Тој ги повика компаниите да апелираат до своите вработени и да им укажат за важноста од примената на еврокодовите за да фатат чекор кон европските норми и со тоа да ја зголемат конкурентноста на градежниците и на тој начин да се обезбеди опстанокот на фелата во иднина.

-Завршува веќе паралелната примена на нашите македонски стандарди во градежништвото и еврокодовите и од 1 септември почнуваме да работиме по еврокодови, чија примена како стандарди во Европската Унија е задолжителна од 2010 година. Нашите градежни компании го поддржуваат процесот, кој како идеја и реализација трае над 15 години, и се подготвени од 1 септември да проектираме, а со тоа и да градиме по европски норми кои ќе значат посигурни и потрајни конструкции – изјави Серафимовски.

Европската регулатива ги обврзува проектантските и градежните компании да започнат со проектирање со еврокодови од 1 септември 2024 година.

Тој посочи дека не очекува воведувањето на новите нормативи да доведе по покачување на цената на становите затоа што, како што рече, има многу долга работа за комплетна и правилна примена на еврокодовите.

По состанокот во Стопанската комора, одржан во соработка со Комората на овластени инженери и архитекти, Градежниот факултет и Институтот за стандардизација, Соња Черепналковска,  раководителката на секторот за стандардизација во Институтот за стандардизација рече дека од стандардизациски аспект целосно се исполнети условите за примена на стандардите за проектирање.

– Стандардите за проектирање – еврокодовите се усвоени на македонски јазик со сите национални додатоци, односно подготвени околу 1.500 параметри кои се во националните анекси. Усвоени се и референтните стандарди кои се повикуваат на еврокодовите и се публикувани како македонски стандарди. Со тоа Институтот за стандардизација целосно го има завршено процесот на публикување и усвојување на стандардите и потполно се исполнети условите за нивната примена од стандардизациски аспект – рече Черепналковска.

Кристинка Чулак, претседателката на Комората на овластени архитекти и овластени инженери, пак, истакна дека еврокодовите освен конструктивни проекти треба да обезбедат и сигурни и стабилни градби, одржливи градби, како и конкурентност на нашите инженери не само кај нас, туку и на европско и светско ниво.

-Конкурентноста на инженерите е услов за држење чекор напред – рече Чулак.

Таа ги повика сите градежни инженери да се вклучат во процесите на обуки што се почнати пред три години, кои, додаде, нема да застанат ни од 1 септември кога ќе стапат во сила новите прописи, туку ќе продолжат и во текот на наредната година.

Чулак порача и дека европските прописи мора задолжително да бидат испочитувани во сите инвестиции кои доаѓаат во земјава, пред се во процесот на проектирање, ревизија и во процесот на градба.

-Апелираме сите да се вклучат во обуките. Засега одѕивот на нашето членство не е во бројот во кој ние очекуваме. Досега интерес покажуваа само колегите проектанти, но задолжително мора да се вклучат и колегите кои работат ревизија на проектите, како и колегите на терен кои ја водат изведбата на објектите и надзорот. Не се исклучени ни колегите кои работат во локалната самоуправа и на државно ниво кои се задолжени да дадат одобрение за градба на објектите. До 1 септември некои повеќе, а некои помалку ќе бидат подготвени за преод од еден тип на работа кон друг – рече Чулак.

Деканот на Градежниот факултет во Скопје, Горан Марковски нагласи дека од факултетот веќе се излезени неколку генерации кои се запознаени со европските стандарди за проектирање и конструкции.

– Ние поголем број години наназад ги едуцираме студентите за европскиот начин на проектирање на конструкции. Не застануваме тука, туку и понатаму  ќе продолжиме со едукација на веќе дипломирани и магистрирани колеги со цел овој процес да го  направиме што помалку болен. Сме свесни дека без тоа нашето градежништво не само што не ќе може да се развива, туку ќе биде доведен во прашање неговиот опстанок. Очекуваме со имплементацијата на овие стандарди да се зголеми конкурентноста на нашите проектантски и други фирми и нашите инженери да може да живеат овде во нашата држава, а да работат за надворешниот пазар – рече Марковски.

The post СТАНОВИТЕ ЌЕ ПОСКАПАТ Од септември ќе се гради по нови европски стандарди appeared first on plusinfo.mk.

Ученик во основно училиште го поправи Путин на час по историја во врска со тоа каде се борел Петар Велики, а заради тоа беше опоменат од директорот. „Извесната дрскост“ на момчето која ја разбранува цела Русија, не му сметаше на Путин. Тој му се заблагодари на момчето, пишува Нет.

– Не беше дрско. Во никој случај не се согласуваме со директорот на училиштето – рече Дмитриј Песков, портпаролот на Кремлин, додавајќи дека „се надева дека ученикот нема да биде казнет подоцна“.

Putin has taken to lecturing about history recently — with dubious facts at disposal. Today, a school kid in Vladivostok pulled him up on a basic mistake: “You said it was the 7 year war, it was actually called Great Northern War.” Watch Putin’s reax…
pic.twitter.com/6pSXVDrXx4

— Oliver Carroll (@olliecarroll) September 1, 2021

Инцидентот кој одекна на првиот училиштен ден ги „потпали“ опозициските медиуми кои ја критикуваат политиката на Кремлин. Тие ја пофалија ревноста на детето. Кира Арамуш, портпаролка на затворениот дисидент Алексеј Навални, го критикуваше директорот, кој смета дека училиштето не треба да учи факти, туку „послушност и сервилност“.

Во врска со што го поправи момчето Путин? За фактот дека Петар Велики не се борел во Седумгодишната војна, туку во Големата северна војна која траела 21 година.

The post ПУТИН НЕ ЗНАЕ ИСТОРИЈА Момче го поправи насред час, а тој му се заблагодари (ВИДЕО) appeared first on plusinfo.mk.

Веројатно ќе има уште неколку позитивни деца. Во моментов се чекаат тестови за неколку деца кои имале зголемена температура при влезот во некои скопски училишта, а потоа ќе се одлучува за конкретни мерки, објаснуваат од Министерството.

Учениците годинава за прв пат по почетокот на пандемијата се вратија во училишните клупи под строги протоколи, но колку ќе трае наставата со физичко присуство, никој не знае. Со турканиците кои денеска се создадоа по училишните дворови и по автобусите тешко е да се каже кој ќе биде резултатот.

Многу родители се жалат дека уште на првиот училиштен ден во повеќе училишта дел од персоналот и вработените биле без маски и не се почитувале докрај протоколите.

The post И ВО „ЉУБЕН ЛАПЕ“ ИМА ПОЗИТИВЕН УЧЕНИК Првиот школски ден во Скопје помина хаотично appeared first on plusinfo.mk.

Поради високиот број заразени со коронавирус во Тетово и во Гостивар, Комиисјата за заштита од заразни болести, на барање на Општина Тетово, одлучи само средните училишта во овие градови да организираат онлајн-настава во првите две недели од септември.

На седница во вторникот Владата ги усвои планот за одржување на наставата и протоколите за постапување на основните и средните училишта за реализација на воспитно-образовниот процес со физичко присуство.

Ослободени може да бидат ученици со ретки болести или попречености, деца од семејства со хронични болести,  по барање од родителите, како и од други немедицински причини со дозвола на училиштето.

Враќање на сите ученици во училишните клупи е прво од трите сценарија што пред два месеца ги подготви Министерството за образование и наука. Според МОН, тоа е и најпосакувано сценарио, зашто е во интерес на учениците и е препорачано од УНИЦЕФ и од ОЕЦД.

Доколку се влоши епидемиолошката состојба и се зголеми ризикот од ширење на заразата, ќе се премине на друг модел на настава, односно ќе се примени некое од двете резервни сценарија – комбинирана настава со наизменично ротирање на две групи ученици (онлајн и со физичко присуство) или модел на настава како минатата учебна година, едни ученици да бидат во училиштата, а други постојано да следат настава на далечина.

За евентуална промена на моделот на наставата ќе одлучи Комисијата за заштита од заразни болести и МОН ќе постапи по нејзините инструкции. Но, министерката Мила Царовска е уверена дека училиштата ќе останат отворени, зашто и минатата учебна година, кога 40 отсто од учениците следеле настава со физичко присуство, во нив немало ширење на заразата. Според министерката, за да бидат безбедни ќе придонесе почитувањето на здравствените протоколи и вакцинацијата на вработените во училиштата.

Во учебната 2021/2022 новина е воведувањето на концепцијата за основно образование усвоена во март годинава. Најпрво ќе почне да се применува во прво и во четврто одделение, за кои новите наставни програми по сите предмети се веќе изработени од Бирото за развој на образованието. Планот на МОН е етапно да биде воведена во другите одделенија и за пет до шест години деветгодишното основно образование да биде целосно реформирано.

Според концепцијата, годинава треба да почне и дигитализацијата односно употреба на дигитални учебници – најпрво во четврто одделение, кои ќе може да се преземат од платформите. Набавени се 10.000 таблет-компјутери, наменети пред сè за чевртоодделенците од семејства во социјален ризик, за да може да ги користат учебниците со мултимедијални содржини. Според предложениот закон, за учениците до трето одделение и натаму ќе се користат печатени (хартиени) учебници.

МОН соопшти дека сите учебници и материјали за учење се дистрибуираат до училиштата и учениците ќе ги добијат до крајот на неделава.

The post ВО ТЕТОВО И ВО ГОСТИВАР СРЕДНОШКОЛЦИТЕ ЌЕ ПОЧНАТ ОНЛАЈН Учениците се враќаат на настава во клупите appeared first on plusinfo.mk.

Душан Томшиќ, советник во Министерството за образование и наука, во гостувањето на утринската програма на Сител, објасни некои детаљи во врска со наставата, што ги засегаат учениците и нивните родители.

Ова се клучните факти:

1. Физичко присуство на сите ученици

Согласно со мислењето на Главниот координативен кризниот штаб и Владата, наставата ќе почнеме со физичко присуство за сите ученици.

2. Кој сака и има причини, може и онлајн

Исклучоци се учениците со хронични болести, учениците кои имаат хронични болни во семејството, како и од немедицински причини за кои ќе одлучуваат училиштата.

„Родителите може да побараат од училиштето од немедицински причини нивното дете да не посетува настава со физичко присуство, а училиштето може да даде или да не даде согласност“, појасни неодамна министерот за здравство, Венко Филипче.

3. На настава само со маски

Со протоколите е предвидено наставата да се одвива со носење на маски во училница, да се прават чести проветрувања, чистење и дезинфекција на училниците, ходниците и останатите простории во училиштата.

4. На физичко без маски

Што се однесува на часот по физичко образование, препораката е тoj да се одвива на отворено, додека дозволуваат временските услови. Инаку, овој час ќе се држи без носење на заштитни маски, без разлика дали е во дворот на училиштето или во спортска сала. Во протоколот јасно е наведено дека за време на часот по физичко не треба да има мешање на учениците од различни одделенија, за што училиштата ќе треба да подготват распореди, објасни Томшиќ.

5. Во случај на појава на позитивни – изолација по протокол

Во случај на појава на позитивни наставници, ученици и родители, ќе се постапува исклучиво по алгоритмите на Комисијата за заразни болести, која ќе утврдува кој од контактите ќе оди во изолација.

6. Првото резервно сценарио – хибриден модел

МОН е подготвено со уште две резервни сценарија кои би се применувале во зависност од епидемиолошката состојба, а кое од нив ќе се применува ќе одлучува Комисијата за заразни болести. Едното е хибридниот модел, кој се применуваше минатата учебна година – дел од учениците да следат настава со физичко присуство, додека останатите онлајн.

7. Второто резервно сценарио – систем на ротација

Другото резервно сценарио е примена на систем на ротација – со менување на групи ученици на една недела со физичко присуство и онлајн.

The post ОД 1 СЕПТЕМВРИ СИТЕ НА ШКОЛО Седум клучни факти за наставата со физичко присуство appeared first on plusinfo.mk.

Максималниот број на ученици во училница ќе биде 15. Одделенијата со повозрасни ученици ќе комбинираат одење на училиште и онлајн настава.

Епидемиологот Дарија Кисиќ Тепавчевиќ за РТС изјави дека најмалите ученици во најголем дел ќе посетуваат настава во училилишна средина, затоа што било проценето, како што кажа,  дека тоа е најдобро за нив.

Таа додаде дека наставата ќе се одвива со почитување на сите мерки, за максимално да се намали можниот ризикот од ширење респираторни инфекции. Најмладите ученици треба да се навикнат да носат маски.

– Максимален број ученици во едно оделение ќе биде 15, а оддалеченоста меѓу клупите треба да е најмалку еден и пол метар –  објаснила д-р Кисиќ Тепвачевиќ.

The post Во Србија од 1 септември училишните часови по 30 минути, повозрасните ученици ќе имаат и онлајн настава appeared first on plusinfo.mk.