Владата ќе вработи 400 лица како нова мерка за намалување на ризикот од пожари и сите оние кои ќе покажат интерес ќе бидат трајно ангажириани, најави портпролката на Владата Марија Митева на заедничка прес-конференција со директорот на Дирекцијата за спасување и заштита и со директорката на ЗЕЛС.

– Оваа мерка има двоен ефект, социјален и еколошки. Од една страна, обезбедуваме приход и вклучување на невработени лица, со што даваме конкретна поддршка на ранливи категории граѓани, односно на навработени. Од друга страна, создадовме функционален и одржлив систем на заштита од пожари, кој е предвидено да опфати 14 општини низ државата- општини каде имаме територијални противпожарни единици – вели Митева.

Секој ангажиран учесник ќе добива месечна финансиска поддршка од 24.000 денари, информираше портпаролката. Пријавувањето ќе се одвива транспарентно преку Јавен повик, кој ќе биде објавен од страна на општините.

– Секое лице кое што се чувствува подготвено и мотивирано да даде придонес во оваа заедничка мисија, ќе може да аплицира со поднесување на пријава и апликација. Локалните самоуправи во овој случај ќе имаат активна улога во спроведувањето, затоа што борбата против пожарите е одговорност што ја споделуваме, од централно, до најлокално ниво – истакна Митева.

Портпаролката вели дека овој нов пристап на Владата значи дека нема повеќе пасивно, туку активно спречување хаварии и навремена интервенција.

– Секоја расчистена патека, секој спасен човечки живот, ќе биде доказ дека оваа мерка е мерка која прави разлика – вели Митева за мерката која е опфатена со оперативниот план за вработување: „Јавни работи за заштита и превенција од пожари“.

The post ЌЕ СЕ ВРАБОТАТ 400 ПОЖАРНИКАРИ НА ЈАВЕН ПОВИК Владата проактивно работи на проблемот со пожарите appeared first on plusinfo.mk.

Генералниот секретар на НАТО, Марк Руте ќе го искористи својот говор во Лондон за да нагласи дека на воената алијанса ѝ е потребно зголемување на воздушната и ракетната одбрана за 400 проценти, што ќе биде еден од приоритетите на самитот на воената алијанса во Хаг овој месец.

„Факт е дека ни е потребен квантен скок во нашата колективна одбрана. Факт е дека ни требаат повеќе сила и способности за целосно да ги спроведеме нашите одбранбени планови. Факт е дека заканата нема да исчезне дури ни кога ќе заврши војната во Украина“, се вели во извадок од подготвениот говор на Руте, пишува Ројтерс.

За денеска, 9 јуни, предвидена е средбата на Руте со британскиот премиер Кир Стармер во Даунинг стрит.

Руте врши притисок врз членовите да ги зголемат воените трошоци на 3,5 проценти од БДП и да издвојат дополнителни 1,5 проценти за пошироки трошоци за безбедност за да се исполни барањето на американскиот претседател Доналд Трамп за цел од 5 проценти.

Минатиот месец, тој рече дека очекува целта да биде договорена на самитот на 24 и 25 јуни.

The post РУТЕ БАРА 400% ПОЈАКА ВОЗДУШНА ОДБРАНА ВО НАТО Според генсекот е потребен квантен скок во моќта appeared first on plusinfo.mk.

Ибрахимовиќ (40) го отвори резултатот со гол од слободен удар во 26 минути, а во 50 минута на шведскиот ветеран му беше поништен гол поради офсајд.

Милан со триумфот го задржа чекорот со водечкиот Наполи со идентични 31 бодови, а во следното коло „црвено – црните“ ги очекува градското дерби против актуелниот италијански шампион Интер.

The post БЛЕСКАВИОТ ЈУБИЛЕЈ НА ИБРАХИМОВИЌ 400 гола во кариерата на Швеѓанецот appeared first on plusinfo.mk.