Oд 1 март 2026 година стапува во сила законската обврска за банките за вршење засилена автентикација на клиентите при извршувањето онлајн плаќања со платежни картички, информира Народна банка.

Засилената автентикација има за цел да обезбеди заштита на паричните средства на граѓаните и на компаниите кај банките преку дополнителни сигурносни проверки на идентитетот на лицето при извршувањето на плаќањата без физичко присуство.

-Имајќи предвид дека граѓаните и компаниите имаат сѐ поголема потреба за извршување секојдневни онлајн купопродажби, а со тоа и плаќања преку интернет, поради нивната брзина и практичност, се зголемува и потребата од повисоко ниво на безбедност.Дигиталните напади и обидите за злоупотреба на податоците од картичките стануваат сѐ почести, па затоа се воведува дополнителна проверка на идентитетот на лицето кое го врши плаќањето – велат од централната банка.

Засилената автентикација му овозможува на клиентот на банката, при плаќање на интернет, покрај внесувањето на податоците од картичката, да даде дополнителна потврда за трансакцијата преку официјална апликација на банката, којашто се инсталира на мобилен телефон и му овозможува безбедно да ги следи своите сметки и да одобрува плаќања.

-Наместо досегашната потврда со СМС-код, клиентот ќе добие известување преку мобилната банкарска апликација и ќе треба да ја одобри трансакцијата. Потврдата се врши со ПИН за апликацијата, отпечаток од прст или препознавање на лице. Без оваа потврда, плаќањето нема да може да се изврши, дури и ако некој ги има податоците од картичката- велат од Народна банка.

Засилената автентикација како законска обврска за давателите на платежни услуги произлегува од Законот за платежни услуги и платни системи.

Таа се воведува постепено во земјава и веќе е во примена при извршувањето онлајн увид во платежните сметки од страна на клиентите, како и при извршувањето плаќања со платежни картички на физичките продажни места или со платни налози преку електронското или мобилното банкарство.

„Со примената на засилената автентикација и при извршувањето на плаќањата преку интернет, од 1 март 2026 година, се заокружува процесот на усогласување со правилата и стандардите што се применуваат во Европската Унија за безбедно извршување онлајн плаќања.Со оваа промена се зајакнува довербата во дигиталните плаќања и се унапредува заштитата на корисниците“, наведува Народна банка.

The post ОД 1 МАРТ НЕМА ОНЛАЈН ПЛАЌАЊЕ БЕЗ ПОТВРДА СО ПИН, ОТПЕЧАТОК ОД ПРСТ ИЛИ ОД ЛИЦЕ Стапува на сила обврската на банките за засилена автентикација appeared first on plusinfo.mk.

Со цел унапредување на безбедноста на онлајн трансакциите Комерцијална банка од 1 март воведува нов начин на потврда на интернет плаќањата со картичка и на трансакциите преку мБанка, со кој обезбедува уште поголема заштита на паричните средства на клиентите.  

Од 1 март, интернет плаќањата со картичка ќе се потврдуваат со единствен безбедносен код генериран преку бесплатната апликација мТокен, наместо како досега со СМС код. Сите трансакции преку мБанка, пак, ќе се потврдуваат со ПИН или со биометриска автентикација, кои се користат и при најава на апликацијата.

Овие промени се спроведуваат согласно важечката законска регулатива, а нивната цел е:

• зголемена заштита од злоупотреби и неовластени трансакции,
• побезбеден процес на автентикација,
• дополнителна сигурност при секое онлајн плаќање.

За да можат непречено да вршат интернет плаќања со картичка од Комерцијална банка, сите клиенти (физички и правни лица) треба да ја активираат бесплатната алатка мТокен, која е достапна во мобилната апликација мБанка.

Клиентите што ја немаат преземено апликацијата мБанка, може бесплатно да ја преземат од Google Play, App Store или App Gallery и веднаш да активираат мТокен. Алатката мТокен е бесплатна и едноставна за користење, наменета е за сигурна потврда на дигитални трансакции и достапна е за Android, iOS и Huawei уреди.

Активацијата се врши на брз и едноставен начин, а еднаш активиран мТокен овозможува континуирана практична и безбедна потврда на плаќањата без потреба од СМС пораки.

Детални информации и упатства за инсталација се достапни на следниот линк.

За дополнителна поддршка, на располагање на клиентите е Контакт центарот за техничка поддршка на телефон 02 / 3296 800 (изберете 2), со работно време: понеделник – петок од 08:00 до 18:00 часот и сабота од 08:00 до 13:00 часот.

Комерцијална банка останува посветена на создавање сигурна и модерна дигитална средина, во која клиентите со доверба и леснотија ги управуваат своите финансии.

The post КОМЕРЦИЈАЛНА БАНКА ВОВЕДУВА НОВО НИВО НА СИГУРНОСТ ПРИ ОНЛАЈН ПЛАЌАЊЕ Сите трансакции преку мБанка ќе се потврдуваат со ПИН или со биометриска автентикација appeared first on plusinfo.mk.

– Очекуваме ова законско решение, кое е целосно усогласено со европската регулатива и е со европско знаменце, да биде усвоено во најкраток можен рок. Со законот очекуваме да се намалат цените на прехранбените и земјоделските производи – изјави Бектеши за МИА.

Законот за забрана на нефер трговски практики во синџирот на снабдување на земјоделски и прехранбени производи, како што кажа, уште во декември 2023 година, на предлог на Министерството за економија беше усвоен од Владата и доставен до Собранието.

-Законското решение со кое се става ред во нелојалната конкуренција во трговијата и се воведуваат фер практики помеѓу трговците и добавувачите во синџирот со земјоделски и прехранбени производи се очекува оваа недела да влезе во второ читање во комисиите во Собранието – посочи Бектеши.

Министерството за економија лани на 20 септември донесе Одлука за изменување на одлуката за посебни услови за трговија на одделни стоки, определување на највисоки цени на одделни производи во трговијата на мало, како и обврска трговците да прибавуваат и продаваат определени видови и количество на одделни стоки на потрошувачите според определен редослед што беше објавена во Службен весник и важи до 29 февруари годинава.

Одлуката се однесува на: ориз бел, во пакување од 900 g до 1kg; брашно пченично тип 400 и тип 500; бел и полубел леб, векна, индустриски тип 450 g (цел и на парчиња), со исклучок на свежо печен леб во маркетите; други пекарски производи; бисквити „Petit Beurre“ и бисквити обични и посни од 300 до 500 g; наполитанки, со фил од какао крем (обични, непрелиени) од 300 до 500 g; тестенини (макарони и шпагети од тврда пченица обични) без и со јајца од 500 g; јунешко месо без коски, од бут или некој друг дел; свинско месо без коски, од бут или некој друг дел; мелено месо свинско и јунешко; пиле свежо или замрзнато (цело); пилешки стек свеж или замрзнат; чаен колбас (јунешки, свински и говедски) без додатоци и без слајс пакување; пилешка посебна салама (без слајс пакување); паштета од џигер и пилешка (без додатоци) во пакување од 95 и 100 g; трајно кравјо млеко (освен органско млеко и млеко со додатоци) со масленост од 2,8%, 3,2% и 3,5%, во пакување од 1 l; јогурт од кравјо млеко обичен (без додатоци) со масленост од 2,8% до 3,2%, во пакување од 1 l и 1,5 l; кисело кравјо млеко (обично, без додатоци) со масленост од 2,8% и 3,2%, во пакување од 300 до 500g; павлака од кравјо млеко со масленост од 12% до 20%, во пакување од 180 или 200 g; традиционално кравјо бело сирење и мешано бело сирење (без додатоци);  традиционален кравји и мешан кашкавал (без додатоци) и свежи јајца од кокошка.

Покрај тоа, донесе и одлука за изменување на одлуката за определување на највисоки цени за одделни производи во трговијата на големо и трговијата на мало што, исто така, важи до 29 февруари годинава и се однесува на: светло пиво во пакување од 1,5 l во шише; газирани пијалаци (сокови) во пакување над 1 l во шише; негазирани пијалаци (сокови) во тетрапак пакување и минерална, газирана и негазирана природна изворска вода во пакување над 1 l во шише.

Министерството за економија донесе и одлука за намалување на увозните давачки за увоз на свеж зеленчук што важи до 28 февруари годинава според која применливата царина е 10% за кромид, праз, карфиол и брокула, салата, моркови, модар патлиџан и тиквички, како и одлука за намалување на увозните давачки за увоз на свежи домати, краставици и пиперки што исто така важи до 28 февруари годинава и за кои применливата царина е 10%. Со земјите од ЦЕФТА, пак, царината е 0%.

The post ОД 1 МАРТ НЕМА ДА ИМА ГАРАНТИРАНИ ЦЕНИ Бектеши верува дека ќе паѓаат цените на прехранбените производи appeared first on plusinfo.mk.

– Договорот е во финална фаза. По одобрувањето на Владата, има детали коишто ги договараме. Обврска на банката е за да започне со работа најдоцна за два месеца. Јас верувам дека на 1 март следната година граѓаните ќе можат да плаќаат сметки. Замолувам за трпение. Нашата провизија е најмала. Ние како универзален оператор имаме обврска да одржуваме 330 точки низ државата. Има места во кои не можете да платите на друго место освен во пошта. На банките не им се исплати да имаат филијали во руралните средини – истакна Макрадули.

Тој информира дека со дел од банките имаат договор поштарите да ги носат пензиите и апелира до банките да го сторат тоа. Макрадули очекува поштарите повторно да ги носат пензиите, како што беше пред пропаѓањето на Еуростандард банка.

Владата  ја прифати како најповолна понудата на Халкбанк Скопје согласно двата усвоени критериуми за евалуација на понудата, и тоа во однос на рокот за почеток на имплементација на договорот од 2 месеци, како и во однос на процент на поделба на остварениот заеднички приход во висина од 71 отсто за „Пошта“ со 29 отсто за Халкбанк..

The post Сметки во „Пошта“ ќе можат да се плаќаат од 1 март appeared first on plusinfo.mk.