Во последниве години, се повеќе се зборува за микропластиката и нанопластиката што ја внесуваме преку храната, водата, па дури и воздухот. Мали пластични честички се пронајдени во крвта, белите дробови, плацентата и другите ткива, поради што научниците интензивно бараат начини да ја намалат нивната акумулација во телото.

Нова студија од Јужна Кореја даде интересни резултати. Научниците открија дека одредени корисни бактерии од кимчи, традиционално корејско ферментирано зеленчуково јадење направено од кинеска зелка, ротквица и друг зеленчук со додавање на чили, лук, ѓумбир и зачини, би можеле да му помогнат на телото природно да елиминира дел од нанопластиката.

Студијата, објавена во престижното научно списание Bioresource Technology, ја спроведоа истражувачи од World Institute of Kimchi. Нивната цел беше да тестираат дали бактериите што се формираат за време на ферментацијата можат да ги врзат нанопластичните честички пред да ги апсорбира организмот.

Повеќе за ова на порталот „Арт кујна“.

The post ОВАА НАМИРНИЦА МОЖЕ ДА ПОМОГНЕ ДА СЕ ОСЛОБОДИМЕ ОД НАНОПЛАСТИКАТА Ново истражување во Јужна Кореја даде интересни резултати appeared first on plusinfo.mk.

Ново истражување сугерира дека еден од клучните сојузници во борбата против најчестата форма на деменција може да биде орган за кој речиси никогаш не се дискутира во овој контекст. Станува збор за црниот дроб.

Истражувачите развија експериментална генска терапија која ја подобрува способноста на црниот дроб да го отстрани амилоидот (леплив протеин кој се смета за една од главните причини за Алцхајмеровата болест) од крвта. Резултатите, објавени во научното списание Neuron, покажаа дека овој пристап значително го намалил акумулирањето на амилоидни плаки во мозокот кај лабораториските глувци, а исто така ги подобрил и нивните когнитивни способности, пишува Daily Mail.

Алцхајмеровата болест е поврзана со акумулирање на амилоид помеѓу мозочните клетки. Со текот на времето, овој протеин се претвора во плаки кои се мешаат во комуникацијата помеѓу невроните. Дополнителна штета предизвикува протеинот тау, кој се акумулира во клетките и доведува до нивно пропаѓање.

Сегашните лекови можат само да го забават напредувањето на болеста, но не можат да го запрат или да го вратат во првобитниот тек. Некои од нив се поврзани и со сериозни несакани ефекти како што се гадење, вртоглавица и, во некои случаи, оток или крварење во мозокот.

Затоа новото откритие предизвикува голем интерес во научната заедница. Имено, претходните истражувања главно се фокусираа на процесите што се случуваат во мозокот, додека новата студија сугерира дека и она што се случува надвор од него игра важна улога.

Амилоидот не останува само во мозокот

Иако амилоидот се формира во мозокот како нуспроизвод на нормалните метаболички процеси, дури 60 проценти од овој протеин завршуваат во крвотокот. Црниот дроб е одговорен за неговото отстранување од телото.

Целиот текст прочитајте го ТУКА.

The post КЛУЧОТ ЗА АЛЦХАЈМЕР НЕ Е ВО МОЗОКОТ?! Научниците открија неочекуван начин за борба против Алцхајмеровата болест appeared first on plusinfo.mk.

Децата кои биле вакцинирани против ХПВ (хуман папилома вирус) на возраст од 12 до 13 години имаат речиси нула ризик да починат од рак на грлото на матката пред да наполнат 30 години, покажува ново значајно истражување во Англија.

Првата студија од ваков вид открива дека бројот на смртни случаи значително се намалил откако вакцината почнала да им се нуди на девојчињата од училишна возраст во 2008, а благодарение на неа досега биле спасени околу 200 животи во Англија.

Во периодот од 2020 до 2024 година не бил регистриран ниту еден смртен случај од рак на грлото на матката кај жени на возраст од 20 до 24 години, додека без вакцинација, се очекувало да има околу 23 смртни случаи.

– Неверојатно е да се помисли дека една единствена инјекција може речиси целосно да елиминира одреден вид рак – изјави професорот Питер Сасиени, главен истражувач од Универзитетот „Квин Мери“ во Лондон.

И покрај тоа, ракот на грлото на матката и понатаму е 14. најчест вид рак кај жените во Обединетото Кралство, при што секоја година се дијагностицира кај околу 3.300 лица.

Се смета дека ХПВ- вирусот е причина за 99 проценти од овие случаи. Повеќето инфекции со ХПВ исчезнуваат без да предизвикаат проблеми, но некои можат да доведат до абнормални промени на клетките, кои по повеќе години можат да се развијат во рак.

Авторите на извештајот очекуваат бројот на смртни случаи од ова заболување да продолжи да се намалува како што сѐ повеќе луѓе примаат вакцина против ХПВ, а вакцинираните генерации стареат.

Од организацијата „Кaнсер рисрч УК“ која го финансирала истражувањето, резултатите ги оценија како „неверојатна пресвртница“, но предупредија дека стапките на вакцинација во Англија се пониски од препорачаните нивоа.

– Знаеме дека вакцината против ХПВ е исклучително ефикасна во спречувањето на ракот на грлото на матката уште пред да се појави, а овие резултати за првпат покажуваат дека таа навистина спасува животи – изјави извршната директорка на организацијата, Мишел Мичел.

The post СО САМО ЕДНА ИНЈЕКЦИЈА МОЖЕ ДА СЕ ЕЛИМИНИРА ЕДЕН ВИД НА РАК?! Кај вакцинираните против ХПВ нема ризик од смрт од рак на грлото на матката appeared first on plusinfo.mk.

Иако најчесто не се опасни, убодите од комарци поради чешањето можат да бидат навистина непријатни, особено за малите деца, кои тешко ќе го контролираат нагонот за чешање. На местото на убодот може да се појават црвенило и плускавци, а кај почувствителните лица и кај оние со ослабен имунитет може да се јават и посериозни последици.

Реакции на убод од комарец

– На кожата може да се појави црвенило. Кај почувствителните луѓе се јавува посилно чешање, плускавци и изразено црвенило, а во најтешките случаи ткивото може значително да се стврдне. Кај децата и лицата со нарушен имунитет може да дојде до вакви потешки реакции, како и до зголемени лимфни јазли и покачена телесна температура. Многу ретко се јавува тешка алергиска реакција која може да доведе до шок и смрт. Таквите лица секогаш треба со себе да носат ЕпиПен – адреналинска инјекција за итни случаи – препорачуваат лекарите.

Комарците можат да пренесуваат маларија, жолта треска (за која во некои земји е задолжителна вакцинација), неколку видови енцефалитис (воспаление на мозокот) и денга треска. Сите овие заболувања главно се среќаваат во потоплите предели.

Иако нема причина за страв од овие посериозни последици, добро е да преземеме сè што можеме за да ги заштитиме бебињата и децата од комарци и да ги поштедиме барем од непријатното чешање.

Повеќе за ова на порталот „Мајка и дете“.

The post КОМАРЦИТЕ НАПАЃААТ Еве како да ги заштитите бебињата и децата и како да ги третирате убодите appeared first on plusinfo.mk.

Сега е нивната сезона. Праските може да се уживаат од јуни па до крајот на август.

По потекло се од Кина, а заедно со кајсиите, сливите, бадемите, вишните и црешите припаѓаат на фамилијата рози Rosaceae.

Царство на витамини и минерали

Околу 150 грама од ова овошје содржи само 58 калории, 14 грама јаглени хидрати, помалку од еден грам масти, еден грам протеини и два грама влакна.

Праските се богати со вода и имаат висока содржина на каротин.

Содржат витамини А, Б1, Б2, Б6, Ц и Е и разновидни минерали; калциум, калиум, фосфор, сулфур, железо, магнезиум, манган и бакар.

Покрај тоа, ова овошје е полно со антиоксиданти кои го штитат нашето тело од стареење и разни болести. Колку е посвежа и позрела праската, толку повеќе антиоксиданти содржи.

Осум здравствени придобивки од праските

Не треба да се занемарат ниту здравствените придобивки што ги обезбедуваат.

Но, важно е праската да е природна и да не се третира со разни пестициди и хербициди.

Повеќе за ова прочитајте ТУКА.

The post НЕКТАРИНИ ИЛИ ОБИЧНИ? Праските штитат од стареење, ги чистат бубрезите и имаат антиканцерогени својства appeared first on plusinfo.mk.

Ако ви се случува да не стасате да ја употребите целата храна што ја имате во фрижидерот пред да стане неупотреблива и да морате да ја фрлите, имаме одлични трикови за чување на намирниците кои ќе ви помогнат не само да траат подолго, туку и да имаат подобар вкус.

Пораснете го одново кромидот!

Дали некогаш сте се запрашале дали можете да ги искористите невкусните парчиња храна? Можеби изгледа неверојатно, но има многу овошје и зеленчук кои можете лесно да ги одгледувате од удобноста на вашиот дом.
Наместо да ги фрлате белите делови на кромидот, ставете ги во вода и гледајте како растат. Наскоро би можеле да имате доживотно залихи на млад кромид.

Замрзнете ги билките во маслиново масло за полесно готвење

Свежите билки можат да го трансформираат секој оброк, но многу е тешко да ги одржувате свежи. Готвењето со билки како мајчина душица, жалфија, рузмарин или оригано може да ја направи храната повкусна, но ако не ги искористите веднаш, тие секогаш се чини дека венат толку брзо.
Наместо да ги исфрлите овие билки (што е еквивалент на фрлање пари во ѓубре), ставете ги во садови за замрзнување заедно со маслиново масло и ставете ги во замрзнувачот. Овој трик ќе ги одржува подолго време свежи и го олеснува подготвувањето на храната.

Чувајте го кромидот во хулахопки за да спречите расипување

Ако редовно користите кромид, овој трик е нешто што треба да го знаете. Да, изгледа чудно, но функционира! Кога купувате многу кромид и не го користите веднаш, може да помислите дека е тешко да се заштити од расипување.

Ставете ги во хулахопки и врзувајте ги јазлите помеѓу секој кромид. Потоа, закачете ги за да изгледаат како кромидот на сликата погоре. Ова ќе ги одржува свежи дури осум месеци. Бидејќи кромидот не е во сезона цела година, можете да го набавите кога е идеален и да го зачувате со помош на овој трик.

Уште многу едноставни трикови за чување на храната, а со тоа и за намалување на отпадот од храна, ќе најдете ТУКА и ТУКА.

The post НАМАЛЕТЕ ГО ОТПАДОТ ОД ХРАНА Фантастични трикови за зачувување на храната appeared first on plusinfo.mk.

Никогаш не е предоцна да се најде љубов, како што докажа 96-годишниот Сол Розенблат од Менхетен, пензиониран научник и пронаоѓач кој ангажирал проводаџика за да му помогне да ја пронајде својата „последна љубов“. Иако имал неколку ручеци со жени во нивните 70-ти и 80-ти години, ниту една досега не му го привлекла вниманието.

– Па, не разбудија во мене никакво посебно чувство. Да го кажеме тоа вака, моментално сум во фаза на разгледување – вели Розенблат, пензиониран воздухопловен научник и пронаоѓач од Батери Парк Сити.

Њујорчанецот, кој работел за НАСА како ракетен научник на програмата Аполо, останал вдовец во 2023 година по 69 години среќен брак. Сега е подготвен да ја запознае својата нова сродна душа, поради што ја ангажирал проводаџиката Брижит Вајл од Њујорк.

– Како личност, неговата приказна ме трогна. Но, професионално, си помислив: „Ова е практично невозможно“ – призна Вајл. Сепак, откако се сретнала со Розенблат лично, таа одлучила да му помогне да најде некој со кого ќе го помине остатокот од животот.

– Затоа што воопшто не е стар – додава таа со смеа.

 

View this post on Instagram

 

A post shared by Dating Coach Erika Ettin (@alittlenudge)

Што бара кај партнерката?

Розенблат многу добро знае што бара кај жената.

– Треба да биде пријатна за око и да има барем основно познавање на науката – вели тој.

Овој витален пензионер неодамна напишал автобиографија, измислил производи што се користат во микрохирургијата и има 14 патенти, а сè уште работи на неколку нови пронајдоци. Неговиот колеџ, Градскиот колеџ во Њујорк, оваа есен ќе му го додели престижниот претседателски медал, кој претходно им бил доделен на Нелсон Мандела, Корета Скот Кинг, Колин Пауел и Хилари Клинтон.

Иако образованието на неговата партнерка му е важно, Розенблат и неговата проводаџика се согласуваат дека и другите квалитети се подеднакво важни. Вејл вели дека бараат „некој што е топол, емпатичен, љубезен и дарежлив како него, и тоа и во физичка смисла, бидејќи Сол е топол и романтичен“.

Проблемот со досегашните состаноци

Еден од проблемите со кои се соочил е тоа што некои од жените со кои излегувал бараат друштво, а не романтичен партнер.

– Тие би сакале некој со кого ќе одат во кино или во музеј, но не се заинтересирани за ништо повеќе од тоа – објасни тој.

Вејл вели дека ситуацијата е предизвикувачка.

– Ниту една жена со која го запознав Сол не рекла дека не сака повторно да го види. Тие сакаат, но под свои услови. Тие имаат рутина и се чувствуваат удобно да имаат некого со кого ќе одат на вечера или во театар. Но, Сол не ме ангажираше да му најдам придружничка. Тој бара романтична врска, што веројатно вклучува и заеднички живот – вели таа.

Идни планови

Розенблат моментално живее во дом за стари лица, но вели дека штом ќе сретне нова љубов, ќе купи стан во Батери Парк Сити за да можат да живеат заедно и да шетаат низ соседството.

96-годишникот сè уште вози електричен трицикл, но вели дека тоа не би било проблем дури и ако неговата идна партнерка не вози.

– Ќе биде лесно да ме следи кога возам. Велосипедот е само за една личност – рече тој.

Розенблат се потсетил и на својата покојна сопруга Вики, која е родена во Египет и со која се оженил четири месеци откако се запознале.

– Таа беше концертна пијанистка и зборуваше пет јазици. Беше одлична со луѓето. Неа никогаш нема да можам да ја заменам – рече тој.

Научникот има три деца, но не се консултирал со нив пред да тргне во потрага по нова партнерка.

– Но, тие ме поддржуваат во сè што сакам. Секако, им оставив многу пари, па тоа помага – се пошегува тој.

The post 🎥 НАУЧНИК ОД ЊУЈОРК ИМА 96 ГОДИНИ И СИ БАРА ЖЕНА „Моментално сум во фаза на разгледување“ appeared first on plusinfo.mk.

Во последниве години хељдата стана сè почест избор за оние кои сакаат поздрави оброци, а експертите истакнуваат дека нејзината редовна консумација може да донесе голем број придобивки за телото.

Богата со влакна, растителни протеини, витамини и минерали, хељдата може да има позитивен ефект врз варењето, здравјето на срцето и регулирањето на телесната тежина. Токму затоа многу нутриционисти ја препорачуваат како дел од балансирана исхрана, пишува Very Well Health.

Една од нејзините најголеми предности е нејзиниот корисен ефект врз нивото на шеќер во крвта. Хељдата има низок гликемиски индекс, што значи дека не предизвикува ненадејни скокови на гликоза по оброкот. Истражувањата покажаа дека може да им помогне на луѓето со дијабетес тип 2 да ја подобрат чувствителноста на инсулин и полесно да го контролираат нивото на шеќер во крвта.

Повеќе за ова прочитајте ТУКА.

The post ВИСТИНСКИ БИСЕР ВО ИСХРАНАТА Ќе имате подобро варење, понизок холестерол и ќе останете подолго сити! appeared first on plusinfo.mk.

Пред електричните репеленти и стапиците за муви, луѓето природна и безбедна одбрана од инсекти. На пример, половина лимон набоцкан со каранфилче изгледа декоративно, речиси празнично, но всушност извршува корисна функција.

Кората од цитрус ослободува лимонен, а каранфилчето содржи еугенол, две испарливи супстанции што мувите не ги поднесуваат поради нивното исклучително чувствително сетило за мирис, кое нормално го користат за навигација.

Заедно, тие создаваат ароматична „магла“ што ги преоптоварува и нарушува ситните мирисни сензорни влакна што инсектите ги користат за да најдат храна. За нас, мириса пријатно, чисто и празнично, но мувите го перцепираат како непријатно и интензивно. Значи, ова е прилично добар трик за држење на инсектите подалеку од кујната.

Рецепти за овошје украсено со каранфилче се појавуваат во европските ракописи уште во средниот век, кога луѓето ставале каранфилче во портокали или лимони за да ја намирисаат облеката и да се заштитат од болести. Во кујните таа праксата опстојувала долго откако ќе поминеле епидемиите, веројатно затоа што била евтина и ефикасна. Кога исечен лимон прободен со неколку каранфилчиња ќе се остави покрај чинија со овошје или на прозорец, тој останува ефикасен неколку дена пред да се исуши. Плус, можете да ја користите другата половина од лимонот за да го исчистите остатокот од вашата кујна.

Повеќе за ова прочитајте ТУКА.

The post КАРАНФИЛЧЕ И ЛИМОН Трикот на нашите баби решава за миг голем и актуелен проблем appeared first on plusinfo.mk.

Жените живеат подолго од мажите (па и кога разликата е минимална) насекаде во светот. Не само во развиените земји, не само во мирно време, не само во периоди на благосостојба. И при војни, што се подразбира, но и при глад, епидемии… Во затворени религиозни заедници, каде што и мажите и жените имаат речиси идентичен начин на живеење. Или, како што се вели во студијата објавена во Proceedings of the National Academy of Sciences: „Можеби нема поцврст образец во човечката биологија од оваа разлика“.

Имено, жените ги надживуваат мажите просечно за четири до седум години. Во некои земји е поголема разликата, во некои помала, ама изгледа дека никаде не е нула. Ова е забележано во текот на повеќе од еден век анализирање на оваа појава и е присутна во секоја земја за која постојат доволно статистички податоци.

Според нашиот Државен завод за статистика, македонските жени ги надживуваат своите машки партнери за 4,4 до пет години. Односно, Македонките живеат во просек 77,6 години, а Македонците 73, 2 години. Светскиот просек е 4,9 години во полза на жените; Европската Унија е 5,3 години; Монако со 4, 0 (инаку, со најдолг животен век за двата пола); Јапонија 6,0; Латинска Америка 6,2; Супсахарска Африка 3,7; САД 4, 9 години.

Деталниот преглед на литературата од 2010 до 2024 година, објавен во медицинскиот журнал Auctores (август, 2025), со анализа на глобални извештаи за смртност на СЗО и ОН, покажал дека кардиоваскуларните смртни случаи кај мажите се за 1,7 пат повисоки, мажите имаат 22 отсто покуси теломери (специјализирани ДНК-секвенции на краевите на хромозомите, а нивната должина е клучен фактор за стареењето на клетките), а изложеноста на ризично однесување е два до четирипати повисока кај мажите.

Повеќе за ова прочитајте ТУКА.

The post ЗОШТО ЖЕНИТЕ ЖИВЕАТ ПОДОЛГО ОД МАЖИТЕ? Од хромозоми и хормони, до начини на живот и однесување appeared first on plusinfo.mk.