Мицкоски рече дека на разговорот со Али Ахмети што минатата недела се водеше во Собранието  не се почнати преговори.

– Со Али Ахмети имавме едночасовна средба на таа средба минатата недела во Собранието.  На таа средба Ахмети ме информираше дека ќе отпочне преговори со СДСМ со изговор дека тоа е партијата која победила во македоснкиот блок. Му реков дека не се согласувам со тоа  и дека на  кај Македонците победи ВМРО-ДПМНЕ и убедливо победи, но добро тој е политичар со искуство  и му посакав среќа во преговорите . Тоа беше разговорот што го водевме со Али Ахмети – рече Мицкоски.

Мицкоски појасни дека ВМРО-ДПМНЕ како политичка партија во рамки на Парламентот  има 40 пратеници, а СДСМ има 32, што на ВМРО-ДПМНЕ, како што рече, му дава легитимитет како победник на изборите.

– Коалицијата на ВМРО-ДПМНе има 44 ,а коалицијата на СДСМ 42 пратеника. Заедно со Беса имаат 46 пратеника. Заначи партијата ВМРО-ДПМНЕ е легитимен победник – рече Мицкоски.

Лидерот на ВМРО-ДПМНЕ беше дециден дека во разговорот со Ахмети не било покренато прашањето за пермиер Албанец, но не одговори дали е подготвен да ја дели премиерската фотелја со ДУИ.

Тој рече дека ВМРО-ДПМНЕ нема да преговора врз основа на дикатати , туку ќе преговара врз основа на програма.

– Кога ќе имаме нешто конкретно ќе ја информираме јавноста. Но сега ќе почекаме да видиме што договориле СДСМ и ДУИ – рече Мицкоски.

The post Мицкоски: Со Али Ахмети не почнавме никакви преговори, ќе почекаме да видиме што договориле Заев и Ахмети appeared first on plusinfo.mk.