Македонија2025 објавува нов повик за учество во Битов програмата за претприемачи, наменета за македонски мали и средни компании кои сакаат да добијат бесплатна експертска поддршка, да го унапредат своето работење и да ги искористат можностите за понатамошен раст и развој.

Преку програмата, избраните компании добиваат можност да соработуваат со искусни канадски консултанти кои имаат долгогодишно меѓународно и менаџерско искуство. Консултантите работат директно со компаниите во период од две до четири недели, обезбедувајќи практични препораки и поддршка во области како стратегија за раст, подобрување на бизнис процесите, продажба и маркетинг, развој на нови пазари, финансиско управување и организациски развој.

Битов програмата за претприемачи се реализира со поддршка од семејството Битов и во партнерство со Catalyste+, канадска организација со повеќе од 50 години искуство во развој на приватниот сектор.

Програмата е наменета за мали и средни компании кои постојат најмалку три години, имаат македонски сопственик и управител, стабилна финансиска состојба и капацитет да ги применат препораките од консултантите.

Компаниите треба да имаат и лице со добро познавање на англиски јазик, кое директно ќе соработува со консултантот.

Предност ќе имаат компании со извозна ориентација, иновативни производи или услуги и потенцијал за раст.

Македонија2025 ги покрива трошоците за ангажманот на консултантите и нивното меѓународно патување до Македонија, додека компаниите учесници обезбедуваат сместување, оброци и локален транспорт, доколку е потребен.

Детални информации за критериумите и начинот на аплицирање на повикот се достапни на следниот ЛИНК.

Краен рок за аплицирање: 11.12.2026 година.

The post ПОВИК НА КОМПАНИИ Бесплатна експертска поддршка од канадски консултанти преку Битов програмата за претприемачи appeared first on plusinfo.mk.

Превенцијата, едукацијата и стручната поддршка се темелите на долгорочната посветеност на Државна Видеолотарија на Македонија Касинос Австрија за намалување на ризиците од проблематично играње игри на среќа.

Одговорното играње не започнува тогаш кога ќе се појави проблем. Тоа започнува многу порано, со информираноста, разбирањето на ризиците, развивањето свесност и навременото препознавање на предупредувачките знаци.

Државна Видеолотарија на Македонија Касинос Австрија преку иницијативата „Играј одговорно“, гради континуиран пристап кон превенцијата, едукацијата и психо-социјалната поддршка. Целта е да се поттикне одговорно однесување, но и да се обезбеди пристап до стручна помош за лицата кои се соочуваат со предизвици поврзани со играњето игри на среќа.

Од 2019 година, иницијативата се развива како долгорочна програма за советување, превенција и поддршка, насочена не само кон поединците туку и кон нивните семејства. Преку мрежата на советувалишта во Скопје, Куманово, Прилеп и во Радовиш, стручната помош станува подостапна за граѓаните во различни делови од земјата. Со отворањето на советувалиштето во Радовиш во април годинава, мрежата доби уште една точка за поддршка и дополнително го прошири својот опфат.

Овој пристап се темели на ставот дека одговорното приредување игри на среќа подразбира многу повеќе од почитување на законските обврски и меѓународните стандарди. Тоа подразбира активна грижа, вложување во превентивни механизми, континуирана едукација и создавање услови за навремена стручна интервенција.

За Државна Видеолотарија на Македонија Касинос Австрија, општествената одговорност е составен дел од работењето. Преку „Играј одговорно“, компанијата ја потврдува својата определба за градење култура на информираност и свесност, во која препознавањето на ризиците и навременото барање помош се важен дел од одговорното однесување

The post СИСТЕМСКИ ПРИСТАП КОН ОДГОВОРНО ИГРАЊЕ ИГРИ НА СРЕЌА Видеолотарија Касинос Австрија едуцира за ризиците appeared first on plusinfo.mk.

Што да провериш на 25, а што на 50? Возраста го насочува разговорот со матичниот лекар, а за планот се важни и семејната историја, навиките, претходните резултати и промените што ги забележуваш. По повод Movember, dm drogerie markt го отвора разговорот за машкото здравје со ноемвриски активности под пораката „Чувај го она што е важно“. Во текот на месецот, dm објавува едукативни содржини, соработува со стручни лица и инфлуенсери и организира активности во теретани.

Во 20-тите почни со мерење на крвниот притисок. Прашај го матичниот лекар кога да го провериш холестеролот и дали си ги примил препорачаните вакцини. На преглед има место и за прашања за сексуалното здравје, заштитата и тоа дали ти е потребно тестирање за сексуално преносливи инфекции.

Во 30-тите погледни како ти минува обичен работен ден. Колку време седиш, а колку се движиш? На преглед кажи дали пушиш и дали во последно време ти се променила тежината. Спомни и дали во семејството има дијабетес или срцеви заболувања. Тоа му помага на лекарот да процени дали и кога да го провериш шеќерот во крвта.

Во 40-тите однеси ги претходните резултати за холестеролот и шеќерот. Ако го мериш притисокот дома, запиши ги вредностите и покажи му ги на лекарот. Заедно разгледајте што се сменило од последниот преглед и кои проверки треба да ги повториш.

Во овој период можеш да прашаш и кога е соодветно да почнеш со скрининг за рак на дебелото црево. Тест на столица и колоноскопија се дел од можностите. Матичниот лекар може да ти објасни кои проверки се достапни и дали семејната историја влијае врз тоа кога да почнеш.

Во 50-тите разговарај и за здравјето на простатата. ПСА-тестот е крвна анализа што може да биде дел од проценката. Прашај дали тестот е соодветен за тебе, што се проверува и како ќе го разгледате резултатот. Ако во семејството имало рак на простата, спомни го тоа и порано.

Движењето може да го вклопиш и во обичен работен ден, со брзо одење до работа или прошетка по ручек. На која било возраст, спомни му на лекарот ако подолго време спиеш лошо, чувствуваш напнатост или забележуваш промени во расположението. Кажи од кога траат и како ти влијаат врз секојдневието.

Со пораката „Чувај го она што е важно“, dm ги охрабрува мажите да одвојуваат време за здравјето и по ноември. На следната посета договори со матичниот лекар што да провериш сега, што да следиш во меѓувреме и кога да дојдеш повторно.

The post ГОДИНИТЕ СЕ МЕНУВААТ, А НАВИКИТЕ? Едукација од dm како секој маж да се грижи за себе во секоја деценија appeared first on plusinfo.mk.

Фондацијата „Атанас Близнакоф“ ја пречекува новата генерација стипендисти во рамки на програмата „Атанас Близнакоф“ стипендии за студентска извонредност, која ја спроведува Македонија2025. Оваа година 52 студенти од прва година на Универзитетот „Св. Кирил и Методиј“ во Скопје добиваат финансиска поддршка за своето високо образование. Тие се приклучуваат кон заедницата млади таленти што се издвојуваат со академски успех, посветеност и потенцијал.

Фондацијата е основана во 1977 година од Атанас и Славка Близнакоф, а програмата се темели на нивното филантропско наследство. Од 2021 година Македонија2025 е партнер на Фондацијата и ја спроведува стипендиската програма во Македонија. Таа го организира годишниот отворен повик и обезбедува континуирана поддршка за стипендистите.

770 стипендии и инвестиција од 1.925.000 американски долари

Од 2021 година до денес, Фондацијата има обезбедено 770 годишни стипендии во вкупна вредност од 1.925.000 американски долари. Во академската 2026/2027 година таа истовремено поддржува пет генерации стипендисти, со вкупно 151 стипендија во вредност од 377.500 американски долари. Ова е најголемиот број активни стипендии во една година од почетокот на програмата.

Повеќе од финансиска поддршка: долгорочна посветеност кон младите таленти

Програмата „Атанас Близнакоф“ стипендии за студентска извонредност се темели на уверувањето дека образованието е една од најзначајните инвестиции во долгорочниот развој на општеството. Особен приоритет при доделувањето на стипендиите имаат студентите од социјално ранливи семејства, за финансиските ограничувања да не бидат пречка за нивното образование.

Стипендија плус менторство за развој на практични вештини

Покрај финансиската поддршка, стипендистите добиваат можности за менторство, развој на практични вештини и професионално вмрежување преку активностите на Македонија2025. Тие стануваат дел и од заедницата на сегашни и поранешни стипендисти, која поттикнува меѓусебна поддршка и долгорочна соработка. Така влијанието на програмата продолжува и по завршувањето на студиите.

-Особено сме горди што нашата поддршка продолжува да расте и што оваа година достигнуваме рекорден број активни стипендии. Веруваме дека финансиската состојба не треба да го определува образовниот и професионалниот пат на еден млад човек. Нашата цел е младите да веруваат во сопствениот потенцијал и еден ден и самите да создаваат можности за следните генерации – истакнуваат од Фондацијата „Атанас Близнакоф“.

Македонија2025 изразува искрена благодарност до Фондацијата „Атанас Близнакоф“ за довербата и континуираната посветеност на младите таленти во Македонија. На сите 52 нови стипендисти им упатуваме искрени честитки и им посакуваме успешни студии.

Повеќе информации за новата генерација стипендисти, како и целосната листа на добитници, се достапни достапни на веб-страницата на Македонија2025.

The post 770 СТИПЕНДИИ И РЕЧИСИ 2 МИЛИОНА ДОЛАРИ ПОДДРШКА Фондацијата „Атанас Близнакоф“ продолжува да инвестира во иднината на младите во Македонија appeared first on plusinfo.mk.

Среќните ВЛТ приказни продолжија и во октомври. Видеолотарија Касинос Австрија, во периодот од 1 до 31 октомври 2026 година, исплати вкупно 62.897.070 денари за џекпот добивки освоени на ВЛТ терминалите низ земјава.

Месецот играчите се радуваа на повеќе добивки, а вкупната исплата надмина еден милион евра. По категории, освоени и исплатени беа:

4 СУПЕР МИЛИОНЕР џекпот добивки, исплатени вкупно 28.214.343 денари;

18 МИЛИОНЕР џекпот добивки, исплатени вкупно 27.102.727 денари;

МИНИ џекпот добивки, вкупно 7.580.000 денари

Видеолотарија Касинос Австрија повеќе од една деценија работи во согласност со важечките законски регулативи и меѓународните стандарди, со посветеност на одговорното приредување игри на среќа.

The post ВИДЕОЛОТАРИЈА КАСИНОС АВСТРИЈА ИСПЛАТИ ПОВЕЌЕ ОД МИЛИОН ЕВРА ЗА ВЛТ ЏЕКПОТ ДОБИВКИ ВО ОКТОМВРИ appeared first on plusinfo.mk.

Инстант лозот „Макси златна рипка“, на Државна лотарија, на играчите им нуди можност да освојат вредни парични добивки, меѓу кои и 10 премии од по 1.000.000 денари. Овој инстант лоз нуди интересна игра и богат фонд на добивки, што ја зголемува возбудата кај сите љубители на инстант лозовите.

„Макси златна рипка“ има атрактивен фонд на добивки, со вклучени 15 добивки од по 500.000 денари, како и 15 добивки од по 100.000 денари. Инстант лозот содржи и многубројни други парични добивки, со што на играчите им се овозможуваат повеќе шанси за освојување добивка.

Правилата на игра се едноставни и лесни за следење. Лозот располага со две зони за гребење означени како „Добитни броеви“ и „Твои броеви“. За да се оствари добивка, потребно е најмалку еден од броевите во полето „Добитни броеви“ да се совпадне со број во полето „Твои броеви“. Во случај на совпаѓање, играчот ја добива паричната сума наведена под соодветниот број.

Една од карактеристиките што го издвојуваат овој инстант лоз е можноста на еден лоз да се освојат до три добивки. Тоа значи дека играчите може да имаат повеќе успешни совпаѓања на ист лоз, што дополнително ја зголемува неизвесноста при откривањето на броевите и ја прави играта уште поинтересна.

Инстант лозовите и понатаму остануваат меѓу најпопуларните игри на среќа поради нивната едноставност и можноста за брзо дознавање на резултатот. Без потреба од чекање, играчите веднаш по гребењето може да проверат дали освоиле добивка, што придонесува за нивната голема популарност кај различни генерации играчи.
Со својата препознатлива тематика инспирирана од златната рипка како симбол на среќата и исполнувањето желби, „Макси златна рипка“ носи нова можност за сите што сакаат да ја испробаат својата среќа.

„Макси златна рипка“ е достапен на продажните места на Државна лотарија, а играчите имаат можност веднаш да откријат дали токму нивниот лоз крие некоја од вредните парични добивки. Со можност за освојување до три добивки на еден лоз и главна премија од 1.000.000 денари, „Макси златна рипка“ носи возбуда и многу шанси за добивки за сите учесници.

The post ДРЖАВНА ЛОТАРИЈА СО НОВ ИНСТАНТ ЛОЗ „Макси златна рипка“ нуди 10 премии од по 1.000.000 денари appeared first on plusinfo.mk.

Во динамично секојдневие, времето стана една од највредните валути. Помеѓу работните обврски, семејството и личните планови, ретко кој сака да троши многу време на банкарски услуги ако реално може да ги заврши за неколку минути, од кое било место и во кое било време.

Токму затоа дигиталното банкарство веќе не е само практична опција, туку паметен начин за полесно и поевтино управување со личните финансии. Со мБанка и Интернет банка од Комерцијална банка, голем број банкарски услуги ви се достапни 24/7, без чекање на шалтер, со пониски надоместоци од тие на шалтер и без непотребни одложувања.

Помалку време за обврски, повеќе време за тебе

Плаќаш сметки, префрлаш пари од една на друга сметка, проверуваш состојба на сметка, следиш кредити и депозити, плаќаш со картички, добиваш известувања за секоја трансакција – сето ова можеш да го направиш онлајн, со неколку клика.

Наместо да го прилагодуваш денот според работното време на филијалите, банкарските услуги се достапни тогаш кога тебе најмногу ти одговара. Без разлика дали си дома, на работа или на патување, твојата банка е секогаш со тебе.

Заштеда што се чувствува

Дигиталното банкарство не носи само удобност, туку и директни финансиски придобивки. Плаќање преку електронско банкарство значи и до 80% пониски надоместоци во споредба со трансакциите на шалтер. Уште подобро, надоместоците за онлајн плаќања преку Комерцијална банка се меѓу најниските на пазарот.

Тоа значи дека секое плаќање или префрлање пари може да те чини значително помалку или да биде бесплатно. А кога овие заштеди ќе се соберат на годишно ниво, разликата станува повеќе од очигледна.

Поголема контрола врз личните финансии

Доброто управување со парите започнува со јасен преглед на личните финансии. Затоа дигиталните банкарски апликации нудат можност во секое време да ги следиш твоите трансакции, расположливи средства и финансиски обврски.

Преку нив добиваш бесплатни известувања, имаш напреден преглед за приливи и одливи по категории, па знаеш каде најмногу ти одат парите, полесно ги планираш трошоците, ги следиш навиките на трошење и носиш подобри финансиски одлуки.

Банкарски услуги достапни кога ти се најпотребни

Понекогаш ти треба брзо решение. Затоа преку мБанка можеш да користиш и услуги како Онлајн потрошувачки кредит, без посета на филијала. Доволна е идентификација преку OneID и постапката се завршува за само неколку минути.

Истовремено, апликациите ти помагаат и да поставуваш цели за штедење, да го следиш напредокот и полесно да останеш фокусиран на она што ти е навистина важно – било да е тоа патување, образование, нов дом или поголема финансиска сигурност.

Безбедност и удобност во едно

Современото дигитално банкарство е создадено да понуди едноставност без компромис кога станува збор за безбедноста. Со напредни механизми за заштита, сигурна автентикација и контрола врз трансакциите, твоите финансии остануваат заштитени, а пристапот до нив брз и едноставен.

Денес не е прашање дали можеш да ги завршиш банкарските обврски онлајн, туку зошто би губел време и би плаќал повеќе ако истите услуги ти се достапни побрзо, поедноставно и поевтино. Дигиталното банкарство ти овозможува помалку време за банкарски обврски, пониски трошоци и повеќе контрола врз твоите финансии – секој ден.

The post КАКО ДИГИТАЛНОТО БАНКАРСТВО ВИ ШТЕДИ ВРЕМЕ И ПАРИ? Вашата банка е секогаш со вас appeared first on plusinfo.mk.

За да бидат конкурентни на меѓународните пазари, македонските компании мора да понудат многу повеќе од добра цена. Квалитетот, современата технологија, стручниот кадар и ефикасното производство се предуслови за успешен извоз, истакна Ангел Анѓушев, оперативен директор на Green Machines и член на Управниот одбор на Стопанската комора на Северна Македонија, на панел-дискусијата „Извоз без граници – поттикнување на растот во машинската и електроиндустријата“, одржана во рамките на Енерготехнома 2026.

Говорејќи за предизвиците со кои се соочува македонската индустрија, Анѓушев посочи дека растот на трошоците за работна сила, променливите цени на енергијата и на суровините, како и проблемите во синџирите за снабдување, бараат компаниите постојано да ја подобруваат својата ефикасност.

– Ефикасното користење на ресурсите и контролата на производствените трошоци се клучни за нашата конкурентност на меѓународните пазари. Но, за воопшто да дојдеме до факторот цена, претходно мора да ги исполниме сите потребни процеси и стандарди – истакна Анѓушев.

Тој го посочи примерот на БРАКО, каде што соработката со големите меѓународни индустриски партнери започнува со детална проверка на производствените капацитети, знаењето и стручноста на инженерскиот кадар. Следуваат изработка на прототипови, тестирања и проверки на квалитетот, а дури потоа се отвора прашањето за цената и сериското производство.

– Да се помине таква проверка бара голем труд и инвестиции, но уште поважно е постигнатиот квалитет да се одржува во секојдневното производство, со години нанапред – нагласи тој.

Осврнувајќи се на возилата за чистење Green Machines кои се произведуваат во фабриката БРАКО, Анѓушев објасни дека при развојот на комуналните возила особено внимание се посветува на луѓето што секојдневно ги користат. Покрај перформансите и цената, важни се удобноста на операторот, едноставноста на управувањето и лесното одржување.

– Нашите машини не се продаваат преку каталог, туку преку демонстрации, каде што корисникот може лично да се увери во нивните перформанси и комфор – посочи Анѓушев.

Како важен фактор за конкурентноста ја истакна и енергетската ефикасност. Користењето сопствена електрична енергија од фотоволтаици и нејзиното складирање во батериски системи, според него, им овозможува на компаниите подобро да ги контролираат трошоците, а истовремено да го намалуваат влијанието врз животната средина.

Анѓушев се осврна и на недостигот од стручен кадар, нагласувајќи дека без квалификувани луѓе, инвестициите во современи машини и производствени капацитети не можат да го дадат посакуваниот резултат. Затоа, како особено важна ја посочи соработката меѓу универзитетите и индустријата.

Во однос на институционалната поддршка, тој ги издвои подобрувањето на транспортната инфраструктура, долгорочната енергетска стратегија и поедноставувањето на царинските постапки, особено при увозот на компоненти за производство.

Неговата порака беше дека напредокот започнува од самите компании – од нивната подготвеност да преземат одговорност, да вложуваат во знаење и технологии и постојано да ги подобруваат своите производствени процеси.

The post ЗА УСПЕХ НА СТРАНСКИТЕ ПАЗАРИ НЕ Е ДОВОЛНА САМО ДОБРА ЦЕНА, ТУКУ И ВИСОК КВАЛИТЕТ Ангел Анѓушев со совети за подобра конкурентост appeared first on plusinfo.mk.

Европскиот извештај е поттик за усогласување на законодавството, развој на рударството и искористување на потенцијалот на домашните минерални ресурси.

Европската Унија јасно укажува дека критичните минерални суровини имаат стратешко значење за европската индустрија и сигурноста на синџирите на снабдување. Македонија треба да ја препознае оваа можност и да ги следи европските политики, создавајќи услови за развој на современо, одговорно и одржливо рударство, оценува „И Здравје и Работа“.

Од „И Здравје и Работа“ посочуваат дека оваа препорака треба да биде сфатена како повик за конкретни чекори, а не само како обврска на хартија. Усогласувањето со европските политики е можност Македонија да го развие својот минерален потенцијал, да привлече инвестиции и да стане дел од новите европски синџири на снабдување со суровини кои се неопходни за индустрискиот развој и зелената транзиција.

„Македонија не смее да остане настрана од европските процеси. Критичните минерални суровини се важен дел од индустриската и економската иднина на Европа, а нашата земја има ресурси и потенцијал да биде дел од тие процеси. Потребни се современа законска рамка, стручност, инвестиции и јасни правила кои ќе овозможат развој на рударството во согласност со највисоките стандарди за заштита на животната средина“, се наведува во ставот на „И Здравје и Работа“.

Од организацијата нагласуваат дека развојот на рударството не смее да биде спротивставен на заштитата на животната средина и здравјето на граѓаните. Напротив, европскиот пристап подразбира одговорно управување со ресурсите, примена на современи технологии, доследно почитување на законските процедури и постојан надзор.

„Потребно е да водиме аргументирана и стручна дебата за иднината на рударството. Одлуките треба да се носат врз основа на знаење, научни анализи и европски практики, а не врз основа на страв и дезинформации. Македонија има можност да ги искористи своите ресурси за економски развој, нови работни места и посилна индустрија, истовремено гарантирајќи одговорност кон природата и граѓаните“, порачуваат од „И Здравје и Работа“.

„И Здравје и Работа“ смета дека усогласувањето со европските политики за критични суровини е важен чекор кон современо и одржливо рударство, кое ќе придонесува за економскиот развој на земјата и ќе ја почитува животната средина и здравјето на граѓаните.

The post ПОТРЕБНИ СЕ УСЛОВИ ЗА ОДГОВОРНО РУДАРСТВО Македонија треба да ги следи европските политики за критични суровини appeared first on plusinfo.mk.

Т.А. од Скопје е најновиот среќен добитник на Супер милионер на ВЛТ терминалите на Видеолотарија Касинос Австрија. Тој освои џекпот во вредност од 7.418.699 денари.

Најпосакуваната ВЛТ добивка е освоена на видеолотариските терминали кај деловниот соработник „Спортлајф“ на 02.11.2026 година во Скопје. Среќната игра што ја донесе милионската добивка е „Desert Wealth CAP“. Тимот на Видеолотарија Касинос Австрија му честита на добитникот и му посакува многу среќа и убави моменти.

Среќните вести продолжуваат и со неделниот биланс на исплати. Во периодот од 26 октомври до 1 ноември 2026 година, Видеолотарија Касинос Австрија исплати вкупно 7.279.616 денари на играчите на ВЛТ низ Македонија.

Исплатени се 4 Милионер џекпот добивки со вкупен износ од 5.672.736 денари и Мини џекпот добивки, со кои играчите заедно освоија 1.606.808 денари.

– Со повеќе од една деценија успешно работење, Видеолотарија Касинос Австрија продолжува да работи во согласност со важечките законски регулативи и меѓународните стандарди, со посветеност на одговорното приредување игри на среќа – нагласуваат од компанијата.

The post СКОПЈАНЕЦ ОСВОИ 7,4 МИЛИОНИ ДЕНАРИ Видеолотарија Касинос Австрија исплати вкупно 7,2 милиони денари кон играчите за една недела appeared first on plusinfo.mk.