Американскиот претседател Доналд Трамп им рече на лидерите на Г7 на виртуелен состанок во средата дека Иран е „на работ на предавање“, објави денеска Аксиос, повикувајќи се на тројца претставници на Г7 запознаени со повикот.

Според извештајот, Трамп им кажал на сојузниците дека „се ослободил од рак кој им се заканувал на сите“, додека се фалел со резултатите од операцијата „Епски гнев“ на состанокот на Г7 во средата наутро.

„Трамп рече дека никој не знае кој е лидерот, па затоа нема никој да прогласи предавање“, објави Аксиос.

Американскиот претседател, исто така, рече дека верува оти новоназначениот врховен лидер на Иран, Моџтаба Хамнеи, е сè уште жив „во некоја форма“, иако не се појавил во јавноста од почетокот на војната меѓу Иран и Ирак.

Коментарите на Трамп дојдоа откако Моџтаба Хамнеи сигнализираше дека Иран нема да се повлече во својата војна со САД и Израел.

Новоназначениот врховен лидер вчера издаде соопштение поради гласините за неговото здравје по неодамнешните напади. „Нема да се воздржиме од одмазда за крвта на нашите маченици“, рече Хамнеи во порака до иранската нација, според текст објавен од иранските државни медиуми.

Изјавата уследи по извештаите дека Хамнеи е повреден и медиумските шпекулации дека можеби е во кома по американско-израелските напади во кои беше убиен неговиот татко за време на нападот врз комплекс во Техеран на 28 февруари.

The post „ИРАН Е НА РАБ ДА СЕ ПРЕДАДЕ“ Трамп ги уверувал лидерите на Г7 дека војната нема долго да трае appeared first on plusinfo.mk.

Високи израелски функционери изјавија за неколку медиуми дека ајатолахот Хомнеи е мртов, но нема официјална потврда од Иран. Според израелските медиуми, неговото тело е пронајдено во урнатините на палата.

За смртта на иранскиот врховен верски водач објавија Ројтерс, Фокс њуз и други медиуми.

Израелскиот Канал 12 објави дека на премиерот Бенјамин Нетанјаху му била презентирана фотографија од телото на Хамнеи. Наводно, иранските власти го пронашле неговото тело во неговата резиденција во Техеран што утрово беше срамнета со земја.

И покрај овие тврдења што доаѓаат од Израел, нема официјална реакција или потврда од Техеран за судбината на врховниот лидер.

„Непријателот посегнува по ментална војна, сите треба да бидат свесни за тоа“, рече раководителот за односи со јавноста во канцеларијата на иранскиот врховен лидер, според иранските државни медиуми.

Иранската новинска агенција Тасним утрово објави дека 7 ракети погодиле област во близина на претседателската палата и комплексот на врховниот лидер во Техеран. Сателитските снимки открија дека резиденцијата на ајатолахот е целосно уништена во нападот.

Иранското Министерство за надворешни работи пред неколку часа објави дека врховниот лидер и претседателот на земјата се живи и здрави, откако се појавија информациите за нападот врз комплексот во Техеран.

– Сите се безбедни и неповредени – изјави портпаролот на министерството.

Израелскиот премиер Нетанјаху го повика иранскиот народ да ја искористи можноста за соборување на режимот, тврдејќи дека ајатолахот Хамнеи можеби повеќе не е жив.

BREAKING: Iran’s Supreme Leader Ayatollah Ali Khamenei confirmed dead, @TreyYingst reports. pic.twitter.com/iW1GvSUj9B

— AFRIDI UK PTI (@SajidRehma1250) February 28, 2026

Според Нетанјаху, постојат многу знаци кои укажуваат дека иранскиот врховен водач, ајатолахот Али Хамнеи „веќе го нема“, но не ја потврди експлицитно неговата смрт.

Нетанјаху рече дека станбениот комплекс на Хамнеи во Техеран е уништен во израелски напад.

Тој кажа дека нападите ќе продолжат „олку долго колку што е потребно“ и дека конфликтот ќе донесе „вистински мир“.

Израелскиот премиер рече дека сите знаат дека „таков убиствен режим“ не треба да има нуклеарно оружје со кое може да „продолжи да му се заканува на целото човештво“.

– Би сакале да му се заблагодариме на храбриот ирански народ што се ослободува од тие ужасни врски со тој режим. Ова е можност да направите нешто. Не седете со скрстени раце, бидејќи ќе дојде овој момент и од вас ќе се бара масовно да излезете на улиците, бидејќи мора да ја завршите оваа работа и мора да го срушите и искорените овој режим – рече Нетанјаху.

Нетанјаху наведе дека Израел од утрово ги елиминирал командантите на Корпусот на исламската револуционерна гарда, високи функционери на иранскиот режим, високи функционери на нуклеарната програма и дека во наредните денови ќе „нападне илјадници цели на терористичкиот режим“.

Нетанјаху му се заблагодари на американскиот претседател Доналд Трамп за неговото „историско лидерство“.

– Тој е лидер кој си го држи зборот – оцени Нетанјаху.

The post 🎥 АЈАТОЛАХОТ ХОМНЕИ Е МРТОВ, ТВРДИ ИЗРАЕЛ Според Техеран, непријателот води психолошка војна appeared first on plusinfo.mk.

Утринските заеднички воздушни напади на САД и Израел врз Иран беа насочени кон врховниот лидер ајатолахот Хомнеи и врз претседателот на Иран, Масуд Пезешкијан, изјави израелски функционер за Ројтерс.

Функционерот додаде дека и други високи команданти на режимот и армијата беа цел на нападот, без да ги именува.

Тој додаде дека сè уште не е јасно каков е исходот од нападот. Нема нови информации од Иран за состојбата на Али Хамнеи и Масуд Пезешкијан. Првичните информации беа дека тие се живи и здрави.

Ројтерс претходно објави, повикувајќи се на ирански функционер, дека Хамнеи не е во Техеран и дека е преместен на безбедна локација.

Иранската новинска агенција Тасним објави дека претседателот Пезешкијан е „во целосна здравствена состојба“, повикувајќи се на извор близок до претседателството.

Американскиот претседател Доналд Трамп по нападите изјави дека негова главна грижа е „слободата“ за иранскиот народ и дека САД работат на тоа Иран да стане „безбедна“ земја.

– Сè што сакам е слобода за народот – изјави Трамп за „Вашингтон пост“ во краток телефонски разговор.

На прашањето какво наследство сака да остави зад себе воената операција, тој одговори:

– Сакам безбедна земја и тоа е она што ќе го имаме.

Израелскиот претседател Исак Херцог утрово ги пофали американскиот претседател Доналд Трамп и американската војска.

Херцог му се заблагодари на Трамп за она што го нарече „историска и храбра одлука“ и изрази целосна поддршка за него и за премиерот Бенјамин Нетанјаху, за почнувањето заедничка операција против она што го нарече „водечката држава спонзор на тероризмот во светот“, обвинувајќи го Иран за децении терор и за неговата потрага по нуклеарно оружје. Тој изрази надеж дека операцијата ќе донесе „историска промена и подобра иднина“ за Блискиот Исток и светот.

Херцог рече дека израелскиот народ е силен и дека никој не може да им го скрши духот, и изрази поддршка за војниците на Израелските одбранбени сили (ИДФ), како и за американските војници вклучени во операцијата.

Израелскиот премиер Бенјамин Нетанјаху повика на промена на режимот во Техеран.

Во својата прва видео изјава за нападите на САД и Израел врз Иран, Нетанјаху апелираше до „целиот ирански народ“ да „го отфрлат јаремот на тиранијата и да донесат слободен и мирен Иран“.

Тој нагласи дека „заедничкото дејствување ќе создаде услови храбриот ирански народ да ја земе својата судбина во свои раце“.

Нетанјаху му се заблагодари на американскиот претседател Доналд Трамп „за неговото историско водство“.

– На овој убиствен терористички режим не смее да му се дозволи да се здобие со нуклеарно оружје што би му овозможило да го загрози целото човештво – рече Нетанјаху.

Бројни експлозии одекнаа утрово во Техеран и во неколку ирански градови. Според извештаите, меѓу целите биле канцеларијата на иранскиот врховен лидер Хамнеи и претседателската канцеларија во Техеран. Цел биле и воени објекти во Керманшах, Ком, Исфахан, Тебриз и во Карај, како и поморски инсталации во Кенарак на југот од земјата.

Израелските одбранбени сили претходно ги предупредија иранските цивили да ги напуштат областите во близина на воените инсталации пред нападот.

Се појавија и фотографии од Техеран на кои се гледа погодената зграда во областа Нармак, каде што живее поранешниот претседател Махмуд Ахмадинеџад. Не е познато дали е повреден.

Министерството за внатрешни работи на Иран соопшти дека безбедносните сили се подготвени да го одржат редот и дека бројни болници низ целата земја се во состојба на готовност.

The post ЦЕЛТА НА ВОЈНАТА Е ДА СЕ УБИЈАТ АЈАТОЛАХОТ ХАМНЕИ И ПРЕТСЕДАТЕЛОТ ПЕЗЕШКИЈАН Израел им заблагодари на САД за „историската и храбра одлука“ appeared first on plusinfo.mk.

Демонстрантите нема да ја скршат Исламската Република Иран и нема да толерираме дејствување во име на странски сили, рече денеска ајатолахот Али Хамнеи во обраќање пред граѓаните на Иран на државната телевизија. Обраќањето траеше 30 секунди, по што беше поздравен со воодушевување од публиката.

– Секој треба да знае дека Исламската Република нема да се повлече. Нема да толерира служење на странци – рече Хамнеи.

Додаде дека економските тешкотии во Иран се реални и треба да се решат, но остро го осуди насилството и палењето на имотот, велејќи дека таквите дејствија не можат да се оправдаат. Тој ги оддели протестите од она што го нарече „немири“, тврдејќи дека некои учесници дејствувале со цел дестабилизација на земјата и во интерес на странски сили.

Додаде дека секој што работи за „надворешни сили“ ќе биде отфрлен од народот и од исламскиот систем.

Ајатолахот му се обрати и на американскиот претседател Доналд Трамп.

– Што се однесува до тој човек што седи таму со ароганција и гордост, осудувајќи го целиот свет, тој треба да знае и дека сите деспоти и арогантни сили на светот, како фараонот Нимрод, Реза-Шах Пахлави, Мохамед Реза и слични. Тие беа соборени токму кога беа на врвот на својата гордост. И овој ќе биде соборен – рече иранскиот верски лидер.

Хамнеи изјави дека работата на демонстрантите што излегоа на улиците на иранските градови е „уништување“.

– Синоќа во Техеран и на некои други места, група вандали дојдоа и уништија зграда што ѝ припаѓа на нивната земја. Да претпоставиме дека уништија одредена зграда или ѕид само за да му угодат на претседателот на Америка. Затоа што тој кажа некои небитни глупости дека „ако иранската влада го направи ова и она, ќе ја заземам вашата страна“. Тоа е страната на овие злосторници и поединци кои се штетни за земјата – рече Хамнеи.

Додаде дека „тие луѓе ги полагаат своите надежи на Трамп“.

– Ако може, нека управува со својата земја. Различни инциденти се случуваат во неговата земја – рече тој.

Хамнеи, исто така, изјави дека рацете на американскиот претседател се „извалкани со крвта на повеќе од илјада Иранци“.

– Во Дванаесетдневната војна, илјада и еден наш сонародник, освен команданти, научници и достоинственици, од редовите на обичните луѓе, загинаа како маченици. И тој рече: „Јас дадов наредба, јас командував за време на војната – рече Хамнеи во своето обраќање.

Iran’s Khamenei:

Everyone should know: the Islamic Republic has come to power through the blood of hundreds of thousands of noble human beings.

The Islamic Republic will not back down in the face of those who are destroyers. pic.twitter.com/NLVnh0aMiI

— Open Source Intel (@Osint613) January 9, 2026

The post АЈАТОЛАХОТ ХАМНЕИ ГО СПОРЕДИ ТРАМП СО НИМРОД И МУ ПОРАЧА ДЕКА ЌЕ БИДЕ СИМНАТ ОД ВЛАСТ Демонстрантите нема да го скршат Иран appeared first on plusinfo.mk.

Врховниот лидер на Иран, ајатолахот Али Хамнеи денеска ги демантираше изјавите на американскиот претседател Доналд Трамп дека САД ги уништиле иранските нуклеарни капацитети.

„Претседателот на САД гордо кажува дека ја бомбардирале и ja уништиле иранската нуклеарна индустрија. Многу добро, продолжете да сонувате“, објави Хамнеи на платформата Икс.

На израелскиот напад врз Иран во јуни се придружија и САД, кои ги бомбардираа иранските нуклеарни постројки Натанц, Фордоу и Исфахан.

Иранското Министерство за надворешни работи пред 2 дена соопшти дека Техеран повеќе не е ограничен за својата нуклеарна програма, бидејќи истече меѓународниот Сеопфатен нуклеарен договор (ЈЦПОА). Иран во 2015 година склучи договор со Франција, Германија, Велика Британија, Кина, Русија и САД за регулирање на нуклеарната програма, а за возврат да се намалат меѓународните санкции против Техеран. Но, во 2018 година, за време на првиот претседателски мандат, Доналд Трамп еднострано ги повлече САД од Договорот и повторно воведе санкции кон Иран. Како одговор, Техеран ги зголеми резервите на збогатен ураниум на 60 отсто.

Според податоците на Меѓународната агенција за атомска енергија (МААЕ), Иран е единствената држава без нуклеарно оружје, која збогатува ураниум до високо ниво од 60 отсто, што е блиски до потребните 90 проценти за производство на атомска бомба.

The post „ПРОДОЛЖЕТЕ ДА СОНУВАТЕ ДЕКА СТЕ ГИ УНИШТИЛЕ НУКЛЕАРНИТЕ КАПАЦИТЕТИ НА ИРАН“ Ајатолахот Хамнеи му се обрати на претседателот Трамп appeared first on plusinfo.mk.

Францускиот неделник денеска објави неколку десетина карикатури на ајатолахот Хамнеи. Објавените карикатури беа избрани на конкурс во декември, за време на протестите во Иран.

„Навредливиот и непристоен чин на објавување карикатури против верските и политичките власти нема да помине без ефективен и цврст одговор“, напиша на Твитер шефот на иранската дипломатија Хосеин Амир-Абдолахијан.

Според него, Иран нема да дозволи француската влада да ги премине нејзините граници.

„Шарли Ебдо” во декември објави дека „меѓународниот натпревар за карикатура” на Хамнеи има за цел да ги поддржи „Иранците кои се борат за својата слобода”.

The post НЕ ДОЗВОЛУВАМЕ ДА ГИ ПРЕМИНЕТЕ ГРАНИЦИТЕ Иран ја предупреди Франција за карикатурите на Хамнеи appeared first on plusinfo.mk.

Британските медиуми јавуваат дека Хамнеи изјавата ја објави на својот налог на Твитер, еден ден откако Фахризадех беше убиен во заседа во близина на иранската престолнина Техеран.

Си-Ен-Ен утринава навести дека оваа ликвидација може да предизвика нова ескалација на тензиите и конфронтација меѓу Иран и неговите противници во последните неколку недели од мандатот на американскиот претседател Доналд Трамп, што дополнително ќе ги отежне напорите на новоизбраниот американски претседател, Џо Бајден, да го заживее процесот на детант, што беше инициран од администрацијата на Барак Обама.

The post Иранскиот ајатолах Хамнеи вети одмазда за убиството на Фахризадех appeared first on plusinfo.mk.