Драга Комисијо за жалби при СЕММ, ние, новинарите од „лошите“ медиуми, навистина сакаме јавноста да се вознемири кога ги опишуваме деталите за свирепото и подмолно убиство на Вања Ѓорчевска и на Панче Жежовски. Каква е таа јавност што не би се вознемирила додека во судот се преде приказната за едно страшно злосторство? Ако таа приказна не ја вознемири јавноста, ако таа не допре до емоциите на нашите читатели и ако не придонесе за јакнење на свеста во општеството дека е нeопходно да се направи многу повеќе за заштита на малолетните жртви на насилство од толерирани криминални банди, е баш тоа ќе биде повреда на достоинството на малата Вања.