Претседателот на Украина, Володимир Зеленски на Икс соопшти дека министерот за одбрана Рустем Умеров ќе ја предводи украинската делегација на утрешните разговори со Русија во Истанбул.

Зеленски со тоа го потврди учеството на Украина на вториот круг директни преговори помеѓу Украина и Русија.

Тој посочи дека украинските ставови се: Прво целосен и безусловен прекин на огнот. Второ – ослободување на затворениците. Трето – враќање на киднапираните деца. „И со цел да се воспостави сигурен и траен мир и да се осигури безбедност, подготовка за состанокот на највисоко ниво“.

Според него „клучните прашања можат да ги решат само лидерите“.

The post УКРАИНСКАТА ДЕЛЕГАЦИЈА ЌЕ ДОЈДЕ СО 3 БАРАЊА ВО ИСТАНБУЛ Зеленски вели дека клучните прашања се само за лидерите appeared first on plusinfo.mk.

Управата за јавни приходи ги потсетува даночните обврзници дека крајниот рок за проверка и потврда на годишната даночна пријава за 2024 година истекува утре 31 мај 2025 година.

„Со оглед на тоа што редовниот рок за потврдување или корекција на ГДП пријавата е во неработен ден, краен рок за потврда или корекција на остварените приходи за минатата година ќе се смета 2 јуни 2025 година. Ова значи дека граѓаните кои оствариле приходи во 2024 година треба најдоцна до 2 јуни 2025 година – понеделник да извршат увид во своите даночни пријави преку системот „е-Даночни услуги“ и да ги потврдат или коригираат доколку има потреба.

По овој рок сите пријави кои се непотврдени ќе се сметаат за конечни, додека коригираните ќе бидат предмет на одобрување од службено лице на Управата за јавни приходи. Кај даночните обврзници каде постои обврска за доплата на данок, ќе биде издаден налог за доплата, додека оние со повеќе платен данок можат да побараат враќање на средствата

Управата за јавни приходи во законскиот рок заврши со генерирање на Годишните даночни пријави (ДЛД-ГДП) за 2024 година. Изгенерирани се вкупно 841.671 даночна пријава за 2024 година, што претставува раст од 6%, односно 47.947 повеќе даночни пријави споредено со 2023 година, кога беа генерирани 793.724 пријави.

Даночните обврзници кои имаат потреба од дополнителни информации можат да се обратат на info@ujp.gov.mk или на телефонските броеви 02 3253 200 и 0800 33 000 (само од фиксни оператори)“, велат од Управата за јавни приходи.

The post ПРОВЕРЕТЕ ГИ СВОИТЕ ДАНОЧНИ ПРИЈАВИ ДО 2 ЈУНИ Управата за јавни приходи ги потсетува граѓаните appeared first on plusinfo.mk.

Москва одбива предвреме да го предаде својот нацрт меморандум за крај на војната во Украина пред можната рунда преговори во Истанбул на 2 јуни. „Њујорк Тајмс“ пишува дека претходно, на 28 мај, Украина доставила своја верзија која вклучува прекин на огнот „на копно, на море и во воздух“.

„Украинскиот министер за надворешни работи Андриј Сибиха на прес-конференција во Киев изјави дека за кој било состанок да биде суштински и значаен Украина мора претходно да го има рускиот нацрт за делегацијата која ќе присуствува да може да преговара за клучните позиции“, се вели во написот.

Сибиха ја обвинил руската страна дека ги одложува преговорите. Додека Киев сака прекин на огнот од најмалку 30 дена пред преговори за конечен крај на војната, Москва постојано повторува дека сака да се решат клучните причини за војната пред какво било договорено примирје.

Што предвидува украинскиот нацрт? Според висок украински функционер, меморандумот на Украина вклучува одредби за прекин на огнот, но и следење на прекинот од страна на „меѓународните партнери“, пишува весникот.

Предводникот на руската делегација, Владимир Медински, изјави дека го контактирал Јермак во врска со можната средба на 2 јуни каде што Москва би ги презентирала своите услови.

Портпаролката на руското Министерство за надворешни работи Марија Захарова потврди деак на 2 јуни Медински ќе пристигне во Истанбул на состанок со украинските преговарачи „со нацрт-меморандум и со други предлози за прекин на огнот“. Таа се заблагодари на Турција како домаќин, но инсистира дека не станува збор за турско или чие било посредништво во преговорите.

Што предвидува рускиот нацрт? Рускиот министер за надворешни работи Сергеј Лавров изјави дека во идните преговори со Киев, Москва ќе продолжи да инсистира на укинување на „дискриминаторските закони“, осврнувајќи се на ограничувањата за употреба на рускиот јазик во Украина.

Тој, исто така, го наведе враќањето на Украина на неутрален, неврзан и ненуклеарен статус како клучно барање.

На 28 мај, „Киев Индепендент“, повикувајќи се на неименувани руски извори, објави дека условите на рускиот претседател Владимир Путин за крај на војната се писмена гаранција од европските држави дека НАТО нема да се шири на исток, неутралност на Украина, укинувањена дел од западните санкции, решавање на прашањето за замрзнатите руски имоти и заштита на луѓето кои зборуваат руски јазик во Украина.

На првата рунда преговори во Истанбул на 16 мај, Русија и Украина ја договорија најголемата размена на воени затвореници од почетокот на војната. Размената се одвиваше во три фази, од кои последната се одржа на 25 мај. Земјите разменија по 1.000 заробеници.

Портпаролот на рускиот претседател, Дмитриј Песков, одби јавно да зборува за документите што се во изработка велејќи дека објавата на документот во медиумите би била грешка. Во исто време, тој рече дека Москва и Киев работат на условите за привремен прекин на огнот.

Борбите на фронтот во Украина продолжуваат со најавена летна руска офанзива во регионите Харков и во Суми. Германските медиуми шпекулираа дека украинскиот претседател Володимир Зеленски предвреме ја прекина својата посета на Германија поради опасноста од напад врз Суми.

Зеленски претходно изјави дека Русија распоредува 50.000 војници во близина на североисточниот украински Сумски регион, обидувајќи се да создаде тампон зона од 10 километри во таа област.

The post ВО ИГРА СЕ 2 НАЦРТИ, РУСИТЕ ЌЕ ГО ПРЕДАДАТ СВОЈОТ НА 2 ЈУНИ? Украинскиот документ вклучува мониторинг на евентуалниот прекин на огнот appeared first on plusinfo.mk.

Русија денеска соопшти дека составила мировен „меморандум“ во кој ги наведува своите услови за прекин на конфликтот со Украина и ќе му го презентира на Киев на директните разговори во Истанбул следниот понеделник.

– Нашата делегација… е подготвена да го презентира овој меморандум на украинската делегација и да ги даде потребните објаснувања за време на втората рунда директни разговори во Истанбул в понеделник, 2 јуни – изјави министерот за надворешни работи Сергеј Лавров.

Медински рече дека очекува одговор од Украина и дека руската делегација е подготвена да се сретне со своите украински колеги лице в лице во наредните денови.

За потсетување, рускиот претседател Владимир Путин, по телефонскиот разговор со Трамп на 19 мај, изјави дека Москва е подготвена да соработува со Украина на меморандум за иден мировен договор.

The post МОСКВА САКА ДА МУ СООПШТИ НЕШТО НА КИЕВ НА 2 ЈУНИ Ѕвонеле телефони, Зеленски го побарал меморандумот со услови appeared first on plusinfo.mk.