– ЕУ се соочува со сериозни структурни предизвици кои го загрозуваат нашиот долгорочен просперитет – рече европскиот економски комесар Валдис Домбровскис, предупредувајќи дека „потребна е итна акција“.

Цел на извештајот е рано откривање и решавање на проблемите. Показателите што се земаат предвид вклучуваат стапка на невработеност, нивоа на долг, текови на кредити и цени на имотот. Макроекономската нерамнотежа во една земја на ЕУ, на пример висок тековен буџетски дефицит или балон на недвижности, може да доведе до прелевање на други земји-членки.

„Невообичаено високата инфлација во последниве години, вклучувајќи ги и зголемените трошоци за работна сила и цените на недвижностите, го зеде својот данок“, се вели во соопштението на Комисијата што го пренесе хрватската агенција Хина.

Заедно со Германија, која долго време се смета за водечка европска економија, Кипар, Грција, Италија, Унгарија, Естонија, Романија, Словачка, Шведска и Холандија ќе бидат подложени на подлабока анализа од страна на Комисијата во 2025 година.

The post ВКЛУЧЕН АЛАРМ ВО ЕУ Лошите економски резултати во 10 земји можат да ја потресат Унијата appeared first on plusinfo.mk.

Во заедничката декларација се наведува дека Европа треба да обезбеди слобода на безбедно патување во Унијата, ги поздравуваат упатствата од ЕК објавени минатата седмица, додавајчи дека се „важна основа за дискусија меѓу европските партнери со цел да се договорат критериумите и временските рокови за следните чекори“ и ги објаснуваат договорените принципи.

Шефовите на дипломатиите на десетте земји велат дека пристапот во фази, координирани и договорени меѓу земјите- членки е најдобриот начин за постепено нормализирање на прекуграничното патување, објаснуваат дека треба враќањето на слободата на движење меѓу земјите да може да се постигне постепено и истакнуваат дека треба да се изнајдат начини да се дозволи патување, а во исто време да се избегне ризикот од ширење на вирусот.

– Ќе биде клучно да обезбедиме дека нашите граѓани, не само што ќе можат да патуваат слободно низ Европа, туку исто така ќе можат безбедно да се вратат дома. Затоа, треба тесно да се координираме во однос на условите за укинување на правилата на ограничувањата и карантинот и во врска со обновата на услугите за транспорт. Во овој контекст, исто така ќе биде важно да работиме на заедничко разбирање за здравствените стандарди и процедури, пишуваат министрите во заедничката декларација, објавена од грчкото МНР.

Шефовите на дипломатиите ги повикуваат бизнисите и поединците кои работат во туризмот во следните седмици да преземат соодветни мерки на претпазливост за заштита на патниците откако ќе се врати слободата на движење и патувањето.

The post Десет земји од ЕУ договорија слободно и безбедно патување appeared first on plusinfo.mk.

Европската Комисија смета дека оваа поддршка е потребна за да се ограничат негативните економски и социјални последици од здравствената криза со коронавирусот.

За Северна Македонија, ЕК предлага да се издвојат 160 милиони евра, за Албанија – 180 милиони, за Босна и Херцеговина 250 милиони евра, Косово – сто милиони евра, Црна Гора – 60 милиони евра.

Надвор од земјите од Западниот Балкан, европската извршна власт смета дека ќе им бидат потребни 150 милиони евра на Грузија, 200 милиони на Јордан, сто милиони евра за Молдавија, 600 милиони евра за Тунис и 1,2 милијарди евра за Украина.

Ова е дел од новата стратегија позната како „Тим Европа“ на Европската Унија, чија цел е да им се помогне на земјите партнери.

-Европската солидарност не застанува на границите на Унијата. Затоа што во оваа глобална криза стоиме или паѓаме заедно. Денеска Европската Комисија презема одлучен чекор да им помогне на десет од нашите соседни земји во нивната борба против коронавирусот, ги повикувам Европскиот Парламент и Советот брзо да се усогласат околу овој важен пакет, изјави еврокомесарот за економија, Паоло Џентилони.

Фондовите би биле на располагање дванаесет месеци во форма на заеми „со многу добри услови“ за да им се помогне на земјите да ги поткрепат итните финансиски потреби, да ја стабилизираат макроекономската состојба и да ги ублажат негативните социоекономски последици од здравствената криза, вели ЕК.

Предлогот сега треба да биде прифатен од страна на Европскиот Парламент и Советот на ЕУ, како двете ко-одлучувачки тела на ЕУ. Комисијата бара од двете институции итно да дадат зелено светло.

Првата транша би се ослободила штом биде усвоен предлогот, а втората транша од септември оваа година или почетокот од 2021, „доколку политичките мерки поврзани за неа се имплементирани навремено“, смета Комисијата. 

The post Tри милијарди евра помош за 10 земји од соседството, за нашата 160 милиони евра, предлага ЕК appeared first on plusinfo.mk.