Британскиот глумец Арон Тејлор-Џонсон сè повеќе е во центарот на вниманието како еден од главните кандидати за наследник на Даниел Крејг во улогата на Џејмс Бонд.

Иако сè уште не е официјално потврдено кој ќе ја преземе легендарната улога на тајниот агент „007“, на социјалните мрежи Арон има сè поголема јавна поддршка. Гласините за негово вклучување во серијалот траат со месеци, а сега се поткрепени и од фактот дека Тејлор-Џонсон неодамна потпиша договор со луксузниот бренд „Омега“ којшто со години е официјален добавувач на часовници за „Бонд“ филмовите. Соработката дополнително ги подгреа надежите дека Англичанецот е новиот избор на продуцентите.

Доколку ја добие оваа престижна улога, Арон го очекуваат и значителни финансиски придобивки. Неговиот претходник Даниел Крејг, кој ја презеде улогата во 2005 година и глумеше во шест филма, наводно заработил вкупно 100 милиони долари.

Прашан за можноста да влезе во оделото и чевлите на Бонд, глумецот кратко одговорил:

– Навистина не е до мене, да говорам за тоа.

Тејлор-Џонсон веќе се докажа во филмската индустрија, т.е. во филмови како детската акција „Кик-ес“, „Момче за никаде“ (Nowhere Boy) и „Ерата на Ултрон“ на „Марвел“ (Marvel’s Avengers: Age of Ultron) каде што го глумеше ликот на Пјетро Максимоф, „Ловецот Крејвен“ (Kraven the hunter)…

Иако се натпреварува со имиња како Тео Џејмс и Хенри Кавил, претходната работа на Арон, харизмата и зголеменото присуство во медиумите му носат сериозна шанса да стане новото лице на светски познатиот шпион.

The post ДАЛИ ТОЈ ЌЕ БИДЕ НОВИОТ ЏЕЈМС БОНД? Арон Тејлор-Џонсон сè посериозен кандидат за улогата на „007“ appeared first on plusinfo.mk.

Тој во замокот Виндзор беше награден со Одличјето на Редот на Сент Мајкл и Сент Џорџ, за заслуги во филмот и театарот. Честа нему денес ќе му ја укаже принцезата Ен.

Даниел Крејг, како шести глумец во серијалот филмови, го толкуваше тајниот агент во последните пет „Бонд“ филма – „Казино Ројал“, „Tрошка надеж“, „Операција Скајфол“, „Спектра“ и последниот „Не е време за умирање“. Во улога на „007“, тој се појави и до кралицата во кусо видео на отворањето на Олимписките игри во Лондон, 2012 година.

Крејг глумеше и во „Нож в грб“ заедно со Крис Еванс, Ана де Армас и Џејми Ли Кертис, а ќе се врати и во продолжението чиешто прикажување е закажано за крајот на следниот месец ноември.

The post ДАНИЕЛ КРЕЈГ Е ПОСЛЕДНИОТ „ЏЕЈМС БОНД“ За филмот и театарот честа ќе му ја укаже принцезата Ен appeared first on plusinfo.mk.

Ова не е првото возило на британскиот агент Џејмс Бонд „007“ кого го глумеше и познатиот шкотскиот актер, но е најпознатото бидејќи се појавува во дури 8 „Бонд“ филмови. Конери го купи како лично возило во 2018 година. Автомобилот бил чуван во неговиот дом во Швајцарија пред да оди на наддавање. Глумецот го обожавал, но никогаш не го возел во Европа бидејќи веќе му било тешко да патува а живееше на Бахамите се до неговата смрт во 202о година.

Автомобилот е произведен 1964 година, и е во прилично добра состојба, возилото не беше опремено со оружје и „технологија од утрешнината“, каросеријата била црна, но беше обоено во снежно-сива, за да наликува на автомобилот во филмот. Значителен дел од парите од продажбата ќе одат во Фондот за филантропија на Шон Конери.

Освен што сега поседува дел од историјата, неименуваниот купувач ќе може да ужива во возењето со поранешниот шампион во Формула 1, сер Џеки Стјуарт, кој беше долгогодишен пријател на Конери.

Инаку, „астон мартин“ во 2018 година објави дека ќе го продолжи моделот на „ДБ-5“ – вкупно 25 примероци, од кои секој чини 3,5 милиони долари. Исто така, секој од нив ќе има од уредите што се гледаат во филмовите.

The post АВТОМОБИЛОТ НА ЏЕЈМС БОНД ПРОДАДЕН ЗА 2,4 МИЛИОНИ ДОЛАРИ Дел од парите ќе одат во Фондот за филантропија на Шон Конери appeared first on plusinfo.mk.