– Кечапот во фрижидерот превртен, стој на глава (кечапот, не ти);

– Во јогуртот малку вода;

– Во шампонот исто малку вода (не истата шо си ја турил во јогуртот);

– Место уклучено греење, облечи уште едно фанелче;

– Леб три дена е добар за јадење, треба само да се клај во рерна, да крцка;

– Рерната се пушта после 22, на евтина;

– Електричниот тротинет и мобилен се полнат на работа.

Нема потреба од мерсу.

(Фејсбук статус на авторот)

The post Совети за преживување за Бујар Османи appeared first on plusinfo.mk.

Убиенaтa е мајка на три деца, три деца кои сега ќе растат сами, со трауми и болки, со празнина.

Од друга страна, yбиецот бил пријавуван во полиција од страна на жртвата, за закани и изнуда.

Полицијата, очигледно, не презела многу. Нефункционалноста на институциите повторно yби, стигмата на општеството кое ги обвинува жртвите повторно остави деца без мајка.

На сите полиња потфрламе, а поради нашето потфрлање се случуваат трагедии, се полнат гробиштата, деца растат ко сираци.

Фејсбук статус на авторот

The post Нефункционалноста на институциите повторно уби appeared first on plusinfo.mk.

Под сиромашни Заводот за статистика ги води тие што живеат со помалку од 100 денари на ден.

Два леба, од утре.

Сите несомнено ќе нѐ погоди кризава. Кого повеќе, кого помалку, ама едно е сигурно – си го баравме и си го добивме.

Триесет години слушаме кражба за кражба, скандал за скандал, сите знаеме сѐ што се случува и пак истото.

Малку на власт вмро, малку сдсм, дуи константа. Сами ги гласаме гробарите кои нѐ доведоа до тука.

И ќе биде полошо од ова. И во наредните месеци ќе им плаќаме патни трошоци, вечери, партиски вработувања и хонорари на разни Темелковци, пак ќе местат тендери, пак ќе прават малверзации, пак ќе бидат корумпирани.

Ако ништо друго, стасуваме до точка каде што нема што да изгубиме. А тогаш, или ќе се освестиме или ќе изгинеме во молк.

(ФБ статус на авторот)

The post Си го баравме и си го добивме appeared first on plusinfo.mk.

Место: културен центар на нацистичкиот соработник “Ванчо Михајлов” – Битола.

Време: налудничаво. Гости: бугарскиот премиер, бугарски министри, припејд бугари од Македонија.

Музика: реквием за Македонија. Втор пат битолските Евреи се убиени од страна на бугарските фашисти.

Овој пат со отворањето на центарот кој го носи името на нацистички соработник, кој немал јајца да направи држава кога Германците му понудија, затоа што знаел дека нема поддршка во народот. Истиот кој живеел на сметка на неговиот пријател Анте Павелиќ во НДХ, монструозна творба која преку етничко чистење во смрт однесе стотици илјади Срби, Роми, Муслимани…

Човекот кој другаруваше со Мусолини, кој заврши обесен на бензинска пумпа, човекот кој беше до Хитлер. И преживеа, доживеа старост, затоа што такви лигави ликови можат да се само на маргините и буништето на историјата. А некој копа на буништето и од таму ги вади најгнасните фусноти, кои ако се споменуваат треба да се примери како не треба.

Кои животни копаат по буниште не прејудицирам. Да не се налутат нашите браќа од Бугарија. За тоа време нашата влада молчи. Молчи опозицијата исто таја. Молчиме и ние. Во молк, со пенкало се отпишавме. И ние и гробовите на Гоце, Даме, Јане, Питу, партизаните и Илинденците. Залудни жртви дадоа за еден ден да нè снема во апатија и молк.

The post Културен центар Адолф Хитлер и пријателите appeared first on plusinfo.mk.

Човек оди да го прошета празниот куфер по кавга со сопругата и завршува во затвор, па мртов.

Самоуништување

Пијан таксист или тепа жени.

Пред дождот

Првиот дел е трет, вториот прв, третиот втор.

Панкот не е мртов

Панкери во криза на средните години се однeсуваат како тинејџери.

Балканкан

Има баба, нема баба, Бугарија, пак има баба.

Републиката во пламен

Републиката не е буквално во пламен.

Викенд на мртовци

Вие ја имате нашата Ката, ај да се смениме. Види колку е Игор Џамбазов млад. Се сменија со Ката.

Сенки

Баба со волк. Дали е главниот лик жив или мртов? Цицки!

Трето полувреме

Бугарите местат натпревари, а не ни пишуваат во кладилница. Катарина Иванова гола.

Џипси меџик

Влатко Стефановски имаше хит со песната за филмот. Колат кокошка. Буџетот за постерот е помал од 90 денари.

The post МАКЕДОНСКИ КУЛТНИ ФИЛМОВИ Раскажани со една реченица appeared first on plusinfo.mk.

Се собираат Ангела, Франсоа, Домагој, Едвард, Краси, Јорго…

Може слободно да се каже дека таму не може да влезе секој. Ни секоја. Одамна да се дружи со нив сака и Македонка. Ситна, ама убава. Но, на секој обид да влезе, ѝ велат дека тоа е „приватна забава”.

Не помага објаснувањето дека таму ѝ се „пријателите” Ангела, Франсоа…

Излегуваат некогаш тие да ѝ направат муабет, да ја охрабрат. И се враќаат, божем да зборнат со другите, да ѝ дозволат влезе. А вратарот пак вели „приватна забава”.

Пред некоја година, имаше и инцидент, додека чекаше. Излезе од клубот еден Борис, лут и изнервиран, не сакал да се дружи со нив повеќе. Ѝ се стори на Македонка дека сега е шансата, дека има место. Ама немаше. Вратарот пак кажа „приватна забава”.

А и некои од копуцине, влезени во тоа друштво бво разни околности, не ја сакаа Македонка внатре, на маса со нив.

Јорго, со чии баба и дедо се знаеше, се знаеја со генерации и беа соседи, не ѝ го бендиса името. Почна да ја вика Северна. По некое време и Македонка почна да се вика Северна. Ѝ пукаше филмот кога ќе се слушнеше тоа, ама кога се мора… Оти внатре беше убаво и сигурно. Или барем така ѝ се чинеше…

Јорго се врати во друштвото, да испие некоја пијачка на сметката на Ангела. Без пари. По навика.

Излезе подоцна и Краси.

– Кои се твоите? – ја праша Македонка.

– Како кои се? Имам потекло.

– Немаш.

– Па не ме измисли некој…

– Те измисли. Дур не прифатиш тоа, не влегуваш.

Се знаеше и со Краси Македонка. Неговите дедо и баба своевремено се беа вселиле во нивниот стан. Направија таму лом и од тогаш сакаат да се вратат. Тие велат дека не направиле лом, туку само го подсредиле станот.

И така…

Чекајќи да влезе во клубот, Македонка остаре. Лицето ѝ се измени и усни ѝ свија кораво, што би рекол Рацин. Изгуби сила и желба, почна да пие апчиња и пред време болести ја нападнаа.

Но, гледаше таа уште внатре, никогаш не погледна на друга страна. Скоро вратарот пак се сожали и ѝ рече:

– Имаме волја да влезеш…

– Кога?

– Не знам кога, види со Краси тоа…

Македонка, со она малку достоинство што ѝ остана, продолжи да чека. Да се смилува Краси.

Уште чека. Иако внатре, на „приватната забава“, веќе и не е толку забавно.

А можеби Македонка и не знае што се прави на „приватни забави“?

The post Македонка чека да ја примат на „приватната забава“ appeared first on plusinfo.mk.

Скап бил бензинот, скап бил дизелот, ко трансформери да сте низ вените бензин да течи. И брашното и маслото било скапо, па немало ова, немало она, а и да имало и то скапо. Само кондомите поскапени, никој не се пожали, после сакате убав живот ко во кифли и зелници ви е само умот.

Не оди така другари и другарки.

Ево на телевизија, по контакти, по интернет утринската програма шо се вика Фејсбук, само жалење, само солзи… А една категорија на луѓе стоички ќути и трпи, збор не им се слуша.

Тивкото малцинство на политичарите.

Дали слушнавте, поправете ме ако грешам, како некој политичар се жали дека е се поскапено? Шо тие демек не јадат? Не им е тешко по кафани сега ко ќе им идат поголеми сметки на фактура на министерство и општина да ги пишат? Им се рони срцето, да ви кажам. Им се плаче. Дури мораат и виски, ракија да пијат за да можат таа тага да ја издржат. И за кој? Пак за нас се мачат. И ќе се здебелат ако треба, ќе имаат проблем со желудник ама молчат и трпат.

Демек нив колите на вода им одат па не ги допира бензинот шо поскапе? Ги допира ама се карактер луѓе, ќе стегнат заби и ќе наполнат до врв гориво со службена картица. Тие кутри и немаат свои коли, мораат државни да возат. Не ко некои имаат по две коли и пак не им чинело.

Нив не им се на дрва дома телевизори, компјутери, мобилни, бојлери, машини или на пластика стара на горење  па да не им е тешко со струјата. Тешко им е, којзнае како спијат  ама силата им е поголема од маките и проблемите. Надежта дека ако се нема може да се краде и повеќе и посилно да не се осети криза кај нив.

Е после имале, па ќе имаат ко не се застанати со работа.

Ко тие да немаат деца, демек нивните деца нејќат да одат на Малдиви или Занзибар. Сакаат и тие и тие се души, ама којзнае оваа година дали ќе има за една Хрватска не па за Малдиви. А родителска солза е најтешка. Ќе стегнат заби, на ви за две недели во Дубровник, толку се може, криза е. Ама тоа дома, нема да видите кај што плачат по социјални мрежи.

Секоја им чест на силата и оптимизмот! Со нив сме во овие тешки времиња и ако треба еве и пет денари нека крени акциза на гориво ама да си поможиме некако, да не им падне стандардот.

The post Реално нема криза, сите кукате, а политичарите ќутат и трпат! appeared first on plusinfo.mk.

Сепак, неколку тези во војната меѓу Русија и Украина можат да имаат огромно влијание кај нас, тези кои проруски настроените лесно ги прифаќаат. Јасно, би рекле дека она што се случува во Украина е различно од сето она што што го знаеме и што нè засега, а различно е само затоа што не се случува во Македонија – да е поинаку, ќе нè тангираше сите.

Една од тезите е дека Украина е руска и дека Русите таму се маргинализирани и дискриминирани. Навистина  има примерии за тоа, ужасните злосторства над Русите од страна на неофашистичките одреди во Донбас. Меѓународната заедница не ги осуди, а не ги ни процесираше тие геноциди врз Русите. Дури и еден од водачите на озлогласениот батаљон Ашов стаса да стане дел од украинскиот парламент. Тие ужаси се премолчени од меѓународните фактори и со тивок амин на Украина.

Каде сме ните во ова? Во процентите и во проблемот Украина да се нарече руска. Во Украина, според пописот, има околу 18 отсто Руси. Ако со 18 отсто Руси може Украина да биде руска, која е гаранцијата дека утре нема да се појават сепаратисти во Македонија  земја со над 20 отсто Албанци, кои ќе тврдат дека Македонија е всушност албанска?

Водени од логиката на прорусите кај нас  тие би требало со овој процент да застанат зад идејата за поделба на Македонија.

Истото може да го рече и Бугарија. Според бројката на бугарските пасоши, има огромно малцинство во Македонија. Значи ли тоа дека ќе биде легитимно утре да видиме бугарски тенкови на границата? Веќе од бугарска страна се врти приказната за дискриминација на нивното малцинство кај нас, а ако тргнат да го заштитат по рускиот рецепт, прорусите ќе мора да застанат од нивна страна.

Македонија се наоѓа на три мапи на „големи држави“ кај нашите соседи, така што агресиите низ светот од големодржавни позиции никако не ни се во прилог.

Опасен преседан за нас е тврдењето на Путин дека Украина ја измислиле комунистите. Смени само Путин со Борисов и Украина со Македонија и – истата изјава веќе и не ни е така далечна. И Путин и Борисов се убедени дека Украина и Македонија се творби на Коминтерната.

Се разбира дека веднаш треба да ја отфрлиме бугарската глупост, затоа што Македонија има историја и свој пат до независноста платен со животи и со крв. А можеме ли, во исто време,  да ги погледнме Украинците во очи и да им кажеме дека не постојат и дека се тука со указ на Сталин?

Она што ни го прават нас, би им го направиле ли на другите?

Еден од главните „аргументи” е дека Украина не смее во НАТО. Тоа е барање на Русија, која веќе се граничи со членки на НАТО. Не е ли тоа мешање во внатрешните работи на суверена држава? Дали Украина сака и дали смее во НАТО е проблем на Украина и – на никој друг.

Додека овде Грција ни го одредува името, а Бугарија ни ги менува Уставот и историјата и ни создава револт, кога се работи за други народи  ние лекоумно прифаќаме дека некој однадвор може да им ги крои политиките и курсот во која насока ќе се развиваат.

Уште еден фактор е странското влијание во Украина, со посебен акцент на западното влијание. Путин како решение за тоа нуди смена на власта во Киев и да дојдат проруски наклонети политичари. Во основа, Русите немаатпроблем со странското мешање, сè додека тоа го прават тие.

Ни НАТО ни Русија очигледно не гo прашуваат украинскиот народ, само го шират своето влијание. Исто како што ние, за многу работи кои ни создаваат револт, не сме прашани, од нашите отворено прозападни власти. А кога ќе се суспендира демократијата во една земја, дали ти донеле Американците или Русите свој човек за цар или говедар  исто му се фаќа  тоа веќе не е владеење на народот.

Или не е така?

The post Двојните аршини на проруски настроените Македонци appeared first on plusinfo.mk.

Ќе паднат неброени ракети на места на кои некои луѓе живееле и љубеле, ќе бидат избркани од домот да се всели таму лудилото, детства ќе прекинат во мирис на барут, младост ќе гине во калта на рововите затоа што големите играат војна. А за нив е игра. Нема луѓе и судбини ни во нивните ни ви туѓите. А од двете страни се наши. Обични луѓе кои следат наредни.

И руските и украинските војници дома ги чека некој, исто и руска и украинска ја стегаат градите дур ги гледа вестите, исто се тресе на ѕвонењето на телефонот побледена од страв од кобни вести… Исто и украински татко и руски крие солза додека можеби за последен пат го пушта синот во магла од лудило. И девoјката на рускиот и украинскиот војник ќе сонува сон во кој за двајцата е сама. И руски и украински деца вечерва ќе заспијат без приказна од татко им кој е на фронтот, а некои нема никогаш повеќе да го слушнат.

Некои од фронт ќе немаат каде да се вратат. Ветуваат дека се борат за својот дом уништувајќи го туѓиот. И другата страна ќе верува во истото. И ќе останат два дома разрушени, светови уништени, младости во цут скинати, празнини на семејни фотографии, деца кои кога ќе кажат “мама”, “тато” место љубов ќе почувствуваат болка… Ќе останат гробови. Чии? Па наши.

Погледни се во огледало. Не гледаш ништо друго освен гроб во некоја војна на лудоста. Истото го гледа во огледало и облечен народ во Украина и во Русија и во Америка и Кина и Конго и Аргентина и Норвешка и Нигерија. Статистика во грандиозните лудости на геополитиката. Над свежите гробови ќе останат само блиски да жалат, лудаците ќе останат во историските читанки како икони за некои наредни лудаци.

И оваа војна ќе заврши. Путин нема да пати, ни плати. Ни неговото семејство. Ни политичките пропагандисти, нит вештите кои со збор опиваат народ кој кога ќе се отрезни е веќе доцна, нема влакно да им фали ни на другите кои ја санкционираат Москва. Еден ден ќе решат дека доста е, ќе седнат во некоја палата и ќе потпишат договор.

Задоволни сите. Освен мртвите кои не им се знае гробот, инвалидите, оние што жалат по тие кои не се вратиле. И оние кои се вратиле како сенки, живи, а мртви од тоа што го виделе и преживеале.со нивна крв ќе потпишат мир кој е немир за жртвите. Нема мои во оваа војна на наши.

The post Војната има лице, лузни, празнини, свежи гробови appeared first on plusinfo.mk.

The post Св. Валентин, некогаш и сега, еволуција на Денот на вљубените appeared first on plusinfo.mk.