Судскиот совет сега треба повторно да одлучува за суспендираните судијки од Апелациски суд. Нивната пресуда Телеком да плати отштета од 4 милиони евра на Фокуснет, Телеком ја обжали пред Врховниот суд, кој треба да одлучи за крајниот епилог на овој случај. На потег е и Јавното обвинителство, кое собира докази и може да покрене обвинение против судијките. Случајот има пошироки општествени реперкусии, затоа што евентуална отштета би значела штета и за државниот буџет, со оглед на тоа што државата има сопственост од 36% во Телеком. Во случајот „Фокуснет против Телеком“, кој трае повеќе од две децении, се водат битки на три фронта, но неговата завршница е на повидок.