Екипата на емисијата разговараше со прилепчанецот Милан Секуловски, кој од Барселона слетал во Софија, со заедно со уште 25 лица, па преку граничниот премин Деве Баир биле пренесени во Македонија.

– Ни мереа температура, ниту еден од групата немаше никакви симптоми, и потоа со автобус бевме однесени до дома – изјави Секуловски, кој е сега во самоизолација во неговиот дом во Прилеп.

Тој додаде дека полицајци телефонски го контролираат два-три пати во денот за да проверат дали се придржува кон мерките за самоизолација.

Екипата на „5 минути факти“ беше на терен со полицијата која ги проверува лицата во самоизолација два пати во денот.

– Бројката на прекшители на мерките се намалува од ден на ден – изјави Ристо Ставревски, началник на СВР Скопје и додаде дека одлуката на Владата да не се излегува по 11 часот, повозрасните луѓе не ја почитуваат во целост.

Целата емисија „5 минути факти“ која се емитува секој понеделник во вестите на Канал 5 од 18 часот, можете да ја погледнете на следниот линк:

https://www.facebook.com/Kanal5Televizija/videos/3436640516352321/

The post „5 минути факти“: Полицијата ги контролира лицата во самоизолација три пати на ден appeared first on plusinfo.mk.

Екипата на „5 минути факти“ направи емотивна сторија за пациентка која е заболена од коронавирусот и во моментов е на Инфективната клиника во Скопје.

„Ме зедоа од дома, ме донесоа на Инфективната клиника, ме прими комплетно опремен персонал. Да се биде позитивен на коронавирусот не значи дека ќе се умре, туку е премногу стресно. Затоа ве молам, почитувајте ги препораките и не доведувајте ги во ризик своите најмили“, изјави пациентката во телефонскиот повик.

Агрон Буџаку, од Центарот за управување со кризи кој беше дел од соговорниците, изјави дека состојбата во Дебар е под контрола и се испраќаат дополнителни маски за превентива.

Вкупно 185 пациенти кои ќе имаат потреба од распиратори ќе можат да бидат сместени во државните болнци, а на располагање се и 70 легла во приватните. Од Министерството за здравство велат дека има конкретен кризен план кој не го споделуваат. Од Агенцијата за стокови резерви изјавија дека државата располага со потребни резерви на производи кои се сместени на тајни складишта.

„5 минути факти“ се емитува секој понеделник во 18 часот, во вестите на Канал 5. На следниот линк, погледнете ја целата вчерашна епизода:

https://www.facebook.com/Kanal5Televizija/videos/673185833417167/

The post „5 минути факти“: Има резерви на производи кои се чуваат во тајни складишта appeared first on plusinfo.mk.

Обрасците во Централниот регистар во Тетово, сѐ уште не се преведени на албански јазик, а и интернет страницата на Централниот регистар е еднојазична, истражи екипата на „5МФ“ од Тетово. На интернет страницата на МВР, во одделот за граѓански барања, делови исто така не се преведени на албански јазик. Слична е состојбата и на веб страницата на Општина Крушево, каде што живее 21 процент албанско население. Ниту таму информациите не се преведени на албански. Делови на страницата на Општина Струга остануваат недостапни за македонска подддршка.

За „5 ФМ“ на делови од Законот реагираше и Венецијанската комисија. Од таму велат дека дале забелешки до Владата, но сѐ уште немаат одговор дали ќе ги применат нивните забелешки. Над 600 институции се релативно подготвени за применување на Законот, велат од Агенцијата за спроведување на законот за јазици. Актуелната состојба со коронавирусот ќе ги одложи обуките за преведувачи и лектори.

Фатимир Есеми, директор на Инспекторатот за примена на јазикот апелираше до сите граѓани да доставуваат претставки до Инспекторатот, кои како што вели тој ќе им бидат одговорени штом институцијата соодветно се екипира.

„Пет минути факти“ се емитува секој понеделник во 18 часот во вестите на Канал 5. На следниот линк, погледнете ја целата емисија:

https://www.facebook.com/Kanal5Televizija/videos/252279252443341/

The post „5 минути факти“: Законот за јазиците сѐ уште соодветно не се применува appeared first on plusinfo.mk.