Аеродромите рушат рекорди и тоа е резултат на субвенциите за нови линии и инвестициите што ги правиме во аеродромите, вели заменик претседателот на Владата и министер за транспорт, Александар Николоски.

– Oна што било проектирано за 2030 година, веќе го постигнуваме во 2026 година и ќе продолжи да расте во следниот период – рече Николоски.

Според него за растот на бојот на патници на Охридскиот аеродром е и изградбата на новата зграда.

– Една од основните причини за тоа е изградбата на нова терминална зграда, на помошните простории. Практично, еден нов аеродром добивме, кој што со својата функционалност, но и со својата убавина, привлекува патници, привлекува туристи и очекувам во следниот период да се зголемува и бројот на летови. Во однос на скопскиот, исто така, рушиме рекорди- рече Николоски.

Тој додаде дека очекува само скопскиот аеродром да поминат 3, 6 милиони патници.

– Ако имаме малку среќа, очекувам до крајот на годината да можеме да имаме една убава церемонија за 4 милиони патници на двата аеродроми, што споредено со 2,4 милиони патници во 2024 година е еден огромен скок-рече Николоски.

Тој најави нови чартер летови со туристи со два авиони дневно кои би слетувале на охридскиот аеродром.

– Она што е мое очекување, сè уште не сме потврдени, но мислам дека сме блиску, е големи чартер тури, кои што почнуваат да се прават во државата, кои што би значеле најмалку два авиони дневно со туристи, надвор од сезоната, во период од октомври до мај, да го потврдиме во следниот период и тоа да е додадена вредност на охридскиот аеродром – Николоски. 

The post АЕРОДРОМИТЕ РУШАТ РЕКОРДИ Николоски очекува годинава да заврши со 4 милиони патници appeared first on plusinfo.mk.