Максимална казна од 400.000 евра за големите маркети кои го изигруваат законот за нефер трговски практики, но ќе се воведат и казни да добавувачите кои  ја прифаќаат таа игра на трговците, најавува заменик-министерот за економија Марјан Ристески со измените на Законот за нефер трговски практики.

Измените на законот се очекува наскоро да се донесат и да почнат да се применуваат уште во текот на оваа година.

Сега, максималната казна која може да се изрече за непочитување на законот е околу 20.000 евра.

-Ќе бидат предвидени зголемени казни за најголемите играчи, маркети, за загрозувањето на фер трговијата и граѓаните, до 400.000 евра. Меѓутоа ќе биде предвидена глоба и казна која досега не беше предвидена во законот за самите добавувачи кои ја прифаќаат, пак, од друга страна таквата нефер игра на трговците. Да не заборавиме. Основна цел на законот е заштита на производителите и добавувачите, а преку нив и на купувачите односно граѓаните индиректно. Но, заштита и на домашните компании и производители да не бидат во подредена улога на одредените принципали (како ги викаат) или големите играчи на пазарот посебно на Балканот овде, да не бидат во подредена улога во однос на конкурентност, цени и видливост од страна на самите купувачи. Тоа треба и тие да ни помогнат – вели Ристески.

Тој ги повикува производителите и добавувачите де пријават нефер трговски игри.

– Може пријавувањето да биде директно, анонимно, по допрен глас или по сопствено видување од КЗК за да можат во рок од неколку дена да излезат и да ја утврдат таа нефер трговија, а нефер играчите да бидат казнети –вели Ристески.

Досега Комисијата за заштита на конкуренција отвори повеќе од 30 предмети за кршење на Законот за забрана на нефер трговски практики и се изречени глоби во износ од околу 150.000 евра.

The post НАСКОРО ЌЕ СЕ ИЗРЕКУВААТ КАЗНИ ОД 400.000 ЕВРА ЗА НЕФЕР ТРГОВЦИТЕ Ристески најавува казни и за добавувачите кои ги прифаќаат тие практики appeared first on plusinfo.mk.

На 03.07.2025 година Б.Д. (76) од Берово во СВР Штип пријавил кривично дело – „измама“ по чл. 247 ст.4 од Кривичниот законик на РСМ против лицето Д.И. (54) од село Трубарево, скопско.

„Според пријавителот, во период од 2022 до 2025 година пријавениот со намера за себе да прибави противправна имотна корист, со лажно прикажување на факти ги довел и ги држел во заблуда пријавителот и неговата сопруга М.Д. прикажувајќи се самиот себе како лице со посебни паранормални способности (наводен „бајач“, истерувач на духови и магии) , односно како „божји човек“ кој има моќ и сила да растури зла магија што наводно била направена над нивниот син и што наводно му го загрозувала неговото здравје и живот. Притоа, во наведениот речиси тригодишен период ги навел оштетените лица во повеќе наврати на различни локации во Скопје и во Берово да му даваат парични средства во висина од 5.000 до 6.000 евра за „помошта“, така што се стекнал со противправна имотна корист од вкупно 400.000 евра за посочениот период.

По примањето на пријавата, полициски службеници од СВР Штип во содејство со полициски службеници од ОВР Берово, Одделот за криминалистичка полиција и СВР Скопје, а по насоки на јавен обвинител од надлежното ОЈО Кочани веднаш се преземени мерки и активности за расчистување на кривично правниот настан, при што паричните средства кои оштетениот по предходен договор со пријавениот имал намера да му ги даде, се крим-технички обработени“, информира МВР.

Вчера (04.07.) во Берово од слобода се лишени Д.И. и неговата мајка Д.И. (76) од Трубарево, скопско кај која при извршен претрес се пронајдени 3000 евра. Од извршениот претрес во нивниот дом во Трубарево пронајдени се и одземени се предмети поврзани со кривичното дело – „измама”.

The post „БОЖЈИОТ ЧОВЕК“ ОД ТРУБАРЕВО ИМ ЗЕЛ 400.000 ЕВРА Три години „растурал магии“ на брачна двојка од Берово appeared first on plusinfo.mk.

Ѕвездата на Париз Сен Жермен ноќта кога со својот тим бил на гостување во Лориен бил жртва на лопови кои му го ограбиле станот. Според француските медиуми, лоповите му однеле работи од дома во вредност од околу 400.000 евра.

Икарди живее во париската населба „Неји на Сена“ кое важи за едно од полуксузните квартови во Париз.

The post Ограбен станот на Икарди, го олесниле за 400.000 евра appeared first on plusinfo.mk.