– Па му кажав сè што забележав на теренот: неговите слабости, неговите силни страни, работите на кои треба да работи, а потоа, следните 3 години, ме победува на Вимблдон секоја година! Значи, можеби направив грешка, не знам! – вели српскиот тенисер Новак Ѓоковиќ кој беше специјален гостин во емисијата „Студено како мраз“, чиј домаќин е познатиот американски комичар и актер Кевин Харт.

 

View this post on Instagram

 

A post shared by Fanatics Sportsbook (@fanaticssportsbook)

Епизодата во која Новак Ѓоковиќ седи во када беше снимена во рамки на „Фанатикс Фест“, еден од најголемите спортски фестивали во Соединетите Американски Држави, кој секоја година собира врвни спортисти, познати личности и илјадници љубители на спортот.

 

View this post on Instagram

 

A post shared by Us Weekly (@usweekly)

Организаторите уште пред настанот најавија дека Ѓоковиќ ќе биде гостин во „Студено како мраз“, емисија која со години е препознатлива по интервјуата што Кевин Харт ги води со спортисти додека заедно седат во ледена када.

The post 🎥 НОВАК ЃОКОВИЌ ДАВА ИНТЕРВЈУ ВО КАДА СО МРАЗ Српскиот тенисер зборува за тоа како му давал совети на Јаник Синер додека седи во када со Марчело Хернандез appeared first on plusinfo.mk.

Министерството за транспорт ќе го преземе проектот за санација и стабилизација на големото свлечиште на патот кон Теферич во скопската општина Кисела Вода. Според најавите, тендерот за избор на изведувач ќе биде распишан следната недела, а работите треба да завршат пред почетокот на зимата.

Владата преку Министерството за транспорт ќе го преземе проектот за санација на свлечиштето на патот кон Теферич во Општина Кисела Вода, кое подолг период претставува сериозен проблем за жителите и учесниците во сообраќајот.

Заменик-претседателот на Владата и министер за транспорт Александар Николоски изјави дека станува збор за комплексно свлечиште, чие решавање ги надминува можностите на локалната самоуправа.

– Станува збор за голем и исклучително сериозен проблем. Имајќи го предвид искуството што го стекнавме при решавањето на свлечиштата на автопатот Кичево – Охрид, проценивме дека оваа проблематика е многу поголема од капацитетите на Општина Кисела Вода и на Градот Скопје – изјави Николоски.

Тој посочи дека по координацијата меѓу Владата, Општина Кисела Вода и Градот Скопје, на последната владина седница било одлучено Министерството за транспорт целосно да го преземе проектот.

– Веќе имаме изработен проект за стабилизација и санација и очекувам уште следната недела да биде распишан тендерот за избор на изведувач. По изборот на изведувачот, што очекуваме да биде за околу еден до еден и пол месец, ќе започнат градежните работи, а целта е санацијата да заврши пред почетокот на зимата – нагласи Николоски.

Од Министерството очекуваат со реализацијата на проектот трајно да се реши проблемот со свлечиштето и да се обезбеди безбедно одвивање на сообраќајот на оваа делница.

The post ВЛАДАТА ГО ПРЕЗЕМА СВЛЕЧИШТЕТО КОН ТЕФЕРИЧ Следната недела тендер, санацијата треба да заврши пред зимата appeared first on plusinfo.mk.

Поранешниот емир на Катар, шеикот Хамад бин Калифа ал-Тани, почина на 74-годишна возраст, соопшти официјалната служба „Амири Диван“. Хамад владееше со Катар од 1995 до 2013 година, кога доброволно му ја предаде власта на својот син, сегашниот емир Тамим бин Хамад ал-Тани.

За време на неговото 18-годишно владеење, Катар се трансформираше во една од најбогатите држави во светот благодарение на огромните резерви на природен гас и стана сè повлијателен фактор во меѓународната политика.

Шеикот Хамад дипломирал на британската воена академија „Сандхерст“, бил командант на катарските вооружени сили и министер за одбрана, пред да биде именуван за престолонаследник кон крајот на 1970-тите.

Исто така, во негово време Катар ја основа телевизиската мрежа Ал Џезира и ја купи лондонската стоковна куќа Хародс.

„Тој помогна во донесувањето огромни економски, социјални и културни промени во Катар“, се наведува во соопштението на катарските власти.

Катар прогласи четиридневна национална жалост. Знамињата ќе бидат спуштени на половина копје, а работата на министерствата, владините агенции и јавните институции ќе биде прекината до 19 јули.

The post ПОЧИНА ЧОВЕКОТ ШТО ГО ПРЕТВОРИ КАТАР ВО ГЛОБАЛНА СИЛА Некогашниот емир Ал-Тани беше архитект на eкономскиот бум appeared first on plusinfo.mk.

Времето утре, 10 јули, ќе биде сончево со мала до умерена облачност. Во попладневните часови наместа ќе има услови за појава на нестабилност со пороен дожд и грмежи.

Ќе дува умерен, повремено засилен ветер од северен правец, кој долж Повардарието ќе достигнува брзина до 40 km/h. Максималната температура ќе биде во интервал од 26 до 34 степени.

Во Скопје ќе биде сончево со мала до умерена облачност. Ќе дува слаб до умерен ветер од северозападен правец.

Во петок и во сабота времето ќе биде сончево и топло со мала до умерена облачност со слаб до умерен ветер од променлив правец. Во недела ќе има услови за нестабилност со пороен дожд и грмежи.

Ќе дува умерен до засилен ветер претежно од северозападен правец. Од понеделник следува период на претежно стабилно и топло време.

The post ПОРОЕН ДОЖД, ПА ЖЕШТИНИ ДО 34 СТЕПЕНИ Времето до крајот на седмицата ќе биде стабилно со мали изненадувања appeared first on plusinfo.mk.

Обвинителството во завршните зборови за предметот во кој е обвинета поранешната претседателка на Државната комисија за спречување на корупцијата (ДКСК) Татјана Димитровска, побара Судот како отежнителна околност да ја цени нејзината функција во времето на извршување на делата, оценувајќи дека во текот на постапката биле докажани и двете кривични дела што ѝ се ставаат на товар. По изнесувањето на завршните зборови, Судот ја закажа објавата на пресудата за 14 јули годинава во 13 часот.

Обвинителката Наташа Поп Трајкова денеска изјави дека обвинетата ги сторила делата како претседател на институција чија основна задача е заштита на јавниот интерес и спречување на корупцијата.

– Обвинителството смета дека ги докажа и двете кривични дела сторени од страна на обвинетата. Како отежнителна околност е тоа што истата овие дела ги сторила како претседател на Државната комисија за спречување на корупцијата – истакна Поп Трајкова.

Во однос на обвинението за компјутерски фалсификат поврзано со добивањето безбедносен сертификат, обвинителката посочи дека ваквото постапување претставува закана за системот на издавање сертификати за пристап до класифицирани информации.

– Обвинителството смета дека со ваквото постапување се нарушува целиот систем на добивање безбедносни сертификати, особено имајќи ја предвид сензитивноста на класифицираните информации, како и фактот дека државата е членка на НАТО и институцијата што ги издава сертификатите мора да постапува согласно правилата и начелата што ги воспоставува НАТО- рече Поп Трајкова.

Одговарајќи на новинарско прашање зошто Обвинителството смета дека делата биле сторени со умисла, таа нагласи дека особено за делото одавање службена тајна умислата произлегува од материјалните и вербалните докази изведени во текот на судскиот процес.

Според неа, од екстрахираните пораки презентирани како доказ произлегува дека обвинетата била свесна за доверливоста на информациите што ги споделувала со Небојша Стојановиќ.

– Особено индикативни се неколку пораки во кои таа му наведува „Ова е доверливо и не го споделувај со никој“. Изведовме и пораки во кои обвинетата знае и е свесна дека овие податоци претставуваат службена тајна. Свесноста и умислата произлегуваат и од формата во која податоците биле доставени – рече обвинителката.

Таа додаде дека во текот на постапката било утврдено оти податоците не биле јавно достапни во формата во која биле споделувани.

– Се наметнува прашањето зошто Небојша Стојановиќ би ги барал овие информации од тогашниот претседател на ДКСК ако тие биле јавни. Ако биле јавни, секој, па и тој самиот, би можел да дојде до нив – посочи Поп Трајкова.

Одбраната, пак, оцени дека во завршните зборови на Обвинителството не биле презентирани аргументи што би го поткрепиле постоењето на кривичните дела за кои се гони обвинетата.

Адвокатот Владимир Туфегџиќ по денешното рочиште изјави дека завршниот збор на јавниот обвинител повеќе се темелел на етички отколку на кривично-правни аспекти на случајот.

– Денеска го слушнавме завршниот збор на јавниот обвинител. Слушнавме повеќе или помалку едно театрално излагање кое ја допре суштината, а суштината беше анализа на етичките правила и етичкиот кодекс. Не беше понудено ништо што во законска смисла значи припишување инкриминација и постоење на кривичните дела за кои е обвинет мојот клиент – истакна Туфегџиќ.

Тој додаде дека очекува Судот да донесе, како што рече, праведна и правилна одлука.

– Сметам дека Судот ќе донесе праведна одлука, правилна одлука, за нас ослободителна пресуда секако, и тоа го очекуваме во терминот кога е закажано изрекувањето на пресудата – рече Туфегџиќ.

Бранителот на обвинетиот Миле Столевски, пак, оцени дека Обвинителството не успеало да го докаже кривичното дело компјутерски фалсификат што му се става на товар на неговиот клиент.

Образложувајќи ја споредбата што ја направи во завршниот збор со користење платежни картички и внесување туѓи податоци, адвокатот посочи дека целта била на сликовит начин да ја доближи правната проблематика до секојдневниот живот.

– Таква е споредбата затоа што наоѓа аналогија во секојдневниот живот. Поентата на секое законско регулирање на која било материја е не да го отежни, туку да го олесни животот на граѓаните и да го стави во одредени рамки и ред. Обвинителството направи обид дејствијата на обвинетиот да ги подведе под кривичното дело компјутерски фалсификат. Токму затоа ги дадов тие примери, бидејќи во спротивно многу наши сограѓани би можеле во иднина да паднат под опфат на тоа кривично дело, иако законот не ги предвидува на таков начин – изјави бранителот на Столевски.

На прашањето дали смета дека Обвинителството не го докажало делото што му се става на товар на Столевски, адвокатот рече дека завршниот збор на Обвинителството бил повеќе насочен кон реторика отколку кон правни аргументи.

– Доколку човек се труди да даде објективна оцена и за самиот завршен збор, би кажал дека за првпат, барем во мојата кариера, Обвинителството го правеше она што вообичаено е задача на одбраната. Денеска Обвинителството најмалку зборуваше за право, а повеќе беше театар во однос на завршниот збор, изјави тој.

Бранителката на обвинетата Билјана Петровска-Мантева, адвокатката Надица Фундукли, во изјава по завршните зборови оцени дека во текот на постапката не бил презентиран ниту еден решителен доказ што надвор од разумно сомневање би ја потврдил вината на нејзината клиентка за кривичното дело одавање службена тајна.

– На денешната главна расправа, а особено преку завршните зборови и на Јавното обвинителство и на одбраната, сметам дека објективно не постои ниту еден решителен доказ на товар на обвинетата дека го сторила кривичното дело одавање службена тајна надвор од разумно сомневање – изјави Фундукли.

Таа нагласи дека Петровска-Мантева не можела да располага со информации кои имаат статус на класифицирани информации согласно законските прописи.

– Обвинетата Билјана не била во состојба да го стори таквиот вид кривично дело, бидејќи не се стекнала со информации кои се класифицирани согласно Законот за класифицирани информации. Посебно, двата документа доставени од МВР и Бирото за јавна безбедност немаат никаков степен на класификација – истакна Фундукли.

Според одбраната, станува збор за документи кои и претходно биле доставувани од АД ЕСМ до неговите подружници, а потоа и до повеќе раководни лица вклучени во подготовка на документација за потребите на постапките пред органите на прогонот.

Поранешната претседателка на ДКСК е обвинета за две кривични дела – одавање службена тајна на поранешниот директор на ТЕЦ „Неготино“, Небојша Стојановиќ, обвинет во предметот „Адитив“, како и за компјутерски фалсификат, односно дека ревизорот Миле Столевски во нејзино име го полагал тестот за добивање безбедносен сертификат за пристап до класифицирани информации.

Покрај неа, во предметот обвинети се и ревизорот Столевски, како и Билјана Петровска-Мантева, која се товари за одавање службена тајна.

The post НА 14 ЈУЛИ ПРЕСУДА ЗА ПРЕДМЕТОТ ПРОТИВ ЕКС-ШЕФИЦАТА НА ДКСК Обвинителката вели дека вината е докажана appeared first on plusinfo.mk.

Шестгодишно дете трагично го загуби животот откако падна од седмиот кат на станбена зграда во Вила Тирадентес, Сао Паоло, Бразил.

Според прелиминарните полициски наоди, мајката го ставила детето близу до отворен прозорец непосредно пред падот. Детето потоа откако се исправило на прозорецот изгубило рамнотежа и паднало.

Екипите за итни случаи веднаш реагирале, но жртвата им подлегнала на повредите.

Властите ги истражуваат околностите околу инцидентот, вклучително и дали станува збор за несреќа или за небрежност.

The post 🎥ВОЗНЕМИРУВАЧКО – ШЕСТГОДИШНО ДЕТЕ ЗАГИНА ПО ПАДНА ОД СЕДМИОТ КАТ Нервозната мајка го седна непосредно до отворен прозорец appeared first on plusinfo.mk.

Гужвите на граничните премини кон Грција го достигнуваат својот врв овој викенд, а најкритична e ситуација е на главниот премин Евзони, каде што колоната возила се приклучи на Македонската страна од границата.

Според информации од луѓе кои чекаат за влез во Грција преку Евзони на преминот се чека околу 2 часа. Ситуацијата е слична и на  Дојран, каде што се потребни околу 100 минути за излез од земјава.

Единствената светла точка за возачите што ја преминаа границата рано утрово е кружниот пат околу Солун. Спротивно на очекувањата и работите што се одвиваат со месеци, сообраќајот утрово се одвива сосема нормално, без застои и поголеми гужви.

Оние, пак, што во Грција влегле ноќеска велат дека  грчките бидејќи грчките граничари не применуваат ригорозни проверки на EES системот (систем за влез/излез) ноќе, што значително го забрзува протокот на сообраќајот.

На возачите кои се подготвуваат за пат им се препорачува да бидат многу внимателни, да имаат подготвено залихи со вода и да ја следат ситуацијата на граничните премини.

The post ХАОС ЗА ВЛЕЗ ВО ГРЦИЈА Колони возила на Евзони, се чека и по 2 часа appeared first on plusinfo.mk.

Неготинец се удавил во Вардар кај неготинско Црвени Брегови, оваа информација денеска ја потврдија за МИА од Територијалната противпожарна единица во Неготино и Секторот за внатрешни работи – Велес.

– Синоќа околу 20 часот во водите на реката Вардар, во неготинско, пронајдено е телото на Ј.К., 66-годишник од Неготино. На 03.07.2026 во 15:55 часот во ОВР – Неготино, Ѓ.К., на возраст од 42 години од Неготино, пријави дека се сомнева дека неговиот татко Ј.К., 66-годишник од Неготино, кој заминал на риболов, паднал во реката Вардар, кај село Црвени Брегови, неготинско, затоа што бил недостапен, а кога тргнал да го бара, дел од опремата за риболов пронашол во реката – појаснија од СВР – Велес.

Веднаш од страна на полициски службеници од ОВР – Неготино, неготинската Територијална противпожарна единица, Дирекцијата за заштита и спасување и други лица биле преземени мерки за пронаоѓање на Ј.К., по што околу 20 часот било пронајдено телото и извлечено од водите на реката Вардар.

Лекар од Итна медицинска помош – Неготино констатирал смрт без траги на насилство и по наредба на јавен обвинител, телото на починатиот било предадено за обдукција.

The post 66-ГОДИШЕН РИБАР СЕ УДАВИ ВО ВАРДАР Трагичен инцидент кај Неготино appeared first on plusinfo.mk.

Во Штип се активни два големи пожари – на тврдината Исар и во селото Чардаклија, каде што се зафатени фотоволтаични системи, јави МИА.

Во моментов сите противпожарни возила, пожарникари и доброволци од ДПД од Штип, како и населението и волонтери, се на терен во населбата Исар, каде што со помош на цистерни со вода, но и лопати и вода од околните куќи, не се дозволува пожарот да дојде до најблиските објекти.

Градоначалникот на Општина Штип, Иван Јорданов, вели дека за среќа нема повредени и нема зафатено куќи во населбата Исар, која е под тврдината Исар.

Според првични информации и искази на очевидци, пожарот избил од искрење од жица на електричен столб.

Јорданов за МИА информира и дека во моментов горат и фотоволтаици во селото Чардаклија, каде што има голема материјална штета.

Стојанче Ангелов вели дека на пожарот на тврдината Исар ќе дејствува и ер трактор.

Забранет за сообраќај е дел од булеварот „Гоце Делчев.

Голем пожар на отворен простор избувна претпладнево во атарот на Општина Пробиштип, при што густ чад се шири во околината и создава сериозни тешкотии во сообраќајот.

Според информациите, чадот формирал димна завеса над регионалниот пат Штип–Пробиштип, поради што видливоста е значително намалена, а возилата се движат бавно.

The post ДВА ГОЛЕМИ ПОЖАРИ АКТИВНИ КРАЈ ШТИП Кај селото Чардаклија горат фотоволтаици!? appeared first on plusinfo.mk.

1. Момент на невнимание во строго обезбедуван владин конвој предизвика необична сообраќајна несреќа во Загреб. Возило од придружбата на хрватскиот премиер Андреј Пленковиќ удрило во автомобилот во кој патувал самиот премиер.

Инцидентот се случил на улицата Савска, непосредно по враќањето на Пленковиќ од седница на Владата.

Судир во владиниот конвој

Хрватската влада потврди дека во несреќата учествувале две возила од заштитениот конвој.

„По враќањето од седницата на Владата од Националниот спортски комплекс, на улицата Савска се случи мала сообраќајна несреќа во која учествуваа две возила од заштитен конвој. Никој не беше повреден. Во несреќата немаше други возила вклучени, ниту пак пешаци беа загрозени“, соопшти Владата на Хрватска.

Според официјалните информации, нема повредени лица и не била предизвикана поголема материјална штета.

x

Сведок го видел моментот

Според порталот „24сата“, возилото од придружбата удрило во автомобилот во кој се наоѓал Пленковиќ.

– Видов дека се случи судир при свртување и сопирање, а потоа Пленковиќ излезе од удрениот автомобил. Несреќата се случи на раскрсницата на Савска цеста и улицата Фаркаша Вукотиновиќ – изјавил очевидец за порталот.

Полицијата извршила увид и работи на утврдување на сите околности на настанот.

4 тони заштита

Во моментот на несреќата, хрватскиот премиер се возел во блиндиран „ауди А8 Л секјурити“, специјално модифицирано возило наменето за превоз на највисоки државни функционери.

Лимузината е опремена со челични заштитни плочи, повеќеслојни непробојни стакла и системи за заштита од експлозии и хемиски напади.

Поради високото ниво на заштита, возилото тежи речиси 4 тони.

The post 📽️ ПЛЕНКОВИЌ ГО ПРЕЖИВЕА НАЈЧУДНИОТ СУДАР Возило од конвојот налета во премиерското „ауди“ appeared first on plusinfo.mk.