Во гостување во австралиската емисија „Smallzy“, пејачката Мелани Чисхолм, позната како Мел Си, јасно изјави дека годинава нема да дојде до повторно обединување на познатиот женски поп-бенд „Спајс Грлс“ со останатите членки – Викторија Бекам, Џери Халивел, Мелани Браун и Ема Бантон.

– Не, нема повторно обединување – изјави Мел Си, ставајќи крај на шпекулациите кои подолго време кружеа во јавноста.

Сепак, пејачката не ја исклучи можноста групата повторно да се собере во иднина.

– Постојано сме во контакт. Би сакале да направиме нешто заедно. Кој знае кога, но останувам оптимист дека ќе нè видите повторно – додаде таа.

Инаку, 2026 година требаше да биде значајна за бендот, бидејќи се одбележуваат 30 години од нивниот почеток и успех со хитот „Wannabe“, како и три децении од објавувањето на албумот „Spice“.

Последниот заеднички настап на „Спајс грлс“ беше во 2012 година, на церемонијата на затворање на Летните олимписки игри во Лондон. Оттогаш, секоја од членките ја продолжи својата кариера поединечно.

За време на гостувањето во октомври 2025 година на „Радио Енди“, Бекам ги сподели своите мисли за повторното обединување со своите пријателки и рече дека ѝ се допаѓа идејата тие да настапат заедно во „Sphere“ во Лас Вегас.

The post 🎥 „СПАЈС ГРЛС“ ЈА ОТКАЖАА ПОВРАТНИЧКАТА ТУРНЕЈА Фановите се надеваа на враќање на бендот за 30-годишниот јубилеј appeared first on plusinfo.mk.

КАМ, македонскиот број еден, годинава одбележува три децении јубилеј и влегува во ново поглавје од својата успешна македонска приказна заснована на квалитет и доверба. Пионер во многу сегменти во полето на малопродажбата, компанијата е позната по грижата за секој потрошувач и по тоа што ги донесе ниските цени на пазарот.

– Годишнината не е само празнување на минатото, туку и ветување за иднината. Три децении сме покрај нашите потрошувачи и заедно ја пишуваме оваа успешна приказна. Нивната доверба е нашата најголема награда и нашата најголема одговорност. Затоа и во иднина ќе останеме посветени на истата мисија – редовно ниски цени, висок квалитет и грижа за секој купувач – посочуваат од менаџерскиот тим на КАМ.

Патувањето на КАМ започнува во 1995 година со отворањето на првата продавница „Камфуд“. Во 1999 година се отвораат вратите и на првиот хард-дисконт маркет под името КАМ – момент што означува нова филозофија на купување во Македонија: висок квалитет по ниски цени достапен за секого. Со годините, КАМ носи многу новитети: првата приватна марка „Алпико“ во 2003, првите маркети во Бугарија во 2016, почнување со работа во Косово во 2016 и отворање на сопствениот логистички центар во 2021. Денес, мрежата на КАМ брои 86 маркети во Македонија и 26 во Бугарија. Компанијата континуирано работи на освежување и проширување на асортиманот, а денес понудата опфаќа повеќе од 1.700 производи, од кои над 600 се приватни трговски марки.

КАМ и во 2024 година го задржува приматот на најголем работодавец помеѓу трговските синџири во земјава со повеќе од 1500 вработени и е прогласена за вработувач кој обезбедува највисока просечна плата помеѓу конкурентите во категоријата.  Исто така учествува во општествено одговорни иницијативи од областа на култура, спорт, едукација и екологија.

КАМ осум години по ред е маркет број еден во Македонија според потрошувачите. Носител е на признанија „Best Buy“ за најдобар сооднос цена–квалитет и „Qudal“ за апсолутен квалитет. Но, најголемото признание е довербата и лојалноста на купувачите. Во текот на сите овие години, КАМ не е само место за купување. Компанијата континуирано ја поддржува македонската економија, соработува со повеќе од 160 локални производители, а на македонскиот пазар само во 2024 година пласира домашни производи во вредност од над 113 милиони евра. Додека, над 4,5 милиони евра е извозот што истата година го реализирале македонските производители преку продажната мрежа на KAM на пазарите во Бугарија и Косово. Вложувањето во модерна инфраструктура и поддршката на локалната заедница се само дел од стратегијата на компанијата да остане сигурен и одговорен партнер на македонскиот пазар.

Новото истражување на агенцијата „Инсајдер ИД“ го потврдува тоа што граѓаните одамна го знаат: КАМ е најпрепознатливиот македонски бренд формиран по осамостојувањето на државата (со доминантен домашен сопственик) и компанија на која потрошувачите најмногу ѝ веруваат. Овој јубилеј е, пред сè, потврда на таа доверба и на трајната врска помеѓу брендот и потрошувачите.

Во октомври и ноември се планирани голем број активности кои ќе бидат вистинско изненадување за граѓаните. Ќе се реализира голема наградна игра со вкупен фонд од над 3.000.000 денари и се разбира голем број промоции и попусти. Планирана е голема забава отворена за сите граѓани, по повод отворањето на нов маркет во Кисела Вода, кога и ќе биде најавен новиот Retail Park како дел од идните планови за развој.

КАМ не одбележува само јубилеј туку и влез на компанијата во ново поглавје, но со иста мисија – висок квалитет по редовно ниски цени и грижа за секој потрошувач.

The post 🎥 КАМ ОДБЕЛЕЖУВА 30 ГОДИНИ ЈУБИЛЕЈ Успешна македонска приказна изградена со доверба и квалитет appeared first on plusinfo.mk.

– На планот на економско социјалните прашања Синдиактот  на УПОЗ во сиот овој изминат период беше и се ангажираше за имплементирање на проекти и законскии решенија кои ќе бидат во интерес на подобрување на материјално социјалната положба и животниот стандард на своето членство – рече Грујовски.

Синдикатот на УПОЗ со своето дејствување, како што наведе Грујовски, постигна комплетни резултати и се избори да се укинат повеќе пакет мерки на Владата кои се однесуваат на намалувањето на голем број работни места во јавната администрација, да нема прогласување технолошки вишок и принудни одмори.

– Беше против најавениот трансфер на високо вработени во јавниот и приватниот сектор сметавме дека во многу институции во државата и локалната самоуправа не само што нема вишок на вработен, туку има и потреба и од нови вработувања што го констатираше и Владата – изјави Грујовски.

Министерот за правда Бојан Маричиќ, по повоод јубилејот 30 години Синдикат на УПОЗ, во својот говор ја потврди силната заложба на Владата и Министерството за правда  да бидат стабилен партнер во социјалниот дијалог со Синдикатот на УПОЗ, со цел подобрување на животниот стандард на работниците.

– Низ годините постоеле ситуации кога Владата и Синдикатот се нашле на различни страни, но стремежот наш отсекогаш бил и ќе биде да има партнерски однос со синдикатите. Дури и кога не се согласуваме за одредени работи, успеваме низ конструктивен и искрен дијалог да дојдеме до заедничко решение и да постигнуваме договори, бидејќи интересите на работниците треба да се на прво место – кажа Маричиќ во своето обраќање.

The post Синдикатот на УПОЗ одбележа 30 години активност appeared first on plusinfo.mk.