На сите осомничени, се наведува во соопштението, им се става на товар дека сториле кривично дело неовластено производство и пуштање во промет на наркотични дроги, психотропни супстанции и прекурсори од член 215 ст.3 в.в. ст.1 од од КЗ.

„Во текот на вчерашниот ден, под раководство на предметниот јавен обвинител полициските службеници од Одделот за сузбивање на организиран и сериозен криминал – Сектор за криминалистички истраги – Единица за недозволена трговија со дрога при Бирото за јавна безбедност, спроведоа успешна координирана полициска операција под кодно име „Чибук“. Беа извршени претреси на повеќе локации во Струмица, Гевгелија, Демир Капија, Струга, КПУ Затвор Прилеп и неговата околина и притоа беа приведени 8 лица и пронајдени 13 јутени бели вреќи со 193 вакумирани кеси со наркотична дрога марихуана во количина од 99 кг и 630 грама“, се појаснува во соопштението.

Акцијата, се додава од ОЈО, е резултат на повеќемесечна предистражна постапка во која е утврдено дека во периодот од октомври 2023 до март 2024 година, осомничените заедно, како повеќе лица, се здружиле заради неовластена продажба и пуштање во промет на наркотична дрога марихуана и за таа цел купувале, држеле, пренесувале, продавале и посредувале во неовластена продажба.

Во текот на овој период групата организирала и реализирала продажба на поголема количина на наркотична дрога марихуана што неовластено била набавувана од НН правни субјекти од Струмица и од Демир Капија, од Албанија, како и од правен субјект со дејност одгледување на зачински, ароматични и лековити растенија и растенија за употреба од Струмица.

„Предметниот обвинител од Основното јавно обвинителство за гонење на организиран криминал и корупција, ценејќи дека постојат околности што го оправдуваат стравот oд опасност од бегство, дека ќе ги сокријат, фалсификуваат или уништат трагите на кривичното дело и дека со влијание врз сведоци и соучесниците ќе ја попречат истрагата, денеска на судијата на претходна постапка при Основниот кривичен суд – Скопје му предложи определување на мерката притвор за осумтемина осомничени. Останатите двајца осомничени се наоѓаат на издржување на затворската казна во КПД Затвор Прилеп од каде го сториле кривичното дело што им се става на товар“, се вели во соопштението од Јавното обвинителство.

The post 100 КИЛОГРАМИ МАРИХУАНА ОДЗЕМЕНИ ВО АКЦИЈАТА „ЧИБУК“ Осуммина се во притвор appeared first on plusinfo.mk.

Полициски службеници во кумановското село Никуштак го лишија од слобода С.И. (40) од Арачиново по спроведена истрага на јавен обвинител за случај на заплена на 100 килограми марихуана на 31 март 2022 во Штип.

„Во рамките на истрагата обезбедени се материјални докази за инволвираноста на наведеното лице во случајот. Во координација со СВР Скопје, ЕНТДО и интервентна полиција, по претходна издадена наредба од судија на претходна постапка од Основен кривичен суд – Скопје бил извршен претрес во неговиот дом во село Арачиново, при што биле пронајдени мобилни телефони и сим картички“, се наведува во соопштението од Министерството.

На С.И. му е изречена мерка притвор во траење од 30 дена и тој е спроведен во истражен затвор Скопје.

The post ШВЕРЦ НА 100 КИЛОГРАМИ МАРИХУАНА Арачиновец е уапсен во Никуштак appeared first on plusinfo.mk.