Судот во Стразбур не се впушта во оценки дали врз основа на докази добиени на незаконски начин во однос на домашното право може да се утврдува вина. Но, важно е да се утврди дали на обвинетите им е дадена можност да ги оспорат тие докази и да се спротивстават на нивната употреба. Ако обвинетите немаат таква можност, каква што немала Гордана Јанкулоска во случајот „Тенк“, голема е веројатноста Судот да утврди повреда на членот 6 од Европската конвенцијата за човекови права, или  попрецизно – кршење на принципите на контрадикторност на постапката и еднаквост на оружјата.