Во продолжение го објавуваме соопштението во целост:

„Антимакедонската СДС подготвува план и тоа исплашени од народот, да ја отфрлат Иницијативата за Референдум. Свесни се дека над 60 отсто од Македонците го поддржуваат Референдумот и би излегле на истиот, тие подготвуваат сценарио тој воопшто и да не се случи.

Во таквото сценарио главна улога треба да одигра Талат Џафери, кој само ќе го спроведе даденото од Ковачевски. Власта знае дека огромно мнозинство од народот кој ќе излезе на Референдум ќе гласа за поништување на договорот со Бугарија, и затоа бега.

Народот ќе излезе на Референдум затоа што знае дека договорот со Бугарија е коренот на сите негации на македонскиот јазик, историја, идентитет. Референдум мора да има, затоа што тој е највисока форма на демократија. Апелираме до антимакедонската СДС и Ковачевски, да не се дрзне да го помножи народот со нула.

Дополнително, ако власта верува дека договорот со Бугарија е добар и тој наоѓа на поддршка кај народот, тогаш зошто се плаши да го стави истиот на Референдум? Или пак признаваат дека лажат и манипулираат целиот овој период, и потпишале договор кој не е согласно волјата на народот.

ВМРО-ДПМНЕ даде уште една понуда до власта, ако е уверена во своите политики, и поддршката кај народот, тогаш ајде заедно со Референдумот да излеземе и на предвремени парламентарни и претседателски избори. На еден трошок да се организираат тројни избори. За државата да добие власт, која што ќе работи во нејзин интерес“, вели Миле Лефков од ВМРО-ДПМНЕ во својот говор.

The post СДСМ ПОДГОТВУВААТ ТЕРЕН ЗА ДА ГО ОТФРЛАТ РЕФЕРЕНДУМОТ Од ВМРО-ДПМНЕ ја предупредуваат власта да не си игра со волјата на Македонците appeared first on plusinfo.mk.

Според Државниот завод за статистика, бројот на домашните туристи е намален за 11,4 отсто, додека бројот на странските туристи за 87,4 проценти. Бројот на ноќевањата на домашните туристи во октомври 2020 година во однос на октомври 2019 година, е намален за 14 проценти, а бројот на ноќевањата на странските туристи е намален за 84,8 отсто.

Во периодот јануари – октомври 2020 година во однос на истиот период лани, бројот на туристите е намален за 60,8 отсто, кај домашните туристи за 20, а кај странските за 84,2 процента. Бројот на ноќевањата е намален за 47,2 отсто, кај домашните туристи за 14,1, додека кај странските за 84,1 процент.

The post Пад на туризмот за 60 отсто appeared first on plusinfo.mk.

Народната банка, според прелеминираните проценки, очекува оваа година јавниот долг да биде околу 60 проценти, а наредната година да се зголеми за еден до два процентни поени. Особено е важно, според гувернерката на НБ, Анита Ангеловска Бежоска, буџетските расходи целно да се насочени кон поддршка на растот и потенцијалот на економијата.

Макроекономските проекции на Народната банка во однос на фискалната политика, ги вградуваат најновите расположливи информации, според коишто оваа година буџетскиот дефицит би се позиционирал некаде на околу 8,5 проценти од БДП, а потоа би дошло до постепена фискална консолидација. Притоа од НБ напоменуваат дека буџетот за 2021 година сѐ уште не е усвоен, а новата фискална стратегија исто така сѐ уште не е донесена.

– Оттука, не располагаме со попрецизни податоци, но според наши оцени, финансирањето на дефицитот би било комбинирано и од домашни и од надворешни извори. Дополнително, проекциите претпоставуваат и интензивирање на јавните инфраструктурни проекти, што значи и дополнително надворешно задолжување на јавните претпријатија, а ефект врз јавниот долг ќе има и најавата за користење на средства од новата кредитна линија на Развојната банка. Со вака вградените претпоставки, според прелиминарните оцени, а имајќи ги предвид и отплатите коишто достасуваат во последниот квартал, оваа година очекуваме јавниот долг да биде околу 60 проценти, а наредната година да се зголеми за еден до два процентни поени – велат од НБ.

Ова, според гувернерката Анита Ангеловска Бежоска, е очекувано со оглед на потребната контрациклична фискална политика, но она што е важно буџетските расходи да се целно насочени кон поддршка на растот и потенцијалот на економијата. На таков начин ќе се овозможи и побрзо стабилизирање на нивото на јавниот долг на среден рок.

Според неа, тешко е да се каже по кои услови и како државата ќе се задолжува во натамошниот период. Сега за сега последните состојби упатуваат дека состојбата е стабилна. Неизвесноста зависи од многу фактори. Последните податоци за ноември покажуваат натамошно стабилизирање на финансиските пазари што во голема мера се врзува со информациите што се пресликуваат во напредокот во делот на пронаоѓањето на вакцините против Ковид-19.

Оваа година, како што посочи гувернерката, се забележува значајно поместување кај јавниот долг отприлика од 11 проценти поени од БДП, што е одраз на поекспанзивната фискална политика, поголемиот буџетски дефицит во насока на преземање мерки на здравствениот сектор и ублажување на ефектите од кризата.

– Ако ги погледнеме и проекциите на ММФ за растот на задолженоста може да се види дека очекувањата се генерално во Европа, вклучително и во нашиот регион, да дојде до позначајно зголемување и на буџетскиот дефицит за оваа година и на нивото на задолженост. Порастот на нивото на јавен долг во регионот во просек е проектиран на 10 до 12 проценти што отприлика упатува на слична динамика на пораст на јавниот долг како и кај нас – наведе Ангеловска Бежовска.

The post НБ: Јавниот долг ќе достигне 60 отсто од БДП годинава, а следната година ќе порасне уште за два процента appeared first on plusinfo.mk.