Асномскиот завет вели – каква држава ќе создадеме, таква држава ќе имаме, истакна претседателката Гордана Сиљановска Давкова на денешната панел дискусија на тема „8 Септември низ призма на неговите непосредни учесници и сведоци“.

Според претседателката, држава не се гради само со демократските избори и со конституирањето на институциите, туку со градење на функционални институции, со одбрана и заштита на човековите права и со почитување на највисоките стандарди, не само на домашното туку и на меѓународното право.

– Асномскиот завет вели – каква држава ќе создадеме, таква држава ќе имаме. По мое мислење, умерените и умни лидери во деведесеттите години биле Глигоров, Стојан Андов, Никола Кљусев, Петар Гошев, Абдурахман Алити… кои успеаја од тој вртлог на војна со своето знаење и мудрост, но и со државничкиот однос на еден умерен начин да исчекорат, и тоа е многу важно. Според еден научник, може за шест дена да скицирате устав, може за шест месеци да зацртате либерална економија, ама ви требаат шеесет години да изградите функционална демократија. Таа не се гради само со демократските избори и со конституирањето на институциите, туку со градење на функционални институции, со одбрана и заштита на човековите права и со почитување на највисоките стандарди, не само на домашното туку и на меѓународното право – нагласи Сиљановска Давкова.

На панел дискусијата на тема „8 Септември низ призма на неговите непосредни учесници и сведоци“ учествуваат поранешни пратеници, министри и други јавни личности.

The post КАКВА ДРЖАВА ЌЕ СОЗДАДЕМЕ, ТАКВА ЌЕ ИМАМЕ Сиљановска Давкова се осврна на лидерството на Глигоров, Андов, Кљусев, Гошев, Алити… appeared first on plusinfo.mk.