Последна промена пред 56 секунди | Понеделник 21 Април 2014 | 14 0

Што е поздраво, а што подиетално: Пица или шпагети?

  • Објавено: 22.04.2013 13:44
  • Прочитано: 2254
  • Печати

Шпагети болоњезе или пица маргарита? Споредете ги адутите на овие два италијански специјалитети и определете се врз основа на тоа што сакате да постигнете.

Пица

Пицата е комплетен оброк. Содржи бавни шеќери (тесто), калциум (кашкавал), белковини од животински (месо, сирење) и од билно потекло (тесто), билни влакна, минерали, витамини (печурките шампињони, пиперките, доматите), и незаситени масти. Ако сакате оброкот што се состои од пица да биде уште поздрав, определете се за оној вид кој содржи разни видови зеленчук или јадете го со салата, а за десерт земете овошје.

Тестенини
Тестенините немаат особено хранлива вредност. На пример, шпагетите карбонара не содржат витамини, тестините со прелив од зеленчук не содржат белковини, а во шпагетите болоњезе нема калциум. Ако тестенините ги јадете „голи“, без каков било сос, нема да ги внесете неопходните витамини, минерални соли и билни влакна. Затоа, најдобро е да се одлучите за рецепт кој содржи и продукти од билно потекло и месо (на пример, шпагети болоњезе), и да ги зачините со лажица пармезан. Оброкот завршете го со некое овошје.

АКО ВНИМАВАТЕ НА ЛИНИЈАТА: ИЗБЕРЕТЕ ТЕСТЕНИНИ

Пица
Таа е покалорична од тестенините кои ги подразбираат истите состојки. Сто грама пица маргарита има 230 калории, додека 100 грама шпагети со сос од босилек имаат 190 калории. Пицата исто така е пообилна од порцијата шпагети. Ако сепак повеќе сакате пица, а внимавате и на својата половина, дајте и предност на наполитаната, вегетаријаната и маргаритата (800 калории) во однос на калцоне или на кватро формаџи (од 1.800 до 2.000 калории).

Тестенини
Истата количина тестенини многу полесно ќе ве засити затоа што содржат повеќе бавни шеќери. Избегнувајте ги специјалитите што подразбираат масни материи. На пример, шпагетите карбонара имаат 1.000 калории на 250 грама, а со прелив од четири видови сирење (кватро формаџи) 900 калории на 250 грама. Тоа значи дека се премногу калорични и дека го забавуваат варењето. Воздржете се од додавање пармезан, кој содржи заситени масти.

АКО ВИ Е ПОТРЕБНА ЕНЕРГИЈА: МОЖЕТЕ И ПИЦА И ТЕСТЕНИНИ

Пица
Тестото, кое ја прави основата на пицата, содржи сол, брашно, вода и квасец. Многу е богато со бавни шеќери (скроб), кои ни ја обезбедуваат потребната енергија. Но внимавајте: не претерувајте со овој специјалитет бидејќи може негативно да се одрази на варењето и да предизвика сонливост.

Тестенини
Се прават од брашно кое содржи глутен, протеинска супстанца што го врзува скробот (бавни шеќери) и ги штити од дејството на ензимите во дигестивниот тракт. Глицидите на тој начин постепено се ослободуваат и стигнуваат во крвта, спречувајќи ја наглата појава на замор како резултат на хипогликемија. Затоа, тестенините се идеален оброк за спортистите и за активните луѓе.

Подготви: К. А.

/style/images/posledni.jpg

Последни коментари (вкупно: 0)

Прочитај ги сите коментари:

Напиши коментар:

име:
е-маил:

добивајте известувања за коментарите на маил
порака:

Плусинфо нема да објавува коментари кои содржат говор на омраза, кои дискриминираат по основ на родова, социјална, етничка припадност или сексуална определба, како и коментари кои повикуваат на етничко, верско, расно, национално или политичко насилство и нетолеранција.


ОСТАНАТО ОД РУБРИКАТА
ПОВЕЌЕ >>