Со доаѓањето на постудените денови, грижата за себе сè почесто станува дел од секојдневниот фокус. Покрај разновидната и балансирана исхрана, во dm може да се пронајдат и производи со внимателно комбинирани витамини и минерали, меѓу кои е Mivolis Immun Komplex, со десет микронутриенти кои придонесуваат за нормална функција на имуниот систем.

Во една формула се комбинирани железо, фолна киселина, бакар, витамин А, витамин Б6, витамин Б12, витамин Ц, витамин Д, селен и цинк. Сите десет микронутриенти придонесуваат за нормална функција на имуниот систем, а истовремено имаат и други значајни функции во организмот.

Mivolis Immun Komplex содржи железо, кое придонесува за нормално создавање на црвените крвни клетки, додека фолната киселина придонесува за нормално создавање на крвта. Бакарот го поддржува нормалниот транспорт на железо во организмот, а витаминот А придонесува за нормален метаболизам на железото.

Во составот се вклучени и витамините Б6 и Б12, кои придонесуваат за нормален енергетски метаболизам. Витаминот Ц, селенот и цинкот, пак, придонесуваат за заштита на клетките од оксидативен стрес. Формулата е дополнета со витамин Д, кој придонесува за одржување на нормални коски и нормална функција на мускулите.

Производот доаѓа во практично пакување од 32 капсули, со што лесно може да најде место во секојдневната рутина. Комбинацијата од десет витамини и минерали го прави Mivolis Immun Komplex производ насочен кон дополнување на исхраната со микронутриенти кои имаат различни функции во организмот, вклучително и поддршка на нормалната функција на имуниот систем.

Со приближувањето на сезоната на пониски температури, Mivolis Immun Komplex е уште еден производ од dm марката Mivolis што може да го побарате во dm како дел од секојдневната грижа за себе.

The post ДЕСЕТ МИКРОНУТРИЕНТИ ВО ЕДНА ФОРМУЛА Погледнете што нуди Mivolis Immun Komplex во dm appeared first on plusinfo.mk.

На 1 октомври 2026 година светот првпат го одбележува Меѓународниот ден на кафето како официјален ден на Обединетите нации. Генералното собрание на ОН го определи 1 октомври за Меѓународен ден на кафето со резолуцијата 80/248, ставајќи го во фокус не само напитокот што секојдневно го пиеме, туку и луѓето, природата и условите од кои зависи неговото производство.

Кафето е една од најзначајните тропски земјоделски култури во светот и главно се произведува во земји во развој. А неговото производство е тесно поврзано со температурата, врнежите, почвата и надморската височина. Кафето, едноставно, не расте каде било. Иако постојат повеќе од 80 видови кафе, во комерцијалното производство доминираат два: арабика и робуста.

Една голема анализа објавена во „PLOS One“ во 2015 година, која опфатила 21 климатски модел, предвидува намалување на погодноста за одгледување арабика во дел од денешните производни региони до 2050-тите. Во некои подрачја погодните услови би можеле да се поместуваат кон поголеми надморски височини, додека други региони би станале помалку погодни. Авторите нагласуваат дека станува збор за климатски модели, а не за прецизно предвидување на идното производство.

Целиот текст прочитајте го на порталот „Арт кујна“.

The post ЌЕ ТРЕБА ЛИ ПАК ДА ПИЕМЕ КАФЕ СО НАУТ? Дали кафето што го пиеме денес ќе има ист вкус и ќе биде достапно и во иднина? appeared first on plusinfo.mk.

Светските океани минатата година апсорбирале рекордни 23 зетаџули топлина, што е речиси 40 пати повеќе од вкупната количина енергија што ја потрошило човештвото во текот на истата година, покажува извештајот за состојбата на океаните на програмата „Коперникус“.

Во десеттото издание на извештајот се наведува дека од 1999 година нивото на морето се зголемува во просек за околу 3,8 милиметри годишно. Во периодот од 2012 до 2025 година, растот се забрзал на 4,2 милиметри годишно, објавува „Гардијан“.

Извештајот покажува и дека глобалниот океан станал за 17 отсто покисел во последните 40 години.

Океаните апсорбирале околу една третина од јаглеродниот диоксид што го испушта човештвото, како и околу 90 отсто од дополнителната топлина заробена во Земјиниот систем како последица на емисиите на стакленички гасови.

Научниците утврдиле дека Средоземното и Црното Море се погодени од рекордни морски топлотни бранови, при што високите температури се задржуваат и длабоко под површината.

Средоземното Море се затоплува со стапка од 0,32 Целзиусови степени по деценија, а затоплувањето особено се забрзало во последните години, што придонесува за почести морски топлотни бранови.

Извештајот ги покажува и значајните последици од затоплувањето врз морскиот живот. Од јануари 2023 до септември 2025 година, дури 84 отсто од светските корални гребени биле изложени на топлински стрес.

Во изминатите 30 години, речиси пет отсто од површината на океанот доживеале трајни промени во моделите на раст на фитопланктонот – микроскопски организми кои се основа на многу синџири на исхрана и играат важна улога во регулирањето на протокот на јаглерод.

На Антарктикот, во 2022 година, четири колонии на царски пингвини доживеале целосен неуспех во размножувањето во период кога морскиот мраз достигнал рекордно ниско ниво.

The post МОРЕТО СЕ КАЧУВА СЀ ПОБРЗО, А ВОДАТА СТАНУВА ПОКИСЕЛА Океаните апсорбирале рекордни 23 зетаџули топлина appeared first on plusinfo.mk.

Opel ќе им овозможи на посетителите на овогодинешниот Саем за автомобили во Париз да ѕирнат во иднината. Поточно, во иднината на технолошки напредните и визуелно впечатливи каравани. Најновиот концепт од Rüsselsheim, визионерскиот Opel Sports Tourer eXperimental Concept, или накратко Opel STX Concept, ќе ја има својата светска премиера во француската престолнина.

Opel од 12 до 18 октомври ќе ја претстави својата целосна гама на високо динамични GSE модели. Кај Opel, GSE е кратенка за „Grand Sport Electric“, а токму овој дух на динамично возачко задоволство и впечатлив дизајн, во комбинација со Deutscher Ingenieurskunst (германска инженерска експертиза), германскиот производител ќе го претстави пред меѓународната публика. Во центарот на вниманието ќе биде новиот Opel GSE 27FE.

Болидот за Formula E GEN4 за претстојната сезона, со повеќе од 800 КС, го претставува врвот на GSE светот на Opel и за првпат ќе биде изложен во својата финална верзија за Светското првенство. Своето премиерно изложбено претставување ќе го има и новата Opel Corsa GSE, спортски модел за секојдневно возење, кој веќе е достапен за нарачка. Со моќност од 207 kW (281 КС), овој „hot hatch“ забрзува од 0 до 100 km/h за само 5,5 секунди, побрзо од кој било друг актуелен сериски модел на Opel. А за сите оние кои сакаат да го почувствуваат GSE духот, без оглед на тоа кој погон го претпочитаат, наскоро ќе имаат можност да го сторат тоа. Новото ниво на опрема GSE Line ќе биде воведено на пазарот, почнувајќи со Opel Astra GSE Line, кој премиерно ќе биде претставена во Париз.

Гамата GSE дополнително ја заокружува Opel Mokka GSE, кој го пренесува рели-духот од својот мотоспортски пандан, Mokka GSE Rally, на патиштата. Заедно со врвниот SUV со погон на сите четири тркала Grandland Electric AWD и достапниот семеен SUV Frontera Electric во верзијата со продолжен досег (Extended Range), тој ја илустрира широката понуда на нови SUV модели со препознатливиот амблем Blitz.

Заедно со потпретседателката за маркетинг Rebecca Reinermann и потпретседателот за дизајн Mark Adams, извршниот директор на Opel Florian Huettl ќе ги претстави овие и други новитети пред меѓународната публика на прес-конференцијата на Opel. Прес-конференцијата ќе се одржи на штандот A42 на Opel, во сала 4, во понеделник, 12 октомври, во 11:40 часот CEST.

Opel STX Concept: визијата за високо емотивниот и технолошки напреден караван за иднината

Opel STX Concept е смела визија за електричниот караван на иднината. Тој ги комбинира германската инженерска експертиза, емотивниот дизајн и интелигентните технологии на начин што на возачот и патниците им овозможува врвно уживање при возењето. Најновиот концепт од Rüsselsheim ја продолжува долгогодишната традиција на Opel како пионер во сегментот на каравани во Европа и јасно се надоврзува на моделите Sports Tourer со амблемот Blitz, како што е најновата генерација на Astra Sports Tourer, со кратенката „ST“. Но, STX Concept е нешто повеќе. Тој го симболизира и следниот еволутивен чекор во дизајнерската филозофија на Opel, уште посмел, поелегантен, поемотивен и поефикасен. Тоа особено се забележува кај уште повпечатливиот Opel Vizor, со светлосни анимации во закривените ламели, како и кај спуштениот заден дел и целокупниот дизајн на површините. Прецизните линии без видливи премини и карактеристичниот технички изглед дополнително го нагласуваат карактерот на возилото.

STX Concept дополнително располага со активен аеродинамички систем кој континуирано се приспособува на ситуацијата при возење. Подвижните елементи на задниот дел го оптимизираат струењето на воздухот, го намалуваат отпорот и ја подобруваат стабилноста. Така, STX Concept не е само изложбен концепт кој претставува револуционерен дизајн со иновативни технолошки решенија. Тој ја најавува и еволуцијата на караванската каросерија и веќе содржи елементи што ќе ги видиме кај идните модели на Opel.

Opel GSE 27FE: Целосно електричен GEN4 болид за Formula E со финалната тркачка верзија

Opel GSE 27FE е GEN4 болидот за Светското првенство во Formula E, во кое Opel ќе се приклучи од претстојната сезона. Тој е олицетворение на мотото на Opel GSE – „Grand Sport Electric“. Болид со високи перформанси има постојан погон на сите четири тркала, моќност од повеќе од 800 КС и моќност на регенеративното сопирање до 700 kW, со што електричниот мотоспорт го подигнува на сосема ново ниво.

И самиот изглед на болидот веднаш ги пренесува неговата брзина и перформанси. Opel Compass е особено истакнат на предниот дел и јасно го идентификува возилото како Opel. Истовремено, GSE 27FE дополнително го истакнува дизајнерскиот јазик на GSE, претставен со Mokka GSE Rally, од робусниот рели-изглед до новиот визуелен израз инспириран од високите технологии и големите брзини на Formula E. На Саемот за автомобили во Париз, Opel GSE 27FE за првпат ќе биде изложен во својата финална тркачка верзија, подготвен за дебито во Светското првенство.

Opel Corsa GSE: спортски модел за секојдневието забрзува од 0 до 100 km/h за 5,5 секунди

Новата Opel Corsa GSE, која веќе е достапна за нарачка, премиерно ќе биде изложена во Париз. Овој „hot hatch“, следејќи ја најдобрата традиција на ваквите модели, се претставува во препознатливиот GSE дизајн и ветува емоции, возбуда и високи перформанси, комбинирани со задоволството од целосно електричното возење.

Верзијата со високи перформанси на најпродаваниот мал автомобил во Германија има сè што би можело да се посака: со спуштена спортска суспензија, 207 kW (281 КС) и 345 Nm вртежен момент, новиот модел овозможува иста електрична моќност како Mokka GSE, добитникот на наградата „Златен управувач за 2025“. Но, Corsa GSE ја покажува својата спотска силуета малку повеќе. Од 0 до 100 km/h забрзува за само 5,5 секунди, побрзо од кој било друг актуелен сериски модел на Opel! На неограничените делници на германските автопати, возачите можат да достигнат брзина од 180 km/h. Перформансите дополнително го нагласува активниот спортски звук, развиен специјално за новата Corsa GSE, кој го следи возачкото искуство во зависност од забрзувањето и брзината. Така, перформансите стануваат видливи, опипливи и чујни за возачот и патниците.

Opel Astra GSE Line: динамичен GSE изглед и избор на погон

Целосно електричните спортски модели за секојдневно возење Mokka GSE и Corsa GSE ги воодушевуваат и медиумите и јавноста со своите перформанси, прецизност и високо динамичен дизајн. Затоа, Opel продолжува со брзо проширување на GSE искуството и кон други модели, а новата Astra е првиот модел што го добива новото ниво на опрема. Најпродаваниот модел во компактната класа, произведен во Rüsselsheim, за првпат ќе биде изложен како Astra GSE Line на „Mondial de l’Auto“.

Со новото ниво на опрема, купувачите ќе можат да го возат својот автомобил во препознатливиот GSE дизајн, без да се откажат од слободата на избор на погон. Новата GSE Line, која ќе биде достапна за нарачка од пролетта 2027 година, и дава на Astra уште поостар и подинамичен изглед, а може да се комбинира со целосно електричен, plug-in хибриден или хибриден погон, како и со конвенционални мотори со внатрешно согорување.

Возбудливо семејство на SUV возила: Mokka GSE, Grandland Electric AWD и Frontera Electric

Opel во француската престолнина ја претставува целосната разновидност на електричните SUV модели со препознатливиот амблем Blitz. Mokka GSE го пренесува рели-духот од својот мотоспортски пандан, Mokka GSE Rally, директно на патиштата, овозможувајќи им на купувачите да го почувствуваат сето тоа со истата моќност од 207 kW (281 КС) и вртежен момент од 345 Nm. Дополнително, тука се и технологиите инспирирани од релито, како и бројните дизајнерски и опремски детали кои будат чиста емоција. Со максимална брзина од 200 km/h, Mokka GSE е најбрзиот целосно електричен сериски модел на Opel досега.

Максималниот комфор и безбедноста при возење, во сите сообраќајни и временски услови, се меѓу главните приоритети кај Grandland Electric AWD. Првиот целосно електричен модел на Opel со погон на сите четири тркала располага со вкупна системска моќност од 239 kW (325 КС) и до 509 Nm вртежен момент. За оптимален контакт со патот и сигурно држење, клучни се подвозјето на Grandland Electric AWD, опремата со адаптивна технологија Frequency Selective Damping, како и индивидуално избирливите режими на возење. Возачите можат да изберат меѓу режимите „Normal“, „Eco“, „Sport“ и „4WD“. Како врвен модел во SUV гамата, Grandland Electric AWD обезбедува извонредна стабилност на патот и уживање во возењето, без разлика дали се вози по снег или се влече приколка за време на одмор.

Frontera овозможува особено поволен сооднос меѓу добиеното и вложеното, со иновативни карактеристики како удобните Intelli-Seats, практична станица за паметен телефон и простор за до седум лица. Во верзијата Frontera Electric со продолжен опсег, благодарение на батеријата од 54 kWh (52 kWh употреблив капацитет), моделот овозможува опсег до 400 километри (WLTP) без емисии, меѓу две полнења.

Дополнителни детали за присуството на Opel на „Mondial de l’Auto 2026“ во Париз ќе бидат објавени наскоро.

The post 📽️ НОВ ЕЛЕКТРИЧЕН КАРАВАН СО ПОВЕЌЕ ОД 800 КС И CORSA СО 281 КС Opel со големи премиери на Саемот за автомобили во Париз appeared first on plusinfo.mk.

За некои жени ташната е моден додаток, но за колекционерите таа може да биде вистинско богатство. На пазарот постојат модели чија вредност се мери во стотици илјади или милиони долари, а зад цената не стои само познатото име на брендот, туку и ретките материјали, дијамантите, ограничениот број примероци или историјата на конкретната ташна.

Hermès Himalaya Birkin, еден од најпознатите ултралуксузни модели на француската куќа е изработена од мат кожа од нилски крокодил, а карактеристичниот премин од бело кон сивкасто треба да потсетува на снежните врвови на Хималаите. Најскапите верзии имаат 18-каратно бело злато и дијаманти.

Дијамантската Himalaya Birkin 30 достигнала повеќе од 450.000 долари на аукција во 2022 година, а Sotheby’s наведува дека ваквите модели и понатаму се меѓу највредните сериски произведени Hermès ташни.

Но, кога станува збор за најскапата ташна што навистина е продадена, приказната е уште поневеројатна.

Во јули 2025 година, оригиналниот прототип на Birkin, направен за самата Џејн Биркин во 1985 година, беше продаден во Париз за 10,1 милиони долари. Станува збор за уникатен предмет со историска вредност – првата ташна од која подоцна настана една од најпознатите луксузни линии во светот.

 

View this post on Instagram

 

A post shared by Sotheby’s (@sothebys)

На листите на најскапи ташни се појавува и Mouawad 1001 Nights Diamond Purse, чија вредност е околу 3,8 милиони долари. Ташната во форма на срце е изработена од 18-каратно злато и има неверојатни 4.517 дијаманти, со вкупна тежина од околу 382 карати. За нејзината изработка биле потребни повеќе од 8.000 часа работа.

Следува Hermès Sac Bijou Birkin, минијатурна верзија на Birkin која повеќе личи на парче накит отколку на класична ташна. Изработена е од розово злато и украсена со 2.712 дијаманти, со вкупна тежина од 89 карати. Направени се само три примероци, а секој е проценет на околу 2 милиони долари.

Приближно 1,9 милиони долари се поврзуваат со уште една екстремно ретка Birkin – моделот создаден во соработка со јапонскиот дизајнер на накит Гинза Танака. Ташната е направена со платина и повеќе од 2.000 дијаманти, а нејзиниот ремен може да се откачи и да се носи како накит.

Тука е и Hermès Chaine d’Ancre, проценета на околу 1,4 милиони долари. Наместо класична конструкција, овој необичен модел е замислен како скулптура од бело злато и има повеќе од илјада дијаманти.

Меѓу познатите скапи модели е и Lana Marks Cleopatra Clutch, која се поврзува со црвениот тепих и е изработувана во различни луксузни варијанти. На листите на најскапи ташни се наведува со вредност од околу 400.000 долари, во зависност од конкретната верзија.

А тука е и Chanel Diamond Forever, модел украсен со 334 дијаманти поставени во бело злато, со ремен од 18-каратно злато. Нејзината наведувана вредност достигнува околу 261.000 долари.

Интересно е што на интернет кружат различни листи на „најскапи ташни“, но тие не мерат секогаш иста работа. Некои ги рангираат ташните според реално постигната аукциска цена, додека други вклучуваат и модели со проценета или официјално наведена вредност. Затоа, бројката од 10,1 милиони долари за оригиналниот Birkin на Џејн Биркин е рекордна реализирана продажна цена, додека кај дел од другите модели станува збор за проценки или наведени вредности.

Подолу е листата на најскапи ташни на Русинката Наталија Насонова, менаџерка за продажба на недвижности во Дубаи, а на својот профил на Инстаграм објавува содржина која е главно поврзана со богатство, луксузен животен стил и недвижности.

 

View this post on Instagram

 

A post shared by Natalia | Real Estate Investment | Dubai | Недвижимость (@natalia_nasonova1)

The post 📽️ НАЈСКАПИТЕ ЧИНАТ КОЛКУ ЛУКСУЗЕН СТАН Од ташни со злато и илјадници дијаманти до оригиналната „Биркин“ од 10 милиони долари appeared first on plusinfo.mk.

Несекојдневна сцена се случила во продавница за алкохол во Ранчи, во индиската сојузна држава Џарканд, откако мајмун влегол во објектот, испил речиси половина шише алкохол и заспал на самото место.

Наместо вообичаената реакција кон крадец – да биде избркан, пријавен во полиција или задржан – присутните извадиле телефони и почнале да го снимаат необичниот натрапник како спие откако се опил. Причината била едноставна: „крадецот“ бил мајмун.

Инцидентот се случил во областа Орманџи Чоук во Ранчи. Мајмунот ненадејно влегол во продавницата додека вработените биле внатре.

На почетокот, персоналот се обидел да го избрка, а дури му понудил и бисквити за да му го одвлече вниманието. Но, мајмунот наместо тоа зел шише вотка, го скршил и почнал да го пие алкохолот.

In India, a monkey climbed into a liquor store and threw itself a party

The primate started drinking alcohol straight from a bottle, then lay down in the store and fell into a deep sleep. pic.twitter.com/8mofakMoJy

— NEXTA (@nexta_tv) September 26, 2026

Набргу по пиењето, животното почнало да се тетерави, а потоа легнало врз картонска кутија со алкохол во продавницата и заспало.

Присутните останале вчудоневидени од неговото однесување. Мајмунот извесно време останал во бессознание во продавницата по консумирањето на алкохолот, додека луѓето на местото го снимале целиот настан со мобилните телефони.

На видеата од инцидентот се гледа како купувачи доаѓаат во продавницата за да купат алкохол, а вработените продолжуваат нормално со работата додека мајмунот спие во задниот дел од објектот.

Според сопствениците на продавницата и локалните жители, мајмунот во изминатите неколку дена бил забележуван како лиже остатоци од алкохол од фрлени шишиња.

The post 📽️ МАЈМУН ВЛЕГОЛ ВО ПРОДАВНИЦА, СЕ НАПИЛ ВОТКА И ЗАСПАЛ Купувачите го снимале необичниот „крадец“ appeared first on plusinfo.mk.

На 1 октомври Гугл ќе го лансира својот прв експериментален сателит опремен со чипови за вештачка интелигенција. Тоа е првиот конкретен чекор во рамките на проектот „Suncatcher“, со кој технолошкиот гигант тестира дали еден ден вештачката интелигенција би можела да се користи во центри за податоци во орбитата, кои би се напојувале директно со сончева енергија.

Сателитот, со големина приближно колку фрижидер, наречен „MVP“, ќе биде лансиран со ракетата „Falcon 9“ на „SpaceX“ од воздухопловната база Ванденберг во Калифорнија, објави „Њујорк тајмс“.

Лансирањето ќе се случи неколку месеци порано од првично планираното. Гугл претходно објави дека прототиповите, развиени во соработка со „Planet Labs“, требало да бидат лансирани на почетокот на 2027 година.

Станува збор за технолошки тест, а не за вистински центар за податоци во орбитата. „MVP“ ќе биде опремен со четири „TPU“-чипови на Гугл, кои заедно имаат приближно онолкава компјутерска моќ колку еден сервер во центар за податоци.

The post ВСЕЛЕНАТА КАКО НОВ АИ ЦЕНТАР ЗА ПОДАТОЦИ Гугл ќе лансира експериментален сателит appeared first on plusinfo.mk.

Кога човек ќе помисли на доктор од Лондон кој дошол на одмор во Скопје, веројатно не очекува дека тој ист доктор во британската престолнина работи како готвач во македонска меана, а до Скопје дошол правејќи велосипедска тура по неколку балкански земји за да се запознае одблизу со традицијата, храната и културата, поттикнат токму од својата работодавачка со македонски корени.

Џејмс Ваи Џиан Вонг е Малезиски Кинез кој е роден и живее во Лондон, завршил медицина и три години работел како доктор во Шкотска, но денес професионално е во сосема поинаква средина – во кујна. Во „Дома“, македонската меана на Спасиа Динковски, жена со македонски корени која со својот „Мистик Бурек“ стана вистинска ѕвезда на гастрономската сцена во Лондон, тој се запознал со балканската, а особено со македонската храна, а љубопитноста го донела и лично да ја истражи Македонија.

The post БРИТАНСКИ ЛЕКАР ГОТВЕЛ ВО МАКЕДОНСКА МЕАНА После толку ќебапи и шопска, ќе се посвети на пациенти во Норвешка appeared first on plusinfo.mk.

Секоја заедница најдобро знае што ѝ недостига – почиста околина, уреден простор за дружење или место каде што луѓето можат да учат, создаваат и да се поврзуваат. Токму од вакви конкретни локални потреби произлегуваат трите проекти во финалниот избор на „Иднина која инспирира“. До 27 септември 2026 година, граѓаните можат да изберат меѓу „Силата е во младите“, „Природа што нè поврзува“ и „Простор за раст – функционален центар создаден од граѓаните“ и со својот глас да придонесат еден од нив да добие дополнителна поддршка од dm drogerie markt. Гласајте за вашиот фаворит на следниот линк.

Зад „Силата е во младите“ стои потребата младите да не бидат само набљудувачи, туку активни учесници во грижата за животната средина. Проектот на Здружението за екологија, еколошка едукација и еколошка обединетост „За почиста Македонија“ предвидува еколошки чистки во скопските населби, работилници и дискусии со деца и млади, како и видеосодржини за подигнување на јавната свест и поттикнување поодговорен однос кон околината.

„Природа што нè поврзува“ тргнува од една поинаква локална потреба – запуштен и неискористен простор во Неготино да добие нова вредност за граѓаните. Центарот за регионален одржлив развој планира просторот да го преобрази во зелено и функционално место за одмор, рекреација и дружење. Преку волонтерски акции ќе се расчистува и уредува локацијата, ќе се садат дрвја и растенија, ќе се поставуваат клупи и други практични елементи, а предвидени се и едукативни и креативни активности.

Со „Простор за раст – функционален центар создаден од граѓаните“, Здружението за едукација, развој, јакнење и вмрежување „ЕДЕН ХАБ“ од Прилеп тргнува од прашањето како неискористените простори повторно да ѝ служат на заедницата. Проектот предвидува мапирање и активирање простори во Прилеп, Кривогаштани и неколку општини на територијата на Град Скопје, кои со помош на волонтерите треба да прераснат во достапни центри за учење, креативност, практични вештини, ментална благосостојба, активно граѓанство и меѓусебна поддршка.

Трите проекти произлегуваат од различни средини и одговараат на различни потреби, но ги поврзува истата идеја – граѓаните и локалните заедници активно да учествуваат во создавањето подобри услови за живот. Со гласањето, токму граѓаните добиваат можност да покажат која од овие потреби ја препознаваат како најважна за дополнителен поттик.

Финалното гласање е дел од пошироката иницијатива „Иднина која инспирира“, во рамките на која годинава беа пријавени вкупно 74 проекти. По стручното оценување, пет иницијативи веќе добија финансиска поддршка од dm во вкупна вредност од 2,9 милиони денари. Во стручното жири учествуваа Гоце Калинов од „Ретвитни оброк“, Далиборка Златева, претседател на „Здружение на лица со церебрална парализа и други попречености – Велес“, Ико Брдаровски, менаџер за грижа на корисници во „Пакомак“, како и тројца претставници на dm.

Меѓу петте веќе избрани проекти се „Охрид Еко 2027“ на Нуркачкиот центар „Амфора“, „Херои на солидарноста: Тегла Плус за нашата заедница“ на Здружението „Љубезност“, „Поддршка блиску до тебе – Заедно до правата“ на Македонското здружение на млади правници, „Заедно сме шампиони – инклузија преку спорт“ на Специјална Олимпијада – Македонија и „DM HUB – Центар за благосостојба и грижа ‘Грижа за себе. Грижа за другите. Грижа за заедницата.’“ на Центарот за истражувања и анализи НОВУС.

Преку „Иднина која инспирира“, dm продолжува да им дава простор на идеите што произлегуваат од реалните потреби на локалните заедници, а со вклучувањето на граѓаните во финалниот избор ја заокружува идејата дека позитивната промена е најсилна кога се создава заедно.

The post ГЛАСАЈТЕ ЗА ЕДЕН ОД ТРИТЕ ПРОЕКТИ НА КОНКУРСОТ НА ДМ Идеите произлегуваат од локални потреби на граѓаните appeared first on plusinfo.mk.

Mекена Вест, медицинска сестра од Алјаска која била сурогат-мајка, побара од американскиот Врховен суд да ѝ дозволи повторно да има улога во одлуките за бебето што го роди, но судот го одбил нејзиното барање. Одлуката на судијката Елена Каган не содржи образложение, што е вообичаено кај ваквите итни барања.

Случајот започнал уште за време на бременоста. Вест во декември останала бремена со момчето, а на 20-неделниот ултразвучен преглед во април лекарите откриле дека фетусот има хипопластичен синдром на левата страна на срцето (HLHS) – тешка вродена срцева мана кај која левата страна на срцето е недоволно развиена и крвта не може нормално да циркулира.

Според судските документи, Вест и парот од Калифорнија, Наусин Гилкар и Омар Ахмед, претходната година потпишале договор за сурогатство во кој постоела одредба за прекин на бременоста во случај на „фетална абнормалност“. Откако била откриена срцевата мана, Гилкар и Ахмед побарале од Вест да ја прекине бременоста. Таа одбила. Според нејзиното сведочење, дури закажала најмалку два термини за абортус, но на крајот не можела да го направи тоа.

Вест потоа ја напуштила Алјаска и заминала во Тексас, каде што абортусот е забранет по околу шестата недела од бременоста. На 12 август таму го родила момчето. Таа го нарекува Габриел, додека Гилкар и Ахмед му го дале името Руми.

Меѓутоа, родителите уште пред раѓањето побарале судот во Калифорнија да го потврди нивното родителско право. Судот го направил тоа, признавајќи ги Гилкар и Ахмед како законски родители на детето. Вест тврдела дека случајот треба да се води во Алјаска и дека никогаш не дала согласност Калифорнија да одлучува за нејзините права.

По раѓањето, состојбата на бебето станала уште посериозна. Момчето има животозагрозувачка срцева мана и веднаш му била потребна операција. Во Тексас била извршена Норвуд-процедурата, која вообичаено е првата од серијата операции што им се потребни на децата со оваа дијагноза во текот на првите години од животот. Без лекување, состојбата може да биде фатална.

Во еден момент во случајот се вмешал и државниот обвинител на Тексас, Кен Пакстон, кој побарал да се обезбеди медицинска грижа за новороденчето. Бебето подоцна било во можност да ја продолжи борбата за живот во болница во Тексас, додека траела правната битка околу тоа кој има право да одлучува за неговото лекување.

Вест, сепак, не се откажала. Таа тврдела дека родителите, бидејќи претходно побарале прекин на бременоста, можеби нема да сакаат да продолжат со сите неопходни медицински интервенции за детето. Нејзините адвокати дури предупредиле дека без судска интервенција таа ќе остане целосно исклучена од животот на бебето што го носела 37 недели и од можноста да влијае врз важните медицински одлуки.

Но, адвокатите на Гилкар и Ахмед ги отфрлаат тие тврдења. Тие пред Врховниот суд навеле дека родителите се постојано со својот син во одделението за интензивна нега и дека токму тие се тие што ја обезбедуваат неговата медицинска грижа. Според нив, нема никаква вистина во тврдењето дека сакаат да му го прекинат лекувањето.

И самата Гилкар во август, на судско рочиште во Далас, зборувала за својата приврзаност кон бебето. Таа рекла дека Руми е љубовта на нивниот живот и дека многу страда. Од другата страна, Вест инсистира дека токму нејзината одлука да ја продолжи бременоста му го спасила животот.

Правната битка доби нов пресврт минатата недела, кога Врховниот суд на Тексас дозволи бебето да биде префрлено во Лос Анџелес за специјализирано лекување. Судот наведе дека најважна е можноста медицински кревкото дете да го продолжи лекувањето и дека постои ограничен временски прозорец за безбедно префрлање од една единица за интензивна нега во друга.

Само неколку дена подоцна, Врховниот суд на САД го одбил барањето на Вест. Со тоа не е донесена одлука за сите прашања околу сурогатството, абортусот или родителството, туку судот едноставно одби итно да се вмеша во конкретниот спор и да ја суспендира одлуката со која Гилкар и Ахмед се признаени како законски родители.

Случајот во САД предизвика широка дебата за тоа што се случува кога договорот за сурогатство ќе се судри со личната одлука на жената која ја носи бременоста, но и за тоа кој има право да носи медицински одлуки за дете кое е родено со тешка здравствена состојба. Во случајот дополнително се отвора и прашањето дали договорите за сурогатство можат однапред да определат што мора да направи жената доколку се открие сериозна фетална аномалија.

The post СУРОГАТ МАЈКА ОДБИЛА АБОРТУС, СЕГА СЕ БОРИ ЗА БЕБЕТО Родила дете со тешка срцева мана, па побарала право да одлучува за него appeared first on plusinfo.mk.