Денеска  треба да почне судењето против поранешниот вицепремиер Артан Груби и седум други лица за злоупотреби во АД „Државна лотарија“.

Основното јавно обвинителство Скопје, на 13 август годинава поднесе обвинителен предлог против Артан Груби и седум други лица, кои во текот на 2023 и 2024 заеднички презеле дејствија со кои ги пречекориле границите на своите посебни овластувања и должности, со намера да му нанесат штета на Акционерско друштво за приредување игри на среќа Државна лотарија во вредност од 507.632.173 денари (повеќе од 8,2 милиони евра.

Сите се обвинети за злоупотреба на службена положба и овластување за што е предвидена затворска казна од најмногу пет години.

Предметот ќе го води судијката Билјана Шуплиновска – Јовевски.

Првообвинетиот – поранешниот директор на „Државна лотарија“ Перпарим Бајрами сè уште е во бегство и за него Обвинителство бара да му биде определена мерка притвор од пронаоѓање во траење од 30 дена, додека за вториот обвинет – Артан Груби, предложено е продолжување на претходно определената мерка куќен притвор, која му е определена заедно со мерката на претпазливост – привремено одземање на патна исправа и забрана за издавање на патна или друга исправа за преминување на државната граница.

Груби, по повеќе од 14 месеци бегство, во февруари годинава беше уапсен на граничниот премин Блаце. По распит во Обвинителството, Груби, наместо во притвор, кој претходно му беше определен во отсуство, поради безбедносни причини, доби куќен притвор.

The post ПОЧНУВА СУДЕЊЕТО НА АРТАН ГРУБИ Во случајот се обвинети уште 7 лица appeared first on plusinfo.mk.