Цената на природниот гас во Европа нагло пораснаа откако ескалацијата на тензиите на Блискиот Исток ги поттикна стравувањата од прекини во снабдувањето. Фјучерс договорите за гас скокнаа за дури 36% на речиси 58 евра за мегават час, достигнувајќи го највисокото ниво од јануари 2023 година.

Овој скок се случи откако цените веќе забележаа раст од речиси 35% претходниот ден, објави „Трејдинг економикс“.

Порастот на цената е забележан по веста дека катарската државна компанија „Катар Енерџи“ го суспендираше производството на течен природен гас (ЛНГ), откако ирански беспилотни летала ги нападнаа клучните капацитети „Рас Лафан“ и „Месаид“, кои заедно сочинуваат приближно една петтина од светското производство на ЛНГ.

Се проценува дека ова прекинување би можело да загрози околу 15% од европскиот увоз на течен гас, што би го намалило глобалното снабдување и значително би ја зголемило конкуренцијата за алтернативни извори на енергија.

Ситуацијата е дополнително комплицирана од потегот на Иран, кој го блокираше сообраќајот низ Ормутскиот теснец, што дополнително го ограничи извозот од други големи производители од Блискиот Исток.

Овие ризици за снабдување со енергенси доаѓаат кога Европската Унија има ниско ниво на складирање на гас. Зафатеноста на складиштата изнесува 31%.

The post ЦЕНАТА НА ТЕЧНИОТ ГАС ПОРАСНА НА 58 ЕВРА ЗА МЕГАВАТЧАС Катар го запре производството по нападот на нејзините клучни капацитети appeared first on plusinfo.mk.

Според првичните информации, земјотресот е регистриран на длабочина од 112 километри, недалеку од Сапоро во префектурата Хокаидо.

Засега нема предупредување за цунами.

На првите видеа кои кружат на социјалните мрежи, а на кои наводно се гледаат моментите по земјотресот, на островот Хокаидо се слуша силен татнеж, по што зградите почнуваат да се тресат.

Како што може да се види на видеата, од силината на земјотресот почна да пука и бетонот на улицата.

&nbsp

6.2 شدت کے زلزلے نے جاپانی شہر کو لرزا دیا، فوٹیج میں واضح دیکھا جاسکتا ہے#Japan #earthquake #aajdigital pic.twitter.com/lZ1JXkjUQx

— AAJ Digital (@aajdigital) June 11, 2023

The post (ВИДЕО) МОРНИЧАВ ТАТНЕЖ, СЕ ТРЕСАТ ЗГРАДИ Силен земјотрес во Јапонија appeared first on plusinfo.mk.

Калчолигашот го чека објавувањето на причините и најавува жалба до Колеџот за спортски гаранти во рамките на кодексот за спортска правда, се вели во соопштението на официјалната веб-страница на клубот.

Поради одземањето на 15 бодови, Јувентус од третата падна на десеттата позиција на табелата во Италијанскиот фудбалски шампионат. Сега тимот има само 22 бода.

Јувентус и неговото поранешно раководство се обвинети за кршење на четири кривични члена поврзани со сметководствена измама. Најстрогата казна предвидува осум години затвор.

Раководството на „бјанконерите” може да биде обвинето за ширење лажни информации за финансиската состојба на клубот, манипулација на пазарот, давање лажни пријави за приходи за непостоечки операции, попречување на ревизорската контрола.

На крајот на ноември, повеќето од членовите на бордот на директори на Јувентус, меѓу кои и претседателот Андреа Ањели, поднесоа оставка.

The post „СТАРАТА ДАМА“ ЌЕ ПОДНЕСЕ ЖАЛБА Во Јувентус сметаат дека казната е престрога appeared first on plusinfo.mk.

Ова е првиот орален антивирусен лек, одобрен во Европската Унија, против болест со која светот се бори веќе две години, а Србија е првата земја во континентална Европа која го доби овој лек (само Велика Британија го доби во Европа).

Антивирусниот лек „paxlovid“ содржи две компоненти ритонавир и нирматрелвир и е наменет за орална употреба. Индициран е за третман на инфекција со ковид-19 кај возрасни на кои не им е потребен дополнителен кислород и за кои постои ризик од прогресија на болеста.

Пациентите кои ќе примаат „paxlovid“ мора да имаат барем еден од факторите на ризик за развој на потешки форми на болеста. Тие мора да бидат постари од 60 или 18 години, но исто така имаат некои од придружните болести како што се дијабетес, дебелина, срцеви заболувања, тешка опструктивна белодробна болест или активен малигнитет. Исто така, „paxlovid“ се дава само на оние со лесна или умерена клиничка слика, а целта на лекот е да се спречи појава на компликации, потешки симптоми и смрт.

Лекот се зема во првите пет дена по појавата на симптомите, така што ќе се препишува во клиниките за ковид-19, а можно е да биде дел од терапијата на хоспитализираните пациенти.

– „Рaxlovid“ не може да се даде на некој кој има тешка клиничка слика и има потреба од кислород. Се дава само ако сликата е блага до умерена, со најмалку еден фактор на ризик за прогресија на сериозна болест. Ова ги вклучува лицата над 60 години или на сите над 18, но со дебелина или малигнитет, срцеви заболувања или дијабетичари. Целта на лекот е пациентите да се лекуваат дома, па да ги добијат во првите пет дена од боледувањето – објаснува за Нова проф. д-р Радан Стојановиќ, клинички фармаколог.

Во српските клиники и болници лекарите веќе ги препишуваат антивирусните лекови фавипиравир и молнупиравир, кои сѐ уште не се одобрени од ЕМА, а „paxlovid“ е многу поефикасен, нагласува д-р Стојановиќ.

– Овој лек покажа одлични резултати во клиничките испитувања. Единствениот недостаток на лекот е тоа што не може да комуницира со одредени други лекови. Лекарите ќе треба да проценат дали пациентите кои веќе земаат други терапии за хронични болести може да добијат „paxlovid“, само во зависност од лековите што веќе ги земаат и дали овој лек може да има интеракција со нив во телото. Важно е да се нагласи дека „paxlovid“ никогаш не смеат да го земаат трудници или доилки – вели проф. д-р Стојановиќ.

Комисијата на Министерството за здравство на Србија, со која претседава професор д-р Горан Стевановиќ, директор на Клиниката за инфективни болести, направи список за дистрибуција, врз основа на кој лекот ќе се дистрибуира меѓу здравствените установи.

Србија на крајот на минатата година беше меѓу првите кои заедно со САД и Велика Британија потпишаа договор со претставниците на Фајзер за купување на најдобриот лек против коронавирусот кој го намалува ризикот од хоспитализација и тешки болести кај пациентите и до 89 проценти.

Министерот за здравство на Србија, д-р Златибор Лончар, тогаш посочи дека вакцината останува основно оружје во борбата против вирусот, а дека лекот „paxlovid“ е дополнителен напор на државата за зачувување на здравјето на граѓаните.

Овој тип на лек може да означи чекор кон крајот на пандемијата бидејќи терапијата е лесна за употреба, се зема дома со чаша вода, а студиите покажаа дека значително ги намалува хоспитализирањата и смртноста кај пациентите кои се изложени на ризик од тешка болест и се очекува да бидат ефективни против сите подваријанти на омикрон.

Нема смртни случаи

За време на испитувањето, пилулата „paxlovid“ им била дадена на пациенти пет дена по почетокот на симптомите на ковид-19, а во текот на следниот месец само 0,8 отсто од пријавените 1.039 случаи завршиле во болница, во споредба со 6,3 отсто кај примателите на плацебо. Немало смртни случаи во групата која примала „paxlovid“, додека имаше девет смртни случаи во групата која примала плацебо, соопшти ЕМА.

Лек кој го блокира вирусот

Според Фајзер, „paxlovid“ го намалува ризикот од хоспитализација и смрт кај пациенти чие здравје е веќе загрозено за 89 отсто, покажаа клиничките испитувања. Овој лек го блокира ензимот што му е потребен на коронавирусот за да се размножи, и како резултат на тоа ја намалува смртноста и хоспитализацијата. САД, Канада и Израел се меѓу првите земји кои ја одобрија употребата на оваа антивирусна пилула на Фајзер.

The post РИЗИЦИ ОД КОВИД ЛЕКОТ НА ФАЈЗЕР Забранет е за трудници и доилки, не смее да се комбинира appeared first on plusinfo.mk.

Претседателот на Фудбалската федерација на Италија Габриеле Гравина изрази надеж дека епидемиолошката состојба поврзана со коронавирусот ќе дозволи навивачите веќе во јануари да се вратат на стадионите во земјата.

Фудбалските власти на почетокот на оваа сезона дозволија присуство до максимум 1.000 гледачи на натпреварите во Серија А, но по влошувањето на епидемиолошката состојба во земјата, стадионите повторно беа затворени.

– Оваа сезона имаме многу изненадувања во Првата лига, натпреварувањето е неизвесно, но нема навивачи. Тие се меѓу главните протагонисти, а без нив тоа не е тоа. Не знам колку оваа состојба ќе трае, сè зависи од коронавирусот. Но, се надевам дека првите чекори кон враќање на навивачите на стадионите ќе ги видиме во јануари. Се надевам на тоа, бидејќи се најавува отворање на скијачките центри – изјави Гравина за Радио Раи.

The post Интер, Милан, Јувентус, ќе играат пред публика од јануари? appeared first on plusinfo.mk.

На натпреварот од 13. коло на италијанскиот фудбалски шампионат тимот на Милан постави нов рекорд во Серија А. „Росонерите“ попладнево на гостувањето кај Сасуоло го постигнаа најбрзиот гол во историјата на лигата.

Напаѓачот Рафаел Леао се запиша во листата на стрелците по само 6,2 секунди по почетокот на натпреварот.

На полувреме Милан води со 2:0.

По 12 кола Милан е лидер во Серија А со 28 бода, пред Интер кој има 27, Јувентус е трет со 27 и натпревар повеќе.

Leao is just too good 1v1
pic.twitter.com/ph12qzvqSw

— Karim (@Futball_Karim) December 20, 2020

The post Леао го постигна најбрзиот погодок во историјата на Серија А (ВИДЕО) appeared first on plusinfo.mk.

Имињата на овие клубови не се откриени во Италија.

Информциите велат дека играчите бараат од нивните претставници да гарантираат дека средствата добиени од кратењата на платите ќе одат за помош на персоналот или ќе бидат насочени кон полупрофесионални или женски тимови.

Според публикацијата, некои клубови решиле да ги замрзнат платите за време на преговорите. Како што е познато, Серија А беше тешко оштетена од пандемијата. Заразени со опасниот вирус имаше во најмалку 3 од екипите.

The post Од јануари играчи на шест екипи во Серија „А“ не земале плата appeared first on plusinfo.mk.

Прв на таков потег се реши Јувентус, а сега и останатите екипи решија да ги следат стапките на шампионот. Мерката за намалување на платите на играчите ќе биде на сила се додека не продолжи првенството.

Во случај сезоната да продолжи, тогаш платите ќе бидат намалени за 15 отсто до крај на првенството.

Раководството на Серија А ја прифати препораката на Европската фудбалска асоцијација (УЕФА) и нема да прогласи прекин на сезоната, туку ќе почека да се создадат услови за првенството на продолжи.

The post Играчите во Серија А ќе земат за една третина пониски плати appeared first on plusinfo.mk.

Македонски телеком бележи значително зголемување на мобилниот и фиксниот интернет-сообраќај во мрежата, но, како што велат, таа е стабилна.

– Со појавата на епидемијата се смени начинот на живеење, работење и нашето секојдневно функционирање, а главните канали за поврзување и комуникација приватно и деловно се дигитални. Тоа предизвикува и значително зголемување на сообраќајот и во мрежата на Македонски телеком, особено на мобилниот и фиксниот интернет-сообраќај. Сепак, и покрај зголемената потреба од интернет-сообраќај, состојбата со мрежата е стабилна. Македонски телеком презема дополнителни мерки за зајакнување и зголемување на капацитетот на мрежата за да се задоволат потребите на корисниците. Наш приоритет и натаму останува да ги одржиме инфраструктурата и интернет-пристапот беспрекорни. Затоа, сите наши ресурси, технички и човечки, се насочени да обезбедиме непречена комуникација и во вакви вонредни услови – изјавија за МИА од МТ.

И од А1 Македонија наведуваат дека и во оваа кризна состојба ги преземаат сите неопходни мерки да обезбедат телекомуникациската мрежа да работи на сигурен и стабилен начин и да обезбедува континуитет на клучните телекомуникациски услуги, како и досега.

– Бележиме зголемен обем на говорен сообраќај, како и зголемен интернет-сообраќај, кој е видливо повисок од вообичаено во одредени периоди од денот, што е резултат на приспособувањето на компаниите на новонастанатата состојба со работа од дома и на останувањето на нашите корисници дома согласно мерките за заштита од коронавирусот. Токму од тие причини А1 Македонија го обезбеди пакетот А1 Солидарност, кој овозможува 10 ГБ бесплатен мобилен интернет за сите корисници кои ќе го активираат преку апликацијата Мојот А1 и зголемен број ТВ-канали без дополнителна претплата за сите корисници на ТВ-услугите – велат за МИА од А1 Македонија.

За да обезбеди максимална достапност на услугите компанијата, покрај постојниот центар за оперативно следење и одржување на критичната инфраструктура и сервиси, го активирала и интерниот кризен штаб.

– Направени се детални сценарија за обезбедување континуитет на работењето и обезбедување на услугите во услови на кризна/вонредна состојба во државата. Техничките експерти постојано ги надгледуваат мрежните капацитети и подготвени се да реагираат со соодветни технички мерки за обезбедување на интегритетот на мрежата во случај на екстремно висок сообраќај или други технички тешкотии – наведуваат од А1.

Во оваа вонредна ситуација, кога е потребно одговорно однесување во секој поглед, апелираат до корисниците за рационално користење на телекомуникациските услуги со цел тие да бидат достапни во секое време со ист квалитет.

Законска надлежност за спроведување на обезбедувањето минимален квалитет на електронски комуникациски услуги, кој е дефиниран во претплатничките договори на корисниците, има Агенцијата за електронски комуникациии. Во услови на прогласена вонредна состојба, Законот за електронски комуникации пропишува надлежности и на ресорното Министерство за информатичко општество и администрација (МИОА).

– Доколку поради одредени новонастанати околности во одредни делови или области во државата се предизвика промена во секојдневното работење на мрежата на операторот, како на пример, преоптоварување одредени базни станици, операторот може да преземе мерки за обликување на сообраќајот, со цел да се избегне оптоварувањето или преоптоварувањето на мрежната поврзаност. Може да постави оптички кабли за поврзување базни станици или, на пример, да постави нови времени базни станици, за што ќе му бидат потребни дополнителни радиофреквенции. Доделувањето на радиофреквенциите е законска обврска на Агенцијата за електронски комуникации. Секако, барањето за добивање нови радиофреквенции треба да биде основано – велат од МИОА.

Во услови на вонредна состојба, која е прогласена во државава, за работите утврдени со Законот за електронски комуникации во врска со работата на јавните електронски комуникациски мрежи и обезбедување јавни електронски комуникациски услуги е надлежен министерот за информатичко општество и администрација.

Член 64, ставови (2) и (3) од ЗЕК пропишуваат дека јавните електронски комуникациски мрежи и придружните средства мора да се планираат, проектираат, градат и поставуваат на начин со кој ќе се овозможи давање приоритет на комуникациите од определени мрежни приклучни точки пред другите комуникации во случај на пад на мрежа, воена или вонредна состојба или елементарна непогода. Владата на Република Северна Македонија, пак, ги определува групите корисници со право на приоритетни мрежни завршни точки.

Воедно ЗЕК пропишува дека јавните електронски комуникациски мрежи и придружните средства мора да се планираат, проектираат, градат и поставуваат на начин со кој ќе се овозможи по барање од надлежен државен орган или тело, без надомест да обезбедат пренос на пораки и известувања во случај на воена состојба или непосредно загрозување на независноста и суверенитетот на Република Северна Македонија, во случај на големи природни непогоди, техничко-технолошки и еколошки несреќи и епидемии, кога постои опасност за животот и здравјето на луѓето и сигурноста на земјата.

МИОА има определено контакт-лице за комуникација со операторите доколку се донесат одредени акти согласно утврденото со Законот за електронски комуникации.

Во државава, според последното истражување на Агенцијата за електронски комуникации, употребата на интернет е застапена речиси кај 90 проценти од популацијата, а само половина од нив ја штитат приватноста со антивирусна програма.

За да избегне застој во интернет-сообраќајот најголемата интернет-платформа „Јутјуб“ неодамна најави дека ќе го намали квалитетот на видеата пред сè кон земјите на Европската Унија и Велика Британија, а намалување на квалитетот на видеосодржините за 25 отсто најави и популарната услуга за стриминг „Нетфликс“.

The post Комуникација во вонредни услови, рационалност за достапност и квалитет appeared first on plusinfo.mk.