Првите 100 дена од работата на новата Влада не беа лесни, но, беа клучен период во кој многу работи станаа јасни – каде сме и каде треба да одиме и што е потребно за да стигнеме таму. Но, најважно покажавме дека сме одлучни и посветени да се справиме со предизвиците без разлика на опструкциите со кои се среќаваме и проблемите и стапиците што се поставени пред нас. За 100 дена реализиравме, донесовме или отпочнавме над 100 проекти, мерки и одлуки важни за граѓаните, рече денеска премиерот Христијан Мицкоски, на прес-конференција за одбележување на 100 дена Влада.

Наследената состојба беше многу полоша отколку што се очекуваше, а состојбите се далеку од идеални, нагласи тој.

– Колку повеќе знаеме дека состојбата е пооптоварувачка отколку што очекуваме, нашата решителност станува поцврста. Наследивме потрошен годишен буџет за само шест месеци. Држава од која младите се иселуваат, 600.000 кои живеат само со 150 денари на ден и многу други горливи проблеми. Но, тоа само ги засили нашите ангажмани и мотивираност да ги исправиме и да излеземе на правиот пат. Денешната цел е недвосмислена – 100 проценти посветеност кон реализација на проектите и исполнување на ветувањата – рече Мицкоски.

Овие 100 дена, како што кажа, не беа лесни, но се само почеток.

– Нашата примарна задача и фокус беше да ги стабилизираме финансиските текови, да ги затвориме буџетските дупки и да се справиме со дефицитите и хаосот оставени од претходната влада. Работиме на враќање на долговите, затворање на задолженоста на институциите и на јавните претпријатија и имплементација на конкретни мерки во даночната и социјалната политика. Подготвуваме и екипиравме институции, договараме инвестиции кои се значајни за нашата економија и кои ќе отворат многу нови работни места, и работевме и подготвуваме стотици нови проекти – посочи Мицкоски.

Се грижиме, додаде тој, за сите, за најмладите, за нивното образование и за старите со првата половина од зголемувањето на пензиите и со други нови проекти што ги планираме.

– Не ги забораваме ниту земјоделците, ниту работниците, ниту наставниците и професорите, ниту лекарите. Обезбедивме за првпат бесплатни учебници за сите навреме после долго време. За пасоши и лични документи нема редици, покачивме пензии, исплативме долгови и заостанати плати. Секој ден се обидуваме да покажеме дека делуваме, дека сме присутни со активности, но и да донесеме по некоја нова мерка. Се обидуваме да се подобриме, да покажеме дека може поинаку и може подобро – рече Мицкоски.

Тој нагласи дека со поддршката на општините се обидуваат да ја развиваат државата и да обезбедат проекти кои ќе подобрат нешто.

За само 100 дена новата влада преку линеарното покачување на пензиите овозможи повисоки пензии за над 330.000 пензионери, нови странски инвестиции, поевтини катастарски услуги, поевтини лекови преку проширување на позитивната листа, највисока откупна цена за винското грозје, ограничена маржа за над 70 прехранбени производи…

– Следуваат многу повеќе проекти, мерки и реформи за кои ќе работиме со целата наша енергија, со целото наше срце. Следуваат нови инвестиции, ценовни намалувања, но и мерки за младите, и можам да кажам дека даноците ќе се намалат. Во наредните четири недели очекувајте одлука за дополнително намалување на даноците со што ќе станеме држава со најниски даноци во Европа – рече денеска Мицкоски во своето експозе по повод 100 дена Влада.

The post ВЛАДАТА ЌЕ ГИ НАМАЛИ ДАНОЦИТЕ ВО ОКТОМВРИ Наследивме долгови и хаос, 100 дена покажуваме дека може поинаку и подобро, вели Мицкоски appeared first on plusinfo.mk.

Претседателот на Социјалдемократскиот сојуз на Македонија, Венко Филипче, на денешната прес-конференција порача дека ВМРО-ДПМНЕ и коалицијата во првите 100 дена не само што не го исполниле ветувањето за раст на платите, туку просечната плата за прв пат после седум години бележи намалување, а не се зголемила ниту минималната плата.

– За прв пат по седум години, платите почнаа да паѓаат и просечната плата падна за цели 1.000 денари. Нема покачување на минимална плата на 450 евра која денес ќе беше реалност со СДСМ. Наставниците и просветните работници добија покачување од 0,7% наместо 12% кои ги планираше СДСМ. Велат ако ѝ одело добро на економијата тогаш можеби ќе се качеле платите – рече Филипче, и потенцираше дека ваквите политики на актуелната власт целосно ги деградираат работниците и нивните права, ја враќаат политиката на евтина работна сила.

Филипче потенцираше дека актуелната власт не го заштитила ниту животниот стандард на граѓаните, бидејќи со мерките за наводно пониски цени на храната, застанала на страната на трговците.

– Додека платите паѓаат и стандардот се намалува, Владата не обезбеди ниту заштита на граѓаните од високите цени и алчноста на трговците. Мерките се задоцнети и без ефект. За ВМРО-ДПМНЕ интересот на трговците е поважен од интересот на граѓаните – нагласи претседателот на СДСМ.

The post „ВЛАДАТА ЗАСТАНА НА СТРАНАТА НА ТРГОВЦИТЕ“ Критики од Филипче по повод 100 дена на Владата appeared first on plusinfo.mk.

Не добив предлози од експертите и покрај моите повици за тоа да дадат предлози како да се врати довербата на граѓаните во правосудтсвото и затоа од денеска почнува реализацијата на она што ние го ветивме како реформа во правосудството, рече денеска премиерот Христијан Мицкоски на прес-конференцијата по повод 100 дена Влада.

Тој летово зборуваше дека целосно ќе бидат распуштени Судскиот совет и Советот на јавни обвинители, но по критиките дека тоа е мешање на власта во правосудството остави рок за предлози до крајот на септември како поинаку да се реформира судството. ВМРО-ДПМНЕ во својата предизборна програма најави и целосно нови закони од оваа област, како Закон за кривична постапка, Закон за Јавно обвинителство, Кривичен законик и др.

– Добивам забелешки за борбата против корупцијата, зошто не апсиме? Ниту како човек, ниту како универзитетски професор, ниту како политичар нема од тоа да правам естрада, ниту со злоупотреба на институциите да манифестирам сила, моќ и реваншизам. Мора да престане тој начин на однесување. Има закони, институции, криминалците таму ќе одговараат. Треба трпение, имаме партиски контаминирано судство. Затоа тргнавме со реформи во правосудството и дадов рок до октомври, но, ниту еден предлог не стигна до нас. Сите кои велеа дека сакаме чистка во судството и нова партизација, ги нема со предлози. Затоа од денеска почнува нашиот систем, нашата методологија, почнуваат реформите и нема запирање – рече премиерот Мицкоски.

Тој додаде дека Македонија нема време за чекање. Рече дека во правосудството добиваат големи плати, а малку испорачуваат.

– Откриени се случаи. За прв пат во историјата е фатен врховен судија со мито, член на Советот на јавни обвинители му бил соучесник. Откриени се поранешни пратеници, актуелни пратеници, директори со огромни криминали. Не правиме естрада од тоа и ќе ја почитуваме презумпцијата на невиност и тајната на истрагите. Ќе ставиме крај на таа пракса кога специјалци влегуваа дома кај пратеници, за да се задоволи суетата на политички моќници. Мора да сме цврсто на земја, да работиме тивко, но сигурно – рече Мицкоски.

Тој најави дека наскоро ќе имаат акциски план за реформата на правосудството.

The post НЕМА СО АПСЕЊА ДА ПРАВИМЕ ЕСТРАДА ОД БОРБАТА ПРОТИВ КОРУПЦИЈАТА Мицкоски најави забрзани реформи во судството, не стасал ниту еден предлог appeared first on plusinfo.mk.

На патот кон ЕУ нема да виткаме кичма, нема да коленичиме, нема да попуштаме пред ултиматуми и нема да отстапиме од заштитата на интересите на народот, благодарение на кој ние денес сме тука, за чесно да му служиме, рече денеска премиерот Христијан Мицкоски на прес-конференција во Владата по повод 100 дена владеење. Тој е категоричен дека ќе нема уставни измени доколку тие не се со одложено дејство и не сакаше да ги коментира изјавите на вицепремиеот Изет Меџити дека Бугарите ќе бидат вметнати во Уставот до крајот на оваа година.

Премиерот предложи да се измени Договорот за добрососедство со Бугарија по урнек на Преспанскиот договор со Грција, кој е условен договор.

– Нам ни се вели дека договорите мора да се почитуваат, Pacta sunt servanda. Ние го почитуваме Преспанскиот договор и користиме Северна надвор, при заклетви. Францускиот предлог не е договор. А каде во договорот со Бугарија стои дека мора да го смениме Уставот? Преспанскиот договор е условен, стои дека ќе поминат уставните измени, но ќе бидат ефективни кога грчкиот парламент ќе го ратификува пристапниот протокол за влез на Македонија во НАТО. Го сакаме ли овој Пакта? Ајде така да го примениме и со Бугарија, дека уставните измени ќе станат ефективни кога Бугарија ќе го ратификува пристапниот договор за ЕУ. Што е различно? Или за ова може, за она не може? А зошто не може? Зашто се собрале тројца корумпирани политичари кои потпишале сѐ и мислеле дека сѐ ќе им биде заборавено – рече премиерот Мицкоски.

Тој додаде дека не сака политика со двојни стандарди и со ултиматуми. Тоа не се европски вредности, потенцира Мицкоски, туку како што вели, треба да се разговара.

– Тоа понуди унгарскиот премиер Виктор Орбан. Рече, ние претседаваме со ЕУ, да седнеме да разговараме. Јас прифатив, жалам што источниот сосед не прифати. Но, јас стојам на располагање. Нема да влеземе во процес што не ни гарантира успешен крај – рече Мицкоски.

На критиките на опозицискиот СДСМ дека новата влада го сопрела евроинтегративниот пат на Македонија, премиерот рече дека е навикнат од нив да слуша дифузни и збунувачки ставови.

– Жалам што се претворија во ова, им посакувам побрзо да излезат од летаргијата – рече Мицкоски.

На прашањето што конкретно ќе преземе за патот на државата кон ЕУ Мицкоски рече дека граѓаните ќе мора да се навикнат на политичари што не коленичат, кои работат чесно и одговорно, без да ги ограбуваат граѓаните.

– Останува фокусот кон ЕУ. Не сме сами, имаме многу пријатели. Ако мислите дека треба да ги полираме чевлите на политичарите во ЕУ, со мене не може така, јас сакам дискусија со аргументи. Не слушнав ниту еден аргумент зошто да не бидеме дел од ЕУ, а слушнав многу вештачки аргументи. Остануваме посветени, со партнерства и пријателства. Денеска во очите на многу земји членки ние сме тие кои апсолутно имаме аргументи, а другата страна нема. Не е аргумент дека тие се внатре, а ние сме надвор. Дикат не прифаќам, сѐ додека граѓаните нѐ поддржуваат – рече Мицкоски.

Премиерот во обраќањето по повод 100 дена Влада повторно нагласи дека владината коалиција е стабилна и дека и покрај различните мислења за одредени прашања, сепак сите коалициони партнери се обединети околу стратешките прашања.

Тој ги оцени како успешни изминатите 100 дена од работата на Владата и рече дека она што го прави горд и задоволен е тоа што сите оние кои добиле шанса, во најголем дел ја исполниле дадената можност без разлика од која политичка партија доаѓаат.

– Коалицијата има двотретинско мнозинство, ова не е коалиција што се бори за својата стабилност. Хармонијата и колегијалниот дух владеат во коалицијата, на моменти нормално е да постојат и различни мислења, но тоа не значи дека не се согласуваме за стратешките прашања – рече Мицкоски.

На опозицијата ѝ порача да биде конструктивна и силна и наместо со обвинувања, да се натпреварува со политики кои ќе донесат подобар стандард на граѓаните.

– Има такви кои велат дека ВМРО-ДПМНЕ направило премногу отстапки на коалиционите партнери и такви кои велат дека ВМРО-ДПМНЕ ги поништи своите коалициони партнери. Ги слушам сите тие гласови кои доаѓаат од опозицијата од кои едната се обидува да опстане на политичката сцена, а другата преку националистичка реторика се труди да се врати на политичката сцена. Тие мислат дека ако испраќаат такви пораки ќе внесат раздор и недоверба во таа коалиција. Можам да ги разочарам и да им кажам дека не само што не се успешни, туку таквото нивно однесување го зајакнува заедничкиот дух. Не смееме да се вратиме кон овие политичари кои поминаа децении во македонската политика, а ќе останат запаметени по корупција и многу предавства на сметка на личните интереси. Нема да навлегувам зошто ДУИ во изминатите 21 година не успеа да ги постигне стратешките цели, зошто СДСМ на лага се обидуваше да ја задржи својата власт. Имам да им порачам на двете партии дека имаме потреба од силна и конструктивна опозиција со која ќе се напреваруваме за политики кои ќе донесат подобар стандард на граѓаните – рече Мицкоски.

The post ПРЕСПАНСКИОТ ДОГОВОР Е УСЛОВЕН, ЗОШТО ДА НЕ БИДЕ ТАКА И СО ДОГОВОРОТ СО БУГАРИЈА? Мицкоски не отстапува од предлогот за одложена примена на уставните измени appeared first on plusinfo.mk.

Тој посочи дека до крајот на 2026 година, како што беше ветено во кампањата, ќе биде целосно пуштен во употреба овој автопат.

– Наследивме катаклизмична состојба со инфраструктурните проекти. Конечно оние два фамозни километри од автопатот кон Блаце се завршени и наскоро ќе бидат пуштени во употреба. Остануваат да се реализираат уште 10-тина километри. Имаме јасен план како тоа да се реализира преку Јавното претпријатие за државни патишта. Тој проект наскоро ќе почне со реализација – рече Мицкоски во одговор на новинарско прашање на денешната прес-конференција по повод 100 дена од работењето на новата влада.

Тој нагласи дека познати имиња кои се блиски на ДУИ се наоѓаат на трасата на овие 10 километри од автопатот.

– Но, тоа е што е. Предизвици има и ќе ги решаваме. Од онаа катаклизмична состојба што ја наследивме се случуваат големи поместувања. Оставена е страшна состојба и со проектите поврзани со коридорите 8 и 10д за кои освен авансот од 300 милиони евра буквално немаше никаков прогрес. Немаше ниту еден отсто прогрес направен од Европејциве и про-западниве на кои од европското изгледа само еврото им било важно – потенцира Мицкоски.

Мицкоски рече дека завршува градбата на експресниот пат Чатал-Длабочица-Крива Паланка кој е дел од коридорот 8 што треба да го поврзе Куманово со граничниот премин Деве Баир со Бугарија. Привршуваат и работите на експресниот пат Градско-Росоман-Фариш и се очекува до крајот на годината и тој да биде пуштен во употреба.

The post „ОД ЕВРОПСКОТО ГО ГЛЕДАЛЕ САМО ЕВРОТО“ До мај ќе се пушти дел од автопатот Кичево-Охрид appeared first on plusinfo.mk.

„100% посветени! За тебе“.

Под овој слоган премиерот Христијан Мицкоски ќе ја презентира досегашната работа на Владата, проектите и мерките кои беа спроведени во изминатите 100 дена.

Прес-конференцијата се одржува во Медија центарот на Владата, а обраќањето на премиерот можете да го следите во живо.

Во продолжение, проследете ја прес-конференцијата на следниот линк:

The post 🎥 (ВО ЖИВО) МИЦКОСКИ МУ СЕ ОБРАЌА НА НАРОДОТ Поводот е „100 дена Влада“ appeared first on plusinfo.mk.

Во својство на модератор, заменикот премиер за добро владеење и транспарентност, г. Арбен Фетаи, ги истакна значајните достигнувања на коалицијата, вклучувајќи ги распределбата на 100 милиони евра за општините, зголемувањето на пензиите, борбата против коцкањето, создавањето 600 нови работни места за медицински специјализанти, како и формирањето на Албанската академија.

– Вреди не е само алтернатива на ДУИ, туку е канализиран револт што има за цел да донесе посакувани промени за Албанците. Ова е можност дадена од народот, и ние ќе ја одржиме оваа доверба со чест и одговорност – изјави Фетаи.

Претседателот на Алтернатива, г. Зеќирија Ибрахими, потенцираше дека Вреди направи значителна разлика за овие 100 дена.

– Оние што не постигнаа ништо за 22 години, ние направивме разлика само за 100 дена – рече тој.

Приоритетите на Вреди за иднината вклучуваат реформи во јавната администрација, енергетска транзиција и развој на човечки капитал. Исто така, Ибрахими ја објасни потребата од иницијативата за формирањето Албанската академија на науките како неопходен чекор за интегрирање на албанските интелектуалци и научната мисла.

Претседателот на Демократското движење и прв заменик-премиер, г. Изет Меџити, изјави дека Вреди претставува нов квалитет во политичкото претставување на Албанците.

– Ние сме лидери во Владата, а не во партиските канцеларии. Времето кога лидерите стоеја настрана од одговорноста за владините политики заврши. Сега, секој ден сме во нашите канцеларии, решавајќи ги проблемите на граѓаните – изјави тој.

Претседателот на Алијансата за Албанците и министер за здравство, г. Арбен Таравари, кој се вклучи преку видео врска од САД, истакна дека албанските граѓани конечно се ослободени од 22-годишната власт.

– Градиме иднина каде што моќта е во рацете на народот, а не во џебовите на корумпираните – рече Таравари, додавајќи дека Министерството за здравство сега функционира во служба на граѓаните, далеку од корупцијата.

Претседателот на Движењето БЕСА и градоначалник на Тетово, г. Билал Касами, ја критикуваше ДУИ за нејзините неуспеси, особено во областа на децентрализацијата.

– Вреди е тука за да ги исправи неправдите и да обезбеди дека албанските општини ќе имаат вистинска децентрализација, а не празни ветувања – рече тој.

Коалицијата Вреди, во овие 100 дена, докажа дека поседува знаење, воља, интегритет и вистинска сила за промени. Потенцираа дека следува институционална борба за санкционирање на сите девијантни појави на минатата Влада и остануваат цврсто посветени на изградба на посветла иднина за сите Албанци во оваа земја, со чесен пристап, транспарентност и доследност кон исполнување на предизборните ветувања.

Во таа насока, на крајот од настанот сите вршители на јавни должности од редовите на Коалицијата Вреди потпишаа заветни изјави за прифаќање на етичкиот кодекс со кој се обврзаа дека ќе служат исклучиво во интерес на граѓаните и ќе ги почитуваат сите највисоки демократски стандарди во практикувањето на јавните овластувања.

The post „НОВИ ПОЛИТИКИ И БОРБА ПРОТИВ СТАРИТЕ НАВИКИ“ Коалицијата Вреди ги одбележа првите 100 дена на новата Влада appeared first on plusinfo.mk.

– И кога нема пари за болните од цистична фиброза, кога нема за инсулин или за друг вид терапија треба да се сетиме дека Ковачевски преку СОЗР купува скапи и луксузни пијалоци за 2.950.000 денари.

Ова е договорот почитувани, кој е склучен на 24.04.2023 година помеѓу СОЗР и три економски оператори. Овој договор е Рамковна спогодба со која на договорниот орган му се дозволува да повлекува производи од палетата која е понудена во текот на целиот договорен период. Договорот е склучен со три економски оператори, со тоа што му се дава можност на СОЗР ако еден економски оператор не може да ја изврши нарачката, институцијата истиот пијалок да го нарача од друг економски оператор, по цените кои што се понудени од секој поединечно.

Кога ќе ги погледнеме цените по кои владата на Ковачевски преку СОЗР ќе нарачува, може јасно да заклучиме зошто владата нема пари за народот – рече портпаролката Митева.

Таа прецизираше дека функционерите од СДСМ и ДУИ ќе имаат можност да пијат висококвалитетно вино, означено како Барик вино, со контролирано потекло во пакување од 0.75 литри по цена од 2.293 денари.

– Додека народот преживува со 150 денари на ден, Ковачевски и неговите министри и директори ќе имаат можност да пијат виски од 1 литар, со минимум 42% алкохол кое чини 2.730 денари. А, кога ќе сакаат да пијат нешто поскапо, ќе пијат Бурбон виски во шише од 1 литар и со минимум 42% алкохол кое чини 3.413 денари.

Додека болните од дијабет чекаат инсулин, функционерите од власта ќе се засладуваат со крем ликер набавен за 2.034 денари.

Кога народот ќе купува поевтини тестенини, министрите и директорите на Ковачевски ќе наздравуваат со пенливо полуслатко бело вино од 1.331 денар.

Додека студентите ги чекаат парите за студентски оброк, и се борат за денар повеќе, луѓето околу Ковачевски ќе можат да пијат Коњак кој ќе чини и до 3.413 денари.

Овие пијалоци, во кои ќе уживаат функционерите од власта, половина милион луѓе во Македонија можеби воопшто нема да можат никогаш да ги пробаат – рече Митева.

The post ФУНКЦИОНЕРИТЕ ЌЕ СИ „ЦЕВЧАТ“ БАРИК ВИНА, БУРБОНИ, ЛИКЕРИ, КОЊАЦИ, ШАМПАЊИ… Владата склучи договор за набавка на алкохолни пијалоци за 48.000 евра appeared first on plusinfo.mk.

Ковачевски нагласи дека одговорно и со целосна посветеност и внимание во првите 100 дена се фокусирал на формирање и хармонизирање на новиот тим за да ги подготви и спроведе најсоодветните одговори за сериозните предизвици кои нѐ очекуваат.

– Актуелната Влада си постави и останува на јасната цел – да обезбеди сигурност и континуитет во создавањето услови за подобар живот, како и европска и просперитетна иднина за нашите граѓани. За тоа е потребно ефикасно, чесно и одговорно владеење. Тоа се одликите што ги побарав од сите министри што прифатија да бидат дел од тимот кој заеднички се стреми да им служи на интересите на сите граѓани, без исклучок – потенцираше Ковачевски.

Тој дополни дека во Програмата на оваа Влада се вклучени и нови, автентични програмски цели кои биле неопходни и произлегле од новите предизвици.

– Клучен, прв приоритет е справување со енергетската криза во државата, којашто е пред сѐ, европска енергетска криза и се чувствува и кај нас, а која доби дополнителни загрижувачки димензии со војната во Украина. Самата воена агресија пак, нѐ исправи пред историски предизвик, како земја членка на НАТО, заедно со нашите сојузници, бескомпромисно да одговориме на овој антицивилизациски чин како што е бруталното кршење на меѓународното право и на сите конвенции за мир и безбедност – нагласи Ковачевски.

Следниот приоритет, истакна Ковачевски, е заштита на животниот стандард на граѓаните и поддршка на компаниите во светло на економската криза која произлегува од енергетската и воената криза.

The post 100 ДЕНА ВЛАДА Ковачевски ветува ефикасно, чесно и одговорно владеење appeared first on plusinfo.mk.

Погубни политики како во економијата така и во надворешната политика, презадолжено население, корупција и криминал. Ова се главните коментари на ВМРО-ДПМНЕ за 100 дена од изборот на новата влада предводена од Димитар Ковечевски.

Според партијата, за 100 дена влада и 5 години владеење на СДСМ, имаме 100 отсто поскап леб, брашно, зејтин, 70 отсто поскапи горива, 30 отсто поскапа струја, 15 отсто поскапо парно греење, а платите не се зголемени ниту еднаш.

 „100 дена влада 1 милијарда задолжување. Ова се пари кои оваа влада ќе ги позајми за одржување на ликвидност, затоа што економијата пропаѓа од нивните лоши политики. 100 дена влада, еден обид за криење на убиство, украдено оружје од полициска станица во Охрид, украдено масло од марихуана вредни над 2 милиони евра од објект со десетици камери.100 дена влада, отворање на клуб „Ванчо Михајлов“, со профашистички тенденции“ се наведува во соопштението на партијата.

Од ВМРО-ДПМНЕ сметаат дека за 100 дена владата цветал криминалот и корупцијата.

„100 дена влада и 5 години СДСМ, криминал и корупција во врвот на власта. Се бараа провизии за вакцини, тендери се местеа за блиски од власта, РЕК Битола се остави без јаглен на почеток на грејна сезона.Вице Заев се бришеше од кривични пријави, Рашковски местеше тендери, Ден Дончев ставаше туциња пари во торба, Мухамед Зекири делеше милиони без тендерска постапка, и додека се ова се случуваше Љупчо Николовски се фалеше дека запленил две кутии путер со истечен рок на употреба“ се вели во соопштението.

Партијата потсетува и на состојби кои оваа влада ги населди од предходната.

„Не смее да се заборави дека ненадмината лага за овие 5 години е вработување на 300 пилоти ветено во Арачиново лично од Зоран Заев и Оливер Спасовски.5 години СДСМ, 5 години како земјоделците мака мачат да го продадат произведеното.5 години СДСМ, 5 години лаги дека само што не сме добиле датум за преговори, 5 години разочарувања и обезличувања“, се наведува во соопштението на ВМРО-ДПМНЕ.

The post 100 ДЕНА ВЛАДА, 5 ГОДИНИ НЕУСПЕСИ И ПРЕДАВСТВА Опозицијата тврди дека со Ковачевски процвета криминалот и корупцијата appeared first on plusinfo.mk.