Осомничениот за нападот во Њу Орлеанс во моментот на инцидентот со себе имал знаме на Исламската држава, пишува Си-Ен-Ен.

Еден од изворите вели дека повеќе сомнителни експлозивни направи биле пронајдени во сандак во пикапот со кој терористот влета во толпа луѓе, при што уби 10 лица, а повреди над 30.

ФБИ, кое ја води истрагата, соопшти дека го третира инцидентот како „терористички чин“.
Инспекторите ги истражуваат сите можни соработници на осомничениот, како и неговите политички и религиозни ставови. Истражуваат и дали лицето е поврзано со позната терористичка организација.

Според два федерални извори, камионот користен во нападот бил изнајмен.

• , 10 ЗАГИНАТИ, 30 ПОВРЕДЕНИ ВО НАПАД СО АВТОМОБИЛ ВО ЊУ ОРЛЕАНС Напаѓачот влетал во толпа што ја славела Новата година

Полицијата претходно соопшти дека го убиле напаѓачот во престрелка.

Напаѓачот имал голема желба да „предизвика масакр“ на позната улица Бурбон, изјави денеска полицајката Ен Киркпатрик, пренесе Франс прес.

Киркпатрик рече дека нападот не бил спречен и покрај присуството на повеќе од 300 полицајци. Таа додава дека напаѓачот ги заобиколил полициските барикади.

Напаѓачот пукал и кон безбедносните сили, при што ранил двајца полицајци.

– Тој човек, сторителот, пукал во нашите полицајци од своето возило, кога излетал. Нивната состојба е стабилна – изјави Киркпатрик.

The post НАПАЃАЧОТ ВО ЊУ ОРЛЕАНС НОСЕЛ ЗНАМЕ НА ИСЛАМСКАТА ДРЖАВА Пикапот му бил полн со експлозивни направи appeared first on plusinfo.mk.

Десет лица загинаа, а 30 се повредени откако возило влета во поголема група луѓе во Њу Орлеанс на раскрсницата на улиците Канал и Бурбон, според официјалните информации на градската агенција за подготвеност за итни случаи, НОЛА Реди.

Полицијата во моментов го истражува инцидентот со голем број жртви. Реоните околу местото на нападот се преплавени со полицајци.

Според очевидците, напаѓачот влетал со бел теренски автомобил на главната улица на која во моментот многу граѓани ја славеле новата 2025 година. Наводно, носел панцир и автоматска пушка.

Тој почнал да пука кон полицијата, а полицајците возвратиле.

На едно вознемирувачко видео на мрежата Икс се гледа загинат моторџија и се слуша интензивно пукање.

Засега нема информации дека напаѓачот е лоциран или дека е уапсен.

Moment New Orleans police open fire on driver that plowed into a crowd at Bourbon Street pic.twitter.com/9Dly9PwNNZ

— Chay Bowes (@BowesChay) January 1, 2025

The post 🎥, 📷 10 ЗАГИНАТИ, 30 ПОВРЕДЕНИ ВО НАПАД СО АВТОМОБИЛ ВО ЊУ ОРЛЕАНС Напаѓачот влетал во толпа што ја славела Новата година appeared first on plusinfo.mk.