ЛИЛЕ СТЕФАНОВА ИЛИ НЕЈЗИНИОТ ШЕФ ЉУПЧО КОЦЕВСКИ – КОЈ ЛАЖЕ? Еве доказ дека обвинителката постапувала по предметот „Поштенска банка“, оспорен од тимот за надзор чиј член била и таа

Во интервјуто за емисијата 360 степени на МТВ, во врска со приговорот на обвинителот Хајрулахи за составот на тимот којшто го вршел надзорот и во кој, според Хајрулахи, не смееле да бидат обвинителите Елвин Вели и Лиле Стефанова, бидејќи правеле надзор над предмети по кои тие самите постапувале, државниот јавен обвинител Љупчо Коцевски изјави дека тоа не било така. Плусинфо објавува доказ дека Хајрулахи сепак бил во право.