„И Здравје и Работа“: Стратешките одлуки не смеат да се носат под притисок на закани и политички игри

Рударството може да биде еден од столбовите на идниот економски развој на Македонија. Во време кога бакарот и другите критични минерали добиваат сè поголемо стратешко значење, прашањето не е дали државата треба да има развој, туку како тој развој да го обезбедиме одговорно, одржливо и во интерес на граѓаните.

Затоа, одлуките за стратешките проекти и економскиот развој на државата не смеат да се носат под притисок на закани, навреди или политички игри. Јавната дебата е демократско право, но таа мора да се води со аргументи, факти и стручни анализи, а не со притисок врз експерти и институции.

Нацрт-просторниот план е стратешки документ кој ги утврдува насоките за идниот просторен развој и ги идентификува потенцијалите и развојните можности. Самото внесување на одредена локација во планот не претставува автоматска дозвола за отворање рудник, туку секој конкретен проект подлежи на дополнителни процедури, дозволи и законски услови.

Токму затоа е загрижувачки кога, наместо аргументирана расправа за тоа како може да се реализира еден проект со највисоки стандарди за заштита на животната средина, се прибегнува кон навреди и закани кон луѓето кои ги претставуваат институциите и стручната работа. На јавната расправа во Струмица беа регистрирани и такви инциденти, што не придонесува за сериозна дискусија за иднината на земјата.

Во 21 век развојот и заштитата на животната средина не мора да бидат спротивставени цели. Современото рударство се развива токму во насока на нови технологии, одржливо користење на минералните ресурси, намалување на влијанието врз животната средина и одговорно управување со отпадот. И самиот Нацрт-просторен план ги препознава овие принципи како дел од идниот развој на рударскиот сектор.

Затоа прашањето треба да биде: какво рударство сакаме, а не дали Македонија треба да се откаже од својот минерален потенцијал.

Кому му одговара Македонија да не ги користи своите природни и економски потенцијали? Кому му одговара да нема нови инвестиции, нови работни места и нови можности за младите?

Не треба да се плашиме од развојот. Треба да бараме развој со правила, со наука, со високи еколошки стандарди и со јасна корист за државата и граѓаните.

„И Здравје и Работа“ смета дека иднината на Македонија не смее да се определува со закани и политички притисоци. Таа треба да се гради врз факти, експертиза, институции, инвестиции и одговорност кон идните генерации.

The post „НЕКА ЗБОРУВААТ ФАКТИТЕ, А НЕ ПРИТИСОЦИТЕ“ Иницијативата „И Здравје и Работа“ бара одлуките да ги носат науката и институциите appeared first on plusinfo.mk.

Со попуст од 15 отсто на апсолутно сѐ, подароци за купувачите и поддршка за локалната заедница, dm drogerie markt вчера (24 септември), повторно ја отвори својата продавница во Градскиот трговски центар во Скопје. По неколкунеделното реновирање, добро познатата dm локација во срцето на градот ги пречека купувачите во обновен, помодерен и уште попријатен продажен простор.

По повод повторното отворање, купувачите можеа да уживаат и во дополнителни изненадувања. Со секоја сметка над 499 денари следуваше подарок Balea гел за туширање, со сметка над 699 денари – торба за пазарување, додека за сметка над 1.999 денари купувачите добиваа подарок пешкир. Подароците беа достапни на денот на отворањето, до истекот на залихите.

Поволностите продолжуваат и во следните денови – до 26 септември купувачите во dm во ГТЦ можат да пазаруваат со 15% попуст на апсолутно сѐ.

Како компанија која континуирано ја негува општествената одговорност и поддршката на локалната заедница, dm и ова важно поглавје за продавницата во ГТЦ го одбележа со донација за ЈУГД „25 Мај“ во вредност од 158.000 денари. На тој начин, компанијата ја продолжува практиката значајните моменти од своето работење да ги поврзува со конкретна поддршка за заедницата.

Во обновената продавница, купувачите повторно можат да ја најдат богатата dm понуда за секојдневните потреби на целото семејство – производи за нега и убавина, нега за мажи и бебиња, природна козметика, органска храна и додатоци во исхрана, како и производи за хигиена во домот и нега на алишта. Дел од препознатливата понуда се и сопствените трговски марки Balea, alverde, dmBio, babylove, Denkmit и многу други, кои комбинираат проверен квалитет со СЕКОГАШ ПОВОЛНО цени.

Реновирањето на продавницата во ГТЦ е дел од континуираните заложби на dm за унапредување на своите продажни простори и создавање уште поквалитетно и попријатно искуство за купувачите. Со обновеното издание на една од своите добро познати локации во Скопје, dm продолжува да го развива препознатливиот концепт на практично пазарување и да одговара на секојдневните потреби на своите купувачи.

The post 📷 СО ПОПУСТИ, ПОДАРОЦИ И ДОНАЦИЈА, DM ПОВТОРНО ЈА ОТВОРИ РЕНОВИРАНАТА ПРОДАВНИЦА ВО ГТЦ appeared first on plusinfo.mk.

Државна Видеолотарија на Македонија Касинос Австрија, преку иницијативата „Играј одговорно“, континуирано ги унапредува активностите насочени кон превенција, рана интервенција и психо-социјална поддршка за лицата кои се соочуваат со проблематично играње игри на среќа.

Иницијативата „Играј одговорно“ функционира преку мрежа на советувалишта во Скопје, Куманово, Прилеп и Радовиш, со што се обезбедува стручна поддршка за граѓаните и нивните семејства. Советувалиштето во Радовиш започна со работа во април годинава, дополнително проширувајќи ја мрежата и опфатот на оваа иницијатива.

Проектот „Играј одговорно“ се реализира од 2019 година, со јасна цел, навремена превенција, советување, поддршка и рехабилитација на лицата погодени од проблематично играње.

За Државна Видеолотарија на Македонија Касинос Австрија, одговорното приредување игри на среќа не е само принцип, туку долгорочна определба и интегрален дел од корпоративната одговорност на компанијата. Затоа, континуирано инвестираме во едукација, превентивни програми, советување и механизми за поддршка, со посебен фокус на препознавањето и намалувањето на ризиците поврзани со проблематичното играње.

Со проширувањето на мрежата на советувалишта низ Македонија, ДВЛМ ја потврдува својата лидерска позиција во областа на одговорното играње и испраќа јасна порака: одговорноста е дел од начинот на кој компанијата работи, континуирано, системски и со грижа за заедницата.

The post ПРЕКУ ЕДУКАЦИЈА И ПРЕВЕНЦИЈА ДО ПОГОЛЕМА СВЕСНОСТ ЗА ИГРАЊЕ ИГРИ НА СРЕЌА Мрежа на советувалишта за „Играј одговорно“ appeared first on plusinfo.mk.

Клиничката болница „Аџибадем Систина“ и во новата натпреварувачка сезона останува медицински спонзор на кошаркарскиот клуб МЗТ Скопје Аеродром, продолжувајќи ја долгогодишната успешна соработка и посветеноста кон здравјето, безбедноста и спортските успеси на кошаркарите.

Како општествено одговорна компанија, која континуирано вложува во развојот и унапредувањето на спортот во земјава, „Аџибадем Систина“ и оваа сезона ќе обезбедува стручна медицинска поддршка за кошаркарите на МЗТ Скопје Аеродром, со посебен акцент на превенцијата од спортски повреди, навремената дијагностика и зачувувањето на нивното здравје.

Во пресрет на новата сезона, д-р Михајло Ивановски оствари средба со кошаркарите и претставниците на МЗТ Скопје Аеродром, на која беше потврдена подготвеноста за продолжување на долгогодишното партнерство.

– Горди сме што и оваа сезона продолжуваме да бидеме дел од спортската приказна на МЗТ Скопје Аеродром. Нашата долгогодишна соработка е изградена врз заеднички вредности, доверба и посветеност кон постигнувањето врвни резултати. Како медицински спонзор, наша задача е да им обезбедиме на кошаркарите квалитетна здравствена грижа и да бидеме нивна поддршка во сите предизвици што ги носи професионалниот спорт – изјави д-р Михајло Ивановски.

Во рамките на партнерството, кошаркарите ќе имаат пристап до современите дијагностички и терапевтски услуги на Клиничката болница „Аџибадем Систина“, како и до стручниот медицински тим кој ќе се грижи за нивното здравје во текот на сезоната.

Од МЗТ Скопје Аеродром изразија благодарност за континуираната поддршка, истакнувајќи дека партнерството со „Аџибадем Систина“ е од особено значење за професионалниот развој и постигнувањето нови спортски успеси.

Новата натпреварувачка сезона за МЗТ Скопје Аеродром започнува в сабота, на 26 септември, со натпреварот против Куманово во рамките на Суперкупот, во кој сино-белите ќе се обидат да го одбранат трофејот освоен во претходните пет години.

Со продолжувањето на ова партнерство, „Аџибадем Систина“ ја потврдува својата определба за поддршка на македонскиот спорт и обезбедување врвна здравствена грижа за спортистите, како основа за нивните идни успеси.

The post МЗТ И „АЏИБАДЕМ СИСТИНА“ ЈА ПРОДОЛЖУВААТ ДОЛГОГОДИШНАТА СОРАБОТКА Медицинска поддршка за „сино-белите“ и во новата сезона appeared first on plusinfo.mk.

BALFIN Group е меѓународна инвестициска групација која работи во 13 земји во Европа и во Северна Америка, со разновидно портфолио што опфаќа девет индустрии. Во текот на повеќе од три децении, Групацијата изгради силно присуство на повеќе пазари, потпирајќи се на финансиска стабилност, долгорочни партнерства и дисциплиниран пристап кон идентификување и развивање нови можности.

Во ова интервју, Едлира Мука, извршна директорка на BALFIN Group, зборува за стратегијата што го насочува влезот на Групацијата на нови пазари, вклучително и во неколку земји-членки на Европската Унија, Кавказ и Централна Азија. Мука се осврнува и на клучните приоритети при управувањето со организација од ваков обем и комплексност: развојот на човечкиот капитал, одржувањето ефикасно корпоративно управување и изградбата на технолошка инфраструктура потребна за поддршка на оперативната ефикасност и брзото, добро структурирано донесување одлуки.

Како би ги оцениле резултатите на BALFIN Group во 2025 година и во првиот дел од 2026 година?

– Минатата 2025 година беше многу силна година за развојот на BALFIN Group, но пред сè, тоа беше година во која започнаа да се материјализираат неколку стратешки одлуки донесени претходно. Нашиот фокус беше и сѐ уште е на инвестиции со потенцијал за раст на повеќе пазари и создавање долгорочна вредност. Тоа се одразува не само врз нашите финансиски резултати, туку и во довербата што меѓународните финансиски институции ја имаат во нас, преку поддршката на неколку наши проекти. За да ја ставиме 2025 година во нумерички контекст, би истакнала дека вкупната актива достигна 3,1 милијарди евра, што е 18 отсто повеќе во однос на претходната година, додека EBITDA достигна 161 милион евра. Во меѓувреме, капиталните инвестиции во текот на 2025 година изнесуваа приближно 181 милион евра. Како дел од нашата долгорочна стратегија, се фокусираме на инвестиции што создаваат економии од обем во работењето. Минатата година ги презедовме франшизните права за два добропознати европски бренда: KIABI, францускиот моден бренд за целото семејство, и данскиот Flying Tiger Copenhagen. И двата бренда уште од самиот почеток беа замислени како регионални платформи, наместо како инвестиции ограничени на еден пазар. Истовремено, другите компании во Групацијата ги зајакнаа своите позиции и го зголемија своето значење на соодветните пазари. Во малопродажбата, Neptun International ги зголеми приходите за 15 отсто, додека Kid Zone Network (Jumbo) порасна за 13отсто. Tirana Bank продолжи со својата силна развојна траекторија во 2025 година, позиционирајќи се како најбрзо растечка банка на пазарот која доби две од најпрестижните меѓународни признанија во индустријата: „Најдобра банка во Албанија 2025“ од Euromoney и „Банка на годината во Албанија 2025“ од The Banker, дел од „Фајненшл тајмс“.

Во развојот на недвижности, во текот на 2025 година го проширивме нашето меѓународно портфолио во САД, во партнерство со Crown Acquisitions, додека во Австрија ја завршивме аквизицијата на една од историските згради во центарот на Виена. Имаме конкретни планови овој имот да го трансформираме во хотел. Кога сме кај секторот на хотелиерството, 2025 година го одбележа и отворањето на Green Coast Hotel – MGallery Collection, проект на кој сме особено горди, развиен во партнерство со француската групација Accor. Нашите трговски центри продолжија да бележат раст на бројот на посетители и подобрувања во услугите и малопродажните категории, а исто така донесовме одлука да инвестираме во секторот на семејната забава преку HyperActive.

Во 2026 година директно продолжуваме со истата стратегија. Нашиот фокус е на реализација на проектите што беа започнати во 2025 година, но и на развој на нови. Во малопродажбата, еден од клучните предизвици е дополнително да ги прошириме нашите постојни брендови надвор од Западен Балкан. Би го истакнала новиот договор со Jumbo за проширување на активноста на брендот низ Кавказ и Украина. Happy еволуираше надвор од рамките на програма за лојалност и сега е лиценциран како институција за електронски пари, нудејќи услуги како дигитален паричник, опции за финансирање „Купи сега, плати подоцна“ и издавање електронски пари. Happy Pay нуди сеопфатен дигитален екосистем за современи финансиски трансакции. Во текот на оваа година, исто така, ќе објавиме две нови инвестиции во земји-членки на Европската Унија, во две индустрии во кои веќе сме активни, но каде што дополнително го прошируваме нашето портфолио. Во сите овие иницијативи, тесно соработуваме со меѓународни финансиски институции.

BALFIN значително го прошири своето присуство надвор од Албанија во последните години. Колкав дел од приходите и инвестициите на Групацијата сега доаѓаат од меѓународните активности и како очекувате тој удел да се развива во наредните години?

– BALFIN е основана во Виена, Австрија и уште од самиот почеток е тесно поврзана со работењето во повеќе од една земја или пазар. Во текот на изминатата година, околу 50 отсто од деловната активност на Групацијата е генерирана надвор од Албанија. Во однос на инвестициите, меѓународниот удел е уште поизразен отколку кај приходите, бидејќи значителен дел од капиталот распределен во последните години е насочен кон пазари надвор од Албанија. Ова претставува структурна промена, а не флуктуација од година во година поврзана конкретно со 2025 година. Оваа промена не е случајна. Таа е резултат на стратегија која постепено се развиваше, која комбинира регионална консолидација со влез на поголеми и поразвиени пазари каде што оперативните и регулаторните стандарди се уште посложени. Денес сме присутни во 13 земји, а истовремено имаме инвестициски проекти на најмалку уште осум пазари. Ова не значи дека нашата посветеност кон Албанија се намалува. Остануваме еден од најголемите инвеститори, даночни обврзници и работодавачи во земјата. За Групација од нашиот обем, одржливиот раст бара сè поразновидна географска присутност која не зависи од економскиот циклус на една економија.

Кога една Групација ќе го достигне сегашниот обем на BALFIN и работи во повеќе земји и индустрии, кои се главните предизвици при управувањето со растот? Како ја одржувате ефикасноста, контролата и брзината на донесување одлуки додека организацијата станува поголема и покомплексна?

– Денес работиме во 13 земји, со повеќе од 5.000 директно вработени и дополнително околу 20.000 луѓе кои работат во партнерски компании чии активности се тесно поврзани со компаниите во BALFIN Group. Во организација од ваков обем, предизвикот не е недостигот на можности. Предизвикот е да се најде вистинскиот баланс меѓу брзината и дисциплината.

Првиот и најважен фактор се луѓето. Во географски дисперзирана организација, културата и заедничките стандарди се она што навистина создава усогласеност. Затоа систематски инвестираме во развојот и унапредувањето на нашите вработени и лидери. Тоа ни овозможува со доверба да делегираме, а истовремено да одржуваме конзистентни стандарди низ целата Групација.

Вториот фактор е нашиот модел на корпоративно управување, кој централизира таму каде што централизацијата создава вредност и децентрализира таму каде што децентрализацијата овозможува брзина. Стратегијата на ниво на индустрија, распределбата на капиталот, политиките на Групацијата, оперативните стандарди, внатрешната ревизија и технологијата се управуваат на ниво на Групацијата. Оперативното донесување одлуки и секојдневното извршување се одговорност на одделните компании и нивните соодветни структури. Имаме јасно дефинирани нивоа на овластувања кои му овозможуваат на лидерот на една компанија самостојно да донесува одлуки во воспоставена рамка, без секогаш да мора да чека одобрение од централната структура. Кога секоја одлука се движи кон горе, организацијата се забавува, а одговорноста се разредува.

Третиот фактор е технолошката инфраструктура. Групација со ваков обем не може да се управува преку рачно подготвени извештаи. Затоа инвестиравме во системи кои ја поедноставуваат секојдневната работа на вработените и го поддржуваат известувањето за конкретни индикатори за успешност на компаниите. Ова е континуирана инвестиција која веќе дава позитивни резултати, особено преку интеграцијата на вештачката интелигенција во неколку процеси.

Како иселувањето влијае врз пристапот до работна сила, особено до менаџерски и специјализиран кадар? Колку е тешко да се изгради менаџерска структура способна да поддржи Групација која работи во повеќе земји?

– Би сакала да започнам со нешто што за нас претставува важна потврда. Оваа година, BALFIN беше сертифицирана како „Top Employer“, меѓународно признание засновано на конкретни практики за управување со човечките ресурси, а не на перцепции. За Групација која работи во 13 земји и се натпреварува за талентирани луѓе со значително поголеми компании, ова е објективен показател дека нашите стандарди се на соодветно ниво. Во однос на самото прашање, би рекла дека стеснетиот пазар на труд и конкуренцијата за менаџерски и специјализирани профили се заедничка реалност на повеќето пазари на кои работиме, и во Европа и во Северна Америка. Мобилноста на работната сила ја претвори конкуренцијата за талентирани луѓе во меѓународно, наместо во национално прашање. Нашиот пристап не беше само да се натпреваруваме за постојните таленти, туку и да ги развиваме интерно. Ова има конкретни компоненти.

Првата е систематската обука. Преку нашите програми за развој на лидерството, секој вработен во просек добива 23 часа обука годишно, додека програмата Talent Pool, која започна во 2017 година, разви цела генерација лидери. Околу 50 отсто од нејзините учесници се унапредени на високи лидерски позиции, вклучително и на позиции на извршни директори. За мене, ова е еден од најзначајните показатели што ги имаме, бидејќи покажува дека значителен дел од нашите идни лидери веќе се дел од организацијата.

Вториот, а можеби и еден од нашите најголеми адути, е интерната мобилност. Групација која работи во повеќе земји и индустрии може да понуди нешто што самостојна компанија едноставно не може: можности за кариера низ различни земји и индустрии. Еден млад вработен денес може да премине од една компанија во Групацијата во друга и од една земја во друга, а притоа да остане во рамките на истата организација и истата култура. Ова е една од главните причини поради кои можеме да ги задржиме професионалците кои инаку би барале искуство надвор од Групацијата. Изградбата на вистински меѓународна менаџерска структура трае со години и бара трпение. Тоа едноставно не може да се купи или да се импровизира. Но, тоа е единствениот одржлив начин да се поддржи групација која истовремено расте на повеќе пазари и во повеќе индустрии.

Кои се вашите планови за експанзија на краток и долг рок, во Албанија и надвор од неа? Дали има сектори во кои сакате да го зголемите присуството и такви во кои сметате дека Групацијата веќе достигнала доволен обем?

– Нашиот план за експанзија е конкретен и структуриран околу неколку од насоките што ги споменав претходно. Во малопродажбата, BALFIN Group долги години е партнер на неколку престижни меѓународни брендови. Ќе продолжиме во оваа насока и преку нови брендови со кои моментално сме во разговори и преку постојните партнери со кои се прошируваме на нови пазари. Голем чекор е договорот со Jumbo S.A., кој ни дава право да го развиваме брендот на шест нови пазари: Украина, Грузија, Ерменија, Азербејџан, Казахстан и Узбекистан, со поддршка од централен логистички центар во Кина. Ова е нашата најамбициозна географска експанзија досега која за првпат нè носи надвор од Европа. Со брендот KIABI ќе го прошириме нашето присуство во Албанија и низ регионот, комбинирајќи ја физичката малопродажна мрежа со онлајн услугите. За Flying Tiger Copenhagen, нашата цел е да надминеме 50 продавници во регионот во рок од пет години. Со истите овие партнери, исто така водиме разговори за наше проширување во три земји-членки на Европската Унија. Во семејната забава, нашата почетна инвестиција во HyperActive изнесува 34 милиони евра во Албанија, Косово и Северна Македонија, со дополнителни планови за експанзија во Виена и Берлин. Проектот во Северна Македонија се очекува да биде завршен во текот на 2026 година, додека проектот во Албанија се очекува да започне наскоро.

Во управувањето со средства, исто така го прошируваме портфолиото на Групацијата во Германија. Многу сме ентузијастични поради ова бидејќи, иако станува збор за индустрија што многу добро ја познаваме, влезот во нова земја сепак претставува предизвик. Сè уште е рано да споделуваме дополнителни детали, но насоката е јасна: средства кои генерираат одржлив приход на развиените пазари, комбинирани со репозиционирање на тие средства за подобро да одговорат на побарувачката на пазарот и потрошувачите.

Во хотелиерството, како што споменав претходно, наскоро ќе имаме конкретни проекти во две европски земји. Во Албанија, во меѓувреме, ќе воведеме дополнителни соработки со големи меѓународни имиња во хотелиерството, како што е Nammos Hotels & Resorts.

Индустрија на која ѝ посветуваме особено внимание е финтекот. Happy Pay е многу интересен технолошки развој кој првично го градиме во Албанија, но истовремено го развиваме и позиционираме како регионална услуга. Идејата зад него е на поединците и бизнисите да им понуди брзи и едноставни финансиски решенија таму каде што им се потребни, на самото место на купување. Happy Pay нуди обработка на електронски плаќања, дигитален паричник, електронски пари, кредитни решенија „Купи сега, плати подоцна“, како и POS-системи и киосци за деловни корисници. Нашата предност е што не градиме финансиски производ изолирано. Го градиме врз постојна база на клиенти, мрежа на трговци и познавање на потрошувачите што веќе ги имаме. Финансирањето на потрошувачите останува област со значителен простор за понатамошен развој и во Албанија и во поширокиот регион.

Како го гледате развојот на албанската економија во наредните години, додека земјата напредува кон членство во Европската Унија? Какви промени очекувате интеграцијата да им донесе на големите албански компании?

– Веруваме дека во почетната фаза европската интеграција ќе претставува предизвик, не само за земјите во регионот кои се подготвуваат да се приклучат кон Европската Унија, туку и за нивните бизниси. Причината е едноставна. Членството не носи само пристап до Единствениот пазар; тоа носи и регулаторна рамка, стандарди за известување, барања во однос на животната средина и одржливоста, правила за конкуренција и нивоа на транспарентност кои се значително посложени од сегашните стандарди. Компаниите кои однапред не се подготвени, веднаш ќе го почувствуваат притисокот, особено затоа што истовремено ќе се соочат со влез на европски оператори со значително поголем обем и пониски трошоци на капитал. Ние со години се подготвуваме за ова. И тука доаѓа до израз една од најголемите предности на нашето меѓународно присуство. Со години работиме во рамките на Европската Унија, каде што овие стандарди не се опција, туку услов за работење. Искуството што го стекнавме таму ни овозможи да ги структурираме нашите компании како да работат целосно во рамките на ЕУ: со истите политики на корпоративно управување, истите стандарди за финансиско известување и истите барања за ревизија и усогласеност. Ова значително ни помага бидејќи тоа значи дека за нас интеграцијата нема да претставува момент на приспособување, туку продолжение на она што веќе го правиме.

Што се однесува до албанската економија, оптимист сум. Почетната позиција е позитивна, со стабилен економски раст и контролирана инфлација. Интеграцијата ќе донесе три фундаментални придобивки: поголема регулаторна предвидливост, која за инвеститор што планира во десетгодишна рамка е подеднакво вредна како и фискалните стимулации; пониска цена на капиталот како што се намалува ризикот на земјата; и зголемени инвестиции во инфраструктурата.

The post BALFIN GROUP НАСКОРО ЌЕ СЕ ПРОШИРИ НА 8 НОВИ ПАЗАРИ МЕЃУ КОИ И ОД ЗЕМЈИ ВО ЕУ Директорката Едлира Мука открива како се раководи со меѓународна инвестициска групација appeared first on plusinfo.mk.

Секоја заедница најдобро знае што ѝ недостига – почиста околина, уреден простор за дружење или место каде што луѓето можат да учат, создаваат и да се поврзуваат. Токму од вакви конкретни локални потреби произлегуваат трите проекти во финалниот избор на „Иднина која инспирира“. До 27 септември 2026 година, граѓаните можат да изберат меѓу „Силата е во младите“, „Природа што нè поврзува“ и „Простор за раст – функционален центар создаден од граѓаните“ и со својот глас да придонесат еден од нив да добие дополнителна поддршка од dm drogerie markt. Гласајте за вашиот фаворит на следниот линк.

Зад „Силата е во младите“ стои потребата младите да не бидат само набљудувачи, туку активни учесници во грижата за животната средина. Проектот на Здружението за екологија, еколошка едукација и еколошка обединетост „За почиста Македонија“ предвидува еколошки чистки во скопските населби, работилници и дискусии со деца и млади, како и видеосодржини за подигнување на јавната свест и поттикнување поодговорен однос кон околината.

„Природа што нè поврзува“ тргнува од една поинаква локална потреба – запуштен и неискористен простор во Неготино да добие нова вредност за граѓаните. Центарот за регионален одржлив развој планира просторот да го преобрази во зелено и функционално место за одмор, рекреација и дружење. Преку волонтерски акции ќе се расчистува и уредува локацијата, ќе се садат дрвја и растенија, ќе се поставуваат клупи и други практични елементи, а предвидени се и едукативни и креативни активности.

Со „Простор за раст – функционален центар создаден од граѓаните“, Здружението за едукација, развој, јакнење и вмрежување „ЕДЕН ХАБ“ од Прилеп тргнува од прашањето како неискористените простори повторно да ѝ служат на заедницата. Проектот предвидува мапирање и активирање простори во Прилеп, Кривогаштани и неколку општини на територијата на Град Скопје, кои со помош на волонтерите треба да прераснат во достапни центри за учење, креативност, практични вештини, ментална благосостојба, активно граѓанство и меѓусебна поддршка.

Трите проекти произлегуваат од различни средини и одговараат на различни потреби, но ги поврзува истата идеја – граѓаните и локалните заедници активно да учествуваат во создавањето подобри услови за живот. Со гласањето, токму граѓаните добиваат можност да покажат која од овие потреби ја препознаваат како најважна за дополнителен поттик.

Финалното гласање е дел од пошироката иницијатива „Иднина која инспирира“, во рамките на која годинава беа пријавени вкупно 74 проекти. По стручното оценување, пет иницијативи веќе добија финансиска поддршка од dm во вкупна вредност од 2,9 милиони денари. Во стручното жири учествуваа Гоце Калинов од „Ретвитни оброк“, Далиборка Златева, претседател на „Здружение на лица со церебрална парализа и други попречености – Велес“, Ико Брдаровски, менаџер за грижа на корисници во „Пакомак“, како и тројца претставници на dm.

Меѓу петте веќе избрани проекти се „Охрид Еко 2027“ на Нуркачкиот центар „Амфора“, „Херои на солидарноста: Тегла Плус за нашата заедница“ на Здружението „Љубезност“, „Поддршка блиску до тебе – Заедно до правата“ на Македонското здружение на млади правници, „Заедно сме шампиони – инклузија преку спорт“ на Специјална Олимпијада – Македонија и „DM HUB – Центар за благосостојба и грижа ‘Грижа за себе. Грижа за другите. Грижа за заедницата.’“ на Центарот за истражувања и анализи НОВУС.

Преку „Иднина која инспирира“, dm продолжува да им дава простор на идеите што произлегуваат од реалните потреби на локалните заедници, а со вклучувањето на граѓаните во финалниот избор ја заокружува идејата дека позитивната промена е најсилна кога се создава заедно.

The post ГЛАСАЈТЕ ЗА ЕДЕН ОД ТРИТЕ ПРОЕКТИ НА КОНКУРСОТ НА ДМ Идеите произлегуваат од локални потреби на граѓаните appeared first on plusinfo.mk.

Клиничката болница „Аџибадем Систина“ и Фудбалската федерација на Македонија склучија договор за спонзорство и соработка, со кој болницата станува официјален медицински партнер на македонската фудбалска репрезентација, обезбедувајќи сеопфатна медицинска грижа и поддршка за фудбалерите на А националниот тим и Националниот тим до 21 година.

По повод почетокот на соработката, фудбалските репрезентативци Ѓоко Зајков, Бојан Миовски и Езѓан Алиоски, заедно со селекторот Гоце Седлоски, го посетија спортскиот центар „Премиум“, каде што остварија средба со менаџментот на болницата и се запознаа со медицинските капацитети и услугите што ќе им бидат на располагање во рамките на новото партнерство.

– Чест и задоволство ни е што започнуваме соработка со фудбалерите кои ја претставуваат нашата земја на меѓународната спортска сцена. Како болница, горди сме што ќе бидеме нивна медицинска поддршка. Се надеваме дека ќе имаат што помалку потреба од нашите услуги, но нашиот тим секогаш ќе биде тука за нив. Особено ни е драго што, покрај А националниот тим, ќе обезбедуваме медицинска поддршка и за подмладокот до 21 година – изјави д-р Михајло Ивановски, специјалист по трауматологија.

Во рамките на соработка, Клиничката болница „Аџибадем Систина“ ќе обезбедува континуирана медицинска грижа за репрезентативците и членовите на стручниот штаб за време на официјалните подготовки и репрезентативните собири, како и целосна медицинска поддршка за време на меѓународните натпревари на А националниот тим. Поддршката ќе опфаќа превенција, дијагностика, лекување и рехабилитација на спортски повреди, со цел зачувување на здравјето и физичката подготвеност на фудбалерите.

– За нас, фудбалерите, оваа соработка значи дополнителна сигурност и доверба, бидејќи знаеме дека за нашето здравје ќе се грижат врвни медицински професионалци. Подготвени сме да го дадеме својот максимум на теренот и да продолжиме да ги радуваме сите што нè поддржуваат – изјави репрезентативецот Ѓоко Зајков.

Со ова партнерство, „Аџибадем Систина“ ја потврдува својата посветеност на здравјето на спортистите и поддршката на македонскиот спорт, овозможувајќи им на репрезентативците сигурна и навремена медицинска грижа на патот кон нови спортски успеси.

The post „АЏИБАДЕМ СИСТИНА“ Е МЕДИЦИНСКИ ПАРТНЕР НА МАКЕДОНСКАТА ФУДБАЛСКА РЕПРЕЗЕНТАЦИЈА Сеопфатна грижа и поддршка за фудбалерите appeared first on plusinfo.mk.

Полуфиналните натпревари на 22. Меморијален турнир „Оливер Соколов – Сокол“ донесоа многу возбуда, борбеност и квалитетен фудбал, а по двете интересни пресметки познати се екипите што ќе играат за трофејот.

Во првото полуфинале, Руди Компани обезбеди пласман во големото финале откако славеше со 3:1 против Кеги Моби СК 77777. Во вториот полуфинален дуел, по голема борба и неизвесен меч, Мега Лифтови и Јувентус БС Скеле одиграа 1:1 во регуларниот дел, по што Мега Лифтови беше поуспешна по пенал рулетот и победи со 4:3.

Со тоа, финалната пресметка ќе им припадне на Руди Компани и Мега Лифтови, две екипи кои со своите изданија покажаа дека сосема заслужено ќе се борат за победничкиот пехар.

Пред големото финале, љубителите на турнирот ќе имаат можност да проследат уште еден интересен натпревар. Во мечот за третото место, кој ќе се игра денеска, четврток, од 20:30 часот, ќе се соочат Јувентус БС Скеле и Кеги Моби СК 77777.

Круната на турнирот ќе биде ставена во недела, на 27.09., со почеток од 20:00 часот, кога на програмата е големото финале меѓу Руди Компани и Мега Лифтови.

За сите кои нема да можат да присуствуваат на игралиштето, натпреварот за трето место ќе можат да го следат и преку LIVE STREAM на Facebook и Youtube.

The post ФИНАЛЕ НА ТУРНИРОТ „ОЛИВЕР СОКОЛОВ – СОКОЛ“ Познати се екипите што ќе играат за трофејот appeared first on plusinfo.mk.

Денеска со свечено поставување на камен-темелник, компанијата Лидл официјално го означи почетокот на изградбата на својот втор продажен објект во Битола. Додека првиот маркет на компанијата во градот е веќе во финална фаза од изградбата, со овој нов проект Битола станува еден од клучните места во земјава каде што Лидл ќе овозможи современо и модерно шопинг искуство преку повеќе продажни локации.

Оваа инвестиција претставува уште еден значаен и конкретен чекор во реализацијата на долгорочната стратегија на Лидл за развој на сопствена продажна мрежа во Северна Македонија. Преку паралелни инвестиции на повеќе локации ширум земјата, компанијата гради модерна малопродажна и логистичка инфраструктура со цел да ги направи своите производи и услуги лесно достапни за сите потрошувачи.

Во своето обраќање пред присутните, Катарина Зориќ, директорка за недвижности во Лидл Северна Македонија, го истакна бизнис-моделот на компанијата кој се темели на развој на сопствени објекти изградени според највисоките меѓународни стандарди.

– Ние инвестираме во изградба на сопствени објекти, што значи дека секој маркет го градиме од самиот почеток, со примена на строги стандарди за квалитет и внимателно планирање на сите сегменти од неговата реализација. Нашата цел е да создадеме широка и функционална мрежа на маркети, со највисоко ниво на квалитет, енергетска ефикасност и одржливост, како и решенија што нудат пријатна средина за потрошувачите. Веруваме дека нашите потрошувачи треба да имаат и понуда на најквалитетни производи по пристапна цена кои ќе ги купат во објекти каде ќе имаат комотно и пријатно искуство како наши клиенти.

Градоначалникот на Битола, Тони Коњановски, истакна дека вториот маркет на Лидл е значајна инвестиција за градот, која носи придобивки за локалната економија и потрошувачите, но и потврда дека Битола е град во кој компанијата препознава потенцијал.

– Задоволство е што денеска го означуваме официјалниот почеток на изградбата на вашиот, а и нашиот Лидл маркет, втор во Битола. Велам нашиот затоа што верувам дека битолчани со нетрпение очекуваат да се изгради, а потоа и да се отворат вратите на овој препознатлив бренд. Оваа значајна инвестиција ќе биде додадена вредност за битолската економија, ќе придонесе за отворање нови работни места и ќе обезбеди квалитетна понуда за потрошувачите, а воедно ќе отвори можности за партнерства со домашни компании. Ви благодарам што по втор пат ја избравте Битола и со нетрпение очекуваме да ги отворите вратите за сите нас – изјави Коњановски.

Основни карактеристики на новиот маркет во Битола:

– Современа градежна концепција: Изградба по највисоки стандарди за енергетска ефикасност и еколошка одржливост на простор од 5 288 м².

– Простран и функционален распоред: Современо уредена продажна сала од 1 546 м² за пријатно искуство при пазарењето.

– Пристапност и паркинг: Обезбедени 108 паркинг места за удобно пазарување на нашите клиенти.

– Зелена површина: Над 20% од парцелата е предвидена за хортикултурно уредување и зеленило.

Како дел од Schwarz Group, еден од водечките европски синџири во малопродажбата на храна, Лидл управува со околу 12.900 маркети во 31 држава и вработува над 395.000 луѓе.

The post „ЛИДЛ“ ЈА ПРОШИРУВА ИНВЕСТИЦИЈАТА ВО БИТОЛА Поставен камен-темелник за вториот маркет appeared first on plusinfo.mk.

Кога купуваш нов стан, замислуваш како ќе изгледа твојот дом. Каде ќе биде трпезариската маса, каде ќе стои омилената фотелја, каде ќе се собираат најблиските. А сега, замисли една грижа помалку – кујната е веќе тука.

Со цел на своите купувачи да им понуди дополнителна вредност и целосно искуство на нов дом, Гранд Скопје подготви ексклузивна поволност со која на првите 10 клиенти кои што ќе купат стан почнувајќи од 23.09.2026, им доделува опремена и дизајнирана кујна.

Идејата е едноставна: новиот стан да биде уште поблиску до моментот кога навистина ќе стане дом.

За секоја од 10-те кујни, дизајнот го презема LUX Design Studio, кое ќе се погрижи за севкупното решение, од идејата и проектирањето, па сѐ до реализацијата и монтажата.

Експертизата на дизајнерското студио дополнително ќе додаде на вредноста на станот во кој веќе инвестирате, без разлика дали тоа ќе биде вашиот нов дом или пак ќе ги користит бенефитите на одличната локација за издавање.

Ова е исклучително значаен момент при опремувањето на еден од најважните простори во станот, а сега, првите 10 купувачи имаат можност да се вселат во дом со веќе осмислена и опремена кујна подготвена за користење.

Затоа што кујната не е само место каде што се подготвува храна, тоа е утринското кафе, првата заедничка вечера, разговорите што траат подолго од планираното и сите оние мали моменти од кои се создаваат спомени.

Со оваа кампања, компанијата Гранд Скопје сака да придонесе за првиот чекор во уредувањето на домот за своите клиенти – кујна во која ќе започнат вашите нови приказни.

Затоа, доколку размислувате за нов дом, можеби токму сега е вистинскиот момент да го направите следниот чекор.

За повеќе информации за условите на лимитираната понуда контактирајте го продажниот тим на GRAND Skopje (+389 70 233055 | +389 70 355351).

The post АКО КУПИТЕ НОВ СТАН ВО ГРАНД СКОПЈЕ ЌЕ ДОБИЕТЕ И ОПРЕМЕНА КУЈНА! Ексклузивна можност за првите 10 клиенти appeared first on plusinfo.mk.