Голем дел од стоките увезени во САД од остатокот од светот почнаа да се оданочуваат со дополнителна царина од 10 отсто, создавајќи невидена ситуација во светската трговија, чие влијание допрва ќе се чувствува во наредните денови, јавија американските медиуми.

Оваа универзална минимална стапка од 10 проценти, од која одредени производи се ослободени, американската царина ќе ја наплати покрај постојните царини.

„Денеска стапи на сила 10 отсто „основна“ тарифа што ги погоди повеќето американски увози, освен за стоките од Мексико и Канада, додека десетици економии се соочуваат со уште повисоки стапки од 9 април“, јавија американските медиуми.

The post СТАПИЈА НА СИЛА ЦАРИНИТЕ НА ТРАМП ОД 10 ОТСТО Оданочувањето со повисоки тарифи ќе почне од 9 април appeared first on plusinfo.mk.

Телевизија Сител ја објави листата на производи за кои од владата уверуваа дека ќе бидат само луксузни.

The post ХРАНАТА ПОСКАПУВА ОД УТРЕ Над 1.000 артикли ќе имаат нови цени appeared first on plusinfo.mk.

Министерката за труд и социјална политика Јованка Тренчевска изјави дека е постигнат договор за потпишување на општиот колективен договор и за сите оние спорни прашања кои со месеци се разговараат со претствниците на синдикатите.

– Договоривме дека новата методологија за прсметка на платио за вработените во јавниот сектор ќе започне од март 2025 година. Со септемвриската плата во 2023 година ќе биде покачувањето од проценти на платите во јавниот сектор, К-15 до крајот на декември 2023 година во висина од 10.000 денари, а во општиот колективен договор ќе стои одредба за исплатата на К-15 од 2024 година да биде најмалку 30 проценти од висината на просечната плата во изминатата година – објави во изјавата за медиумите по средбата Тренечевска.

The post ПЛАТИТЕ ВО ЈАВНИОТ СЕКТОР ОД СЕПТЕМВРИ ЌЕ ПОРАСНАТ ЗА 10 ОТСТО Владата и синдикатите постигнаа договор appeared first on plusinfo.mk.

– Веќе има простор во буџетот на централната влада да се приспособи за зголемување на масата за плати од близу 10 %, слично на проектираната стапка на инфлација за 2023 година, вклучително и усогласувањето на минималната плата оваа година. Сè што е над ова би создало големо и трајно оптоварување на буџетот, а исто така би ризикувало да ги истисне другите суштински трошоци. Големите зголемувања на платите, исто така, носи ризик да ја претворат привремено високата инфлација во постојано висока инфлација – вели Манијане.

Тој наведува дека јавните финансии се на пат да ја исполнат целта за дефицитот утврдена во Буџетот за 2023 година одобрен од Парламентот.

– Сепак, доцнењето во усвојувањето на реформата на даночната политика и солидарниот данок можат да ги компромитираат даночните приходи и да ги загрозат приоритетните трошоци. Во овој контекст, даночната реформа треба да се усвои без одлагање со оглед на долгиот период за јавни консултации, а истото се однесува и на солидарниот данок. Дополнително, напорите за подобрување на наплатата на даноците треба да се одржат и забрзаат- вели Манијане.

Во прелиминарните наоди на мисијата на ММФ се наведува и дека фискалната консолидација треба да продолжи да ја поткрепува фискалната одржливост и да обезбеди адекватни фискални резрви за следната криза.

– Иако реформата на блок-тарифите за електрична енергија во 2022 година беше значаен чекор во вистинската насока, цените на електричната енергија за повеќето домаќинства остануваат силно субвенционирани и се меѓу најниските во Европа. Како резултат на тоа, јавните финансии остануваат ранливи на порастот на цената на енергијата. Иако зголемувањето на тарифите за енергија никогаш не е лесно, ќе биде важно да се продолжи со реформите на тарифите за електрична енергија кои постепено ќе ги укинуваат субвенциите и ќе ја зајакнуваат енергетската ефикасност. Сегашниот контекст на пониски меѓународни цени на енергијата дава можност за продолжување на ваквите реформи. Поддршката за сметките за електрична енергија треба да биде насочена кон посиромашните домаќинства, наместо да им користи на повеќето домаќинства на нецелен начин, како што е моментално – оценува ММФ.

Според ММФ, во тек е економско закрепнување на македонската економија со реален раст на БДП проектиран на 2,1% оваа година, а 3,4 % во 2024 година. Потрошувачките цени се очекува годинава да пораснат во просек за 9,2%, 3,5% во 2024, а до 2026 година да се вратат на 2 %.

The post ПЛАТИТЕ ВО ЈАВНИОТ СЕКТОР МОЖАТ ДА СЕ ПОКАЧАТ ЗА 10 ОТСТО Ако се оди повисоко трајно ќе се оптовари буџетот, предупредува ММФ appeared first on plusinfo.mk.

Едни сметаат дека таква практика постои во многу земји во светот и дека треба да се имплементира, други велат дека одлуката да му се остави бакшиш на келнерот треба да биде личен избор.

Според  ХОРЕС, бакшишот треба да биде доброволен, да изнесува до 10 отсто од сметката  и за него да не се плаќа данок. Здружението планира предлогот за законско воведување на бакшиш да го достави до министерствата за туризам и финансии.

Претседателот на здружението Георги Генов појаснува дека предлогот се однесува на плаќање со платежни картички бидејќи бакшишот во готовина е невозможно да се контролира.

– Се работи за плаќања со картички, а околу 90 отсто од плаќањата се вршат на тој начин, до одредена сума. Тогаш не би се оданочувале 100 динари, останатото би било во каса и би се плаќало на работниот персонал, не само на келнерите, туку и на оние што работат во кујна и слично – изјави Генов.

Српското Здружение на потрошувачи „Ефектива“ е против воведувањето бакшиш, како задолжителна ставка во фискалните сметки што ги издаваат рестораните, бидејќи тоа ќе значи дополнителна обврска за потрошувачите.

Според ова здружение, бакшишот е подарок со кој задоволен потрошувач го наградува оној што го послужил и дека ако нешто е подарок, тогаш тоа не може да биде задолжително, туку прашање на избор и размислување. на задоволство од дадената услуга, а правото на избор е, нагласуваат, едно од основните права на потрошувачите.

– Законот за заштита на потрошувачите предвидува потрошувачот да плаќа за услугата што му е дадена, сразмерно на количината или вредноста на таа услуга. Преку цената на храната и пијалоците во угостителскиот објект, кои се многукратно повисоки од редовните цени во продавници, потрошувачот веќе плаќа за добиената услуга, бидејќи во цената на чинење влегува и работата на персоналот – потсетуваат од Здружението.

Оттаму сметаат дека со задолжителен бакшиш ќе се воведе доплата за веќе платена услуга.

Здружението сепак не е против опцијата бакшишот да биде дел од фискалната сметка како одраз на доброволност, но оттаму додаваат дека  тоа не смее да биде обврска за потрошувачите.

Во некои земји, како САД, бакшишот е вообичаена практика. Процентот кој се наплаќа за оваа цел во сметките изнесува 15-20 отсто од сметката.

The post БАКШИШОТ ДА БИДЕ ДЕЛ ОД ФИСКАЛНАТА СМЕТКА Српските угостители предлагаат законско утврдување на бакшиш до 10 отсто appeared first on plusinfo.mk.