Обвинителството поднесе жалба за 2 годината затворска казна за возачот Менсур Пајазити кој ја прегази 22-годишната Теодора Ристовска на пешачки премин во Тетово во август 2022 година. Според Обвинителството казната е ниска и бара повисока.

Жалбата е поднесена и покрај тоа што Судскиот совет расчисти дека 2-годишната казна на повтореното судење е максималната што судијата Ељмедин Ферати можел да му ја пресуди на возачот Пајазити. Причина за тоа е што во првата постапка Апелација Гостивар му ја намалила првичната пресуда од 3,5 години на 2 години затвор. Обвинителството не се жалело во постапката, а потоа Врховниот суд ги укина двете пресуди и го врати судењето од почеток. На повтореното судење судијата од Основниот суд Тетово имал право да му досуди максимално 2 години затвор и ниту ден повеќе.

• И СУДСКИОТ СОВЕТ ЈА ОПРАВДА ПРЕСУДАТА НА СУДИЈАТА ФЕРАТИ Толку е правдата за прегазената Теодора

„Основното јавно обвинителство Тетово изјави жалба на пресудата на Основниот суд во Тетово од 7.4.2025 година со која обвинетиот М.П. беше осуден за Тешки дела против безбедноста на луѓето и имотот во сообраќајот од член 300, став 4, во врска со член 297, став 3 и му беше изречена казна затвор во траење од 2 години. Жалбата е вложена поради висината на кривичната санкција, која според обвинителот е преблага во однос на тежината на стореното кривично дело и степенот на кривична одговорност на обвинетиот“, соопшти Јавното обвинителство.

Меѓу околностите поради кои Обвинителството бара построга казна се особено тешките подледици од сообраќајната несреќа, во која пешакот Теодора Ристовска се здоби со тешки телесни повреди од кои потоа почина, се додава во соопштението.

„ОЈО Тетово го имаше предвид мислењето на Судскиот совет изнесено во однос на овој предмет, пред тој да биде правосилно завршен. Меѓутоа, со оглед на тоа што Јавното обвинителство во претходната постапка за овој настан во ниту еден момент не се согласило со 2-годишна затворска казна, надлежниот јавен обвинител смета дека сепак има простор за корекција на санкцијата“, се вели во соопштението.

Не е јасно како Обвинителството соопштува дека во претходната постапка не се согласило на намалена казна, кога од пресудата на гостиварка Апелација се гледа дека токму вишата обвинителка Вјолца Елмази на јавната седница побарала делумно да се уважи жалбата на осудениот во делот на казната, односно да се досуди пониска затворска казна.

• СУДИИТЕ И ОБВИНИТЕЛИТЕ ВО СЕКОЈА ФАЗА ЈА НАМАЛУВАА КАЗНАТА ЗА ВОЗАЧОТ ПАЈАЗИТИ Наместо со максимални 5 години затвор, заврши само со 2

„Освен тоа, општиот јавен интерес, предизвикан од зачестеноста на вакви кривични дела како појава, укажува на потребата од јакнење на казнената политика како превентивен механизам, па јавниот обвинител одлучи да ја искористи законската можност и да побара од Апелацискиот суд Гостивар да ја преиначи казната во повисока. Дополнително, и семејството на жртвата, кое во оваа фаза од постапката нема право на жалба, писмено со обрати до Обвинителството, за да побара да ја обжали пресудата“, соопшти Обвинителството.

По 2 годишната пресуда за смртта на Теодора, нејзиното семејство излезе со жестоки реакции и со значајно прашање – „колку вреди животот во Македонија“.

Освен Судскиот сувет и тетовските судии ја бранеа одлуката на колегата Ферати, кој беше нападнат во јавноста поради пресудата од 2 години затвор.

• ТЕТОВСКИТЕ СУДИИ ГО БРАНАТ КОЛЕГАТА ФЕРАТИ ЗА ПРЕСУДАТА ЗА ПРЕГАЗЕНАТА ТЕОДОРА Немал право на возачот да му даде повеќе од 2 години затвор

„Судијата, во повторената постапка, обвинетиот го осудил со максималната дозволена казна затвор, имајќи ја во предвид забраната за менување на полошо (reformatio in peius) како начело предвидено во Законот за кривична постапка. Со претходните одлуки на Апелациониот суд Гостивар и на Врховниот суд, новата пресуда на Основниот суд Тетово не смее да се измени на штета на обвинетиот ниту во однос на правната квалификација на делото, ниту во однос на кривичната санкција“, соопштија неодамна од подружницата на Здружението на судии во Основниот суд Тетово.

The post ОБВИНИТЕЛСТВОТО ПОДНЕСЕ ЖАЛБА ЗА 2-ГОДИШНАТА ЗАТВОРСКА КАЗНА ЗА ПРЕГАЗЕНАТА ТЕОДОРА Бара повисока санкција за возачот Пајазити appeared first on plusinfo.mk.

Ева, сестрата на Теодора Ристевска, која ја прегази и усмрти Менсур Пајазити, очајна и револтирана  изрази неверување дека казната за тоа е само две години. Пајазити на денешното рочиште во Основниот суд во Тетово ја призна вината.

– Колку вреди животот на сестра ми? Дали животот некој може да и го врати? Дали нејзината младост некој може да ја врати? Мојата младост дали може да ја врати, мојата душа дали може да ја врати? Две години го осудија човеков што уби човек, две години го осудија, колку вреди животот во Македонија – низ солзи праша сестрата на Теодора.

Казната од две години нема да ја врати жртвата, ама ќе ја олесни маката на семејството. Како да запалам свеќа на гробот на сестра ми и да и кажам да биде задоволна со казната, во очај зборуваше Ева пред судот по изречената пресуда.

Таа рече дека само ако стигне до максимана казна тогаш ќе има правда и додаде дека верува во правда.

Во септември 2022 година, 22-годишната Теодора беше прегазена во Тетово од „ БМВ“ кое го управувал 44-годишниот Пајазити.

Тој е обвинет за „Тешки дела против безбедноста на луѓето и имотот во сообраќајот“ од ставот 4 за кој е предвидена затвор од една до пет години.

The post 📽 КОЛКУ ВРЕДИ ЖИВОТОТ ВО МАКЕДОНИЈА? Остра реакција на сестра ѝ на Теодора за пресудата 2 години затвор за човекот што ја прегази appeared first on plusinfo.mk.