Секој ден носи различни потреби – утринска свежина, нежна нега, чист дом и мали моменти што ја прават рутината полесна и попријатна. Токму затоа, dm е место каде што секојдневното купување станува едноставно, практично и достапно. Со широка понуда на производи за лична нега, хигиена и домаќинство, dm им овозможува на купувачите да пронајдат сè што им е потребно на едно место, секогаш со одличен квалитет и по секогаш поволни цени.

Она што го издвојува dm е јасното ценовно ветување: цените на производите кои се дел од секогаш поволно концептот, нема да се зголемат најмалку 4 месеци од датумот назначен на ценовната етикета. Така, секое купување останува сигурен и паметен избор.

Од првата утринска рутина до последните подготовки во домот на крајот од денот, производите од dm марките како Dontodent, Balea, Jessa и Denkmit нудат решенија кои лесно се вклопуваат во секое секојдневие.

Dontodent антибактериската паста за заби која чини само 49 денари, е практичен избор за секојдневна орална хигиена и свеж здив. Формулата со цинк придонесува за антибактериски ефект, додека аромата на нане и билки обезбедува пријатно чувство на свежина во устата. Пастата помага во спречување на кариес, забни наслаги и создавање забен камен, а истовремено ја поддржува цврстината на забната глеѓ. Погодна е за секојдневна употреба кај возрасни.

Balea Pretty Peach гелот за туширање за само 55 денари носи освежувачки момент под туш и овошен мирис што ја разубавува секојдневната рутина. Мирисната комбинација на слатка праска и тропска папаја создава чувство на радост и свежина, додека pH неутралната и веганска формула е нежна кон кожата и погодна и за чувствителна кожа.

Jessa Ultra Skin Comfort влошките чинат 75 денари и нудат сигурност, удобност и чувство на свежина во текот на умерено обилните денови од менструалниот циклус. Благодарение на крилцата, влошката останува стабилно поставена, додека силното впивачко јадро брзо ја апсорбира течноста. Производот помага во заштита од непријатни мириси, без додаден мирис и е нежен кон кожата. Со тенката структура, влошките овозможуваат дискретна и сигурна заштита во секојдневните активности.

Denkmit средството за чистење со оцет можете да го најдете за 55 денари како практично решение за одржување чист и сјаен дом, особено во кујни и бањи. Благодарение на концентрираната моќ на оцетната киселина, ефикасно ги отстранува наслагите од камен и сапун, враќајќи го сјајот на кадите, тушевите и плочките. Освежителниот мирис на јаболко придонесува за пријатно чувство на чистота по секое чистење.

Со широк избор на производи за различни потреби, од орална хигиена и нега на кожа, до женска хигиена, перење и чистење, dm им овозможува на потрошувачите да ја организираат својата секојдневна рутина едноставно, практично и достапно. Секој производ е дел од понуда која покажува дека квалитетот, изборот и поволната цена можат да одат заедно.

The post DM СО ИЗБОР ШТО ГО ОЛЕСНУВА СЕКОЈДНЕВИЕТО Balea гел за туширање за 55 денари, Dontodent паста за заби за 49 appeared first on plusinfo.mk.

Превенцијата на ракот со органски растителни соединенија претставува нова стратегија во модерната медицина, позната како интегративна онкологија. Таа истражува кои алтернативни терапии, вклучувајќи ги и билните лекови, се безбедни и ефикасни во комбинација со конвенционалните третмани и лекови за спречување, забавување или лекување на рак.

Студиите покажуваат дека одредени традиционални растенија можат да:

• го детоксицираат организмот
• го зајакнат имунолошкиот систем
• ги олеснат симптомите на ракот
• го забават неговото ширење (метастази)
• ги намалат несаканите ефекти од лекувањето

Растенијата и зачините што редовно ги користиме во исхраната можат да помогнат во стимулирање на одбранбените сили на организмот и во превенција на рак, благодарение на богатиот состав на антиоксиданти кои ги намалуваат воспаленијата — клучен фактор во спречувањето на оваа болест.

Растенија и зачини со потенцијални антиканцерогени својства

Хемиските соединенија тимол, карвакрол и тимохидрохинон им ги даваат препознатливите медитерански вкусови на мајчината душица, ориганото и другите растенија од семејството уснатици (Lamiaceae).

Овие растенија имаат антибактериски и противвоспалителни својства и се богати со антиоксиданти. Од овие соединенија, тимохидрохинонот предизвикал посебен интерес кај научниците поради потенцијалните антиканцерогени својства.

Зачинувајте ја храната, пијте топли чаеви и одржувајте го здравјето со следните лековити и зачински билки што помагаат во борбата против оштетувањето на клетките.

Повеќе за ова прочитајте на порталот „Арт кујна“.

The post БИЛКИ ШТО ГО УНИШТУВААТ РАКОТ Го зајакнуваат одбранбениот систем на организмот и го забавуваат метастазирањето! appeared first on plusinfo.mk.

Оваа недела (25-31 мај) се одбележува Европската недела за борба против ракот.

Во 2024 година, кај 2,7 милиони луѓе во Европската Унија беше дијагностициран рак, а 1,3 милиони луѓе починаа, вклучувајќи повеќе од 2.000 млади луѓе. Ако не дејствуваме сега, бројот на луѓе со дијагностициран рак ќе се зголеми за 24% до 2035 година, што ќе го направи ракот водечка причина за смрт во Унијата.

Експертите велат дека приближно 40% од случаите на рак може да се спречат: ефикасните стратегии за превенција на рак можат да спречат болести, да спасат животи и да го намалат страдањето.

Унијата може да работи заедно за да ги постигне следните цели:

– генерација без тутун: целта е помалку од 5% од населението да користи тутун до 2040 година
– намалување на штетната консумација на алкохол во согласност со Целите за одржлив развој на ООН и намалување на изложеноста на младите луѓе на рекламирање алкохол
– намалување на загадувањето на животната средина преку усогласување на стандардите за квалитет на воздухот на ЕУ со упатствата на Светската здравствена организација и намалување на изложеноста на канцерогени материи и зрачење
– зголемување на информациите и здравствената писменост за промовирање поздрав начин на живот.

Во јуни 2024 година беше усвоена нова препорака за поддршка на земјите-членки во нивните напори за спречување на ракот преку вакцинација.

Препораката е дел од Европскиот план за борба против ракот и главен столб на Европската здравствена унија и се фокусира на зголемување на опфатот со вакцинација со две клучни вакцини кои можат да спречат вирусни инфекции кои можат да предизвикаат рак – човечки папилома вирус (HPV) и хепатитис Б вирус (HBV) – и на подобрување на следењето на стапките на вакцинација.

Планот за борба против ракот во 2030 година има за цел:
Вакцинација против ХПВ: 90% од девојчињата и значително зголемување за момчињата
Вакцинација против ХБВ: Пристап до вакцини и поголема покриеност со вакцинација за сите
Подобрување на системите за рано откривање на рак: Раното откривање на рак преку скрининг може да помогне во спасувањето животи. Сепак, нееднаквостите во достапноста на вакви превентивни прегледи продолжуваат дури и во земјите-членки.

И иако секој мора да има исто право на висококвалитетна грижа, дијагноза и третман, еднаков пристап до лекови и еднаква шанса за лекување, без оглед на тоа каде живее, стапките на преживување од рак на дојка по третманот варираат за 20% од земја до земја, а стапките на преживување од рак на дебело црево по пет години се движат од 49% до 68%.

Се проценува дека, благодарение на напредокот во раното откривање, ефикасните терапии и поддржувачката нега, во Европа има повеќе од 12 милиони преживеани од рак, вклучувајќи околу 300.000 кои го  преболеле ракот во детска возраст.

Иако ова е причина за оптимизам, потребата од соодветна постоперативна нега и пристап до социјална заштита не треба да се заборави.

За жал, кај нас овие разлики се уште подрастични. Доволно е само еднаш да влезете на Онкологија за да се уверите дека третманот на онколошките пациенти е под секое достоинство, а нивниот број незапирливо расте.

Само што ќе стапнете таму ќе сфатите дека нема ниту воздух, ниту столчиња за да седнат сите оние изнемоштени и исплашени пациенти кои со часови чекаат за терапија или за преглед кој и кога ќе го дочекаат, обично трае пократко и од рекламен спот. Оттаму излегуваат уште позбунети, поисплашени и со безброј прашања на кои немаат одговори.

Десетици илјади пациенти се соочуваат со истите проблеми  при секое доаѓање на клиниката, која дневно опслужува и по 800 пациенти. Со кадар, кој е десеткуван, во простории што не можат да го издржат напливот на нови пациенти и со буџети кои не гарантираат дека секој ќе ја добие најдобрата достапна терапија. Настрана сомнежот во персоналот после сите оние афери и судски процеси.

Најтешко болните пациенти од внатрешноста мора да патуваат во Скопје, да даваат многу пари за контроли на приватно затоа што за нив нема термини во јавното здравство и на крај, кога веќе ќе влезат на Клиниката за онкологија, да стојат со часови додека да дојдат на ред за преглед и примање терапија.

Излез од ваквата состојба се гледа во нови вработувања, како и во дисперзија на болните по локалните центри, со што би се намалил притисокот на Клиниката за онкологија.

Болеста, метежот, стравот, несигурноста, сето ова ги прави луѓето нервозни, несреќни и им создава уште поголем стрес, токму она што најмалку им треба во ваква состојба.

Живеат во страв, дали на следното доаѓање ќе го има лекот што треба да го примат, дали докторот или докторката ќе бидат тука, дали ќе бидат расположени или нервозни и нетрпеливи, дали треба да дадат поткуп, дали ќе добијат термин за ехо, за магнет, за толку потребното снимање без кое не може да го отпочнат или да го продолжат лекувањето, за редовните анализи и снимки со кои се следи стадиумот на болеста, дали ќе имаат пари за да го платат сето ова на приватно… И да, секој од нив е сам во својата секојдневна борба, среќен ако има барем семејство, оти од државата веќе одамна нема фајде.

The post ЕВРОПСКА НЕДЕЛА ЗА БОРБА ПРОТИВ РАКОТ (25-31 МАЈ) Во Македонија за онколошките пациенти секој ден е осамена војна appeared first on plusinfo.mk.

Во рамки на националната кампања под мотото „Органодарителството ѝ дава највисока смисла на човечноста!“, научниот соработник Александар Гавриловска Брзанов, заменик национален координатор за трансплантација, упатува силна порака за поддршка на органодарителството.

– Со едно „Да“ можеме да спасиме повеќе човечки животи, органодарителството не е само медицински чин, туку и морална и етичка одговорност на секој поединец – вели таа.

Трансплантацијата на органи им овозможува на примателите да не се зависни од фамилиите, да придонесуваат во заедницата и да го менуваат општеството на подобро, посочува д-р Гавриловска Брзанов, упатувајќи посебна благодарност до семејствата, кои во најтешките моменти на болка и загуба, одлучиле да ги донираат органите на своите блиски, покажувајќи исклучителна емпатија и хуманост.

Министерството за здравство во рамки на националната кампања за унапредување на органодарителството продолжува со активности за подигнување на свесноста кај граѓаните да се изјаснат како органодонори и со тоа да остават дел од себе кој ќе продолжи да живее.

The post 🎥 СО ЕДНО „ДА“ МОЖЕ ДА СПАСИТЕ ЖИВОТ Повик за органодарителство од д-р Гавриловска Брзанов appeared first on plusinfo.mk.

Жолчните камења се едни од најчестите проблеми со дигестивниот систем, а многу луѓе дури и не знаат дека ги имаат со години додека не се случи болен напад. Проблемите најчесто се јавуваат одеднаш, често по масен или голем оброк, а болката може да биде толку силна што многу луѓе мислат дека станува збор за срцев проблем.

Жолчните камења што се формираат во жолчното кесе се најчесто сиви, кафеави или бели по боја. Тие се составени главно од холестерол и билирубин, но можат да содржат и калциумови соединенија, протеини, масти и помали количини на минерали како што се железо, бакар, магнезиум и манган.

Како се формираат?

Тие се формираат кога црниот дроб произведува премногу холестерол или кога тој не се претвора доволно во жолчни киселини и стероидни хормони. Потоа се нарушува рамнотежата на компонентите на жолчката, што го поттикнува таложењето и формирањето на камења.

Воспалението и инфекцијата на жолчното кесе, застој на жолч и промени во нејзината киселост, исто така, можат да придонесат за развојот на проблемот. Жолчните камења можат да предизвикаат силна болка, а ако жолчниот канал се блокира, може да се развие и опструктивна жолтица.

Нападот на жолчни камења најчесто се јавува ненадејно и се карактеризира со силна болка во горниот десен дел од стомакот, под ребрата. Болката може да се прошири на грбот, градите или десното рамо и да трае од неколку минути до неколку часа.

Заедно со болката, често се јавуваат гадење, повраќање и чувство на надуеност и тежина во стомакот, особено по јадење масна храна. Многумина исто така доживуваат притисок во стомакот, горчлив вкус во устата и зголемено потење. Ако жолчното кесе се воспали, може да се појават покачена температура и грозница.

Кај некои луѓе, симптомите доаѓаат во бранови, додека кај други болката може да биде постојана и екстремно силна.

Кој е изложен на поголем ризик од развој на жолчни камења?

Жолчните камења можат да се појават кај секого, но одредени фактори и животни навики ја зголемуваат веројатноста за нивно формирање.

Еден од најчестите фактори на ризик е прекумерната телесна тежина. Кај луѓето со прекумерна тежина, жолчката често содржи поголема количина холестерол, што го поттикнува формирањето на камења. Ризикот е уште поголем кај седентарен начин на живот и исхрана богата со масна и преработена храна.

Од друга страна, проблемот може да се појави и со нагло губење на тежината. Строгите диети и брзото губење на тежината можат да го нарушат составот на жолчката бидејќи црниот дроб потоа лачи повеќе холестерол, што ја зголемува можноста за негово таложење и формирање на камења. Затоа експертите препорачуваат постепено и избалансирано губење на тежината, наместо драстични диети кои создаваат дополнителен стрес врз телото.

Дијабетес како фактор на ризик за жолчни камења

Луѓето кои страдаат од дијабетес имаат поголем ризик од развој на жолчни камења, главно поради метаболичките промени во телото. Често се присутни зголемени нивоа на триглицериди и холестерол, што може да влијае на составот на жолчката и да го поттикнува формирањето на наслаги во жолчното кесе.

Покрај тоа, дијабетесот често предизвикува намалена подвижност на жолчното кесе, што значи дека жолчката не се празни доволно ефикасно. Кога жолчта стагнира подолг временски период, постои поголема шанса нејзините компоненти да почнат да таложат и да формираат камења.

Затоа, на луѓето со дијабетес им се препорачува редовно да ја следат својата исхрана, да одржуваат стабилни нивоа на шеќер во крвта и да ги следат другите метаболички параметри со цел да го намалат ризикот од компликации поврзани со жолчното кесе.

Хормонални промени и бременост како фактори на ризик

Жените генерално се изложени на поголем ризик од развој на жолчни камења, а овој ризик дополнително се зголемува за време на бременоста или за време на периоди на изразени хормонални промени. Хормонот естроген може да влијае на составот на жолчката со зголемување на количината на холестерол, што го поттикнува формирањето на камења.
За време на бременоста, жолчното кесе се празни и побавно, па жолчта стагнира подолго време, што дополнително ја зголемува можноста за таложење и формирање на камења.

Исхрана, црн дроб и долгорочни ризици

Навиките во исхраната играат голема улога во здравјето на билијарниот систем. Луѓето кои консумираат големи количини масна, пржена и преработена храна во подолг временски период имаат поголема веројатност да развијат проблеми со жолчното кесе. Таквата исхрана може да доведе до зголемено ниво на масти во крвта и нарушувања во составот на жолчката.

Дополнителен ризик постои кај луѓе кои веќе имаат заболување на црниот дроб или високи масти во крвта, бидејќи во овие случаи метаболизмот на мастите и холестеролот е нарушен, што го олеснува формирањето на жолчни камења.

Лечење на жолчни камења

Третманот зависи од големината на камењата, фреквенцијата на симптомите и дали тие предизвикуваат компликации. Во поблаги случаи, состојбата може да се држи под контрола со промена на исхраната и со одредена терапија со лекови, додека во потешки случаи, често е потребно хируршко отстранување на жолчното кесе.

Кога симптомите не се сериозни, лекарите најчесто препорачуваат прилагодување на животните навики, првенствено избегнување на масна и пржена храна, алкохол и прејадување. Одржувањето на стабилна телесна тежина и редовна, балансирана исхрана се препорачуваат и за да се намали можноста за нови напади и влошување на состојбата, пишува Стил.

The post ТЕЛОТО ИСПРАЌА ПРЕДУПРЕДУВАЊА, АМА НЕ ГИ ПРЕПОЗНАВАМЕ Луѓето со овие 5 проблеми најчесто имаат камења во жолчка appeared first on plusinfo.mk.

Транстиретинската амилоидна кардиомиопатија (ATTR-CM) e прогресивна болест која може да доведе до срцева слабост и прерана смрт. Болеста во Македонија и понатаму е недоволно препознаена, особено кај постарата популација, предупреди проф. Елизабета Србиновска Костовска, раководителка на Одделот за валвуларни и вродени срцеви мани и воспалителни болести на срцето во Националниот центар за кардиоваскуларни болести во Скопје.

Проф. Србиновска Костовска на дводневниот меѓународен стручен собир во Загреб, посветен на дијагностиката и лекувањето на ATTR-CM, ги сподели искуствата од Македонија, појаснувајќи дека станува збор за специфична област.

– Кај нас е присутна ендемска форма на болеста, каде членови на фамилии носители на генот Glu109Gln се дијагностицирани, а оние кои се заболени се лекуваат во рамки на Програмата за ретки болести на Министерството за здравство. Во моментов имаме околу 30 пациенти со наследна форма на амилоидоза, од кои кај 20 доминира кардиомиопатијата, а кај 10 доминира полиневропатијата – појасни таа и додаде дека преку генетски испитувања се детектирани 74 носители на овој ген, кои редовно се следат поради експресија на болеста.

Пациентите со доминантна наследна полиневропатија се лекуваат на Универзитетската клиника за неврологија.

Болеста често останува непрепознаена сè до напреднат стадиум

ATTR-CM е ретка состојба при која доаѓа до натрупување на абнормален протеин во срцевиот мускул, поради што срцето постепено станува поцврсто, послабо пумпа крв и со текот на времето доаѓа до срцева слабост. Меѓу најчестите симптоми се отежнато дишење, хроничен замор, отоци на нозете и глуждовите, вртоглавици, аритмии, како и слабост и трнење во рацете и нозете, поради што болеста често останува непрепознаена сè до напреднат стадиум. Дијагнозата на ATTR-CM се поставува со анализа на крв, сцинтиграфија на срцето што го потврдува натрупувањето на протеинот, како и со генетско тестирање за разликување на наследната од ненаследната форма на болеста.

Се проценува дека ATTR-CM во Македонија погодува меѓу 280 и 340 лица со т.н. див тип на болеста поврзан со стареењето, од кои мнозинството и понатаму остануваат недијагностицирани. Дополнителен предизвик за лекарите претставува фактот дека ATTR-CM на почетокот има неспецифични показатели кои лесно можат да се помешаат со други болести или со последици од стареењето, поради што патот до дијагнозата понекогаш трае и повеќе од три години, во текот на кои пациентите остваруваат десетици контакти со здравствениот систем пред конечната потврда.

Раното препознавање на знаците на болеста е многу важно

На значењето на раното препознавање на болеста и мултидисциплинарниот пристап се осврна и проф. д-р мед. Карстен Чопе, универзитетски професор, кардиолог и раководител на Одделот за кардиомиопатии и транслациски истражувања во рамките на Германскиот центар за срце при универзитетската болница Charité (DHZC) во Берлин.

– Уште пред пет години преваленцијата на ATTR во Германија достигна приближно еден заболен на 2900 жители, што покажува дека ATTR-CM веќе не е исклучително ретка болест, туку болест која сè уште е значајно недоволно дијагностицирана, при што реалниот број на заболени сигурно е многу поголем од бројот на официјално откриени пациенти. Токму затоа клучни се континуираната едукација на лекарите, мултидисциплинарната соработка и поголемата свесност на јавноста за болеста да се препознае што порано и на пациентите да им се овозможи навремено лекување – нагласи проф. Чопе.

Во Македонија, клучен предизвик е детекцијата на дивата форма на оваа кардиомиопатија, каде што заостануваме во однос на западноевропските земји, и покрај достапноста на комплетни дијагностички методи и стручност.

– Нашата цел е да разменуваме искуства со странски колеги и преку нови иницијативи да ја подобриме соработката со интернистите и матичните лекари, кои први треба да ги препознаат сомнителните пациенти и да ги упатат во референтниот центар за дијагностика и лекување – Националниот центар за кардиоваскуларни болести, каде што се лекуваат и останатите пациенти со амилоидна кардиомиопатија – појасни проф. Србиновска.

Раното препознавање на знаците на болеста е ставено во посебен фокус од страна на стручњаците, бидејќи без лекување ATTR-CM има многу лоша прогноза – средното  преживување по поставувањето на дијагнозата изнесува меѓу две и четири години.

– Мултидисциплинарниот пристап и блиската соработка меѓу различните специјалности остануваат основа за рана дијагноза, прецизна стратификација и оптимално лекување, со крајна цел — подобри клинички исходи и подобар квалитет на живот за пациентите – заклучува проф. Србиновска.

Од стручниот собир во Загреб, експертите предупредија дека дури 30 проценти од пациентите и понатаму умираат во рок од 2,5 години од почетокот на терапијата, додека околу 60 проценти од пациентите имаат хоспитализација поради кардиоваскуларни компликации. Токму затоа охрабрувачки е фактот што новите терапии кои го менуваат текот на болеста покажуваат значително влијание врз преживувањето, намалувањето на кардиоваскуларните хоспитализации и зачувувањето на функционалниот капацитет кај пациентите, со што суштински се менува природниот тек на болеста.

Кога болеста ќе се препознае навреме, се овозможува сеопфатна грижа – редовно следење на работата на срцето и воведување поздрави животни навики, како што се правилна исхрана и физичка активност.

Најновите искуства и терапевтски пристапи во лекувањето на ATTR-CM беа претставени на меѓународниот стручен собир „Beyond Boundaries: Advancing ATTR-CM Care“, посветен на дијагностиката и лекувањето на оваа болест, кој се одржа на 19 и 20 мај 2026 година во Загреб со поддршка на Хрватското кардиолошко друштво. На собирот учествуваа водечки светски и регионални експерти од областа на кардиологијата и ретките болести, а домаќин на симпозиумот беше Давор Миличиќ, претседател на Хрватското кардиолошко друштво и раководител на Заводот за интензивно кардиолошко лекување, аритмии и трансплантациска кардиологија при КБЦ Загреб.

The post СТОТИЦИ ЛУЃЕ ВО МАКЕДОНИЈА НЕ ЗНААТ ДЕКА ИМААТ СМРТОНОСНА БОЛЕСТ Дијагнозата се чека и повеќе од четири години appeared first on plusinfo.mk.

Случаите на бактериски сексуално преносливи заболувања нагло се зголемија во Европа – соопшти денеска Европскиот центар за превенција и контрола на болестите (ЕЦДЦ).

Пријавените случаи на гонореја и сифилис достигнаа највисоко ниво за повеќе од една деценија во 2024 година, според здравствената агенција на Европската Унија со седиште во Солна, Шведска.

Официјално, во 14-те земји што обезбедија податоци регистриран е 106.331 случај на гонореја во 2024 година, што е зголемување за 303 отсто во споредба со 2015 година.

Бројот на случаи на сифилис, пак, се зголемил повеќе од двојно во истиот период достигнувајќи 45.577 дијагнози.

Кламидијата остана најчесто пријавувана сексуално пренослива инфекција со 213.443 случаи, соопшти ЕЦДЦ.

Бруно Чанчо од Центарот предупреди дека болестите што не се лекуваат може да доведат до сериозни здравствени проблеми, вклучувајќи хронична болка и неплодност.

– Во случај на сифилис, компликациите може да влијаат и на срцето, крвните садови и на нервниот систем… Зголемувањето на случаите на сифилис пренесен од мајка на дете е особено загрижувачко, при што извештаите речиси се удвоија меѓу 2023 и 2024 година.

Заштитата на вашето сексуално здравје останува едноставно. Користете кондоми со нов партнер или ако имате повеќе партнери и тестирајте се доколку имате симптоми, како што се болка, исцедок или чир – изјави Чанчо.

Мажите што имаат секс со мажи се убедливо најпогодената група од ваквите инфекции, особено од гонореја и сифилис, според ЕЦДЦ.

Сифилисот станува сè почест и кај хетеросексуалните луѓе, особено кај жените во репродуктивна возраст.

ЕЦДЦ соопшти и дека пријавените случаи на сифилис пренесен од мајка на дете се зголемиле од 78 во 2023 година на 140 дијагнози во 2024 година.

The post ГОНОРЕЈА, СИФИЛИС, КЛАМИДИЈА… Сексуално преносливите болести достигнаа рекордни нивоа во Европа appeared first on plusinfo.mk.

Кога сакате да се храните поздраво, најважно е добрите избори да бидат едноставни, вкусни и лесно достапни. Токму затоа новата Olympus урда е производ што брзо може да стане дел од секојдневната рутина. Богата со протеини, со ниска содржина на сол, без вештачки конзерванси и со нежен, свеж вкус, таа е одличен избор за сите што сакаат хранлив оброк без комплицирање. Лесна е за комбинирање, практична за подготовка и доволно разновидна за да се вклопи во појадок, ужина, семеен ручек или домашен десерт.

Без разлика дали сте активни, внимавате на исхраната, барате повеќе протеини во менито или само сакате квалитетен производ што ќе ви помогне да направите подобар избор во текот на денот, Olympus урдата е тука да ја направи здравата исхрана повкусна и попрактична. Со дури 56 г протеини по пакување, односно 14 г на 100 г, таа е одличен сојузник за спортисти, активни луѓе, семејства, деца и сите кои сакаат избалансирани, хранливи и лесни оброци.

Направена од сурутка по традиционален метод и со едноставен, природен состав, новата Olympus урда носи автентичен вкус што потсетува на домашна трпеза, едноставни рецепти и оброци подготвени со грижа. Нејзиниот вкус е нежен, свеж и благо сладок, а текстурата е лесно кремаста, што ја прави пријатна за јадење и идеална за најразлични комбинации.

Една од најголемите предности на Olympus урдата е нејзината разновидност. Можете да ја јадете самостојно, кога ви треба брза и хранлива ужина, да ја комбинирате со домати, свеж зеленчук или копар, или да ја искористите како состојка во омилените домашни рецепти. Од пити и палачинки, до салати, намази, здрави чинии и традиционални десерти – ова е производ што лесно се прилагодува на секоја кујна и секој вкус.

За оние утра кога немате многу време, Olympus урдата може да биде брз и практичен појадок. Во деновите кога сакате лесна, но хранлива ужина, таа повторно е одличен избор. А кога сакате да подготвите нешто домашно, без разлика дали станува збор за ручек, вечера или десерт, овој вкусен производ лесно може да стане дел од вашиот рецепт. Совршен производ за балансиран модерен начин на живот.

Практичното пакување од 400 г овозможува лесна секојдневна употреба, додека хигиенското пакување помага производот да ја задржи свежината. Неговата погодна големина го прави идеален и за подготовка на рецепти и за брза консумација во рок од еден до два дена.

Новата Olympus урда е веќе достапна во маркетите „Рамстор“, „Веро“, „Кит-Го“, „Ла Нои“ и онлајн маркетот „Пакет“. Посетете го најблискиот маркет, пробајте ја и внесете нова свежина, повеќе протеини и повеќе креативност во вашето секојдневно мени.

The post 56 ГРАМА ПРОТЕИНИ ВО ЕДНО ПАКУВАЊЕ Новата урда Olympus е здрав избор за секој ден appeared first on plusinfo.mk.

Мистериозниот пораст на неизлечивиот рак на дојка кај помладите жени предизвика тревога кај експертите. Една голема американска студија покажа дека дијагнозите на рак на дојка во стадиум 4 (кога болеста веќе се проширила во телото и повеќе не може да се излекува), се искачиле за речиси 18 проценти во текот на последната деценија.

Најголем пораст е забележан кај жени под 40 години и покрај тоа што ракот на дојката традиционално е почест кај постарите пациенти. Особено загрижувачко е зголемувањето на тројно негативните тумори, една од најсмртоносните и најтешки за лекување форми на ракот, која убива девет од десет пациенти кога ќе се дијагностицира во напредна фаза.

Научниците велат дека сè уште не знаат на што се должи овој тренд, но, како можни фактори ги посочуваат промените во скринингот, дебелината, тоа што жените раѓаат деца подоцна во животот и изложеноста на хемикалии што ги нарушуваат хормоните, а се наоѓаат во пластиката.

– Денес, во САД има речиси 170.000 жени што живеат со напреднат рак на дојка, а се очекува бројот значително да стане поголем во следната деценија – предупредува д-р Лорен К. Пињеиро, интернист во медицинскиот центар „Вајл Корнел“ во Њујорк, која не учествувала во студијата и додава:

– Авторите инсистираат итно да се идентификуваат причините за зголемените дијагнози во напредна фаза, што треба да послужи како повик за дополнителни истражувања за здравјето на населението во оваа растечка група пациенти.

Повеќе за ова прочитајте на порталот „Мајка и дете“.

The post ПОРАСТ НА НЕИЗЛЕЧИВИОТ РАК НА ДОЈКА КАЈ ПОМЛАДИТЕ ЖЕНИ Загрижувачки резултати за зголемувањето на страшните дијагнози appeared first on plusinfo.mk.

Со доаѓањето на потоплите денови и повисоките температури, ризикот од труење со храна се зголемува, особено на отворените пазари каде што овошјето и зеленчукот често стојат со часови изложени на сонце и високи температури.

Иако многу купувачи имаат навика да пробаат јагода, цреша, грозје или парче друго овошје за да го проверат квалитетот на производот пред да купат, лекарите предупредуваат дека таквата практика може да претставува сериозен ризик по здравјето.

Вируси, бактерии…

Имено, токму неизмиеното овошје и зеленчук можат да пренесат опасни бактерии, вируси и паразити кои предизвикуваат труење со храна и разни цревни инфекции. Децата, постарите лица, бремените жени и лицата со ослабен имунитет се особено изложени на ризик, за кои последиците можат да бидат многу посериозни.

Повеќе за ова прочитајте на порталот „Арт кујна“.

The post ПОРАДИ ОВАА НАВИКА НА ПАЗАР МОЖЕТЕ ДА СЕ ОТРУЕТЕ Лекарите предупредуваат да не пробувате овошје и зеленчук додека пазарите appeared first on plusinfo.mk.