Во 2024 и 2025  реализиравме 350 милиони евра за развој и инфраструктурни проекти во општините, истакна заменик претседателот на Владата и министер за транспорт Александар Николоски на средбата во ЗЕЛС со градоначалниците и претставниците од Светска банка каде што се разговараше за развој и реализација на проекти во општините.

Николоски додаде дека Министерството за транспорт во соработка со Светска банка го реализира проектот за изградба и рехабилитација на локални улици во општините.

– Веќе имаше два повика, едниот во 2024, другиот во 2025 година во вкупна вредност од 350 милиони евра за реализација на локални проекти, а ако на тоа ги додадеме и проектите кои што ги реализираме со поддршка на Светската банка, тогаш вредноста е далеку поголема. За две години во периодот јуни 2024 до јуни 2026 година се склучени договори во вредност од 25,3 милиони евра за реконструкција на локални патишта во општините. Рехабилитирани се 96 улици во 72 општини, во вкупна должина од 72 километри, а во фаза на реконструкција се уште 31 километар патишта, што значи дека некаде околу 103 километри патишта се рехабилитирани, изградени целосно нови или во тек се на изградба во овој момент со поддршка на Светска банка– рече Николоски

Директорка на СБ за Косово и Северна Македонија Карол Межеван напомена дека урбаната мобилност е исклучително важна.

– Северна Македонија станува сè поурбанизирана држава. Околу 60% од населението живее во градовите, а таму се концентрирани и сè поголем дел од економските активности. Затоа урбаната мобилност претставува сериозен предизвик. Ова не е само прашање на транспорт. Станува збор за тоа како луѓето се движат, како стигнуваат до работните места, здравствените установи и образовните институции, како им се овозможува пристап до можности и услуги – посочи Межеван.

Таа нагласи дека досега се направени значајни инвестиции во локалната инфраструктура, реконструкција на патишта, подобрување на безбедноста на пешаците, тротоарите и сообраќајната сигнализација, но додаде дека не станува збор само за инфраструктура, туку дека се потребни силни институции, квалитетни планови и добри политики.

– Токму во тоа помага овој проект. Особено е важно што плановите за одржлива урбана мобилност се подготвуваат „оддолу нагоре“, преку слушање на потребите на граѓаните и нивно преточување во конкретни решенија за развој на градовите- истакна Межеван.

Таа нагласи дека проектот наскоро завршува, а според информациите што ги добила сите 80 општини во земјава имале корист од него.

The post ЗА ДВЕ ГОДИНИ ИНВЕСТИРАНИ СЕ 350 МИЛИОНИ ЕВРА ВО ИНФРАСТРУКТУРА ВО ОПШТИНИТЕ Николоски информира дека се реконструирани 96 улици во 72 општини appeared first on plusinfo.mk.

– Приватни партнери коишто ќе работат на оваа проблематика заедно со државата, со општините со цел да имаме уште еден паралелен енергенс и со тоа да ги намалиме сметките на граѓаните, на компаниите, на нашите институции, на градинките, на школите, на општините и на сите останати институции. Со тоа ќе бидат поконкурентни сите наши институции, ќе бидат поконкурентни нашите домашни компании и секако ќе имаме почиста и поздрава животна средина за граѓаните – рече Бочварски.

Моментално за секундарната гасификација се подготвени две општини Штип и Крива Плаанка, кои ја имаат документацијата, а повеќе општини работат и ја очекуваат.

Министерот за транспорт и врски, Бочварски очекува во 2021 година да заврши кракот кон Битола и кракот кон Гостивар, а паралелно со тоа веќе се работи преку Национални енергетски ресурси на проектирање на гасоводот кон Косово и проектирање на гасоводот и поврзување со Грција.

– Секако проектирањето на гасоводот кон Велес исто така е значаен со крак и проектирањето на гасоводот од Гостивар кон Кичево. Целта е да се затвори целиот прстен од Битола кон Охрид и од Кичево кон Охрид со што ќе бидеме поврзани целата земја со овој прстен и ќе бидеме поврзани на два доводи на гас и од Грција и од исток од Бугарија. Така што државата ќе биде транзитна земја, ќе имаме конкурентни цени на гасот заради тоа што преку нас, преку територијата на нашата држава ќе се снабдуваат и Косово, веројатно и Црна Гора во иднина доколку има таква потреба со гас, така што ова е многу важно прашање – вели Бочварски.

The post Гасификацијата на општините ќе чини околу 350 милиони евра appeared first on plusinfo.mk.