Хари Стајлс ги изненади фановите со најава дека неговата „Тугедр, Тугедр“ турнеја ќе продолжи и во 2027 година, но една реченица од неговата порака веднаш ги натера да се запрашаат дали по ова планира да направи голема пауза од музиката.

Британскиот пејач им се обрати на фановите преку порака во која објасни дека дополнителните концерти првично не биле планирани. Одлуката да продолжи со турнејата во 2027 година за него била „застрашувачка“, бидејќи како уметник настапува уште од својата 16-та година.

– Откако ќе заврши тоа, не знам што следува за мене, но знам дека со возбуда чекам да дознаам – напиша Стајлс. Токму оваа реченица предизвика шпекулации дека по завршувањето на турнејата би можел да направи подолга пауза или дури да се повлече од музичката сцена.

Во моментов Хари е на средината на 30-те концерти во „Медисон сквер гарден“, кои започнаа на 26 август и ќе траат до 31 октомври. Потоа заминува во Австралија, каде што ќе одржи шест концерти, пред да продолжи со последните датуми од турнејата во 2027 година.

Пејачот деновиве се најде и во центарот на сосема поинаква полемика по концертот во „Медисон сквер гарден“ во Њујорк на 9 септември. Причината не беше неговиот настап, туку – билетот.

На билетот била испечатена илустрација на жолт автомобил кој изгледа како да лета над Њујорк, со траекторија која минува покрај „Емпајер стејт билдинг“. На дел од фановите илустрацијата им изгледала како несоодветна алузија на нападите од 11 Септември, крајно несоодветна, особено поради тајмингот на концертот кој се одржа непосредно пред 25-годишнината од нападите во кои загинаа речиси 3.000 луѓе.

Реакциите на социјалните мрежи се жестоки, а дел од корисниците прашуваат кој го одобрил дизајнот. Хари Стајлс досега не го коментирал спорниот дизајн.

The post ХАРИ СТАЈЛС ЌЕ СЕ ПОВЛЕЧЕ ПО ТУРНЕЈАТА? Пораката на пејачот предизвика шпекулации за нова пауза од музиката appeared first on plusinfo.mk.

Решени сме да ги исполниме сите обврски и да ги завршиме преговорите за влез во ЕУ во 2027 година, изјави денеска албанскиот премиер Еди Рама по средбата со претседателот на Европскиот совет Антонио Кошта во Брисел.

– Денеска е добар ден, отвораме нови преговарачки поглавја, истакна тој. Ова е исклучително важно во моментов, охрабрен сум од овие случувања – додаде Рама.

Тој му се заблагодари на Кошта за мудроста со која се однесува кон својата земја и регионот.

– Проширувањето со земјите од Западен Балкан е јасна задача за ЕУ, тоа е најважната геополитичка инвестиција во мирот, напредокот и стабилноста на континентот, рече Кошта. Тој додаде дека се чувствува охрабрен од напредокот што Албанија го постигна на овој пат. Нашата цел е да отвориме повеќе преговарачки поглавја со Тирана оваа година, имаме јасен распоред и сакаме да напредуваме. Ова е важно за Албанија и е знак за целиот регион – посочи претседателот на Европскиот совет.

Тој најави дека кон средината на мај ќе ги посети сите шест земји од Западен Балкан. Според него, на денешните разговори со Рама ќе се разговара за подготовките за претстојниот состанок на Европската политичка заедница на 16 мај во Тирана.

– Европа е повеќе од ЕУ, важно е да бидеме обединети, така сме посилни. На светот му треба посилна Европа – резимира Кошта.

Подоцна денеска во Луксембург, каде се состануваат министрите за надворешни работи на ЕУ, е закажана четвртата меѓувладина конференција со Албанија. Тирана започна суштински преговори со ЕУ во октомври минатата година.

Денеска е предвидено да започнат преговорите во областа на внатрешниот пазар, која ги опфаќа слободното движење на стоки, работници и капитал, правото на основање и слободата на давање услуги, правото на трговски друштва и правото на интелектуална сопственост, политиката за конкуренција, финансиските услуги и заштитата на потрошувачите.

The post АЛБАНИЈА МОЖЕ ДА ГО ИЗОДИ ЕВРОПСКИОТ ПАТ ДО 2027 ГОДИНА Рама го поздрави отворањето ново поглавје во преговорите appeared first on plusinfo.mk.

Нема оправдување Западен Балкан да не биде подготвен за влез во ЕУ до 2027 година, им рече еврокомесарот за проширување Оливер Вархеји на Талат Џафери, Александар Вучиќ, Еди Рама, Албин Курти, Бојана Кришто и Милојко Спајиќ на самитот во Котор во Црна Гора, пишува Дневни Аваз.

Вархеjи рече дека Планот за раст на ЕУ е реалност, чија реализација е веќе започната.

– Се чини дека регионот не само што го чувствува тоа, туку и разбира и дава резултати – рече тој.

Тој додаде дека Планот нуди сериозна понуда за регионот и дека „затоа е многу среќен што слуша дека Балканот е оптимист“.

Тој вели дека следната Европска комисија „треба да биде проширена Европска комисија“.

– Проширена, која би имала нови членови до крајот на мандатот. Сосема сум сигурен дека, со сето она што го направивме во овој мандат, Западен Балкан ќе биде дел од тоа проширување – рече Вархеји, а потоа продолжи:

– Со алатките што ги имаме, до 2027 година Западен Балкан ќе добие исто или споредливо ниво на помош како сегашните корисници на нашиот фонд, тоа значи дека ќе достигне 90 проценти од интензитетот на помошта… Нема да има оправдување за Западен Балкан да не биде подготвен до 2027 година за влез во ЕУ – додаде тој.

Американскиот помошник државен секретар за европски и евроазиски прашања Џејмс О’Брајан кој исто така приуствува на Самитот на лидерите на Западен Балкан, ЕУ и САД во Котор изјави дека му се допаѓа Планот за раст на ЕУ.

– Целта е луѓето, стоките и услугите да се движат безбедно, поевтино и побрзо од порано. Убавината на Планот за раст е што пораката е јасна за секој учесник – работете ја вашата работа и не барајте некој друг да направи нешто прво, за вие да ја завршите вашата работа – рече О’Брајан.

ЕУ планира 6 милијарди евра помош за Западниот Балкан, од кои 850 милиони евра се наменети за Македонија, а првата пратка за Македонија се очекува овој септември.

The post „БИДЕТЕ СПРЕМНИ ЗА ПРОШИРУВАЊЕ ДО 2027 ГОДИНА“ Вархеји се сретна со лидерите од Западен Балкан appeared first on plusinfo.mk.