат, а не според адресата во матичните книги, додека вкрстувањето на податоците се прави само за лицата коишто се попишале на терен и не може да се евидентираат лица коишто не се сретнати на терен.

„Бараме од Заводот за статистика под итно за нерезидентните лица да ги објави   општините кадешто живеат во земјата, каде тие поседуваат куќа или стан и секоја година се враќаат и придонесуваат за економијата на државата. Ако Државниот завод за статистика не ги коригира овие нерегуларности, ние ги потсетуваме дека кривично ќе одговараат според член 49 на Законот за попис со којшто за вакви манипулации се предвидува најмалку 5 години затвор“, порачаа од Алијансата на Албанците.

The post АЛИЈАНСА БАРА ДА СЕ ОТСТРАНАТ „ИМПУТИРАНИТЕ“ Преполовената бројка Албанци во Кичево го загрозува правото на употреба на националното знаме appeared first on plusinfo.mk.

Тој рече дека ќе се обидат да соработуваат со која било партија, вклучително и со ВМРО-ДПМНЕ, со СДСМ и со ромски или со турски партии.

– Алијансата за Албанците заедно со Алтернативата ќе има соработка со повеќе партии. И македонски и албански, турски, ромски. Со сите партии кои имаат кредибилитет во општините каде што се натпреваруваме – рече Таравари.

Алијанса за Албанците се уште нема став за резолуцијата на ВМРО-ДПМНЕ и најави дека во следните неколку дена ќе донесе конечна одлука за предлогот на најголемата опозициска партија.

The post Таравари: За локалните избори ќе соработуваме и со СДСМ и со ВМРО-ДПМНЕ appeared first on plusinfo.mk.