Последна промена пред 7 часа | Петок 25 Април 2014 | 2 0

Екстерното тестирање се ближи, ама нема компјутер за секое дете

  • Објавено: 18.04.2013 13:13
  • Прочитано: 3841
  • Печати

Се ситнат недели, додека основците од четврто до деветто одделение и средношколците да седнат на „жешкото столче“, на екстерното тестирање што Министерството за образование и наука го најавува уште од 2009 година.

Според најавите, тестирањето ќе се изведе по електронски пат, на компјутери, со стандардизирани тестови. За да се провери техничката исправност на компјутерите, последниве месеци во неколку училишта во секој град се спроведуваше пилот-тестирање.

Главното прашање е, како учениците ќе полагаат ако се знае дека голем дел од компјутерите од проектот „Kомпјутер за секое дете“ се уништени, некомплетни или бавни. Од Државниот испитен центар објаснуваат дека дури и само една училница да биде опремена, тестирањето ќе се спроведе, бидејќи основците и средношколците ќе доаѓаат во етапи.

Сепак, оттаму тврдат дека само мал број училишта ги известиле дека немаат услови за да се спроведе ваквиот тип проверка на знаењето. Тестирањето ќе се спроведе од 27 мај до 10 јуни, а десетина дена претходно на учениците ќе им биде соопштена комбинацијата од два предмети за која ќе полагаат. Како што дознаваме, причината поради која уште не се открива кои два предмети ученикот ќе ги полага, е за да не се направи контраефект, односно, за учениците да не се фокусираат само на нив, занемарувајќи ги другите предмети.

Веќе почнаа да се печатат прирачници за екстерно тестирање по физика, со кои, според авторот Александар Котевски, можат да се самоевалуираат основците и средношколците. Во прирачникот има прашања за проверка на знаењето, со кои ученикот може да провери колку го научил материјалот. 

Наставниците што ги контактиравме, велат дека имаат оскудни информации. Тие имаат примарен контакт со децата и поради тоа, секојдневно од нив добиваат прашања на кои не знаат што да им одговорат. На форумите на интернет наголемо се коментираат поставените прашања што „им се паднале“ на учениците на пробното екстерно тестирање. Повеќето од коментарите се дека пробниот тест личел на оној за тестирање интелигенција.

Според пишувањата на тие корисници, меѓу поставените биле и прашањата: Како се вика личноста која е заљубена самата во себе?, Кој е „градот на светлината“?, Каква боја има рубинот?, Во која држава се наоѓа логорот Аушвиц?, Колку е 25 проценти од 1000?, Каде се доделува наградата „Златна Палма“, Како се вика војската на Александар Македонски?, Кој е хемискиот симбол за кислород?, Колку ѕвезди има европското знаме?, Кој е најмалиот град во Македонија?, Кои луѓе живеат во игло?, Кој ја нацртал Мона Лиза итн.

Матурантите ќе бидат поштедени од ова тестирање, поради испитот за државна матура. 

Учениците не се единствените што се возбудени од промените што ќе ги донесе екстерното тестирање. Ако оценката на тестот се разликува за една или за повеќе од една оценка од онаа што ја напишал наставникот, тогаш во сведителството на ученикот ќе му стои средната оценка. Наставниците за кои ќе се утврди дека премногу попуштале или дека ги наградувале учениците, најпрво ќе добие стручна помош од Бирото за развој на образованието, како и казна од плата. Потоа, ќе следува отказ.

Мирослава Симоновска

Не е дозволено преземање на оваа содржина или на делови од неа без дозвола од редакцијата на Плусинфо


 

Објавено: 18.04.2013 14:32

ezel:

eksterno ocenuvanje najgolem idiotizam na ministerstvoto za obrazovanie koe so toa testiranje saka da gi disciplinira nastavnicite da ne im tekne da shtrajkuvaat poradi loshite uslovi vo besplatnoto obrazovanie koe jas kako roditel ja kupuvam i hartijata so koja go pravat testot kade nema ucilishna ishrana pa decata jadat od sendvicari so losh kvalitet kade golemiot odmor samo kaj nas e 20 minuti kade deteto ne moze da otide da kupi neshto za jadenje ili da go izede jadenjeto zemeno od doma kade ucenicite vo sredno obrazovanie ucat bez knigi od skripti koj nikoj ne gi odobril i zamislete nikoj voopshto ne vodi briga za ucenicite koi ovie testovi im doagaat kako matura sekoja godina bez nekoj efekt pa da bile tie eksterni ocenuvanja dobri ke gi zadrzea i vo ostanatite drzavi od eu nemashe da gi ukinat samo nie uporno iako ustavniot sud ja ukina odredbata za eksterno ocenuvanje ovie od vmro dpmne za da pokazat deka ne gi esapat odlukite na ustavniot sud uporno butkaat proekt koj e na shteta na ucenicite a ministerstvoto za obrazovanie koe e glomazno i prepolneto so partiski kadri svojata nesposobnost i nestrucnost da go vodi obrazovanieto neka gi reshava problemite koi mu se prioritetni a toa se departizacija na obrazovanieto i kvalitetna nastava a ne ovoj buckurish koj e trenutno ama sega se silni 4 godini ne bea sposobni da go sprovedat eksternoto ocenuvanje pasega ke go sproveduvale od cetvrto odeleni pa do 3 godina sredno a da fatite eksterno da gi ocenuvate i fakultetite pa da vidime na koe nivo e tamu nastavata pa da gi kaznuvate profesorite i studentite ama ke ve molam da go isklucite zemjodelskiot fakultet vo shtip bidejhki tamu godinata ja zapisha herojot na vmro dpmne gospodinot johan tarculovski pa tamu ke nema potreba od ocenuvanje isto kako i evropskiot fakultet na bojo da gi ocenuvame li pratenicite koi ekspresno zavrshija i diplomiraa kaj bojo ama decava od 10 godini niv stravot od ocenuvanjeto ke im ostane a zamislete ke gi plashite i vo slednite osum godini po idiotski proekt zdravje

Напиши коментар:

име:
е-маил:

добивајте известувања за коментарите на маил
порака:

Плусинфо нема да објавува коментари кои содржат говор на омраза, кои дискриминираат по основ на родова, социјална, етничка припадност или сексуална определба, како и коментари кои повикуваат на етничко, верско, расно, национално или политичко насилство и нетолеранција.


ОСТАНАТО ОД РУБРИКАТА
ПОВЕЌЕ >>

/style/images/intervju-title.jpg

Гласајте без страв за да ја прекинеме оваа агонија

http://images.plusinfo.mk/kolumnisti/Stevo Pendarovski.jpg Објавено: пред пред 17 часа
Прочитано: 941

Стево Пендаровски