02 септември 2015
Вести денес: 100
    ВИДЕО Го здогледал убиецот на својата ќерка и го нокаутирал среде судница         Пожар на Водно, гори над Теферич (ВИДЕО)        САД: Да не се спречува автономното дејствување на специјалниот обивнтиел        Лајчак: Поради мигрантите се распадна шенгенскиот систем        СЕ: Европскиот систем за азил е во колапс поради политички причини        Камерон ги отфрли повиците Велика Британија да ги прифати бегалците        Средба Заев-Дезир: Спроведувањето на договорот од Пржино е од суштинско знаење        Именувани членовите на косовската Влада од редовите на Србите            
Skip Navigation Links
Останатo од Ѓорѓи Аврамчев
Нашиот Нерон
Нашиот Нерон
Ѓорѓи Аврамчев
Објавеново 11:14 27 август 2015| Прочитано 2881 | Печати


“Вистината за Македонија“ покажа, а специјалниот обвинител ќе докаже, дека оваа влада и Груевски како премиер веќе немаат мандат од народот понатаму да ја крчмат државава и нејзиниот имот на свои блиски пајташи заштитени во даночните раеви на Кипар, Белизе, Девствени и други острови, маскирани во Субрати и рој слични белосветски мангупи и идентитети, кои многупати во изминативе 9 години беа добитници на огромни државни тендери како единствени понудувачи. Впрочем таков мандат никогаш и немале, сами си го доделиле.

Нашиот Нерон

Кога веќе Субрата - брат е во притвор во Индија за измама вредна 4 милијарди долари, чудо ќе се случи доколку деновиве не се обидат експресно и Св. Наум(400 хектари најубава охридска обала) да го продадат на некоја од фантомските фирми во Лугано и Белизе. Плацот на Плаошник веќе си го лапнаа, па сега му е мајката се да се раскрчми и ништо да не остават задсебе. Сега државата максимално ќе ја одерат, ќе ја задолжат со нови странски кредити за панорамски тркала. Ќе отпечатат и обврзници за нови долгорочни позајмици од домашните банки, за да можат растрчани низ внатрешноста да ветуваат нови социјални трансфери, вработувања во прегломазната државна администрација, и зголемувања на пензиите, покрај банкрот пензиски фонд. Се во стилот на Нерон, “по мене- потоп“. Но ова лудило мора да престане (“ние сме луди“ ќе и констатира кумот Ставревски на Горде “шупрајш“).

„Техничка влада“, со осуммесечен мандат поделен на два дела и со нов премиер 100 дена пред избори, не смее да распишува тендери од над 150 милиони евра за клиничките центри во Скопје и Штип најавени деновиве. Оваа влада нема право да ги нуди под закуп ниту 4-те илјади хектари на Џумајлија, за кој неодамна Министерството за земјоделие објави оглас, а кои пак претходно во нетранспарентна постапка беа доделени на големиот странски инвеститор од Индија, “Сахара Груп“. По објавувањето на “бомбите“ од страна на опозицијата, оваа гарнитура на власт очигледно веќе нема никаков легитимитет да владее и следствено на тоа не смее да го оптеретува буџетот со непотребни партиски вработувања, не смее да купува гласови со социјални трансфери непредвидени во буџетот, и не смее во следните 240 дена да продава удели во јавни претпријатија, и да отугува или издава под долгорочен закуп државен имот. Политички е некоректно една јавно оспорена влада, итромански и “ласт минит“, да прави ребаланс на буџетот неколку дена пред враќање на опозицатајата во парламентот, договорено за 1-ви септември .

Со своите потписи на договорот од 2 јуни и протоколот од 15 јули, партиските лидерите констатираа и прифатија дека Република Македонија е во длабока политичка криза, а договореното е патоказ за излез од истата преку решавање на проблемите посочени од експертите на ЕУ. Груевски јавно, и со свој личен потпис на документот, призна дека тој и неговата влада се делегитимирани. По Пржино државата влезе во транзициска фаза (формулација на комесарот Хан), со што оваа влада се дефинира како транзициска (преодна), со единствена задача и цел да подготви, организира и спроведе, праведни, фер и демократски избори во април 2016г. Избори кои ќе бидат признаени од сите учесници во процесот и верификувани од меѓународниот фактор, како елементарна подлога за длабоките реформи кои не чекаат на патот кон ЕУ. Потпишувајќи го овој договор Груевски прифати дека резултатот на претходните избори е оспорен, и дека оспорената и преодна влада под итно мора да ги прифати забелешките за нејзината работа и пропусти наведени во извештајот на Европската комисија во однос на човековите права, владеење на правото, слободата на медиумите, партизација на судството, борбата против корупцијата итн. ВМРО-ДПМНЕ заедно со партнерите потписници, согласано упатствата и роковите содржани во извештајот на Прибе, должни се да договорат и спроведат итна постапка за корегирање на дефектите од досегашното функционирање на владата на Груевски..

Од тој ден, Груевски де -факто е само “технички премиер“ кој со договорот се обврза да демисионира до крајот на годината, а во меѓувреме треба да се придржува кон препораките на ЕК содржани во извештајот на Прибе. Тој прифати и се обврза заедно со другите тројца политички партнери (потписници на договорот), во работни групи мониторирани од ЕУ, исклучиво да работи на подготовка на следните избори , за чие одржување основен предуслов е исполнување и извршување на следниве дејства:

-избор на специјален обвинител кој ќе се справува исклучиво со обвинувањата за криминал на владата произлезени од снимките добиени како резултат на незаконски следење на повеќе од 26.000 граѓани од страна на петата управа на МВР раководена со веќе сменентите Сашо Мијалков и Гордана Јанкуловска.
- избор на нов ДИК и изготвување на нов реален и точен избирачки список
- договар на нов изборен модел најпогоден на спецификите на РМ
-департизација на правосудството и јавниот радиодифузен сервис
- укинување на државните стимулации за приватните медиуми во вид на владини реклами
-забрана за финансирање на политички партии од страна на приватни медиуми
-воведување контрола врз УЈП
- избор по предлог на опозицијата на нови министри за Внатрешни работи и Труд и социјала, како и тројца заменици министри-супервизори, со право на вето, во министерствата за Земјоделие, Финансии и Јавна администрација,

ЛДП апелира до СДСМ, ДУИ, ДПА заедно со пратениците на ВМРО-ДПМНЕ со консензус да донесат парламентарна одлука за забрана на сите трансакции, тендери, долгорочни закупи или отуѓување на државно земјиште или имот, кои владата има намера да ги оствари во престојниот преоден (транзиционен) период, до изборите во април, и формирањето на нова легитимна влада избрана на праведни, фер и демократски избори. Донесување на една ваква одлука е корисна и за ВМРО-ДПМНЕ како политичка партија, како и за мнозинството нејзини членови. Оваа партија не смее да биде заложник на груевизмот и криминалот на Груевски. Одговорноста мора да се лоцира индивидуално, а чесното партиско членство без хипотеки да продолжи политички да функционира, независно од судбината на Груевски и тајфата, кои по 15 септември ќе бидат предмет на обработка на “специјалниот“ Јавен обвинител.

Во меѓувреме Груевски во својство лидер на ВМРО-ДПМНЕ и во склоп на своите “редовни“ активности на еден вреден балкански премиер:- ќе пушта парно греење и ќе отвара школски прозорци; со мобилен в рака, на лице место пред селски чешми, ќе разрешува комунални проблеми; ќе организира пасоши на рака -“деливери сервис“ во Ростуше итн.; а се во својство на додворување на гласачите и изборна кампања на државен трошок која незаконски ја започна многу порано од законски предвидениот рок. Кампањата се однесува на изборите кои треба да се одржат на 24 април следната година со цел разрешавање на актуелната политичка криза, а за кои со договорот од Пржино е дефинирано, а тој прифати, дека ќе бидат праведни, фер и демократски, што ќе рече, сите учесници да имаат еднакви шанси, можности , и пристап до јавните пари и ресурси. Наместо тоа тој со неговите јавни настапи деновиве го погазува духот на договорот и се однесува како да не е ништо договорено. Тој како премиер во заминување треба да се посвети на имплементација на договорот од Пржино а не на негово кршење.

Затоа, со цел заштита на процесот на спроведување праведни, фер и демократски избори, пратениците мора да усвојат мораториум на сите трансакции на владата (вработувања, социјални трансфери кои не се предвидени во програмата, набавки, продажби итн.), се до именување на влада која ќе произлезе од изборниот резултат во април и со мандат да ја исполни изборната програма подржана на легитимни и легални избори.

 

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.



Прочитај ги сите 2 коментари

lisav
Da ne se zaboravi KONFISKACIJA na se sto e nelegano dobieno do vtoro koleno..(od deca ,zena, do vtori bratucedi) po moe mislenje ne e loso i smrtna kazna za zlostorstvo protiv narodot vo Makedonija
28.08.2015 10:33:37
Krste
Celosno ste vo pravo. SDSM mora da reagira i da se sprece vakvoto rabotenje na Gruevski. Poentata na dogovorot bese da se sopre vmro dpmne vo krsenjeto na zakonite a namesto toa, toj i predvreme ja zapocna svojata kampajna nebirajki sredstva za povtorno da pobedi. Ja zadolze drzavata i gragjanite celosno nevodejki smetka za idninata
27.08.2015 14:21:01
Напиши коментар:

Плусинфо нема да објавува коментари кои содржат говор на омраза, кои дискриминираат по основ на родова, социјална, етничка припадност или сексуална определба, како и коментари кои повикуваат на етничко, верско, расно, национално или политичко насилство и нетолеранција.

 

   
Страница: 1 од 46
За содржини постари од 15.10.2014 погледнете во нашата архива: arhiva.plusinfo.mk