Јун Џи-а била брутално нападната и задавена на 11 септември, по што нејзиното тело било пронајдено напуштено во округот Муџу, во провинцијата Северна Џола, објавува Дејли Меил.

Истражителите веруваат дека таа починала само 30 минути по завршувањето на нејзиното последно емитување во живо. Таа го снимала емитувањето на островот Џонгџонг, кој е на околу три часа возење од местото каде што е откриено нејзиното тело.

Ова ја наведе полицијата да се посомнева дека интернет ѕвездата, која имаше повеќе од 300.000 следбеници само на Тик-Ток, можеби била во опасност речиси веднаш по завршувањето на преносот во живо.

Според извештаите на локалната полиција, осомничениот за убиството што ја шокираше Јужна Кореја е маж во 50-тите години, идентификуван само по презимето Чои.

Чои наводно тврдел дека е извршен директор на ИТ компанија со седиште во Јужна Кореја и ѝ се обратил на инфлуенсерката под изговор на деловно партнерство, ветувајќи ѝ дека ќе ѝ помогне да го зголеми бројот на следбеници.

Медиумите велат дека мажот бил добро познат на видео платформите и го стекнал статусот на „VIP клиент“ под прекарот „Црна мачка“, известува медиумската куќа Soap Central.

Според локалните медиуми, платформата на која Џи-а ги водела своите преноси во живо имала систем за рангирање на корисниците, врз основа на нивото на финансиска поддршка што им ја оовозможувале на креаторите на содржини.

Постигнувањето на повисоко ниво на платформата барало огромни парични трошоци, при што Чои наводно го достигнал нивото 56, што, според „The News“, чинело најмалку 53.000 фунти.

Корејската веб-страница за забава Kbizoom објавила дека Џи-а сакала да го прекине својот деловен однос со Чои пред да се случи трагедијата.

Само еден ден пред нејзината смрт, Чои бил снимен на безбедносните камери како клечи и ја моли, изгледајќи како очајнички да моли за нешто.

Истражителите сега се сомневаат дека неговото прекумерно финансиско вложување и личните односи довеле до злосторството, а извештаите сугерираат дека Чои можеби се соочувал со огромни долгови.

Сведоци рекле дека го виделе Чои како влече голем куфер од својот дом, а потоа застанува на неколку локации – последната во планините на областа Муџу.

Според локалните медиуми, тој бил уапсен само 12 часа откако било пронајдено телото. Првично ги негирал обвиненијата кога бил уапсен, но на крајот признал дека ја убил инфлуенсерката.

Мајката на починатата инфлуенсерка, скршена од болка, им изјавила на новинарите: „Детективот ми кажа дека во 15:27 часот, снимката од безбедносната камера ја покажала како се обидува да излезе од автомобилот, но била насилно повлечена назад. Потоа вратата се затворила.“

Потврдено е дека причината за смртта на Јун Џи е задушување поради притисок врз вратот.

The post УБИЕНА Е ПОЗНАТА ИНФЛУЕНСЕРКА Телото е најдено во куфер на планина, се сомневаат дека е задавена од обожавател appeared first on plusinfo.mk.

Компанијата „Беклшир Хатавеј“ на легендарниот Ворен Бафет се согласи да го купи „Оксичем“, хемискиот оддел на петрохемиска компанија „Оксидентал Петролеум“, за 9,7 милијарди долари во готово.

Ова може да биде последното големо преземање на Бафет пред неговото пензионирање од функцијата извршен директор на крајот од оваа година, коментираат американските медиуми.

Иако ова е најголемиот договор за Беркшир од 2022 година, кога ја купи осигурителната компанија „Алегени“ за 11,6 милијарди долари, ова не е преземање на „капиталецот“ што Бафет долго време го бараше за да ги намали огромните парични резерви на компанијата, проценети на околу 340 милијарди долари.

Договорот се темели на веќе блиските врски на двете компании. „Беркшир“ е најголемиот акционер на „Оксидентал“ со удел од речиси 27%, што е проценето на 11,9 милијарди долари.

Покрај тоа, „Оксидентал“ му исплаќа на „Беркшир“ дивиденда од 8% за преференцијални акции во вредност од над 8 милијарди долари, што беше дел од договорот со кој „Беркшир“ му помогна на „Оксидентал“ да го купи „Анадарко Петролеум“ во 2019 година. И покрај ова, Бафет пред две години изјави дека „Беркшир“ нема да се обиде да го преземе целиот „Оксидентал“.

Извршната директорка на „Оксидентал“, Вики Холуб, во интервју за CNBC објави дека 6,5 милијарди долари од продажната цена ќе бидат искористени за намалување на долгот под целта од 15 милијарди долари.

– Сега ќе можеме да ја рестартираме нашата програма за откуп на акции. Она што требаше да го направиме беше да го подобриме нашиот биланс на состојба. Значи, ова е тој последен голем чекор што ни е потребен и сега мислам дека почнавме да создаваме вредност што ќе се случи со многу побрзо темпо за нашите акционери – рече таа.

Волстрит не реагираше со ист оптимизам. Акциите на „Оксидентал Петролеум“ паднаа за 8,1% на денот кога беше објавен договорот, а неделата ја заврши со пад од 5,5 %.

Управниот одбор на „Беркшир Хатавеј“ официјално го измени статутот на компанијата за да ги одвои улогите на претседател и извршен директор. Промената доаѓа три месеци пред Грег Абел, сегашен потпретседател за неосигурителни операции, да ја преземе функцијата извршен директор на 1 јануари.

Ворен Бафет ќе остане на позицијата претседател на одборот.

The post БАФЕТ ГО НАПРАВИ МОЖЕБИ ПОСЛЕДНИОТ ПОТЕГ ПРЕД ПЕНЗИОНИРАЊЕ Тој купува дел од компанија за 9,7 милијарди долари во готово appeared first on plusinfo.mk.