Поради конфузната содржина на референдумското прашање и поради изнесеното разбирање од страна на Бадентеровата комисија, таа Комисија референдумот од 8 септември 1991 година не го сметаше како основ и датум на формирањето на Р. Македонија како суверена и самостојна држава. Наместо референдумот, Бадентеровата комисија донесувањето на Уставот на Република Македонија на 17 ноември 1991 година  го смета како основ и датум на формирањето на Република Македонија како самостојна и суверена држава без институционална врска со СФРЈ.