Поради тоа што лекар специјалист во денот има и по 70 прегледи и не може соодветно да им се посвети на тешко болните, од клиниката доставиле барање до Министерството за здравство што им е неопходно во моментот.

– Најургентни ни се медицинските сестри, едно десетина медицински сестри, радијациони технолози, бидејќи имавме во минатиот период напуштање од тој кадар, медицински техничари и нормално лекари. Барем на оние лекари кои се на приватна специјализација да можеме да им дадеме договори на неопределено време. Се зголемува обемот на работа така што потребно е вработување на нов кадар – вели Игор Стојковски, в.д. директор на Клиниката за онкологија.

Пред еден месец кога министерот за здравство беше во посета на клиниката, најави дека Клиниката за онкологија ќе има приоритет за вработување на кадар.

Неопходно е и активирање на онколошките амбуланти низ државата за да нема големи гужви и малигно болните да чекаат со часови за преглед или терапија. Засега е воведена втора смена во дневната болница, но и тоа не е доволно.

– Воведовме втора смена во дневната боница за да не се враќаат пациенти, сега правиме напори да го оптимизираме процесот и други профили да работат втора смена. Со тоа се надевам дека ќе ги намалиме гужвите во чекалните – вели Стојковски.

The post ЕДЕН ЛЕКАР ДНЕВНО ПРЕГЛЕДУВА 70 БОЛНИ ОД РАК Итно се потребни 40 вработувања на Клиниката за онкологија appeared first on plusinfo.mk.