Војната во Иран се претвора во златна жила за најголемите енергетски компании во светот. Сите 100 водечки нафтени и гасни компании заработувале повеќе од 30 милиони долари на час во првиот месец од конфликтот, пишува „Гардијан“.

Цената на нафтата скокна на околу 100 долари за барел, што донесе дополнителни 23 милијарди долари профит за само еден месец.

Ако цените останат на истото ниво, компаниите може да заработат до 234 милијарди долари до крајот на 2026 година.

Најголем добитник е саудискиот гигант „Арамко“, со потенцијален профит од 25,5 милијарди долари.

Руските компании, како „Газпром“, „Роснефт“ и „Лукоил“, исто така се меѓу најголемите корисници.

Многу држави веќе ги намалија даноците за гориво за да го ублажат ударот, што значи помалку пари за јавни услуги, пишува „Гардијан“.

Расте притисокот за воведување даноци на неочекуваните профити. Европската комисија разгледува иницијатива компаниите да го поделат товарот со граѓаните. Целта е да се финансира олеснување за потрошувачите и да се ублажи инфлацијата.

Кризата повторно ја отвори дебатата за зависноста од фосилни горива. Експертите предупредуваат дека ваквите конфликти покажуваат колку е кревка енергетската безбедност.

Обновливите извори се посочуваат како алтернатива што може да ги заштити економиите од вакви шокови.

The post 30 МИЛИОНИ НА ЧАС, 234 МИЛИЈАРДИ ДО НОВА ГОДИНА Војната во Иран ги полни касите на нафтените гиганти appeared first on plusinfo.mk.

The post КАДЕ ИЗЧЕЗНА СИЈАРТО? Едни го виделе во авион што летал кон Африка, други затворен во својата канцеларија appeared first on plusinfo.mk.

Студиото на Телевизија Курир се претвори во арена за вербален дуел, откако црногорската секси политичарка Мирјана Пајковиќ и Војислав Шешељ влегоа во жестока расправија која брзо излезе од контрола.

Наместо класична политичка дебата, гледачите добија сцена што повеќе наликуваше на естраден конфликт отколку на аргументиран разговор.

Искрата ја запали Пајковиќ, која директно го нападна Шешељ за неговата политичка реторика, обвинувајќи го дека со години ја труе јавноста со провокации и си радикални ставови. Таа отворено му порача дека неговите настапи се „пример како не треба да изгледа политичар во 21 век“.

Шешељ не остана должен – возврати дека таа „нема кредибилитет да му држи лекции“, нарекувајќи ја „медиумски производ“ и „провокатор кој живее од скандали“.

Разговорот за неколку минути се претвори во хаос. Двајцата постојано се прекинуваа, зборуваа еден преку друг и си дофрлаа реплики без ред. Во еден момент, Шешељ ја обвини дека намерно го прекинува за да го дискредитира, додека Пајковиќ му возврати дека тој „бега од суштината“ и дека неговата политика одамна е надмината.

Најжестокиот момент дојде кога расправијата премина на личен терен. Шешељ ја доведе во прашање нејзината професионалност, а таа возврати со директни критики за неговото политичко минато и јавни настапи.

Атмосферата во студиото стана толку напната што водителот неколкупати се обиде да ги смири, но без успех – ниту еден не беше подготвен да попушти.

Сцените од емисијата експресно се проширија на социјалните мрежи, каде што предизвикаа лавина реакции. Дел од јавноста го оцени настапот како „срам за телевизија“, додека други го гледаа како уште еден доказ дека политиката во регионот сè повеќе се претвора во шоу.

 

View this post on Instagram

 

A post shared by Kurir.rs (@kurir.rs)

Мирјана Пајковиќ во јавноста е позната не само по своите медиумски настапи, туку и по серија контроверзии што ја претворија во еден од најекспонираните естрадно-политички ликови. Нејзиното име силно одекна по објавувањето на спорни експлицитни снимки кои се проширија на социјалните мрежи и предизвикаа лавина реакции, а таа самиот случај го претстави како обид за дискредитација. Дополнително го засили вниманието кога најави формирање на политичка партија со провокативната кратенка СЕКС, објаснувајќи дека станува збор за симболичен и маркетиншки потег со кој сака да привлече внимание кон, како што тврдеше, „нов тип на политичка комуникација“.

Војислав Шешељ е долгогодишен српски политичар и лидер на Српската радикална партија, познат по својата остра националистичка реторика и контроверзни јавни настапи. Тој беше обвинет и суден пред Хашкиот трибунал за воени злосторства, каде помина повеќе од една деценија во притвор, по што се врати во Србија и продолжи со активна политичка и медиумска кариера, често предизвикувајќи реакции со провокативни изјави.

The post 📽️ СЕКСИ ПОЛИТИЧАРКАТА ПАЈКОВИЌ НА КУРИР ТВ Прекини, навреди и хаос appeared first on plusinfo.mk.

Недела, 12 април, е ден кога во Унгарија се одржуваат парламентарни избори, кои треба да одлучат дали Виктор Орбан и владејачката партија Фидес ќе го задржат кормилото, или предизвикувачот Петер Маѓар и опозициската партија Тиса ќе направат пресврт.

Предизборната атмосфера во Унгарија е неизвесна и напната. Анкетите не само што не даваат јасен победник, туку покажуваат речиси две паралелни реалности – дел од истражувањата укажуваат на убедлива предност на опозициската партија Тиса на Маѓар, додека други му даваат значајна шанса на владејачкиот Фидес на Орбан.

Прагот за триумф е 133 пратенички мандати

Најсилниот сигнал за можно пресвртување на политичката сцена доаѓа од агенцијата Medián, која важи за една од најпрецизните во Унгарија. Во нивната најнова анкета, Тиса има дури 58% поддршка меѓу определените гласачи, наспроти 33% за Фидес. Според проекциите базирани на повеќе истражувања, ова би можело да значи и 138–142 пратенички места, што е над прагот од 133 места потребни за двотретинско мнозинство .

И други независни агенции покажуваат сличен тренд, но со помала разлика. Истражувањето на 21 Kutatóközpont дава 56% за Тиса и 37% за Фидес меѓу определените гласачи, додека Závecz Research бележи предност од 51% наспроти 38%. Во поширок спектар анкети од март и април, Тиса се движи во распон од 49% до 58%, а Фидес од 35% до 40%

Дали анкетите се исполитизирани?

Сепак, паралелно постои сосема поинаква слика во анкетите на институти блиски до власта, како Századvég, Nézőpont или Társadalomkutató. Тие го позиционираат Фидес околу 50% поддршка, додека Тиса се движи околу 40%, што сугерира многу потесна трка . Токму оваа драстична разлика меѓу „независни“ и „про-владини“ истражувачи е еден од најголемите феномени на овие избори.

Дополнителен фактор е високото ниво на неопределени гласачи – во некои анкети и до 20% до 26%, што остава простор за нагли промени во последните денови . Тоа значи дека и релативно мала мобилизација на една страна може да има значајно влијание врз конечниот резултат.

Четири сценарија за поделба на власта

Клучниот момент, сепак, не е само кој ќе победи – туку со какво мнозинство. За вистинска политичка трансформација, особено за измени на уставот и на институционалните правила, потребно е двотретинско мнозинство во парламентот (минимум 133 од 199 пратеници). Без тоа, секоја нова влада би имала ограничен маневарски простор.

Оттука, аналитичарите издвојуваат четири главни сценарија. Првото е двотретинска победа на Тиса, што би ѝ овозможило да спроведе длабоки институционални промени и да отвори нова фаза во односите со Европската унија. Ова сценарио се темели главно на анкетите на Medián и дел од независните агенции.

Второто сценарио е победа на Тиса без двотретинско мнозинство. Во тој случај, новата власт би се соочила со сериозни ограничувања, бидејќи многу закони и институционални механизми би останале под влијание на постојниот систем.

Третото сценарио е задржување на власта од страна на Фидес, што е можно ако се покажат поточни анкетите на провладините институти или ако изборниот систем, преку распределба по изборни единици, му оди во прилог на владејачкиот блок.

Што ако разликата биде тесна?

Четвртото сценарио е тесен и спорен резултат, во кој разликата во гласови и мандати би можела да предизвика политички тензии и долги преговори, особено ако помалите партии станат „јазиче на вагата“.

Она што е јасно е дека овие избори не се класична трка меѓу две партии, туку тест за тоа дали една страна може да обезбеди доволно силен мандат за суштински промени. Токму затоа, разликата меѓу „обична победа“ и „двотретинска победа“ е суштинска – и може да биде поважна од самото прашање кој ќе освои повеќе гласови.

The post ЌЕ ИМА ЛИ ПРЕСВРТ НА ИЗБОРИТЕ ВО УНГАРИЈА? Без победа со двотретинско мнозинство нема промени appeared first on plusinfo.mk.

Загреб стана првиот град во Европа каде што започна да функционира комерцијална услуга со роботакси, отворајќи ново поглавје во историјстс на урбаната мобилност.

Услугата ја развива компанијата Verne, поврзана со Мате Римац, а засега може да ја користат само граѓани кои претходно се пријавиле на листа на чекање.

Иако возилата се управуваат со вештачка интелигенција, во нив сè уште има оператор – човек зад воланот кој го надгледува возењето. Причината е регулативата во Европската Унија, која не дозволува целосно автономно возење без човечки надзор.

Во првата фаза, роботаксито сообраќа во поширокиот центар на градот и кон аеродромот, а цената на возењето е промотивна – околу 2 евра.

Проектот веќе го позиционира Загреб рамо до рамо со градови како Лос Анџелес или неколку кинески метрополи, каде вакви услуги веќе постојат. Технологијата се базира на напредни автономни системи, развиени во соработка со компании како Pony.ai и Uber, а планот е услугата во иднина да се прошири и во други европски градови.

Сепак, не сите се воодушевени. Дел од експертите предупредуваат дека брзото воведување на ваква технологија носи ризици, особено кога станува збор за одговорност во случај на несреќи. „Другите држави не беа толку ‘глупи’ или бавни – туку внимателни“, оценуваат критичарите, укажувајќи дека правните и безбедносните прашања сè уште не се целосно решени.

И покрај скепсата, роботаксито веќе е реалност на улиците на Загреб. Засега со човек во кабината, но со јасна амбиција – во блиска иднина возилата да станат целосно автономни и да го променат начинот на кој се движиме низ градовите.

The post ВО ЗАГРЕБ ВОЗИ ПРВИОТ ЕВРОПСКИ РОБОТАКСИ Зад проектот стои кој друг ако не – Мате Римац! appeared first on plusinfo.mk.

Милано, финансискиот мотор на Италија, сè поотворено се позиционира како европска алтернатива на Дубаи во трката за супербогатите. Но, за разлика од блискоисточниот модел на нула даноци, италијанскиот пристап е поинаков – и, според многумина, попривлечен за оние што бараат стабилност, а не само профит.

Привлечен даночен режим за странци

Клучниот адут е специјалниот даночен режим за странци, воведен во 2017 година со фиксен износ од 100.000 евра за приходи остварени надвор од Италија. Но, оваа бројка веќе е историја. Денес, за новите доселеници, данокот достигнува 300.000 евра годишно, додека за членовите на семејството се плаќа дополнителен паушал. И покрај зголемувањето, интересот не опаѓа – напротив.

Според анализи на лондонски Гардијан, токму оваа комбинација од предвидлив данок и европска правна сигурност е клучната причина поради која богатите го избираат Милано наместо Дубаи. За многумина, плаќањето 300.000 евра е прифатлива цена за пристап до европскиот пазар и стабилен правен систем.

Бројките го потврдуваат трендот. Во последните години, Италија бележи значителен прилив на милионери и милијардери, особено од Велика Британија по Брегзит. Дел од нив се селат поради зголемените даноци дома, но и поради неизвесноста во британскиот економски модел.

Милано нуди нешто повеќе

Милано нуди нешто што Дубаи тешко може да го реплицира – историска и културна тежина. Градот е светски центар на модата, дом на брендови како „Армани“, „Версаче“ и „Прада“, и место каде што се креираат глобалните трендови. Истовремено, неговата локација е стратешка – на дофат се Швајцарија, Алпите и Азурниот брег, што му дава дополнителна вредност за богатите семејства.

Но, овој бум има и своја темна страна. Пазарот на недвижности во Милано експлодира – во престижните делови цените пораснаа и за повеќе од 20% во краток период. За локалното население, особено средната класа, центарот на градот станува сè понедостапен.

Социјалните разлики се продлабочуваат

Критичарите предупредуваат дека Милано ризикува да стане „европски Дубаи“ – град во кој богатството диктира сè, а социјалните разлики се продлабочуваат. Ова веќе е дел од политичката и јавната дебата во Италија.

Од друга страна, поддржувачите на политиката велат дека приливот на богат капитал носи конкретни бенефити – инвестиции, нови работни места и оживување на економијата. За Италија, која долго време се бори со слаб раст, ова е шанса што тешко се игнорира.

Трката веќе е почната

Во суштина, Милано нуди порафиниран модел од Дубаи – не нула даноци, туку предвидливи правила, институции и квалитет на живот. Прашањето е дали овој баланс може да се одржи.

Трката веќе е почната. Милано не станува Дубаи – туку се обидува да биде негова европска верзија. Но, дали ќе ја задржи својата душа додека ги привлекува најбогатите во светот, останува отворено прашање.

The post МИЛАНО ГО ПРЕДИЗВИКУВА ДУБАИ Данок од 300.000 евра за супербогатите – Европа нуди нов модел на луксуз appeared first on plusinfo.mk.

Четворицата астронаути на мисијата „Артемис 2“ стигнаа до сферата на гравитационо влијание на Месечината, што е точката кога гравитацијата на Месечината има посилен ефект врз вселенското летало „Орион“ отколку Земјата, соопшти денеска НАСА, пренесува ДПА.

Американските астронаути Виктор Гловер, Кристина Кох и Рид Вајзман и канадскиот астронаут Џереми Хансен – се првите луѓе по повеќе од 50 години што патуваат на Месечината.

Астронаутите полетаа во среда вечерта на капсулата „Орион“ на ракетата „Space Launch System“ од космодромот „Кејп Канаверал“ во американската држава Флорида. Околу 24 часа подоцна, тие ја напуштија Земјината орбита користејќи специјален маневар.

Екипажот сега треба да лета околу Месечината и во петок се очекува да се спушти во морето назад на Земјата. Целокупната патека на летот на „Артемис 2“ наликува на бројка осум околу Земјата и Месечината.

Во следните неколку часа, се очекува вселенското летало да се приближи најблиску до Месечината. Оттаму, астронаутите ќе можат да ја видат Земјата и Месечината истовремено, па дури да го видат и затемнувањето на сонцето во кое Сонцето исчезнува зад Месечината од перспектива на Орион.

Тие исто така би можеле да патуваат подалеку од Земјата од кој било човек досега. Сегашниот рекорд го постави екипажот на мисијата „Аполо 13“ во 1970 година на околу 400.171 километри, потсетува ДПА.

The post „АРТЕМИС 2“ СТИГНА ДО СФЕРАТА НА ГРАВИТАЦИСКО ВЛИЈАНИЕ НА МЕСЕЧИНАТА Наскоро ќе ѝ се приближи на најмало растојание appeared first on plusinfo.mk.

Вашингтон се соочува со сериозни внатрешни потреси, откако во врвот на американската администрација се отвори нов фронт – овојпат меѓу луѓето на претседателот Доналд Трамп. Според информации од извори блиски до Белата куќа, атмосферата е напната, а се подготвуваат нови смени кои би можеле дополнително да ја разнишаат администрацијата.

Во центарот на вниманието е министерот за одбрана Пит Хегсет, за кого дел од соработниците тврдат дека станал длабоко недоверлив кон сопствениот тим. Неговото однесување, според тие извори, се граничи со параноја – особено во однос на високите воени структури и луѓето во Пентагон.

Во последните недели, неколку високи офицери биле отстранети или маргинализирани, без јасни образложенија. Овие потези се толкуваат како обид на Хегсет да воспостави цврста контрола врз воениот врв, но истовремено предизвикуваат сериозно незадоволство и отпор.

Нервозата не се задржува само во Пентагон. Дел од советниците во Белата куќа веќе отворено предупредуваат дека ситуацијата излегува од контрола. Трамп, кој е под притисок поради надворешно-политичките предизвици и домашната сцена, наводно сериозно размислува за нови кадровски резови.

Дополнителен проблем е што претседателот добива филтрирани информации. Некои од неговите најблиски соработници, според извори, му презентираат „разубавена“ слика за реалната состојба – што создава опасен јаз меѓу вистинската ситуација и одлуките што се носат на врвот.

Шпекулациите се засилија по дмената на Пам Бонди, по засилените критики за нејзиното управување со Министерството за правда и обвинувања дека политички влијаела врз чувствителни истраги.

Во ваква клима на недоверба, внатрешни конфликти и политички калкулации, Белата куќа влегува во период на неизвесност. Прашањето е дали најавените смени ќе донесат стабилизација – или ќе отворат нов круг на турбуленции во американската власт.

The post ХАОС ВО БЕЛАТА КУЌА Кој ќе биде следниот на кого Трамп ќе му каже „отпуштен си”? appeared first on plusinfo.mk.

Голема политичка афера ја потресе Италија откако бившата манекенка Клаудија Конте јавно призна дека била во љубовна врска со министерот за внатрешни работи Матео Пиантедоси.

-Да, вистина е. Јас сум љубовница на министерот- изјавила таа, ставајќи крај на шпекулациите кои со денови ја брануваа италијанската јавност.

Според нејзините тврдења, врската не била краткотрајна, туку се одвивала во подолг период, со чести средби и заеднички патувања. Таа открива дека била во постојан контакт со Пиантедоси, а нивниот однос, како што вели, бил „интензивен и близок“, што дополнително ја зголемува тежината на скандалот.

Контроверзијата се продлабочува со наводите дека Конте, сега новинарка, се појавувала и на настани поврзани со работата на министерството, иако немала никаква официјална функција. Дел од медиумите тврдат дека имала пристап до кругови блиски до власта, што отвора прашања дали приватната врска се преклопувала со службени активности.

Министерот Матео Пиантедоси засега не дава детални коментари за наводите, ниту ги потврдува јавно изнесените тврдења. Од владата на Џорџа Мелони повикуваат на воздржаност, но притисокот расте, а опозицијата веќе бара целосно расчистување на случајот.

Аферата избувна во чувствителен политички момент и секој нов детаљ дополнително ја подгрева кризата во Рим. Италијанската јавност внимателно ги следи развојот на настаните, додека медиумите најавуваат дека оваа приказна допрва ќе добива нови, потенцијално уште поконтроверзни продолженија.

The post „ДА, ЈАС СУМ ЉУБОВНИЦА НА МИНИСТЕРОТ“ Афера на новинарка и поранешна манекенка ја тресе владата на Мелони appeared first on plusinfo.mk.

Поранешната директорка на Дирекцијата за промоција и заштита на човековите права и слободи при Министерството за човекови и малцински права Мирјана Пајковиќ, која беше гостинка кај Огњен Амиџиќ, откри дека основа своја партија.

– Јас сум политичар и почнав да основам своја партија, таа ќе се вика „Партија на европскиот чекор на слободата“, скратено „Секс“. Дефинитивно ќе влезам во парламентот – рече Мирјана Пајковиќ.

 

View this post on Instagram

 

A post shared by Informer.rs (@informernovine)

Мирјана откри едно барање што го добила на веб-страница за возрасни каде што неодамна отворила профил.

– Ме замолија да ја чистам куќата две минути, не беше услов да бидам гола. Некој сакаше да ме види како ја чистам куќата за 300 долари. Сè друго од моја гледна точка не е чудно, сè е во границите на нормалноста. Тие сакаат налог за плаќање – рече Мирјана.

За потсетување, Мирјана Пајковиќ потврди за порталот РТЦГ дека е казнета со 1.000 евра, заедно со четиримесечна забрана за управување со возило од категорија Б, бидејќи возела со брзина од 202 километри на час на автопат.

– Полицијата демонстрираше ароганција и сила затоа што ми го одзеде автомобилот на проверка, што ја изврши криминалистичката полиција. Покрај тоа, ми беше одземен телефонот. Не го разбирам таквото однесување на полицијата. Особено е чудно што тестирањето за алкохол и дрога е извршено во полициската станица, а не додека возев, што судијата го забележа во забелешки. Исто така, не знам зошто се поставуваат сензационалистички објави на официјалната полициска сметка на мрежата X – рече Пајковиќ.

ЦРНОГОРСКАТА СЕКСИ-ПОЛИТИЧАРКА БРЗАЛА НА ФРИЗЕР И ВОЗЕЛА 200 НА ЧАС „Невина сум“, тврди Мирјана Пајковиќ

The post 📽️ „ЌЕ ОСНОВАМ МОЈА ПАРТИЈА, ЌЕ СЕ ВИКА СЕКС“ Мирјана Пајковиќ признава што побарале од неа на веб-страница за возрасни appeared first on plusinfo.mk.